السبت، 27 سبتمبر، 2008

يا ريس لامؤخذه طظ


اكتب البوست وانا بشرب سجارتى المفضله سجاره عليها صوره حمدى بلال صاحب الضجه الشهيره فى مصر بل اصبح ملازم لكل شخص فى البلد واشهر من الريس ابن ؟ ولا عيب .......... بعد التحيه وبعد السلام اكتب اليكم وجوه دماغى بفكر هيكون ايهرايكم فى المهذله

ايوه مهذله من سنين كتيرقبل ما اتولد انا كده بحوالى 40 سنه سمعنا عن حريق هائل حريق القاهره وهو اشهر حريق فى تاريخ مصر لكن الحال هيتغير والى مش مصدقنى يقولى مش مدقنى ليه وانا معايه دلائل عارفين ان تعداد سكان الحى الخامس اقل بكثير من حوادث القاهره فقط ههههههههههههه مش نكته لكن احساس عموما ندخل بجد فى الموضوع كام حادثه فى الشهر ده 3 اولهم حادث الدويقه والحكومه لا حول ولا قوه ملهاش ذنب الذنب ذنب الكلاب الى معهمش فلوس يعيشوا فى قصور ولا حتى فلل ولا ايه حد عنده مانع ايوه كلاب لما يموت حوالى 150 بنى ادم تحت انقاض انهيار جبلى تبقى ايه مش مهذله فين الناس الى موجوده فى مكتب الحى الخاص بالمنطقه عشان يحسوا على الاقل ان فى حجر صغنون هيكعبل حجر زى ابوه ويقوم يقع يموت الناس اقصد الكلاب اسف دى ؟ دى نمره واحد

انما بقا الحومه اتسترت على الخبر ان فى قطر متجه الى الاسكندريه وكالعاده يطلع القطر من على القضبان وللاسف مفيس اى جرحه ولا موتى عشان نخلص بقى من الزحمه الناس دى هتعمل ايه ولا ايه نمره تلاته حريق ضخم فى المسرح القومى وحتى الان عدد الجرحى 8 فقط لاغيرطب امتى هيموتوا هيموتوا من الغيظ او من الفرسه الى جواهم ونرجع بالزمن شويه هنلاقى حريق مجلس الشعب ومجلش الشورى وكان حريق كبير برضه يلاهويز الحقى يا حكومه ده حتى مياه النيل منذ سنه 1959 لم تزداد حصه مصر فى المياه ههههههههههههههههه مش قادر بضحك بضحك وهموت من الضحك الميه دى كلها هتكفى تطفى كام حريق ونمشى شويه لورا وحادث مترو الانفاق ( الانجوب كما كنت اطلق عليه وانا طفل ) افرخى يا حكومه المترو عمل حادثه هو كمان وكام واحد مات وكام واحد عايش متعدش يا ريس وايضا حادث حريق مسرح بنى سويف وبرضه فى حادثه فاكرها كويس امبوبه الغاز عند ام احمد جارتنا كانت بتسرب واحمد كان بيولع سجاره فى الحمام وهبا جون ياريس النتيجه حتى الان البرازيل 23 / 0 اسمنت اسيوط اقصد الحكومه والشعب الغلوبه

نتكلم شويه عن حمله حمايه الطاقه وفر ومتعيش زى البشر لانك كلب ومع اننا عندنا السد العالى وكام مفعل للطاقه وبنصدر طاقه بس احنا مين وهما مين احنا كلاب فى الارض واسف للشيخ امام للتغير بس لازم كان يتغير الكلام من ساعه ما حكمها وسيبكم مفيش احلى من عيشه الحريه انا حر كده لا مؤخذه ياريس انا مش مصرى حتى لا تحكمنى انت لكن انا مصرى وبحكم نفسى لايهمنى حكومتك ولا رعيتك اقصد البهوات

للاسف بلد بتاعت شهادات ؟

هناك 36 تعليقًا:

Sometimes يقول...

ههههههههههههههههههههه
انا بضحك ليه مش عارفه
انا معدش بيأثر فيا حاجه من الحاجات دى
تفتكر ليه؟
كل سنة وانت طيب
كبرررررررررررر

صوت من مصر يقول...

Sometimes
عارفه احلى حاجه بجد اننا بنضحك مهما كانت الظروف وتانى حاجه الحاجات دى بتاثر بس زى ما تقولى اتعودنا وبقينا متعوده دايما ؟
شكرا جدا واحب اقولك البلوج عندك رائع

masrtany يقول...

ما انت قلت لا مؤخذة يا ريس ولا من غير لمؤخذة طز يا ريس

عايش ولكن يقول...

ولا مؤاخذه ليه
طظ يا ريس

engy يقول...

الحرق
هو احدى الوسائل المصريه الجديده
للحد من نسبه السكان
بس انا خايفه لحسن المره الجايه تيجى فى قصر العروبه ولا حاجه

بنت مصريه يقول...

هههههههههههههههههههههههههههه
تعرف قبل كده كانت الناس تسمع الكوارث دى تتخض دلوقتى عادى ايزى مش مهم
مهو متوقع ههههههههههههههه
احييك عالبوست وربنا يعيننا
اتمنى تنورنى

صوت من مصر يقول...

masrtany
طظ ليها فايده وكلمه لمؤخذه ليها فوايد شكرا لتواجدك

صوت من مصر يقول...

عايش ولكن
وانا معاك بدل الطظ اتنين ؟

صوت من مصر يقول...

انجى
متخفيش قصر العروبه مش هيحصله حاجه وبعدين هو قصر العروبه ده فين

صوت من مصر يقول...

بنت مصريه
بجد مش عارفارد واقول ايه لكن شكرا للتحيه ؟
وياستى كوارث كوارث عادى بقينا مدمنين

Gannah يقول...

محمد
كل سنة وانت طيب
عيد سعيد
الصورة اللى انت حاططها وجعتلى قلبى
والله يا محمد انا مش عارفة اقول ايه؟؟؟
واضح ان الانسان ملوش قيمة فى بلدنا
انا توصلت ان من الافضل ان الواحد يحاول يساعد على قد ما يقدر لان حكومتنا ما فيش منها أمل فى الوقت الحالى
ربنا يسعد أيامك( دعاء باسمعه من الناس الكبار بس اتصور حلو جدااا)
تحياتى

Desert cat يقول...

ماهو احنا بدأنا نوفر كل يوم حتة تولع
كفاية توفير ارجوكو
كل سنة وانت طيب

نهر الحب يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

أنا إنسان يقول...

هوه ليه الماس مايولعش في سيادته
ويكفينا مؤنة الثورة
؟؟؟؟؟؟؟؟؟؟؟؟!!!!!!!!!

enjy يقول...

احم بص انا مش معاهم حضرتك ومبحبش كلام فى السياسة زى ما انت عارف طبعا وعشان كدة كل سنة وانت طيب ابقى سلم لى على سارة وقولها كل سنة وهى طيبة وبتحبك وبتحبها والسنة الجاية يمكن تكوتوا مخطوبين وللا حاجة ان شاء الله

رحــــيـل يقول...

تفتكر بقى احنا هنموت ازاى

ياخبر

ده ربنا يستر علينا

كل سنه وانت طيب

يارب تكون بخير

صوت من مصر يقول...

جنه
حلو الدعاء جدا ربنا يخليكى بجد
وعموما الصوره اقل تعبير على الواقع

صوت من مصر يقول...

قطه الصحراء
عارفه انا فاكر اغنيه زمان اسمها تكتك تيكو بتقول ايه تيكتك تيكو تيكتك تيكو يلا بقى كفايه ارجوكوا وفورا بقى وكمان سنه هنتستنوكوا
شكرا بجد

صوت من مصر يقول...

نهر الحب
اللهم امين
شكرا جدا لتواجدك الدائم

صوت من مصر يقول...

انا انسان
لان الماس لايقرهه الا الماس لكنه حيوان
اسف جدا بس هو اكتر من الحيوان لان الحيوان بيفهم

صوت من مصر يقول...

انجى
شكرا للدعاء بجد وتسلم ايد وفم الى بيقوله وخلى بالك السياسه فى كل حاجه فى حياتنا حتى الكوسه ؟

صوت من مصر يقول...

رحيل
عارفه احنا هنموت ازاى هنموت كده على الشمال ؟
نضحك بقى ولا ايه
عموما يارحيل متخفيش احنا بعيد عن موت النار لاننا فقرا ؟
مشبنروح مسارح ولا حتى مجلس شورى

سنووايت يقول...

ايه دا
انت مش هتحرم


كل سنة وانت طيب يوارب العيد يبقي فرحة بجد عليك

راعى الناقه يقول...

محدش يقول طظ يا ريس عارفين ليه لان دي تعتبر غيبه بالله عليك لو باب بيتك خبط ورحت تفتح لقيت الريس قدامك حتقول طظ يا ريس ولا حتاخده بالحضن حد فيكم بجد يرد على

canary يقول...

ايه يا عم
ونسيت حادث قطار الصعيد اللى ولع فيه بتاع الف نفس بشريه هو كمان
والا عشان دول صعايدة يبقى العدد فى الليمون وميتعدوش بنى ادمين.....
أسفه . كلاب معاكم

كل سنه وانت طيب

عاليا حليم يقول...

انا مصدقاك و للاسف ده حقيقة
مش قادرة نعمل ايه او مثلا ربنا يستر او ربنا يعدينا منها على خير لانى على يقين ان ده حيبقى سلبية منى

عاليا حليم يقول...

عيد سعيد

Heba يقول...

محمد

كل سنة وأنت طيب

عيد سعيد عليك وعلى الجميع إن شاء الله

صوت من مصر يقول...

سنو وايت
لا مش هحرم عارفه ليه لانى مصرى او عايش على الاقل
وربنا مبيرضاش بالظلم هنرضى احنا بيه ؟

عموما كل سنه وانتى كمان طيبه

صوت من مصر يقول...

راعى الناقه
عارف لو خبط على بابى هتف فى وش امه ؟
منه لله
نورتى وكل سنه وانت طيب

صوت من مصر يقول...

canary
للاسف انا صعيدى وللاسف برضه عمرى ما هنسى بس عشان مكنش رخم قوى ونكدت على الناس قبل العيد ؟
كل سنه وانتى طيبه

صوت من مصر يقول...

عاليه حليم
للاسف انتى استاذتى فى التدوين وبالفعل انتى اول بلوج دخلته وعرفته فعلا
بس لكل منا وجهه نظر فى الموضوع ده وربنا يعدينا على خير منها بجد
كل سنه وانتى طيبه

صوت من مصر يقول...

heba
كل سنه وانتى طيبه وياريت متتاخريش علينا بكلامك الجميل
وبلاش تكونى بخيله

romansy يقول...

عادى ..........عادى
كله عادى
شغاااااااااااااال
مفيش فايدة!!!!!!!!!!!!!!

قلب شاعره يقول...

خلى بالك على نفسك .. واكيد بلد شهادات صحيح ..

MISS\GH يقول...

كل سنه وانت طيب ..وبجد كلامك حلو اوى ..اتمنى لك دوام النجاح والتميز.