الجمعة، 26 ديسمبر، 2008

امتحان اخر السنه 2008


كلامى ممكن يكون مش منطقى

ممكن كان قبيح واسف بجد

اى حد مكانى بيقولها بس فى سره

ممكن خوف وممكن عشان هو مؤدب وده غالبا

قبل اى حاجه ده امتحان صغنون كده على الماشى واجابته موجوده ؟
السؤال الاول :

عرف او عرفى معنى كلمه حزب وطنى؟

الاجابه سرقه نصب بلطجه عربجه تنفيض جيوب الغلابه اهوحكم والسلام والى قال انه وطنى يبقى كداب هو وثنى او كوسه او سلطات

السؤال الثانى ؟

علل

قتل اطفال فقر ومجاعات لايوجد خدمات وكوارث عام 2008 ؟

بسبب الحكومه طبعا ولو حد تانى يبقى احنا عشان نكدب وناخد نتيجه حلوه ماهى كوسه او محسوبيه

السؤال الثالث ؟

اكمل

الرئيس حسنى مبارك هيقعد لغايه امتى ماسك الحكم ..............

هيدفن وهو على الكرسى

السؤال الرابع ؟

حاسس انك مصرى

الاجابه لو كنت غنى او ابويا وزير او احمد عز

السؤال الخامس

السلطه المصريه تتكون من ؟

حراميه نصابين

وفى اخر الامتحان نقول الدرجه بقى من غير زعل 100 %

وهتدخل اقتصاد وعلوم سياسيه وتطلع تشتغل على ميكروباص راما خط حلوان 15 مايوه او تقف فىت مطعم فول لو تحب

هى دى مصر والنتيجه وساعه الامتحان يكرم المرء او يهان واكيد يهان يهان يهان

الخميس، 18 ديسمبر، 2008

يا اخى توكااااااااااااااا 3


ياريس هكتب كده على السريع كام كلمه اتمنى انك تشوفهم او تسمعهم

كام واحد جعان كام واحد بيتعذب

ياريس سيبك انا كارهك زى 80 مليون لو قولتهم اقفوا على جبل هيقولو ماشى مش خوف لا عشان تمشى وتسيبهم

يعنى ايه 28 سنه لا دول حبه بسيطه وياه بقى لو قفلت ال30 هقولك مبروك وهعمل فرح وكل المعازيم هيلبسوا اسود

اسود زى ال 28 سنه 28 كبارى صح ياريس عايز اتجوز ياريس عايز اكل ياريس توكا ولا انا اصلا قليل التربيه احااااااااااااااااااااا ياريس

اسف لاخوانى البلوجريه بس زهقت منه يعنى ايه الراجل ده عمل فينا زى سعاد حسنى فى الكرنك كلنا مش واحد بس

يعنى ايه مفيش تعليم يعنى ايه بلد يموت فيها الثقافه والفنون على ايد كبير كبراء الشذوذ فى مصر الاستاذ الدوك البروف ( فاروق حسنى ؟)

للاسف انتى فعلا تستحق كلمه الرئيس البوبو او الكنج لانك قدرت تخدع ال 80 مليون نسمه فى سنين كتير ياراجل بوش مقدرش يعملها

عارف لو ابنك مسك الحكم بجد هقلع وامشى فى الشارع ملط مستنى اى حد من ورا ضهرى افضل 100000 مره من انه يقلعنى لا انا قالع جاهز

بجد زهقت ياريس احنا خلاص قربنا نبقى منتهين الصلاحيه عارف ليه شوف تحت الكبارى الى بنتها بيحصل ايه تلاقى اطفال كتير نايمه ماسكين كيس جواه كوله عشان ينسى الهروب منك

بجد كفايه ظلم فينا كفايه 28 سنه مشوفتش غيرك طول عمرى كفايه الشعب يخاف من كلمه حكومه

كفايه انت بجد بكرهك لو شايف كلامى تبقى فعلا معندكش دم انك تسمع وتشوف وتسكت

ياريس هو الى خلق الكرسى ده مخلق غيره ياعم اطلع منها واجيبلك كرسى بسبع عجلات

بجد اسف 1000000 طظ

بجد اسف توكا

بجد اسف انا قالع وجاهز

مواطن مطحون

الجمعة، 12 ديسمبر، 2008

تلك القاهر (2)



تافه


اه تافه لانى بحب ارضى اه تافه لانى مصرى اه تافه لانى بدافع عنها بكلامى وحبى ليها سؤال انت بتحبها مش الموزه لا مصر


ياسيدى فكك من ده سؤال هتوه صح ولا مصر هى امى والى شتم امى يبقى ؟


ولا ايه ولا ايه ارجع واحكى عن حبى للقاهره تانى موافقين


عاشق ارضها ابتسم وانا ماشى جنب بيت قديم يدل على عمق التاريخ النيل مع الشمس مع ندى الفجر الذى يملء السماء


تنظر اليه ولا تريد ان تغفو تريد الذهاب الى السماء حتى تشعر انك قد وصله لقمه النشوه فى الحياه وهى الجلوس على ضفه النيل تنظر للسماء


والمطر يهطل عليك تراه قطره قطره تشعر وكانك على خط الاستواء تنشد اغنيتك المفضله بصوت عالى والسماء تتلألآ داخل عينك


ترى عجوز جالس ينتظر الفرج ومعه صناره ليمسك باحدى عشاق النيل اهل هى جنيه ام سمكه تظهر له السمكه وكانها جنيه من البحر


اتت اليه تنظر اليه ان يرجعها الى الماء حتى لا يفوتها منظر


سماء القاهره فى المساء ؟


لبرد القاهره شعور اخر

الاثنين، 8 ديسمبر، 2008

تاج بطعم اللحمه ؟


تاج جالى وكمان فى العيد هى ناقصه ؟

اه انا مكتئب بس ده عيد برضه ولا ايه ؟
التاج من عند دينا
ضحك ولعب وجد وحب يلا بقى نجاوبه

ماذا يمثل لك العيد ؟ وما أكثر شئ يبهجك في مظاهر العيد ؟

العيد يعنى حاجات كتير اولها نوم عميق وتانيها نفسى اخرج ومش بخرج ثالثا بحب اشوف العيال بترخم على بعض ةتلاقى طفل وبيعاكس بينت موزه بفرح جدا واقول مستقبل الرخامه فى مصر بيتتطور وده فعلا الى بيبهجنى .

اوصف لنا طقوسك في العيد .. من ليلة العيد لآخر يوم ؟

الوقفه بنام لحد المغرب واصحى افطر اروح القهوه اشيش خوخ غالبا مع قهوه مانو اروح اكل تانى ( طفاسه ) اتصل باى حد صاحبى غالبا حسين نروح نصيع فى اى حته واول يوم انااااااااااااااااااااااااااااااااااااااااااااام تانى يوم اقعد على النت والشارع واشرب بيبسى وسجاير بس اليوم التالت والرابع حسب التساهيل بس غالبا مش بخرج

احكي لنا أطرف موقف حصلك في العيد ؟

مبلاشى

كنت خارج فى العيد مع اخواتى وكنت صغنطوطجدا ووقعت فى نافوره وهدومى بقت طينه والناس كانت بتضحك عليه

يرضيكم كده

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

مش بهتم الا بساره بس

مين أول حد تزوره أو تكلمه في التليفون /الموبايل عشان تهنيه بالعيد ؟

طبعا ساره ومن الاخر مش بشحن فى العيد عشان ببقى رخم جدا

إيه الفرق بين العيد الحالي .. وعيد (أيام الطفولة )؟

كان فى الطفوله بيخلص بسرعه دلوقتى ممكن يقعد ساعتين زياده

تفتكر الحياة من غير عيد .. هتفرق كتير ؟؟؟

طبعا مش هتلافى لحمه كتير ولا هتاخد اجازه من شغلك عشان تعرف تنام ولا هتصيع

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

هى من ساره ومش هقولها عشان عيب وغير كده جالى رساله بتقول كل سنهوانت طيب يا اجمل قلب من نمره غريبه وحاولت اتصل مش بيرد غالبا موزه ؟؟؟؟؟؟

لسه بتاخد عيدية ؟؟ من مين ؟؟ وبتديها لمين ؟

مش باخد عديه ولا بدى اى مخلوق عيديه بس لو اولاد حنان اختى موجودين فى مصر كنت هبقى مفلس بس برضه حنان بتدينى العديه عشان مانكرش الجميل

إيه رأيك في التاج ؟

محتاج كرومبو عشان يحلوا

تحب تمرره لمين من المدونين ؟ اذكر على الأقل 10

محاولات للبحث عنى

ساعات ساعات

جنه

لا شى يستحق

حزينه

m k

حاسوبتيه

قلوب بتغنى

كلمتى

موجوده انا

وكل الى عندى واعرفه انا هفتكر مين ولا مين

كل سنه وانتم طيبـــــــــــــــــــــن

السبت، 6 ديسمبر، 2008

سجن ودم وعرق هديه العيد ؟ مسجون


فى الوقت الذى احلم فيه ككل مصرى ان ارتقى الى النجوم وامسك بالرمل هناك لارى

هل هو نفس رمال وطنى هل له نفس الهويه هل يظن نفسه داخل وطن ام

ام مسجون مثله مثلنا فى وطن لا يعلم متى يخرج منه او متى ينقضى الحكم

فى بلاد كثيره بها حروب انظر اليها بحقد احسد من يعيش بها

وكما قال المثل عيد باى حال جئت يا عيد

فياتى العيد وانظر الى النفاق الموجود داخل الشعب المهموم وهو بفرحه العيد ينسى

كانه عطشان وملقاش غير كاس كاس عذاب بطعم الفرحه

يتذوقه قليل منه تنسيه همومه تنسيه هويته يفتح الجريده

فى اول ايام العيد اول خبر كل الدنيا بعتت تهنئه القواد المصرى بعيد الاضحى

يا جدعان الخرفان الايام دى بتدبح هو هيدبح امتى

بجد زهقت

واه فرحان بالعيد

واه شربت من كاس لونه لون دم اهلى

وريحته ريحه عرقى

وطعمه فرحه خفيفه

بس مفهوش طعم البيوت

ياريس افرج عننا من السجن ؟
مواطن مسجوـــــــــــــــــــــــــــــــــــــــــــــــــــــــــــــــــن

فى الحريه

يا اخى تــــــــــــــــــــــــــوكا و 10000 تـــــــــــــــــــــــــوكا

الجمعة، 28 نوفمبر، 2008

خوف من داخل قبر يسمى بوطن


خوف كلمه بتعنى كتير اتكلمنا عنها فى حياتنا كتير بتيجى علينا لحظات نحس فيها ان مفيش خوف .

صح مفيش بس ازاى اعيش وانا مش خايف ازاى مخافش من كيان بحاله

امريكا . اسرائيل . روسيا . نظم سياسيه باكملها من الممكن انها تكون سبب خوفك

نبعد شويه ونقول صعب بس بخاف

تخاف من بلدك حبك ليها خوف عليها . مستقبلك ازاى

فكرت فيه

مش هتندم فكر بس مترجعش وتقول ياريت الى جرى ما كان ؟

مخفش ازاى من قانون من دماغ ابن العمده

ويقولك ايه سك الملكيه ؟

هل هو ده صابر الطيب بطل فيلم خالد يوسف طب ممكن نعرف البلد هتتباع لمين .

ولا مش من حقى مع انها املاكى .

افتكرت كلمه فى الاخر احنا كاننا هوااااااااااااااااااااااااااااااااااااااااااااا.

بجد هوا محدش بيحس بينا ممكن اعرف ازاى هاكل انا وانا ونص انا من سك الملكيه

طيب انا موافق ممكن سؤال صريح شويه .

انا هاخد كام واحمد عز كام ولا هنتساوى ؟

ياعم فكك انا هشرب سجارتى وانا خايف احسن اموت من الخوف ..................................

بصراحه طظ فى كل قانون ملوش لزوم

السبت، 22 نوفمبر، 2008

ارضيه شطرنج يا بلد


قبل اى حاجه بشكر كل الى سال عليه فى غيابى وفى حضورى واحب اوضح حاجه مهمه جدا لدودو صاحبه مدونه كلمتى بجد اخر بوست كتبتيه هايل جدا جدا واحب انى اذكر اسم اسم لكن هفتكر مين ولا مين العيله كبيره

قوى يا اخونا بس كلكم فى قلبى


المهم وانا بتشنكت كده مع اصحابى زى كل سبت واتنين فكرت انى انزل على النيل وفعلا روحت وانا هناك فكرت فى سؤال مهم

وهو مين هيحكم بعد بعد الى ربنا يقصر فى عمره ؟

هل اخوانجى ولا وطنى تانى ولا تجمع ولا ولا ولا ولا

المهم تعبت مش لاقى حد فيهم كويس زى جمال عبد الناصر او فيدل كاسترو مع ان فيدل كاسترو ساب الرئاسه لابنه راؤل بس برضى الشعب

الى هو احنا اسمنا شعب اه ومظلومين اه بس بصراحه حاسس ان المستقبل هيبقى اسود او بمبى او ابيض وياريت

عارفين مش احنا لوحدنا اتظلنا ولا الى بعدنا ولا الى قبلنا وقبلهم لا والف لا

المشكله فى حاكم يقدر يمشى وسط الناس تقدر تقولى مين هو ؟
بس التانى ربنا يخده ؟

ادعى

الخميس، 20 نوفمبر، 2008

اسف بس بعين واحده ؟



اسف للتاخير لكنها ظرف


ادعولى بالشفاء كنت بعمل عمليه بسيطه فى العين بس بقيت بعين واحده من بعد ما كانو اتنين ؟


بجد اسف تانى لكنها ظرف


البوست القادم مفاجاءه يوم السبت ؟

كيمـــــــــــــــو

الجمعة، 7 نوفمبر، 2008

العمده والشيخ فى حوار مشروخ ؟


هى الدنيا كده يا باشا

قاعد على دكه لابس عمه وجلابيه وشال وشنبه شنب بارم ديله يقف عليه الصقر يرفع لى الشيشه ويشــــــــــــــــــــــــــــــد نفس معسل سلوم نوع مصرى اصيل يجيله ابنه بيجرى ويقوله

يابا يابا العيال فى البلد جالولى انى هكون عمده بعدك ؟

هو انت هتموت امتى يابا ؟

العمده ؟

اجرى ياواد العب بعيد ال عمده ال وانا هنا بعمل ايه يا شيخنا قوله

رص حجر بسرعه ياواد وخلى الفحم حامى !!!!

عمال يشد ويشد والدخان حواليه مخليه مش شايف من كتره

الشيخ ؟

بقولك ياعمده انا سمعت ان فى قريه حدانا قريبه كده اسمها اميركوش عمله انتخابات للمره المليون وكانت حلوه كده واختاره عمده جديد

العمده : ايهى !

الشيخ: ياعمده ده ده الخامس من يوم ما انت بقيت عمده علينا ربنا يزيدك ؟

العمده : عارف يا شيخ هما الناس الى فى امريكوش دى مش حاسين بالنعمه الى انتوا فيها عشان كده بيغيروا حكام كتير لكنى عادل

الشيخ فى سره : يا اخى توكا

العمده : فى حاجه يا شيخ

الشيخ : لا يا عمده كنت بقولك الواد واد اختى

العمده : ماله

الشيخ : عايز يفتح غرزه ومعهوش ترخيص

العمده : خليه يفتحها ونباركله

يشــــــــــــــــــــــــــــــــــــــــــــــد ويشــــــــــــــــــــــــــد واحنا دخان ؟

دخان للبيع

الأربعاء، 29 أكتوبر، 2008

تلك القاهره .

اتاخرت اه انساكم لا والف لا لما بعدت عن البلوج لمده اسبوعين بس حسيت احساس غريب وهو انى مفتقد العائله جدا بجد بجد اسف اسف ـــــــــــــــــــــــــــــــــــــــــــ وارجو تقبل اسفى
نبتدى منين الحكايه مش عارف ارغب فى شىء جديد لكن اين

دخل الشتاء واخيرا تذوقت طعم المطر
اركب المترو وهى المواصله المفضله لدى انظر الى جميع الوجوه بجانبى ارى طعم الانسانيه المصريه بحق
فترى من هو متحاذق ويكره رائحه العرق ومن هو منهك من عمل شاق طول اليوم وشاب فى اذنيه هيدفون
وهناك ايضا شباب وبنات فى وقت خروجهم من الجامعه متوجهين الى منازلهم لكنهم لايرغبون الذهاب الى المنزل
يريدون تكمله اليوم مع بعضهم فما افضل من الصداقه وترى بدله وفى يدها شنطه
هاند باج واليد الاخرى موبايل احدث موديل وفى الجانب الاخر ترى جلباب يحمل شوال به الكثير من العرق
تلك القاهره من رائحه عرق الى افضل انواع البرفان لكنها ثقافه بلد او عاصمه فيها كل شىء تريد ان تراه
بامانه انا من عشاق القاهره فى وقت ليس بليل او بالنهار كما يقولون لكن تنويه ارغب ان نعامل الجلباب مثل البدله
فكلها كسوه ليس اكثر
المطر ينزلق على زجاج باب المترو وانا الهو باصبعى عليه وارغب فى النظر الى السماء داعيا الله بكل ما فى قلبى .
تلك القاهره
محمد كمال

الجمعة، 17 أكتوبر، 2008

ازاى وامتى وليه


ازاى وليه وامتى

ما هى معنى كلمه حكومه ؟

حكومه يعنى عربيه واعو اعو وااااااااااااااااااااااااااااا وكده ولا ظابط لابس ابيض فى ابيض وعلى كتفه نجمه دهب وهلالاين والتحيه للهلال والنجمه ولا امين شرطه اسم الله ولا دبلوماسى على راى المرحومه سعاد حسنى ولا عسكور زى عساكر الشطرنج ولا ولا ولا هما واحنا مين هما الامراء والسلاطين واحنا الناس بالطول والعرض هما بياكلوا حمام وفراخ واحنا الفول دوخنا وداخ ولا ايه هل الحكومه ملك ووزير او ( زير ) وبعده الخخخخخخخخخخخخخخخخخ هنتعب فى حاجه اسمها تراب الميرى سمعت عنها بتقول ايه الميرى ميرى برضه حتى ولو ساعى فى مكتب ياخى توكااااااااااااااااااااااااااااااااااااااااااا و 100 توكا على ده زمن ودى حكومه وده ميرى الى بيخلى الى معاه فلوس معاه سلطه سمعت فى مره من المرات لو هتحب تدخل شرطه عشان تبقى ظبوط تتدفع من 50 باكوا لبان وانت طالع ولا اقولكم الافضل لو ممعكش فلوس معهد امناء الشرطه لو هتقدم ادفع 5 بواكى وهتدخل على طول ولو هيتوصا عليك جوه يبقى 3 بواكى والشعب يطرقع واللبان على قفا الباشا والبيه وانا بصراحه من الجوع الاندر وير بتاعى بان من كتر لزق اللبان عليه من فتره كنت كاتب فى مجله عشرينات اكيد عرفينه مجله عشرينات كنت شغال هناك صحفى بس كنت منحرف شويه كتب موضوع عن امناء الشرطه اتكلمت مع ناس قدمت وفشلت والحقيقه مش اتكتبت عارفين ليه عشان تدفع تدخل وهى دى الحقيقه

يا خىــــــــــــــــــــــــــــــــــــــــ توكــــــــــــــــــــــــــا توك توك توك ــــــــــــــــــــــــــــــــــــــــــا

كان نفسى اكتب فضفضت اسف

الخميس، 9 أكتوبر، 2008

ال ايه ؟ wanted


اول مره احس انى فعلا بتخانق او فى موضوع خانقنى مش عارف ليه نا بكتب البوست ده بعد المشكله ما حصلت بحوالى ساعتين يعنى نتكلم بقى فى المهم زمان كان نفسى ابقى مناضل او اضرب اى حد تبع الشرطه ولا اله الا الله ربنا حققلى امنيتى بجد بلاش نحرق لموضوع وهحكى الحدوته توته توته ؟
كنت ماشى فى الشارع زى اى مواطن عادى ودخلت القهوه سلمت على واحد صحبى واتكلمنا شويه وسبته وقومت عشان كان عندى مشوار لازم اعمله ولسه خارج من القهوه طفلين معرفش طلعوا منين

كل طفل ماسك كيس زباله وشكلها زباله زباله بجد يعنى وهباااااااااااااااااااااااااااااااااااااااااا ارمى يلا الكيس وكان الكيس جاى عليا روحت انا اتحركت عشان ميلمسنيش

المهم الكيس مجاش نحيتى نهائى بس راح زى مالعيلين عايزين تمام فى وش الشخص الى بيسوق العربيه الفخمه الى كانت ماشيه جنبى وانا عادى جدا كملت طريقى ولقيت العربيه ركنت ونزلت شخص ولقيته بيشتمنى ومعاه اتنين جاين معاه ولقيته هيضربنى كمان طبعا انا عملت فيها عنتر واظهرت شجاعتى وروحت مسبق انا بالضرب والى سبق اكل النبق المهم واحد اسمه حسام سواق تاكسى سمع الصوت راح يبص لقانى انا وهباااااااااااااااااااااااااااااااااااا مسك الراجل وهاتك يا ضرب بالاقلام وفى ثانيه لقيته بيقول انتم مش عارفين انا مين وصاحبه مسك التلفون وبيتكلم ولقيته بيقول انا عمى يبقى وائل طاحون ( مأمور قسم المطريه ) حسام سواق التاكسى قاله لفظ مش هينفع اقوله طبعا

حسام هرب بالتاكسى وبعدها بثوانى لقيت الامناء بتوع القسم واقفين جنبى وكانى قاتل قاتيل الراجل عمال يزعق ويقولى مش هسيبك وانا لسه زى مانا فرحان انى ضربت شخص تبغ الحكومه بجد المهم فهمت انه شغال فى نيابه المطريه وهباااااااااااااااااااااااااااااااااااااااااا انا عمال اضحك وحاسس انى خلاص هتمسك وهاخد علقه موت جوه القسم ولكن ممكن اعمل فيها روبن هود واحرر المساجين من عذاب السجن المهم نكمل الراجل ده ولا عجبه يمين ولا شمال وعمال يزعق فى امين شرطه بيقعد على القهوه اسمه رومانى والله فيه الخير معجبوش الكلام راح هو كمان زعق معاه وبقينا بدل اتنين حوالى 5 مطلوبين القبض عليهم وحاسس انى بكره هيتكتبلى ورقه تتعلق فى ارجء المطريه مكتوب عليها wanted لكن نكمل لقيت صاحبه بيقولى امشى والامناء بتوع القسم قالولى كده برضه امشى روحت مروح وكما لم يحصل شىء ولكنى مطلوب القبض عليه ؟

وعجبى على الضحك بجد اخيرا ضربت حد من اتباعك ياريس

اول ضحكه ليا كده النتيجه بقت كام

99 /1 ليك بس انا قريب موت

لو تقبض عليا النهارده بجد يبقى نهار امه اسود عشان حبايبى البلوجريه هيفضحوا امه طبعاااااااا ؟

نهاركم سعيد

روبن هود

الموضوع ده حصل فى شارع البلسم المطريه الساعه 7 ونص

امام قهوه العوامه

الخميس، 2 أكتوبر، 2008

وطنى اتريد ان ابكى """



حينما اعشق الوطن حالما بوطنى حالما بوطن ابى كما كان يحكى عنه يحكة كم كان رغيف لعيش متوافر يحكى كم كانت الحياه سهله


يحكى ويحكى


يجعلنى افتخر انى من تلك الارض لكن هى من الممكن ان احلم انى قد اكون مصرى حقيقى ليس مصرى بالورق ليس مصرى وانا لا امتلك شبر منها وهل لانها اصبحت بلد الاغراب


غير معقول ان نقول ان الرئاسه اصبحت لشخص غريب لكن فى عصر الاتراك كانت الحياه جميله فكان اجدادى ياكلون ويلهون ويفعلون ما يحلو لهم وايضا يناضلون من اجل حقهم فى ارضهم لكن الان ارى وبعينى الصغيره الضيقه ان عصر الاحتلال الخارجى كان افضل مليون مره من عصر الاحتلال الداخلى


وطنى هل ابكى عليك ام انتظر الفرج


وطنى هل تريحنى وتقول لى ابقى فهى ارضك احمها


ام ستقول لى امشى فهى اصبحت ملك لمن يملك فقط


وانا كما تعلم كما خلقنى الله لم يعد لدى ملابس


اسف للكلام لكنك اصبحت وطن من يملك كل شىء


من يملك المال فى ذالك الوطن يملك السلطه وانظروا الى الاخ الكريم احمد عز


اسف اسف لكنى اريد انى احيا على وطن كما قال لى والدى عنه


وطن يجمع من يملك ومن لا يملك ؟


وطنى ــــــــــــــــــــــــــــــــــــــــــــــــــــــــــــــــــــــــــــــ عجبى "
ابن الوطن محمد كمال
للاسف انا مش محبط ولا مكتئب لكن عايز حقى

السبت، 27 سبتمبر، 2008

يا ريس لامؤخذه طظ


اكتب البوست وانا بشرب سجارتى المفضله سجاره عليها صوره حمدى بلال صاحب الضجه الشهيره فى مصر بل اصبح ملازم لكل شخص فى البلد واشهر من الريس ابن ؟ ولا عيب .......... بعد التحيه وبعد السلام اكتب اليكم وجوه دماغى بفكر هيكون ايهرايكم فى المهذله

ايوه مهذله من سنين كتيرقبل ما اتولد انا كده بحوالى 40 سنه سمعنا عن حريق هائل حريق القاهره وهو اشهر حريق فى تاريخ مصر لكن الحال هيتغير والى مش مصدقنى يقولى مش مدقنى ليه وانا معايه دلائل عارفين ان تعداد سكان الحى الخامس اقل بكثير من حوادث القاهره فقط ههههههههههههه مش نكته لكن احساس عموما ندخل بجد فى الموضوع كام حادثه فى الشهر ده 3 اولهم حادث الدويقه والحكومه لا حول ولا قوه ملهاش ذنب الذنب ذنب الكلاب الى معهمش فلوس يعيشوا فى قصور ولا حتى فلل ولا ايه حد عنده مانع ايوه كلاب لما يموت حوالى 150 بنى ادم تحت انقاض انهيار جبلى تبقى ايه مش مهذله فين الناس الى موجوده فى مكتب الحى الخاص بالمنطقه عشان يحسوا على الاقل ان فى حجر صغنون هيكعبل حجر زى ابوه ويقوم يقع يموت الناس اقصد الكلاب اسف دى ؟ دى نمره واحد

انما بقا الحومه اتسترت على الخبر ان فى قطر متجه الى الاسكندريه وكالعاده يطلع القطر من على القضبان وللاسف مفيس اى جرحه ولا موتى عشان نخلص بقى من الزحمه الناس دى هتعمل ايه ولا ايه نمره تلاته حريق ضخم فى المسرح القومى وحتى الان عدد الجرحى 8 فقط لاغيرطب امتى هيموتوا هيموتوا من الغيظ او من الفرسه الى جواهم ونرجع بالزمن شويه هنلاقى حريق مجلس الشعب ومجلش الشورى وكان حريق كبير برضه يلاهويز الحقى يا حكومه ده حتى مياه النيل منذ سنه 1959 لم تزداد حصه مصر فى المياه ههههههههههههههههه مش قادر بضحك بضحك وهموت من الضحك الميه دى كلها هتكفى تطفى كام حريق ونمشى شويه لورا وحادث مترو الانفاق ( الانجوب كما كنت اطلق عليه وانا طفل ) افرخى يا حكومه المترو عمل حادثه هو كمان وكام واحد مات وكام واحد عايش متعدش يا ريس وايضا حادث حريق مسرح بنى سويف وبرضه فى حادثه فاكرها كويس امبوبه الغاز عند ام احمد جارتنا كانت بتسرب واحمد كان بيولع سجاره فى الحمام وهبا جون ياريس النتيجه حتى الان البرازيل 23 / 0 اسمنت اسيوط اقصد الحكومه والشعب الغلوبه

نتكلم شويه عن حمله حمايه الطاقه وفر ومتعيش زى البشر لانك كلب ومع اننا عندنا السد العالى وكام مفعل للطاقه وبنصدر طاقه بس احنا مين وهما مين احنا كلاب فى الارض واسف للشيخ امام للتغير بس لازم كان يتغير الكلام من ساعه ما حكمها وسيبكم مفيش احلى من عيشه الحريه انا حر كده لا مؤخذه ياريس انا مش مصرى حتى لا تحكمنى انت لكن انا مصرى وبحكم نفسى لايهمنى حكومتك ولا رعيتك اقصد البهوات

للاسف بلد بتاعت شهادات ؟

الاثنين، 22 سبتمبر، 2008

تاج بمعنى انا


التاج ده جالى من بلوج اجمل ايامنا بجد بلوج جميل وشكرا جدا لصاتحبه البلوج اختكم فى الله ؟
نبتدى ولاشويه لانى خايف اكتبه لانى كتبته وقبل ما اسيفه النور قطع فيلا بقى وتوكلنا على ربنا ؟

1- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟

انا مرهق بدرجه جيد جدا وهموت وانام بس هنعمل من الشغل للبيت ومن البيت للقهوه ومن القهوه للبيت ومنها للشغل ؟

بس بجد تعبان بس مرضى مش معدى
2-الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟

على ما اظن لا لانى صريح فوق اللزوم والناس بتحب المجامله وانا ضد المجامله لانى مش منافق مبعرفش اكذب احيانا ؟

3-الحاله العقلية بمعنى هل تشعر ان عقلك يعمل ولا حضرتك منيم دماغك ؟

عقلى زى عقل الطفل لدرجه انى بتكلم وانا نايم من كتر التفكير بتعب احيانا وبقول لنفسى هو انا ليه بفكر

4-الحاله العاطفية مش محتاجة تفسير ومش عايز استعباط ؟

كل الى متابع البلوج عارف انى مرتبط بروحى ساره عاطفيا بس مش مخطوبين وادعولنا

5-الحاله الروحية بمعنى هل علاقتك بربنا كويسة ولا الكلام على ابو لهب ؟

هو مش ابو لهب ولا الشيخ الشعراوى لكن علاقتى بربنا ده خاصه جدا بنفسى

الخمس اسئلة اللى جاية دى اسئلة متنوعة

الاول : اكتر عيب فيك ونفسك تتخلص منه ؟

انى لو عايز حاجه هتجنن عشانها وكتير بفشل وبكره الاكتئاب مع انى صديقى اللدود

الثانى : ايه الحاجة اللى عملتها وندمت انك عملتها قوى ؟

ايامى الى فاتت من عمرى من غير ما افكر اعمل حاجه

االثالث : اية الحاجة اللى لسة معملتهاش وحتموت وتعملها ؟

انى اكون انا مش حد تانى بمعنى احقق نفسى فى حاجه بحبها

الرابع : اكتر دعاء بتقوله وبتردده دائما؟

اللهم اغفر لى ولوالدى

الخامس : لو عرفت انك هتموت دلوقتى وقالولك اخر حاجة نفسك فيها ايه ؟

انى اقول لا اله الا الله محمد رسول الله وان ساره تكون جنبى عشان يبقى اخر حد شفته عينى

اخيرا التاج خلص

عموما بهديه لكل الى هيرد ويعلق بس بجد ارجو منكم تعليقات مش مجاملات

للعلم الصوره الى فوق دى صورتى محدش يخاف منها

الأربعاء، 17 سبتمبر، 2008

اين ؟


الان احسست انى قد بلغت المئه عام لا اعلم لماذا هل هى الظروف ام هى الايام التى لا ينفع البكاء معها بشىء

اجلس وحيدا لا اريد ان افعل شىء النظر الى الارض ولكن الارض تبدو لى كشريط قطر يمشى ومعلق عليه صورى واحداثى منظر منظر تراه عينى ارى المنظر وياخذنى التفكير ياخذنى الى ذلك الزمن فارى نفسى افعل اشياء كنت ايامها راضى عنها لكن فى الايام تلك لا ارضى عنها فهل ستصبح كابوس ام هى ايام ومرت وتاتى بعدها صوره فيها انا ايضا وانا اناضل فكم كنت متحمس كم كنت خيالى كم كنت ما ابغيه اسعى لاجله ويصبح بيدى وكم كنت اخاف من اشياء لا اخشاها وانظر الى باقى الصور ارى كم كنت شاب وطفل والان وعمرى اقترب من المئه وواحد لكنى طفل طفل فى حب ساره طفل فى حب وطنى كم انا مشتاق اليهم فوطنى ابعد لى من الحدود وساره لم نتقابل منذ اول رمضان نظرا للظروف لكن من السهل ان تاتى الايام ونتقابل لكن وطنى كيف الاقيه ومتى واين اسئله كلنا نظرحها على نفسنا هل الوطن موجود هل فعلا نحن موجودين داخل صندوق ننتمى اليه ولا نريد الخروج منه ولكن البعض منا يرى ان الهروب منه افضل من العذاب داخله

اصبحت اكره الاكتئاب واريد الحياه فاين هى هل فى وطنى ام فى ساره ام بداخلى ؟

الاثنين، 8 سبتمبر، 2008

كل سنه وانت طيب ياريس يا ؟


زمن الكابوتشا بجد اه او زمن الخص وكله بيجيب اسهال والبامبرز خلص من السوق واحنا اصلا عاملين مقاطعه وبنستعمل المنتج المصرى الى بيسرب وبيعمل تسلخات بجد اه يازمن سمعت خبر الدويقه وبامانه كده عادى ولا اثر لانى اخدت على النصايب فى البلد دى وشويه اسمع خبر سجن اسيوط والمهزله ومن الاخر المساجين على حق وافتكرت فيلم سلفستر لما كان مسجون والمامور فضل يعذب فيه بس مامتش وشويه وتسمع ولا اقولك هسمعك احلى خبر فى الدنيا ممكن تسمعه ان السد العالى الى بناه المصريين بجهد وعرق وعبد الناصر تعب وكافح عشانه وعبد الحليم غنا وقال قولنا هنبنى وادينا بنينا السد العالى ( مش الحضرى ) للاسف السيد رئيس مملكه مر المتحده مع اليهود مشغل فى السد العالى خبراء اسرائليين وسمعنى سلام رافت الهجان و جمعه الشوال وفى الاخر العميل 1001 وكمان سمعنى سلام رجل المستحيل رجل المهام الوسخه عارفين انى والله بضحك وانا قاعد اكتب البوست يا جماعه الخبر ده على مصراوى وبجد مع انى فرحان جدا وسعيد الايام دى محبتش ازعل نفسى وقولت عادى ما هى بقت كوسه والى زرعنها خبرا اسرائليين اصلا لا بنعرف نزرع ولا حتى نبنى يا ريس يا ريس انا وساره عايزيين نتجوز ممكن تدينى ربع المرتب الى بيخدوا الخبير الاسرائيلى الى بيعرف اكبر اسرارنا ياريس ساره مقاس رجلها بقا 52 من كتر اللف على الكورنيش ومش بنقزز لب عشان غالى ناس كتير هتقولى انت احبط تانى هقولهم لا خلاص بقت عاده ايه الجديد اننا عايشين مع يهود وايه الجديد لما نسمع اخبار فلسطين والعراق ولبنان والشيشان والسودان وليبيا وايران بجد ياريس انا كويس ومهيس وبسمع اغانى بسمع احلى اغانى كمان اغانى حب حب لمصر حبى لساره حبى لاهلى ومش زعلان واعمل الى انت عايزه وانا وانا بفطر كل يوم صدقنى من غير حلفان بدعى عليك وعلى امك يا ابن ؟ ولا حرام رمضان بقى

كل سنه وانت طيب ياريس

الخميس، 21 أغسطس، 2008

نضحك على روحنا



مع ظلمات الحياه بعيش هى متضحكش ليه لكنى بضحك على نفسى واقول لنفسى عيشى كلها يومين وتقضى لكن اليومين دول هتعمل فيهم ايه يازم قولى تسيب الدنيا تخنقنا من جنيه مطحون لمواطن كادح يموت يعيش كادح حاسس كانى ورقه واتحرقت وطايره فى الهوا محروقه فى وسط فراش الوان واشكال لكنى فى الاخر ورقه ملهاش اى قيمه لانى ذنبى انى اتولدت فقير اتولدت فى مصر اتولد عربى اتولدت مسلم اتولدت وبعدها كبرت بدلع لانى طفل وابكى لانى طفل واضحك على نفسى وهبلى لانى طفل واكبر وادخل مدرسه حكومه كلها ولاد ناس ماشيه تحت الحيط بعد ما الحيط اتهد علينا وعليهم وعلى كل واحد عش فى بلد ليست للفقرا بل الفقرا لها ولحكمها خدامين لكن جوانا سلاطين وملوك ولكن بنضحك على نفسا المدرسه فيها عيال والريحه بيرسول فعال لكن عادى ما احنا ولاد 9 ولا ايه هنموت نعيش كده والناس بتاعت زمان عايزينا نكون جيل المستقبل بتاع خالو جمال لكن للاسف احنا شباب مقرح دار علينا الزمن واخد من كل واحد فينا حته من جحوه قلبه وساب له دنيا مش حببها كارهه اخره يا فاشل يا ناجح واتسجن لانه ملوش ضهر وعجبى على ده زمن ودى بلد ودى مدارس وده تعليم وفشلى ورقصنى على مزيكه الناجح ينزل ايده وهتلاقينى متعلق من ايديه برقص على سلم خشب فى بيت قديم والعنكبوت دخل جوه عينى غماها بلد مهما عملت فيها بتحس انك فاشل صحيح ؟


مش لاقى نفسى


محمد كمال

الجمعة، 8 أغسطس، 2008

يا اخى توكا 3


اركب الحنطور واتحنطر لوحدى فى الهرم ان كان فى الكورنيش برضه ماشى وهتفسح وافرح جدا بس ؟

بس ايه محدش عارف برضه هيطلعلى امين شرطه اسم الله رخم وفاكر نفسه دبلوماسى هيقولى رخص الحمار وهرد واقوله نعم يقوم قايلى طب ليه الحمار مش لابس اندر ورور طبعا ملقتش بمبرز حجم حميرى المهم يلف حوالين الحنطور ويقولى مفيش مثلث انتظار ارد واقوله لا الاقى غرامه مثلا 60000000 الف جنيه بلدى وسجن مدى الحياه او اعدام ؟
قانون قانون ايه يا اخى توكا بجد من ساعه ما سيدنا القانون مشى الاقى امين شرطه حقير حقير حقير " حقير " بجد يوقف عربيات ميكروباص تاكس ملاكى مهكع او حتى الحنتور بتاعى ويا سلام لو تكتك يقوم الراجل السواق الغلبان يدفعله من بريزه كبيره ( 100 جندى احمر )او اكتر لان لغه الشلن اتلغت عندهم لكن عندنا موجود المليم الاحمر برضه زى الجنيه وعلى راى اغنيه لواحد معرفه اسمه مودى راب مين فينا مخرجش من بيته جيبه فاضى من فينا مكنتش المرمطه عنده عادى وصدقت ايها الغلام

بلد كوسه تخيل هو عمل القانون ده ليه عشان ال ايه احنا الفقرا ملهمش حق انهم يركبوا عربيات ازاى تتساوى الرؤس يعنى تخيل ان ابن احمد عز بتاع الحديد راكب العربيه وماشى وفجاه يبص من الشباك يلاقيك انت وعربيتك المقرحه جنبه ساعتها هيكتئب او هيحبط او ممكن يجيلوه زهيمر وهتكون انت السبب فحرام عليك وعليا الضغط على منهم لله صحيح افتكرت فى واحد فى الشغل قالى نكته عشان اقولهالكم

الريس بيقول للوزاره ايه

الى مش هيجيب فلوس يقعد فى بيتهم احسن

والله راجل بيفهم

المهم وزير التعليم هيخلى المدارس يوم 21 شهر رمضان ابقوا قبلونى لو حد راح واتعلم بجد قفايا وجعنى وحاسس انى هموت ولو هعيش اعمى بجد افضل ميت مره من انى اكون مفتح واشوف ازاى الناس بتتذل وانا معاهم يا بلد ؟

للاسف بلدى وميصحش

اشوفكم على خير فى البوست الى جاى واتمنى لكم اكتئاب سعيد او احباط

الأربعاء، 30 يوليو، 2008

من نظيف ال موت الرغيف لسليمان ؟ الله يرحمنا












من الاول كده هقولها بقالى فتره غايب اه






بقالى فتره مش برد على حد اه لانى ندل اه بس للعلم كلكم موجودين فى قلبى لانكم اكتر من اخواتى






تانى حاجه حد فيكم سمع فضايح اخر زمن من بعض الفضايح فى كل دوله فى العالم بسمع عن رئيس مرفوع عليه قضيه لانه عمل وسوى واحنا هنا بيعمل وبيسوى ويشوى كمان ومحدش منا حاسس بحاجه عارفين ليه تخيل انك جبت خروف وحشيته ومسكته وسويته مش على نار هاديه لا على فحم هيبقى طعمه ايه هو بقى بيعمل فينا كده منه لله واخد شقه فى العباسيه ثمنها شهريا 6 جنيه ومش راضى يسبها من حوالى 40 سنه متعرفش ليه على راسه ريشه ولا يمكن لما يسيب الحكم يبقى يلاقى حته يقعد فيها زى صديقه جاك شيراك كده مثلا وممكن اعرف هو وزير القضاء العالى اخد كام عشان قضيه العباره تبقى فشنك ولا ايه ولا ايه وممكن اعرف ليه احمد عز محتكر السوق المصرى لحديد واحنا مش لاقين ناكل حتى زلط سيبك من ده وده بيقولوا نظيف هيسيب رئاسه الوزراء وبصراحه كده فرحت جدا وتخيلوا مين الى ممكن يراس الراسه بداله :: عمر سليمان :: الى ربنا كارمه وراكب عربيه روز رايز لونه سماوى موديل 2008 تانى حاجه ده يبقى مدير المخابرات العامه المصريه والاهم شكله كده زى الراجل الى اغتصب سعاد حسنى فى فيلم الكرنك من الاخر لنا الله وكل واحد يبقى يخلى باله من الاندر وير بتاعه فى زومن عمر سليمان ؟

الجمعة، 25 يوليو، 2008

تاج وتاج وراسى وجعتنى بجد ؟



انا جالى تاجين والاول كان من اسراء صاحبه مدونه دواير والتانى من دينا صاحبه بلوج ضحك ولعب وجد


التاج الاول بيقول :


اذكر 6 اسرارقد لا يكتشفها من يقابلك لاول مره ؟


1: انى رخم


2: انى عشوائى


3: انى بحب الناس كلها وبحب الرغى


4:انى ممكن اتعامل معاه بكل ثقه او اعطيه صقه عمياء


5: انى بكتب البوست ده حالا


6: لو بنت ممكن احبها فى ثانيه ؟


هوائى بقى


::::::::::::::::::::::::::::::::::::::::::



التاج التانى


1: اذكر 16 صفه عن نفسك ؟


مجنون عصبى رخم دمى تقيل بموت فى المكرونه وان الى بحبه اعطيه كل ما املك دون اى خوانه احب الخيانه من جانب بعض الاشياء واكرهها اذ دخلت محور الجد مقتنع بدماغى ومحبش البس دماغ حد


وبحس بملل فى ثانيه لانى متقلب المزاج


2: اذكر احلام تخص ماضيك كنت هتتخلى عن ايه وحققت ايه لحد دلوقتى ؟


اول حاجه الاحلام زى اى حد يكون معايا فلوس واظبط حال كل الناس الى فى حياتى والى مش منها


تانى حاجه انى اعمل فيلم وثائقى عن شىء معين واعمل معرض خزف ونحت


واخيرا اكمل الرسمه الى رسمتها من سبع سنين


حققت ايه ولا حاجه ونفسى اكمل ايه لحد دلوقتى وهموت واعمله الفيلم *


3:اذكر شخصين على الاقل موجودين فى حياتك وكنت تتمنى وجودهم من قبل ؟


احمد نصر جوز اختى حنان صاحبه بلوج حنه


البلوج بتاعى لانه فعلا شخص بحب اكون معاه دايما


4: اذكر شخصين غير موجودين فى حياتك وتتمنى وجودهم مستقبلا فى حياتك وحياه ولادك ؟


ام اولادى طبعا لانها لو جت هيبقى فى اولادى ولا ايه


تانى شخص هو انا الحقيقى مش المكتئب دائما


::::::::::::::::::::::::::::::::::::::::


اخيرا بشكر كل البلوجريه اخواتى وحبايبى فعلا وبتاسف عن التاخير السافل الى بتاخره لكن ظروف والله


وبهدى التاجين ل


قلوب بتغنى شيماء


وسنو وايت


ورحيل


ودودو بلوج كلمتى


ومنون موجوده انا




الخميس، 10 يوليو، 2008

شنطه المشاعر ؟


يئس خوف غضب شجن حب ضحك لعب ...................... الخ كلها مشاعر هنحطها جوه شنطه ونرميها هتحس بايه مش هتلاقى احساس ليه لاننا بشر تدوس علينا نزعل وتدوس علينا نفرح البدايه رخمه فى الكلام لكنها فى الاول والاخر بدايه لخبطه الافكار التجارب وكل شىء هين لكن تلخبط عقلك اصعب هدوء نسبى بعد سماع فيروز ومحمد عدويه ولكن متى تحين ساعه انتظار القطار الذى ياتى بشنطه المشاعر كيس ملىء بالمنيات ملى باشياء نحتاجها ولكنى فى الاخر بشر ؟
انا تايه بجد ؟
مش عارف اقول ايه تانى بجد ؟

الخميس، 26 يونيو، 2008

طفل


طفل ام جنين ام شىء خلق ليداعب الارض من فوقها يقفذ حتى يمسك ملامح السما الزرقا وهو يتمنى ان يعرف لها لون حتى لكنه لونها الى الازرق نسبه الى لونه المفضل فى الحياه يلتقى بناس وناس اخرى من هو اسمر وقوقازى ومن هو ليس له دين ومن هو مسلم ومن هو يتمنى ان يكون صديقه ومن هو يتمنى ان يكون صديقه لكن الارض تلتقى به فى حضنها لكنها يرفضها وحينما يريدها ترفضه لكن الان هو فيها تائه بين الوجوه يعرف كثير من الاوطان عن طريق وجوه البشر لكنه يقول ان الحياه عده ايام تنتهى وهى الا ايام قليله انه طفل طفل يحضن امه الارض من خوف الزمن لكن ليس العيب على الارض ولا الزمن العيب فى نفسه من عدم انتهازه للفرص بل هى تاتى ثانيه اليه لكن ؟

له الله ؟

اعتذر عن تاخيرى للبلوجريه كلهمن اول بلوج لحد اخربلوجججججججججج عموما مش هقصر تانى ؟

اسف

الثلاثاء، 17 يونيو، 2008

ورقه بفره


على ورقه بفره

على ورقه بفره لفيت احزانى

وعلى ورقه بفره شربت انا همومى

وعلى ورقه البفره طلع منها دخان غضبى

ورقه بفره بطعم التوت ورقه بفره وانا فرحان وهموت

ورقه بفره اه كلها شر

ورقه بفره بتمحى ساعه كلها حزن

ورقه بفره رسمت عليها احلامى

ورقه بفره بطعم التفاح

ورقه بفره وانا لسه زى مانا مش مرتاح

ورقه بفره مش زعلان ولا فرحان

ورقه بفره ساعه عصارى

ورقه بفره فيها كل همومى

ده مش عيبى ولا عيب غيرى ده عيب زمن وللعلم الزمن هو ورقه بفره ممكن تتمحى فى ثانيه مع الدخان ؟

اولا انا مش بشرببانجو ولا بحشش عشان الاسم لكن الحياه فعلا ورقه بفره ؟

الجمعة، 6 يونيو، 2008

حياه غير قابله للبلاستيك


اتنفس حريه كلمه مش صعبه عليك وعليه لازم نحس بيها لاننا الى صنعنها حريه مجرد الشعور بيها شىء فظيع هل تستيطع ان تتنفس حريه ام تحتاج الى بعض الجنون للخروج عن قيود الحياه الممله التى اسميها بالحياه البلاستيك اسمع منير عندما ينشد وليس يغنى انشوده طعم البيوت التى تجعلنى افكر لماذا افكر فى الرحيل عن مصر واذهب للحياه البلاستيك حياه بلا طعم حياه نظيفه بيوت جديده وليس بها اى مشاعر فالحريه تجدها فى بيتك فى بيتى فى اى بيت مصرى ما عادا بيتان هم الحزب الوطنى ومقر رئاسه الجمهوريه وبالتلى طعم البيت الرائحه رائحه الرطوبه الخارجه من عبر الزمن كم احببت الخروج من بيتنا وانا صغير حتى استطيع تنفس الحريه من ذالك البت العتيق واذ كانت درجه الحراره تعلو المئه ترى ان حراره البيت كانك فى شهر يناير لماذه لانه طعم احببته جدران البيت تراها قديمه لكن كما رايتها منذ الف عام وكما هى تراها كل يوم تلك حياتنا

الحياه البلاستيك حياه نظيفه فوق اللزوم كل منطقه بيوت جديده حتى التاكس مش هتلاقى تاكس 1100 بتاع زمان المهكع الى بيمشى بالعافيه بصراحه بحبه موت ؟

هى دى مصر يا بهيه بعيدا عن غلاء الاسعار عن كره الحكومه ؟

الأربعاء، 28 مايو، 2008

مستقبل يا خى توكا 2



خايف من كل حاجه حاسس ان اغلمستقبل خلاص ملوش لازمه يعنى عايش وخلاص وفعلا انا كده من زمان قوى وانا عايش وخلاص معايه مليون اتصرفوا معايه ريال اتصرف وهكذا تدور الرحله الطويله لكن مستقبلى مش مهم الاهم هل انا والى فى سنى او جيلى كلنا كده ؟ الاجابه اةةةةةةةةةةةةةةةةةةةةةةة واه وجعه مش اه يعنى صح وجعه من الزمن والسياسه والبلد والغربه جوه بلدى وكل حاجه بشفها بتننسف قدام عينى فى كتير هيقولولى انت بس محبط والله انا مش محبط وشغال والشغل لذيذ وبطبق بقالى اسبوعين ولسه بروح من الساعه 10 الصبح لحد السعه 1 باليل ومش زعلان لان اليوم بيمر قوام واهو يوم وبيعدى والدنيا بتمر وكل يوم بشوف ناس جديده بس زعلان على جيلى وعلى الجيل الى جاى بعده وده من حقى لانى للاسف مصرى معهوش فلوس ياكل سندوتش فول ابو جنيه وربع من عند التابعى وطبعا مش بيشبع ويااه لو معايه قرش ومحيرنى هاكل بطاطس الى السندوتش ب 2 جنيه اه لذيذ بس ميشبعش طفل السؤال بيقول هو العيب فى مين فينا ولا الزمن ولا الحكومه ولا ده عيب بشريه اتخلقت زى السمك الكبير ياكل الصغير وانا مش صغير انا صغنون موووووووووووت بجد تعبت من بشر ومن ناس ونفسى اشوف نفسى طبيعى من غير اكتئاب ولا زعل اه هتبقى ممله بس اهو تغير احنا الجيل الى اتحكم علينا بالذل والمهانه احنا الجيل الى لو قولتله اديك مليوووووووووووووون جنيه هتعمل بيهم ايه هيرد يقول ولا حاجه مش هيكفوا يومين احنا الجيل الفاسد البايظ الى مبيحبش حكومه بلده زى ما الناس بتقول احنا الجيل الجل والتسقيط ومش عيب حد يقولى الحل فى ايد مين واروحله وابوس ايده واترجاه يسامح الجيل كله


كلامى بايخ بس حقيقه """"

يأخى توكاااااااااااااااااااااااااا


واحب اتاسف لكل اصحابى وحبايبى الى عبرونى فى البوست الاخير والى مبروحلهمش ولا هما ولا غيرهم عشان مفيش وقت خالص والاخت الكبيره الى هى صاحبه اكبر مدونه فى الشرق الاوسط عاليا حليم مدونه عندليبيات احب اقولها انا موجود بجد شكرا

الأحد، 11 مايو، 2008

{ يا اخى توكا }


مش عارف اقول ايه غير حسبى الله ونعم الوكيل قريت موضوع مهم جدا عن دراسه تؤكد ؟

تؤكد ايه ان كل الوزراء الى بيستقيلو او بيتقالو بسم الله ماشاء الله طبعا من غير تقسير يعانون من مرض الثراء الفاحش

ياخى توكا طبعا مفوم معناها بس عشان الناس وكده بجد زهقت يعنى ايه هفضل طول عمرى زى مانا عشان ليه ضمير وبحس بغيرى ولا عشان عايز اكون انسان زى اى حد بره بره مصر يعنى لازم حاجتين يا افكر اهاجر بره مصر زى ما كلنا عاوزين يكون حرامى او نصاب وفى الحالتين هفشل لانى معنديش مقاومات البعد عن الفقر لانى فقرى بحب مصر زيكم تانى حاجه مش هعرف انصب لاننا شعب ناصح ولو نصبت هنصب على ناس فقرا هاخد منهم ايه غير الفقر بجد انتم ناس وانا منكم لنا الله عبه السجاير بقت ب 3 جنيه قولنا هنبطلها وعادى جدا منها نرجع لصحتنا الحقيقيه ونوفر ال ايه السواق زود الاجره نص جنيه مش عجبك متركبش لانك مش هتلاقى اى مواصلاه تانيه والساعه 2 باليل طبعا اتخنقت ورجعت تانى اشرب سجاير وافرح واسمع شرين ونانسى وكل مطربين مصر وبالتكيد الاغنيه بتاعت يبقى انت اكيد فى مصر يبقى انت اكيد فى مصر لما تلاقى الفقرا هم كل البلد يبقى انت اكيد فى مصر لما تلاقى الشباب مش لاقى ياكل وكلهم عندهم انيميا لامؤخذا يا سووووووووووووو بجد يبقى انت اكيد فى مصر يبقى هتنام من غير عشا وهتضحك موت على نفسك ومش هتبكى لانك مصرى فقير بالنسبه للحكومه شخص حقير اسف اسف لانى منكم واسف جدا لانى مصرى واسف اكتر لانى جعان واسف موت لانى بكره حكومه بلدى من الى انا شوفته طول عمرى الى انا بقدر انه صغير بس محتاج وقت يتشاف

بجد زهقت منك يا حكومه { يا اخى توكا }

الأحد، 4 مايو، 2008

اضراب الحبيبه


الحياه اصبحت حزينه ليس لي انا بل للجميع ممكن توضح لى موضوع مهم وهو انك فعلا يوم 4 مايو قعدت فى البيت واضربت ولا فعلا مروحتش الشغل ممكن تقولى هقولك الى فيها كل الناس راحت الشغل والى مرحش الشغل خرج مع الموزه اهو منه اضرب وموز ولا ايه بصراحه كده اضراب فاشل بمعنى الكلمه لانى كنت فى التحرير مكان شغلى شارع طلعت حرب من الساعه خمسه مساء حتى الساعه الثانيه صباحا الناس موجوده والزحمه هى هى ولا فى اضراب ولا حاجه ولا حتى حكومه الى كان واضح هما الحبيبه كل واحد ماشى ومروش ومعاه الموزه بصراحه الاضراب ده ممكن يتسمى عيد الحب

ثانيا احب اشكر كل المدونين الى بيزورونى واسف جدا على تاخرى وعارف انى مقصر لكن الشغل بقى وانا لسه جديد يا عالم بجد نفسى اكون كل دقيقه معاكم وفى بيوتكم اقصد مدوناتكم شكرا لكل المدونين

اسف لكن الحقيقه بتوجع

الجمعة، 25 أبريل، 2008

كل واحد يخلى باله من بلوتوثه



فى حد هناك بينده ويقول من اول السطر والنبى يا عمو هقولوه ماشى وكل ماشى طول ما ربنا سترها علينا ولقينا شغل وبقيت بشرب سجاير بوكس زى مانا لكن الى انا مستغربله المره دى على عكس اى مره فى الشغل انا مهما هيحصل مش هسيب الشغل مش عارف ليه هل لانى مرتاح نفسيا وهل لانها تجربه وفى البدايه مفرحه مش عارف عموما ربنا يسهل


بالنسبه للكلام بقى الى انا عايز اقوله الى مش عارف ايه هو اصلا لانى بكتب وخلاص سميها تلقائيه سميها هطل كله عادى بصراحه كده فى الشغل بتاعى ده بشوف موزز موووووووووووووووووز من هنا لاخر السطر وحياته ابوك ومش عارف اعمل ايه وكله فاتح البلوتوث يا خونا وانا والحمد لله قفلته وارتحت من ال............. طبعا فاكرين الموضوع ده المهم ليه تحذير ليكم اوعى تفتح البلوتوث وانت فى الشارع صدقنى هتندم وبالاخص لو انت ولد وكاتب نمره تليفونك


او غير تليفونك زى الى فى الصوره

السبت، 19 أبريل، 2008

مفيش عيش من غير غموس


من الاخر قبل ما ابتدى اتكلم فى حاجه فى ناس ممكن تقول عليه انى رجعت مكتب تانى لكن العكس صحيح انى فعلا لسه متفائلا والحمد لله بدرجه عاليا

ممكن سؤال نفسى الحكومه ترد عليه ولا مشينفع

جبتولنا العيش وفرحنا اننا لاقيناه فين الغموس يا حكومه ؟
السؤال ده محير كل شخص نفسه ياكل لانى مش هاكل عيش حاف لانى عايش فى مصر مش فى ليبيريا ومعنديش مجاعه لكن المجاعه فى مصر قريبه موت وانا جعان

بالنسبه بقى للاكشاك الجديده بتاعت العيش الملاحظه عنها كالاتى لسه فى زحمه ولسه فى سرقه دقيق طبعا بس فى عيش موجود بططريقه او باخرى يعنى مش مهم الواحد يضع اليوم فى انه يشترى بجنيه عيش وممكن يكون جواه مسمار وممكن يكون جواه عود كبريت وما ادراك من الاخر

نرجع تانى لمنطقه الغموس الحكومه بتقول انها وفرت العيش للشعب واصبح لا مشكله تمام ونحن موافقين فهل الشعب هياكل عيش حاف لا لازم يكون فى اكل رئيسى زى الفول والعدس والحجات دى بلاش نقول لحمه ولا فراخ نظرا للحمار الى بيزعل من السيره دى المهم طبعا هيقولنا اعتمدوا على نفسك عشان الغموس الرد كالاتى هو مرتبى ساعتها هيكفى يومي ياريس يعنى احنا البلد الوحيده على مستوى العالم الى الفاكهه فيها ارخص من الاكل ومن الاخر يا حكومه ممكن ترفعوا الاجور شويتين عشان نلاقى عموس نتغدى بيه

الاثنين، 14 أبريل، 2008

تاج ولا اغرب


التاج ده جانى من بلوج كلمتى بس غريب بجد وتخيلوا انه ليه قواعد

وهى كلاتى

1 / أذكر 10 أشياء عن نفسك
2 / اختر 5 أشخاص تهدى لهم التاج
3 / لا تهدى التاج لمن أهداك اياه
4 / أترك لصديقك الذى أهداك التاج بان التاج نزل وتعالى شوفه

انا كمان اتزحلقت فيه

1 - مجنون وبحب اعيش بدماغى

2- محدش بيحب دماغى

3 - بحب سلمى وهى بتحبى بس جبانه

4- اكره الخوف اكتر من اى حاجه يعنى بحب البجاحه

5- مبحبش افتكر ايام اسوان لانها كانت نكد

6- انا الدغ من غير ما حد يتريق فى حرف السين

7- حمزه ونور وساره ولاد اختى حنان مش بيقولولى يا خالو بيقولوه محمد

8- بكره الحكومه بوجه عام لانى من يوم ما اتولدت ما اتغيرش الريس ابن ال؟

9- انا بشرب سجاير بوكس وبحب البيبسى وكمان بعاكسش بنات بس بتريقه

10- حاسس انى دمى تقيل بجد

بهدى التاج ده ل

1 - فرنسا هانم

2 - مصطفى فنان جولوجى

3-قلوب بتنزف شيماء

4- دواير

5 - دينا

ويا مسهل

السبت، 12 أبريل، 2008

حياتى اجمل ما فيها


بجد من يومين قررت انى اشوف حياتى بجهه جديده وكتبت عنها فى البوست بتاع الامل لكن بجد انا نفسى اتغير بس زى مانا يعنى اكون ليه شغل محدد اكون مهتم بحياتى اكون بحب نفسى ابعد عن الاكتئاب وبحب كل حاجه حلوه واسمع الدنيا ربيع والجو بديع حتى لو اتربقط فوق دماغى لكن انت لو معايه هتقول ايه اه رجعت احب سلمى او بالمعنى الاصح صالحتنى وعرفت غلطها فين والاهم من ده كله انى بخلص ورق الجيش اه انا مش هدخل لانى وحيد لكن بجد العذاب وعينه بجد اعتذر عن التاخير الى انا متاخر عن جميع المدونات فيه وياريت تتقبلوا اسفى

بجد الجيش

الثلاثاء، 8 أبريل، 2008

اصحابى وفرحه بلقاهم بعد 5 سنين







اسف لكل الى بينتظر منى ان اكتب عن الاضراب الى كنت بداخله كمضرب عن النظام ومعلش المره دى لكن كالعاده هوضح امر واحد بس ان الاضراب نجح وان عكس ما كل القنوات قالت انه فشل لا انه نجح وعمل بلبله فى البلد كفايه ان واحد عربجى ( سواق عربيه بحمار ) قالى يعنى ايه اضراب وانا قاعد ع القهوه يعنى من الاخر للحكومه الكلمه دى



الشعب عرف طريه وهدفه وهو العصيان المدنى العام والذى اقترب منه ال 70 مليون مواطن يعنى بجد خاليكوا نايمين فى العسل كلوا فى حقنا وغلوا الاسعار علينا واحنا هنوافق لكن بشرط ( محدش يزعل )



الموضوع النهارده ان من يومين كده حصل ان واحد صحبى خطب صاحبى ده كان معايه فى اعدادى وثانوى وتخيلوا ان فى فرحه لقيته عازم كل الشله بسم الله ماشاء الله كلهم فشله الثانوى على سن ورمح بجد الموقف ده كنت منتظره جدا اه ليه صحاب كتير بس تخيل بقى عشره 3 سنين وشنا فى وش بعض وتخيل ان مرحله الثانوى دى الفتره الى كلنا بنبقى فاسدين بمعنى الكلمه فى اليوم ده شوفت اصحاب كتير منهم سعيد شمس وعمر بانجو وهانى صاحب شركه ( الرقابه ) وحسين ومشوفتش اطول منه واحمد سمير البودى جارد الخاص بالعريس احمد وجدى او كئيبه لما شوفتهم افتكرت الايام الى قبلها فى الصغر خالص افتكرت الشله الرباعيه المجنونه احمد بودا ووليد ابن الناس المحترمه وعادل الكبير بتاعنا لانه كان اكبر مننا سنا كل واحد راح لحاله بس كل ده لسه بيراودنى جوه افكارى دايما انى ممكن عبر الزمن الاقى واحد من اصحابى القدام مفتكروش



مش عارف

الخميس، 3 أبريل، 2008

امل وحب بس مش جديد


هل تستطيع ان ترى عن بعد الاشياء واضحه هل تعرف ما هو المستقبل وهل تعلم الغيب ارى انه صعب لكن يقدر لك ذالك بانك ستلاقى شجن وفرح حب وغرور صحه ومرض اشياء ومشاعر كثيره لايوجد لها حل فهل من الممكن ان يتخلى عن مشاعره صعب

حبيب وحبيبه على طريقهم ماشين شايفين شوك اه بس فى نسبه تحدى والامل موجود بالتحدى ارى انى اصبحت الان اكثر تفائلا بالمستقبل واحتمال افكر فى المستقبل كمان ورجعت تانى اسمع اغانى بحبها ومن غير شجن وسعات تهف عليه كده انى اسمع هيفاء وهبى ويلاهوز على اغنيه مش قادره استنى يوم كمان بحس ان توزيع الاغنيه تحفه وبحس انها بتكلمنى انا بس ازاى حلم وهلوسه عشان الفرحه بالامل وناوى ابطل اكتئاب تانى ومصطفى فنان جولوجى هيبطل يصاحبنى تانى ولا يكلمنى ميل حتى لانه عارف انى هكون متفائل وهو هيكون محبط وارجع يا زمن وعيد امجادك ايام الحب والجنان الى بحبه وهعمل كل حاجه من غير كلمه صعب

الأحد، 30 مارس، 2008

الطابور اختفى ليه ؟ الاجابه عند محمد بتاع الفول




يا خبر بفلوس بكره يبقى ببلاش ده مثل بس تصدقوا ان فى مصر مفيش خبر بفلوس نهائى النهارده وانا قاعد كالعاده فى الشباك عشان اشرب الشاى بتاعى والسجاره البوكس ومستنى اتفرج على العربيه المخصصه عشان تاخد الدقيق من الفرن لكن المفاجئه ويارتنى متفجئتها العربيه مجتش ياه روحت لحد محمد بتاع الفول اهو اخد من عنده سنكوتشين بطاطس وطعميه سخنه بتكلم معاه قالى ان العربيه بتيجى باليل بصراحه زعلت لدرجه انى افتكرت انى مش هقدر اشوفها تانى كنت بحس بلذه وانا بشوفها لذه انى جبان ومش هقدر اتكلم لكن روحت الفرن تخيلوا معايه ان الفرن من الساعه 8 صباحا لحد الساعه 9 ونص محدش اشترى منها غير اتنين منهم انا سالت خالد البياع الى فى الفرن هو ايه فين الناس قالى مخلاص شوفت قدامى شولت الدقيق اقعدت اعدهم طلعوا 33 شوال ياه 33 واوووووووووووووو مش معقول ومفيش ناس وحتى العمال واقفين يشربوا شاى وسجاير فى الشارع يا جماعه انا مش مصدق لقيت احد شركاء الفرن بيتكلم مع واحد ويقولوا معندكش حد ياخد شوالين ولا حاجه الراجل قاله خلاص الناس اتظبطت يا جماعه طب فين الطابور الراجل صاحب الفرن اتكلم شويه كلام قالك ان الدقيق رخص جدا يعنى من 240 جنيه بقى دلوقتى ب 180 جنيه بس تانى حاجه ان الحكومه منعت استيراد الرز ده كلامه هو والله وان خلاص الفرن مش هيبقى ليها رقيب ولا حاجه


نرجع لمحمد بتاع الفول وبنتكلم عن اضراب 6 ابريل الراجل قالى ان لو بايدى اقفل كنت قفلت لكن المحل ملك لابويا اها وبعدين قالى ان الافران الايام دى برحتها لسه الموجه هتشد تانى وهيبقى الناس بتموت بجد عشان العيش يعنى ابقى قابلنى لو خدت رغيف فول من عندى تانى ؟


يارب احمدك واشكر فضلك ويارب يخلي الريس ويطول فى عمره لحد 2777 عشان حفيد حفيدى يشوفه ويقول ابو الهول اهو ؟


الثلاثاء، 25 مارس، 2008

تاج والله تاج

تحديث يا جماعه افتتحنا بلوج جديد اسمه بين القاهره ودبى ومعايه نهى فتافيت كلام ارجو الزياره اوك
http://dopycair.blogspot.com/
التاج ده جانى من ولاء صاحبه مدونه انا موجوده

س 1 : لو سألك غير مسلم عن نبي الإسلام بماذا ستجيبه في سطور ؟

اول حاجه هقراله كتاب الله حتى يفرق بين ديانته ودين الاسلام وثنيا اقرا له بعض الاحاديث النبويه ثم احدثه عن عظمه رسول الاسلام ونبى الرحمه وعن دين السماحه ايضا

لو اتيحت لك الفرصه لرؤيه رسول الله أى الاماكن تريد ان تقابله فيها ؟

مسجد سيدنا الحسين

وماذا ستقول له ؟

اقول له اشعفلى يوم القيامه انا واهلى ووالدى وكل امه الاسلام

مالذى ستخبره به ؟

اخبره باننا سنظل مسلمين الى يوم القيامه وسنظل على طاعه الله ورسوله وانه اجمل ما رات عينى فى حياتى

اذكر مقوله قالها النبى صلى الله عليه وسلم كنت تتمنى ان يقولها لك ؟

لكل داء دواء الا السأم ( نظرا للبوست الماضى )

هل هناك تأثير لرسول الله صلي الله عليه وسلم على "شخصيتك أو حياتك أو بيتك "إذا كانت الإجابة نعم فاذكر مثالاً ؟

طبعا لاننا الحمد الله اصبحنا عائله مسلمه ونمشى على منهج رسول الله

تمرر التاج لمين ؟؟؟؟؟

كل الموجود على القايمه بتاعت جيره وعشره

الخميس، 20 مارس، 2008

سئمت منك


عايز اكتب ومش عايز عايز احب ومش عايز عايز كل حاجه ومش قادر هل لانى اصبحت منتهى الصلاحيه او لاننى فقدت القيمه الذاتيه للانسان ولا عشان البلد اصبحت لا تهتم بالفقراء والمكدوحين بها هل البلد اصبحت بلد من يملك ومن لا يملك فهو خارجها لا يستحق العيش بها انا حاسس انى مش فى وطنى الى طول عمرى بسمع عنه من والدى وكل الناس الكبار الى دايما قالولنا ان مصر دى فيها خير لو قعدت تاخد منه مليون سنه مش هيخلص للاسف يا والدى ويا اعمامى واجدادى لم ارى فى بلدى سوى فقر وكدح وعذاب وحكومه مبيهماش غير انها تظهر بافضل صوره فى الخارج وتهتم بالاغنياء ومع ذالك لا يشفعلها من فى الخارج ولا يشفعلها الاغنياء بها كل منهم يريد المقايضه على ان يملك جزء منها فهل هى اصبحت للبيع وهل خيرها اصبح للبيع مع انى اعرف ان الخير شىء عام مش للبيع بجد عرفت معنى كلمه مهمه سوف تدون فى تاريخ قاموس حياتى وهى انى اصبحت غريب داخل وطنى واين وطنى لم اجده الا كلما استمعت لاغانى الشيسخ امام مصر يا امه يا بهيه واين هى الترحه والجلابيه فقد اصبحت بدله وجيبه واصبح من يلبس الجلباب ليس من اهلها بل اصبح يقال عليه كلمه بيئه وماذا تعنى تلك الكلمه كيلو الفول ابو سوس اصبح ب 6 جنيه مع انه اكل الفقراء او فطار الاسر المتوسطه الى اختفت اذكر انى منذ 10 سنوات كنت داخل اسره متوسطه الدخل الان اصبحت فقيرا لا املك سوى نفس داخل ونفس خارج يقول معه كلمه اين وطنى اصبح البرلمان عباره عن كرسى اصبح الرئيس هو من يهمه ان يتجاوز ال 400 قرن وهو على نفس الكرسى اصبحت اتذكر انى اقتربت من مواجه وجه الكريم وهو عى قيد الحياه يا ريس سيبنا نشوف حد غيرك هيعمل ايه سيب الهواء متبعوش سيبنا نهتم باغانى سعاد حسنى وكلمات جاهين ومنير وحليم من دون ان نشعر ان ليس لهم طعم لاننى اتذكر انى فى المدرسه كنت اكره سماع اى صوت داخل الفصل نتيجه صورتك المبجله داخل كل فصل وكانك الملك واين توضوع الصوره فوق لفظ الجلاله فوق الصبوره التى تبداء بكلمه بسم الله الرحمن الرحيم

اى ان الله سبحانه وتعالى رحيما بالناس لكنك لاتنتظر من ان اقولها لك انك لست برحيما بشعبك

بكرهك انت وحكومتك بصراحه

الأحد، 16 مارس، 2008

انتهى العالم يا امى


بجد عمرى ما جبت هديه عيد ام لامى لكن فى تلك الايام كنت قد اقرر ان اعطيها هديه لكن منين فالحال ليس معى فقط بل مع كل مواطن على ارض المحروسه بهذا المعنى اود ان اقول ان هديه عيد الام فى تلك السنه ستكون رغيف عيش وستكون هديه فى منتهى الجمال وستسعد بها كل ام مصريه تحيا على تلك الارض الخمريه اللون وياه بالدنيا اذ جئت اليها بكيلو سكر ستكون هناك من يوزع الشربات فرحا بالهديه القيمه التى منذ سنوات لاتقدر بشىء لكنها فى تلك السنه تقدر بالذهب الاحمر عيار 45 سترى فرحه على وجه الوالده لم تراه من قبل والخيار الثالث زجاجه زيت من زيت التموين الذى يجلب الامراض لكن فى ظروفنا هذه فانها ليست بهديه عاديه انما هى كانك سرقت اليها احدى الاهرامات وجئت بها اليها وسترى الدموع تنهار اليها من شده السعاده وبامنه هحسدك انا شخصيا على هذا بجد سامحينى يا امى فانا لاملك فى هذه الدنيا سوى عطفك على عيد امى هذه السنه ليس بالسعيد ككل عام فانظر الى حاله الركود العام المسيطر على الدوله فى الوقت ذاته ترى كميه الكليبات ومشاهد البورنو موجوده على كل تلفاز وداخل كل منزل وياه على سيطره القدر على الموضوع فى حد ذاته سترى انك ليس لك حق فى الحياه فقد لا اقدر ان اقول غير كلمه واحده


انتهى العالم

الخميس، 13 مارس، 2008

ممكن سجاره


يوم بجد مندمتش كتير عليه على قد ما انا اتعلمت منه اليوم كان طويل جدا معايا من الاخر ايه رايكم احكلم الحدوته بتعته

احمد صاحبى شغال فى مكتب اعلان ودعايه ريجستير اتصل بيا وقالى العدد ناقص تعالى اقف معايا وقضى اليوم وكده بصراحه انا قولت اروح منه يوم خروج فى حاجه جديده وخلاص روحنا بدرى شويه المهم كتب اسمى فى الدفتر وقعدت انا وواحد كان معايه وعلى فجاه كده الاقى بنات مش عارف اقول ايه لقيتهم جايين بابتسامه رخمه وزى ما تقولوا كده ووشهم واكنهم خارجين من عند ورشه دوكو بصراحه قرف يعنى ولبس ضيق جدا اكيد من الاخر الى هما اسمهم موديلز وعن فجاه لقيت واحده بتقولى معاك سجاير عايزه سجاره انا شد انتنباهى الكلامى جدا ومردتيش سالتنى تانى قولتلها لا قالتلى اوك وراحت اشترت علبه مرلبوره ابيض وجاتلى بتدينى سجاره وانا بصراحه كده مبغريش لانى بشجع منتج بلدى الحكايه مش فى البنت دى الحكايه ان اللبس والطريقه بصراحه كده فظيعه انا عن نفسى مبقولش البنت تشرب سجاير او متشربش مش فارقه الى فارق الطريقه بصراحه طريقه قذره جدا وبعدين ده كان فى الشارع وبصراحه كده مش هى لوحدها ده المجموعه كلها كانت اغلبها بتدخن دول اكتر من 200 بنت

بصراحه هو سؤال واحد بصراحه كده هى بنات مصر هيبقوا بيئه كده بدل ما نشوف الناس بتعمل ايه كويس نعمله نقلدهم فى ال ؟

بصراحه اليوم كان مغامره مش هتتكرر

الاثنين، 10 مارس، 2008

التاج ده اكيد ضيق على دماغى


اول مره يجيلى تاج او انا الى رحتله بنفسى وده فعلا حظى من اجدع بنوته وربنا يستر الاجابات دى جاتلى كده من على فجاه ومحدش يزعلى منى

تقرر اداره البلوج الى هو ان ومفيش غيره تعين مجلس وزاره جديد لدوله عسلقلانيه العظمى وهيكون كلاتى

رئيس مجلس الوزاراء

د / اجدع بنوته على اساس ان التاج من عندها يعنى

وزاره الثقافه

قطه الصحراء او ديسرت كات ؟

وزاره الاعلام بتوع التليفزيون والجرايد

حنه ( اختى ) وصحفيه روشه

وزاره التعليم

نوران بنت خيخه عشان خاظر عيون شريف

الاوقاف او كبير الشيوخ فى مصر

صاحب المضيفه

صديقى وانا عارفه بقى

الصحه بتوع الحقن والسرنجات

اقدر اقول لماضه وخمسه فضفضه

العدل

فنان جولوجى والاقربون اولى

الداخليه

خالو احمد الصباغ

الخارجيه

فرنسا

والمساعد احمد سكر

الهجوم والدفاع وخط النص

احمد سمير والاغلبيه الصامته

ومى بهاء 1/2 دسه افكار

النقل والمواصلات او الكمسريه

هبه وكراكيبها

الماليه

ساعد نسرين الايمن

الاتصلات

عم احمد رفعت وقضيته الكسبانه

الزارعه

همسكها انا عشان هزرع مصر كلها تلت اصناف بانجو وحشيش وقمح

الى حب وماطلش ( وزاره الحب )

اوشن ايز ocean_eyes

ورانيا واحساسيها

والمجلس الاعلى للكلمات الرقارقه

رئيسه

ولاء انا موجوده وتختار الى عايزاه مساعدها

المجلس الاعلى للشعب او حزب الشعب

قلوب بتغنى شيماء

وعروبه من نابلس

وعلى فكره هتكون افشل حكومه عرفتها دوله عسقالنيه

بجد ربنا معاكم