الأربعاء، 30 يوليو 2008

من نظيف ال موت الرغيف لسليمان ؟ الله يرحمنا












من الاول كده هقولها بقالى فتره غايب اه






بقالى فتره مش برد على حد اه لانى ندل اه بس للعلم كلكم موجودين فى قلبى لانكم اكتر من اخواتى






تانى حاجه حد فيكم سمع فضايح اخر زمن من بعض الفضايح فى كل دوله فى العالم بسمع عن رئيس مرفوع عليه قضيه لانه عمل وسوى واحنا هنا بيعمل وبيسوى ويشوى كمان ومحدش منا حاسس بحاجه عارفين ليه تخيل انك جبت خروف وحشيته ومسكته وسويته مش على نار هاديه لا على فحم هيبقى طعمه ايه هو بقى بيعمل فينا كده منه لله واخد شقه فى العباسيه ثمنها شهريا 6 جنيه ومش راضى يسبها من حوالى 40 سنه متعرفش ليه على راسه ريشه ولا يمكن لما يسيب الحكم يبقى يلاقى حته يقعد فيها زى صديقه جاك شيراك كده مثلا وممكن اعرف هو وزير القضاء العالى اخد كام عشان قضيه العباره تبقى فشنك ولا ايه ولا ايه وممكن اعرف ليه احمد عز محتكر السوق المصرى لحديد واحنا مش لاقين ناكل حتى زلط سيبك من ده وده بيقولوا نظيف هيسيب رئاسه الوزراء وبصراحه كده فرحت جدا وتخيلوا مين الى ممكن يراس الراسه بداله :: عمر سليمان :: الى ربنا كارمه وراكب عربيه روز رايز لونه سماوى موديل 2008 تانى حاجه ده يبقى مدير المخابرات العامه المصريه والاهم شكله كده زى الراجل الى اغتصب سعاد حسنى فى فيلم الكرنك من الاخر لنا الله وكل واحد يبقى يخلى باله من الاندر وير بتاعه فى زومن عمر سليمان ؟

هناك 19 تعليقًا:

دواير يقول...

ايه العودة السخنة دي........

معلش يعني لاحظ انك بتخبط وفي البلد دي ماحدش ضامن عمره........وبعيدن احنا بنسال ليه.......قال يا فرعون مين فرعنك........قال مالقيتش حد يلمني

كلمتى يقول...

ايه الموضوع الجامد ده

بص انا هقولك على حاجه

نظيف ... عمر سليمان ...الخ الخ الخ

للاسف

النظام هو هو والاسامى اتغيرت

بس الاسامى واوعى تطمع فى حاجه اكتر من كده


كلهم تبع حكومة مييييييييييييين ؟

مااعتقدش ان فى حكومه زى دى هيخلوا حد امين يمسك منصب عندهم

ولا ايييييييييييييييه ؟؟؟؟؟؟

نونو يقول...

يا نهاااااااار اية الكلام الكبيير
دة ؟
عوداااااااا احمد ياسيدى
ربنا معانا

dina يقول...

حسبى الله و نعم الوكيل

dina يقول...

اموت و اشوف فيكى يوم يسر على ايد حد عدل ماسكك يا بلد

(green eyes) يقول...

انا قريت البوست وحطيت ايدي على قلبي
انا حاسة انك هتتشد قريب :)
خاللي بالك من نفسك اليومين دول.
بجد اللي يعيش في مصر ياما يشوف.
وبمناسبة الافلام وسعاد حسني مش عارفة ليه جه في بالي
المشهد اللي فيلم جائنا البيان التالي
للراجل اللي كان في السجن لما كان بيقول حسبي الله ونعم الوكيل :(
تقبل مروري
تحياتي

blue-wave يقول...

ياعم والله ولا حتى الأندر ورور هاينفع:))

canary يقول...

يعمل ويسوى دة ايه لا عيب دى حاجه قبيحه دى؟
وبعدين ليه الحقد الطبقى ايه؟
بتبص لوزير فى رشوته والا لمدير مخابرات فى عربيته؟
يعنى فى الاول حاجات قله ادب بيعملوها فينا وفى الاخر حقدك يطلع عليهم كدة؟
دةبدل ما تدعى ربنا انه يرزقك زى ما رزقهم تقوم تبص فى لقمتهم بالشكل دة؟

مدحت محمد يقول...

انا سمعت كمان انه هيبقى الزعيم بعد ال.........

بنت مصريه يقول...

ههههههههههههههههههههههههه
انا جبتلك السندويتش
ما قولتلك كوسه يابنى


بوست جميل احييك

Heba يقول...

حمد الله على السلامة

زي ما الرفاق اللي قبلي قالوا

الأسامي اتغيرت والحكومة هي هي

والأمر لله

د/اجدع بنوته يقول...

ايه ياعم النداله دى

وكلنا ف قلبك وحركات وتثبيت

الله يكرمك

بس خد بالك بقى

اصل بوست كمان م نفس الفرن ده

ومش هتعرف ترخص المدونه

وهتتمسك مع اول لجنه

تدوين بدون رخصه

لووووووول

tote يقول...

السلام عليكم
موضوعك خلو بس قبل ما تبص على الحكومة عملتلك ايه ورينا انت كمان عملت ايه
انا مش بهاجم بس عايزاك تركز على النقطة ديه انت لو هجمت الحكومة من هنا ليوم القيامة ولا هيحصل حاجة وياريت ترد عليا
ربنا يوفقك تقبل مرورى

قلوب بتغنى يقول...

هههههههههههههه
ههههههههههه
ياساتر يارب هو حتى الاندر مش مضمون فى البلد دى
ملحوظه مهمه جدا
ممكن يقبضوا عليك علشان افشيت اسرار عسكريه زى ماركت ولون العربيه
خلى بالك من كل حاجاتك
اشطات

FaceMoon يقول...

انا اكتئبت

gannah يقول...

على فكرة اوعى تزعل منى وتقاطعنى
مش هعلق الا لما تزورنى علشان اعرف انك مش زعلان
تحياتى

kemet يقول...

السلام عليكم ورحمة الله وبركاته
هي في ايه بالضبط هي البلد دي مش لقيا حد يحكمها
ولا البلد دي معادش فيها رجاله _ احم احم _ سوري مأصدش
بس
خلاص

تحياتي
الي اللقاء

Gannah يقول...

سعيدة جدا انك زرتنى
المشكلة مش فى شخص بعينه المشكلة فى منظومة كاملة عايزة تغيير
العبارة بتغرق وفى النهاية هيكون الضحايا هما السبب والكل هيطلع برىء
اه يا بلد
تحياتى

momken يقول...

ايه يابو كمال فيه ايه
انت شبعت من الدنيا ولا ايه يابنى

اهدى كده
وتجيب سيره العباره
ولا الحديد ولا المخابرات

انت ايه ما شوفتش رافت الهجان
مافيش واطنيه خالص؟
ماحنا زى الفل اهو

وفيها ايه لما يشونا يعنى
مش يمكن هما عارفين مصلحتنا كويس
وايه يعنى لما يجى سليمان مكان نظيف
ماهم كلهم اسيادنا ولاد اسيادنا

اكفروا بقى اكفروا

هع هع هع هع هع

دى ضحكه مش ترجيع (بلاش قرف)

تحياتى