الجمعة، 6 يونيو، 2008

حياه غير قابله للبلاستيك


اتنفس حريه كلمه مش صعبه عليك وعليه لازم نحس بيها لاننا الى صنعنها حريه مجرد الشعور بيها شىء فظيع هل تستيطع ان تتنفس حريه ام تحتاج الى بعض الجنون للخروج عن قيود الحياه الممله التى اسميها بالحياه البلاستيك اسمع منير عندما ينشد وليس يغنى انشوده طعم البيوت التى تجعلنى افكر لماذا افكر فى الرحيل عن مصر واذهب للحياه البلاستيك حياه بلا طعم حياه نظيفه بيوت جديده وليس بها اى مشاعر فالحريه تجدها فى بيتك فى بيتى فى اى بيت مصرى ما عادا بيتان هم الحزب الوطنى ومقر رئاسه الجمهوريه وبالتلى طعم البيت الرائحه رائحه الرطوبه الخارجه من عبر الزمن كم احببت الخروج من بيتنا وانا صغير حتى استطيع تنفس الحريه من ذالك البت العتيق واذ كانت درجه الحراره تعلو المئه ترى ان حراره البيت كانك فى شهر يناير لماذه لانه طعم احببته جدران البيت تراها قديمه لكن كما رايتها منذ الف عام وكما هى تراها كل يوم تلك حياتنا

الحياه البلاستيك حياه نظيفه فوق اللزوم كل منطقه بيوت جديده حتى التاكس مش هتلاقى تاكس 1100 بتاع زمان المهكع الى بيمشى بالعافيه بصراحه بحبه موت ؟

هى دى مصر يا بهيه بعيدا عن غلاء الاسعار عن كره الحكومه ؟

هناك 32 تعليقًا:

Desert cat يقول...

فكرتنى ببوست كنت كتبته من فترة كان فى مضمونة انى طول اليوم وطول ما انا ماشية مش شايفه قدامى غير علامة استفهام كبيرة
وفى النهاية لاقيت حل علا مة الاستفهام انى محتاجه اتنفس حرية
تحياتى

عاليا حليم يقول...

فى جملة قالها احمد زكى فى فيلم هيستريا مش رايحة ابدا من دماغى
( شوية جنان عشان نعرف نعيش )

أصل أخرة العقل مع البلد دى كده كده حيودى للجنان

walaa يقول...

هههههههههه
دى بلد التلت ورقات ربنايعيدها على خير
ده وصفك لمصر قبل الغلاء امال مصر بعد الغلاء شكلها هيبقى ازاى الله اعلم
دى لا باظت ولا خربت ولا جابت جاز لا مؤاخذه
تحياتى ولاء

alshared يقول...

كيمو

في الاول أنا أسف لاني ماكنتش بزورك الفتره اللي فاتت بس بعيد عنك أمتحانات وقرف

الحريه

أن تخرج علي التقليد
أن تستقل بنفسك ولنفسك
أن تحلم بكل شئ وأي شئ
أن تكون عاقلا أو تجن
أن تحيا كما تريد أنت
لا كما يريد غيرك

كبف تستطيع أن تتنفس بدون هواء
كيف تستطيع أن تعيش بدون حريه

تحياتـــــي

semsema يقول...

والله هى نظرية
يعنى بدل ما احنا حاسين اننا بقينا شعب مالهوش لازمة ومبيعملش حاجة فى حياته صح نعكس الموضوع ونحب الهمجية عشان منبقاش بنعمل حاجة غلط لأ احنا بنعمل اللى بنحبه
ايوة كلنا بتيجى علينا اوقات وبنبقى عايزين نكسر اى روتين موجود
بس انا شايفة ان الشعب المصرى اصلا معندهوش روتين عشان يكسره احنا شعب عايش حياته بالبركة

تحياتى

صوت من مصر يقول...

قطه الصحراء
شكرا وتضارب افكار بقى
;;;;;;;;;;;;;;;;;;;;;;;
استاذه عاليه حليم
مش عارف ارد واقول ايه بجد بنتعلم التدوين من حضرتك والجنان مش عيب
;;;;;;;;;;;;;;;;;;;;;;
ولاء
هى دى مصر يا ولاء ولا ايه
;;;;;;;;;;;;;;;;;;;;;;;;;;;
الشارد
ياعم سيبها على الله زورتنى مش بتزورنى لازم نبقى اكتر من صحاب ولا ايه تانى حاجه البلوج بتاعك فعلا تحفه واعتذرلك على تاخيرى انا
;;;;;;;;;;;;;;;;;;;;;;;;;;;
سمسمه
والله انتى فهمتى الكلام بسرعه جدا ليه نشوف نص الكبايه فاضيه ووممكن نمسك الازازه ونملاها تانى ولا ايه ؟

بنت مصريه يقول...

هو انت كنت عايش من الف عام
وازاى بتقول حياه نظيفه وتصفها بالحياه البلاستيك الممله
والحزب الوطنى والرئاسه بيت واحد
على فكره
انت بتقرأ فلسفه كتيير صح
نصيحه منى كفايه عشان ابتدت تأثر
ههههههههههههههههههه

حاول تفتكرنى يقول...

المدونة فى مجملها روعة
أشعر فيها بالاصالة وبرائحة ولاد البلد
حتى عزف القانون

تحياتي

صوت من مصر يقول...

بنت مصريه
الحياه النظيفه اه هى الحياه البلاستيك بجد لانها حياه ممله تخيلى نفسك جوه فيلم كرتون كله الوان غريبه عليكى ؟
;;;;;;;;;;;;;;;;;;;;;;;;;;
حاول تفتكرنى
مين اتربى فيها ميبقاش ابن بلد انت نفسك ابن بلد لانك ابنها اوك ولا ايه يالى انت مصرى وفيك اصاله وعراقه

سمراء يقول...

محدش هيحس معني الحياة البلاستك إلا اللي عرف معني الغربة
محدش يفهم معني الجذور الا اللي عاش بلا جذور
محدش يفهم معني الجنون الا العاقل
سمراء

Ahmed El-Agouz يقول...

الحرية معني وقيمة كبيرة يفتقدها اغلبنا
الحرية بمعنها العامة هي انتفاء القيد عن كافة الممارسات والسلوكيات

هناك نوعين من الحرية free from
, ferr to
قد نعيش نوعا ما free from
بس للاسف دي مش حرية اولا معنها انت حر من
يعني لك الحق ان تقول
مثلا انت لك الحق ان تذهب الي الاسكندرية
لكن هذة ليست حرية
كيف اكون حر ان اقول ما اريد وهم يفعلون ما يريدون
كيف اكون حر ان اذهب الي الاسكندرية وانا لا املك اي وسيلة مواصلات

الحرية هي free to
انا حر في حدود امكانياتي

اما بخصوص الغربة فغني الغربة وطن وفقر الوطن غربة كلنا هنا غرباء هذا ليس عدم انتماء لكنها الحقيقة تسيير في الطريق تري الدنيا امامك غريبةاما انها اقل من مستواك او كبر منه كل شئ اصبح غريب

العجوز

على الزيبق يقول...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

نور يقول...

فعلا يا كيمو عندك حق
محدش هيلاقى بيت زى بيته اللى قضى فيه عمره كله محدش يقدر يلاقى الدفا والذكريات الحميميه فى اى حته ولا زى مصر بس من الزهق الواحد احيانا بيبقى نفسه يهج منها
بس حلوه كلة حياه بلاستيك عندك حق فيها
تحياتى وسلام مؤقت

نسيان يقول...

كيمو...
اردت فقط ان اقول :
صوت الموسيقى في خلفية مدونتك ملهمه بالنسبة لي بحجم لا تتصوره
.
.

كن بخير دائما

دواير يقول...

أتعرف!..حين قرأت مضوعك فكرت في شيئ آخر غير الذي تحدثت عنه أو قصدته من كلامك...طعم البيوت...أعتقد أنها أدق كلمة قد تصف تلك العلاقة الحميمة بيننا وبين بيوتنا...الأمر ليس جدرانا وحوائط...الأمر أكبر من ذلك...الأمر هو طعم البيوت..ولكن اسمح لي ..هذا الطعم ليس في بةت مصر فقط ..بل في كل بيت قد عشت فيه وأحببته وحفرت في قلبك قبل عقلك ذكريات مرتبطة به..كلماتك ذكرتني بوطني الآخر وحنيني إليه...ولكن يهون علي أنني الآن أيضا في وطني...
ــــــــــــــــــــــــــــــ
نعود لموضوعك وما قصدت منه....نعم كان تعبيرك بارعا...حياة غير قابلة للبلاستيك..تلك هي مصر مهما فعل الزمن بها....فلن يسلبها تلك الروح التي هي أجمل ما فيها...
ــــــــــــــــــــــــــــــ
معلش بأه عملتلك صداع...بس أصلك جيت على الجرح...

dodda يقول...

اشترى انبوبة حريه

وجرى ع البيت واتنفس بقى براحتك...


ال حريه ال
دا اسمه زمن الاقطاع مش الحريه
!!!!

أية الشقية الشعنونة يقول...

فى مثل او تقريبا اغنية مش عارفة بس بتتكرر ديما قدامى وبتخنقنى اوى يا كيمو
عشان ما نعلى و نعلى ونعلى لازم نطاطى نطاطى نطااااااااااااااااااااطى
بس فعلا الحرية اللى بتتكلم عنها دى بحسها اكتر لما ابعد عن البيت بحس بوحشة وبحس بقيمة البيت العتيق
ههههههههههههههههه
تحياتى

الفارس الملثم يقول...

قليل من الجنون لازم اكيد , العقل الزايد امر لا يحتمل , لو مفيش شوية الجنان دول انفقد عقلنا كله ..

فاحسن شوية جنان ولا جنون كامل

تحياتي
محمد

Gannah يقول...

أن تتنفس حرية
ما احلى ان تتنفس حرية
انا اصنف هذا البوست انه بوست رومانسى من الدرجة الاولى فى حب البيت والوطن وكل المعانى الحلوة
بس تعمل ايه لما تتغرب وانت جوه بلدك وتحس ان رائحة البيوت لم تعد كافية ان تخرجك من هذا الشعور
مافيش غير انك تديها بلاستيك وخاصة لو كان بلاستيك معاه اسطوانة حرية تشمها بدل اللى حرموك منها
متغربة وحاسة ببلدى جواياوريحة بيتى شيلاها معايا
تحياتى لفكرك العالى

سنووايت يقول...

البلاستيك بقي عندنا منه كميات كبيرة تكفي البلد كلها وقريب جدا هتتحول كلها لبالونة بلاستيكية علي وشك الانفجار
الحرية..
اجمل وقت ممكن تحي فيه بالحرية الصبح بدري اوي تفتح الشباك وتشم الهوا اللي محدش اتنفسه قبلك علشان كله نايم
علشان تتنفس حرية محتاج احظات جنون كتيرة اوي في دنيا مجنونة اوي
بوست جميل

سومه...مجنونه فى بلد عاقل يقول...

هههههه سبحان الله انت هنا بتدعوا للحياه الغير بلاستيكيه وانا هناك فى المدونه لسه بكتب بوست عن كيفيه تحول قرعيا من التقدم للجمال لا تقلق فى الطريق الى منتهى البساطه
تحياتى ليك سومه_87

رحــــيـل يقول...

السلام عليكم

فعلا الخنقه بقت كتير قوى
خنقه خنقه خنقه فى كل مكان
الواحد محتاج يروح مكان فاضى واسع جدا وكل خضره
ومفهوش مشاكل ولا زحمه ولا تراب ولا دخان
ولا ناااااااااااااااااس

عشان يتنفس براحته
تحياتى لك

صوت من مصر يقول...

سمراء
صح مع انى مش مغترب
;;;;;;;;;;;;;;;;;;;;;;;;;;
العجوز
بخصوص الحريه فهى شىء واحد لا يتجزء يا عجوز اوك
عموما شكرا
;;;;;;;;;;;;;;;;;;;;;;;;;;;
على الزيبق
لو حاولنا هنفشل صدقنى دى حكومه بلد كتير كتير كتيرررررررررررررررر
عموما شكرا

صوت من مصر يقول...

نور
ممكن تلاقيه بس لو فقدتيه جوه بيتك ؟
شكرا يا نور
;;;;;;;;;;;;;;;;;;;;;;;;
نسيان
الموسيقى اغنيه لمحمد منير اسمها بننجرح
;;;;;;;;;;;;;;;;;;;;;;;;;;;;;;;;
دواير
بجد بنتظر تعليقك دايما عندى وعارفه هى دى مصر زى مانا بكتب عنها وانتى كمان

صوت من مصر يقول...

دودا
هو مش اقطاع هو حريه ولو بتتباع مكناش زعلنا كده ولا ايه
;;;;;;;;;;;;;;;;;;;;;;;;
ايه
الاغنيه دى بتعكس مدى ومعنى كلمه الحريه ولا ايه ولا عمرى هطاطى ولا حد هيعلى على طوطايه ؟
;;;;;;;;;;;;;;;;;;;;;;;;;;;;;;;;;
الفارس الملثم
من غير جنون منقدرش نعيش تخيل ؟

صوت من مصر يقول...

جنه
مش عارف ارد واقولك ايه هو رومنسى فى حب وطن فى حب حريه مفتقده اه صح نفسى احس بيها من غر قيود العالم اجمل ؟
;;;;;;;;;;;;;;;;;;;;;;;;;;;
سنو وايت
الحياه كلها جنون ومن غير جنون مقدرش اتنفس اصلا تخيلى ممكن اموووووووووووووت
;;;;;;;;;;;;;;;;;;;;;;;;;;;;;;;;;;;
سومه
سبحان الله دى حاجه اسمها تقارن افكار شكرا يا سومه
;;;;;;;;;;;;;;;;;;;;;;;;;;;;;;;;;;
رحيل المكان ده هيبقى صحرا مش خضرا تانى حاجه هتكلمى نفسك لان مفيش تليفون ولا تليفزيون ولا حتى دش وكمبيوتر ههههههههههههههههه

mnoon يقول...

صوت من مصر

الحريه شعور رائع قوى
بعيداً عن المعنى السياسى
حريه يعنى أوكسجين
حريه يعنى لاقيود
حريه يعنى سيبونى أمشى بدماغى لوحدى بدون نقد وبدون تعليقات

بس كده

mado80 يقول...

إسمحلي أحييك علي زوقك العالي

فعلا لازم نخرج من الحياه البلاستيك

فليسقط البلاستيك وليحيا منير

كوارث يقول...

صوت من مصر
اؤيدك بشدة
لسه منزل قصيدة عن الوطن
نفس المضمون تقريبًا
لنا الله !

كاميليا يقول...

آجمل حاجة انك تتذوق طعم مصر

وما أجمل طعم مصر


تحياتى

dina يقول...

عجبنى جدا تعبير الحياة البلاستيك دا و الله احلى وصف ..وصف بدور عليه بقالى فترة لحياة تفوقنا فى مميزات كتير انما مفيهاش روح..و بردو لقيتها فى التعبير المصرى الجميل لما يقولك على حد"منشى"يعنى متسمر كدا و مش فاكك..و اذا كان على منير فأنا دايما بحس ان منير بيخلينى اشوف مصر بعين تانية و بيورينى فيها حاجات مكنتش واخدة بالى منها .. دا كفاية عنوان الالبوم اصلا اللى تحس انه مينفعش يتسمع فى مكان غير مصر
تحياتى

مجرد خواطر يقول...

السلام عليكم
كتبت مؤخرا بوست بعنوان مجرد بلاستيك وجالى تعليق عليه من دواير وقالت انه فكرها بالبوست بتاعك سبحان الله فعلا مصر هى الروح والباقى كله بلاستيك