الجمعة، 25 أبريل، 2008

كل واحد يخلى باله من بلوتوثه



فى حد هناك بينده ويقول من اول السطر والنبى يا عمو هقولوه ماشى وكل ماشى طول ما ربنا سترها علينا ولقينا شغل وبقيت بشرب سجاير بوكس زى مانا لكن الى انا مستغربله المره دى على عكس اى مره فى الشغل انا مهما هيحصل مش هسيب الشغل مش عارف ليه هل لانى مرتاح نفسيا وهل لانها تجربه وفى البدايه مفرحه مش عارف عموما ربنا يسهل


بالنسبه للكلام بقى الى انا عايز اقوله الى مش عارف ايه هو اصلا لانى بكتب وخلاص سميها تلقائيه سميها هطل كله عادى بصراحه كده فى الشغل بتاعى ده بشوف موزز موووووووووووووووووز من هنا لاخر السطر وحياته ابوك ومش عارف اعمل ايه وكله فاتح البلوتوث يا خونا وانا والحمد لله قفلته وارتحت من ال............. طبعا فاكرين الموضوع ده المهم ليه تحذير ليكم اوعى تفتح البلوتوث وانت فى الشارع صدقنى هتندم وبالاخص لو انت ولد وكاتب نمره تليفونك


او غير تليفونك زى الى فى الصوره

هناك 23 تعليقًا:

FaceMoon يقول...

طيب الحمدلله انك مرتاح نفسياً فى شغلك لان دة بقى نادر فى الزمن دة وكل الناس بتشتغل حاجات مش مقتنعة بيها
ههههههه بس خلى عندك ارادة واوعى تفتح البلوتوث تانى وشغلك كلة حيبقى تمام التمام
تحياتى

همس الاحباب يقول...

الحمد لله انك مرتاح وربنا يديمها عليك سعادة وراحة
وخلى بالك من البلوتوث بتاعك
وخلى بالك من الموووووززززززز
تحياتى واشواقى
خالد

عبده الرايق يقول...

طبعا مش هافتح البلوتوث
هو انا عبيط
الدنيا برد وانا صدرى مش مستحمل
بس قولى
البلوتوث هو التى شيرت ولا القميص ؟؟؟

قلوب بتغنى يقول...

هاى يا محمد
كل واحديخلى باله من بلوتوثوا فيها شبهة قباحه
ويمكن الحكومه تفتكرها اسقاط
اقف بقى وغنى وقول كل هيبقى على الطبيعه
وحشتنى
اشطات

عاليا حليم يقول...

مبروك على الشغل
بس اول ما تشتغل تفكر فى السجاير على طول كده ؟ حوش المرتب فى حاجة أفيد يا شيخ :)))))

Heba يقول...

مبروك على الشغل

والحمد لله أنك مرتاح فيه دي أهم حاجة

وخلي بالك من البلوتوث

تحياتي

shirry يقول...

الف مبروك علي الشغل مع انها متأخرة شوية
ويارب تفضل مرتاح فيه علي طول

ومدام انت مرتاح وانت قافل بلوتوثك
يبقي كدة تمام
بالتوفيق
وابقي تعالي بقي

د/اجدع بنوته يقول...

ههههههههههههههههههههههههههه

انطلاقا يعنى م مبدا ان البنات بقم حريفة معاكسة ولاد

تووووووووووووت

Desert cat يقول...

اهم حاجه انك مستريح فى الشغل ربنا يوفقك

wael يقول...

بص خلي البلوتوث مقفول ولا ليه اصلا تجيب موبايل ببلوتوث
ربنا يوفقك في شغلك

صوت من مصر يقول...

فيس مون
عندى اراده جامده طبعا
;;;;;;;;;;;;;;;;;;
همس الاحباب
الحمد لله طبعا ومخلى بالى من الموزززززززززززززز
;;;;;;;;;;;;;;;;;;;;;;;;
عبده الرايق
البلوتوث ده زى ما تقول كده الرايش بتاع البانجو
;;;;;;;;;;;;;;;;;;;;;;;
قلوب بتغنى
اسقاط ازاى وليه قباحه انا بتكلم عادى جدا مش نيتى حاجه وابقى تعالى دايما
;;;;;;;;;;;;;;;;;;;;;;;
عاليا
اول ما اشتغل لازم افكر فى السجاير طبعا
;;;;;;;;;;;;;;;;;;;;
هبه
مخلى بالى بس انتى دايما متاخره فى مواضيعك مش عارف ليه انتى بخيله
;;;;;;;;;;;;;;;;;;;;;;;;;;;
شيرى
اكيد مرتاح الحمد لله شكرا لوجودك دايما
;;;;;;;;;;;;;;;;;;;;;;;;
اجدع بنوته
اه فعلا بقوا حريفه موتتتتت
;;;;;;;;;;;;;;;;;;;;;;;;;;
قطه الصحراء
الحمد لله طبعا وشكرا جدا
;;;;;;;;;;;;;;;;;;;;;
وائل
لازم البلوتوث عشان الدماغ ولا لازم امسك تليفون
5110

walaa يقول...

الحمد لله انك لاقيت شغل يريحك وعندك حق مهما حصا مش تسيب الشغل
اما بقه موضوع الموزز ده انت وثباتك اثبت يا محمد
عارف يا محمد الشباب ده مظلوم من المناظر اللى بيشوفها ربنا يهدى يارب
تحياتى ولاء

alshared يقول...

أيه يا محمد
حد يقفل البلوتوث في وش النعمه يا راجل هاتزول من وشك كده

ههههههههههههه

أنا بهزر بس
ربنا يوفقك في شغلك
مش لازم تكتب حاجه المهم تكتب وتعبر عن اللي جواك ده المهم

خالص تحياتي

dina يقول...

هههههههههههههههههه
اتاريك مش عاوز تسيب الشغل
هههههههه
عموما اللى يلاقى شغل دلوقتى يلبد فيه اصلا و مايفكرش انه يسيبه ابدااااا لانه باختصار مش حيلاقى غيره و بكد يا ولداه يبقى نشاطه المهنى انتهى من قبل ما يبدأ اصلا

دواير يقول...

بص هو مبروك على الشغل ....أما بالنسبة لحكاية البلوتوث اللي ما أعرفش طلعته منين...فربنا يكون في العون....

صحفية روشة يقول...

الموبيل اللى انت بتتريق علية اللى هو نوكيا 5110
كنت جايباه ب 850 جنيه ومتحسرنيش على نفسى
________________
تعالى اقرا البوست وعلق تانى انت كتبت ردك فى حاجة انا مش كنت بتكلم عليها
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

ftafeet يقول...

اولا كويس اوى انك مبسوط فى الشغل يامحمد ربنا يوفقك ان شاء الله

ثانيا كويس انك قفلت بلتوثك اصلا بتفتحه ليه يعنى ومالهم يعنى الاولاد بيحصلهم ايه لما البلتوث بيتفتح
انا مش عارفه وعايزه اعرف

نوناااا

Gannah يقول...

مبروك على الشغل الجديد و الحمد لله على قفل البلو توث و خليك ثابت على كده
ربنا يكرمك و عقبال السجاير
تحياتى

mnoon يقول...

أول ماقريت البوست
حسيت إن قدرتى على الفهم
إنعدمت
بس فى الوسط فهمت الموضوع
مبروك ياسيدى على الشغل الجديد
ربنا يثبت أقدامك
ويرزقك رزق حلال
وبخصوص الموزز
فخلى بالك
النظره سهم مسموم من سهام إبليس
يرضيك بأه إن إبليس يفرح فينا
وبخصوص البلوتوث
كان نفسى والله أقفله
بس للأسف معنديش فى موبيلى
بلوتوث ياخساره

ربنا يوفقك

maii bahaa يقول...

مبروك يامعلم عالشغل
تصدق الموبايل اللي في الصورة ده واحشني جداااااا
العشرة ماتهونش برضه
:)

عاليا حليم يقول...

بعتذر جدا للتعليق خارج الموضوع
أرجوا زيارتى لأمر هام ضرورى

و لكم جزيل الشكر

همس الاحباب يقول...

ايه يا باشا
هى المززززززز واخدك مننا كده دايما
ولا ايه
عامة ربنا يسعدك
طب افتكرنا بنص مزة او ربع يعنى
عامة انا حبيت اطمن عليك
تحياتى واشواقى
خالد

Yuri Eisenheim يقول...

صباح الفل يا معلم
حلوه حكايه المزز دى بس مش ناوى كدا نفرح فيك وربنا يهديك وتتجوز فى الزمن الاغبر دا
بس انا حاس ان اطفالنا دا لو خلفنا يعنى هيدرسوا انه كان فيه حيوان ينتج اللحم اسمه البقره يعنى مش هيشوفوها اصلا
اما بقى البلوتوث ماتفكرنيش والنبى انا زى ما تقول كدا شايل 3650 وزمطلع عينى هو والبلوتوث بتاعه