الخميس، 31 ديسمبر، 2009

كل عااااااااااااااام


كل سنه وانتوا ساكتين عن الحق اللى هو ملك ليكم
كل سنه وانتوا تايهين بدون ادنى صرخه
فاتت سنه وجت سنه بكوارث واحداث
فكل عام مرض جديد تتجاهل الحكومه كيفية المعامله معه
وكل عام حادث قطار تكون المذنبة بقرة او قشرة بطيخ او او
كل عام وانتم بخير
كل عام وانتم تسرقون تنهبون تاكلون
كل عام ونحن نسكت عليكم
كل عام بدون ادنى حق
كل عام نهان كل عام نسرخ من دويقه لحريق لكارثه
كل عام وانا حزين عليك يا وطن

الأحد، 27 ديسمبر، 2009

ام النور " العذراء "


هل ستدمع العذراء عن ظهورها فى سماء مصر

هل ستدمع على حالى ام حال البلد باكملها

اظن اننها ظهرت فعليا وليست مجرد تخريفه فانها ظهرت لتلهى الملايين من الجوع والفقر والخوف نظرية الخوف من الرب والاله نظرية محتومه لكن نظرية الخوف من الحكومه او اى شىء اخر مع انى غير مذنب فهو نوع من انواع الخوف الذى يسمى بالخوف الرئيسى للمواطن المصرى ........... نعم انا مصري لكنى بدون ادنى ثقه بسبب مخاوفى من الحكومه كمين او امين كلها مسميات لكن هل العذراء ستلهينى عن ذلك ولو ستلهينى فاول دعاء لى لربى وهى موجوده " ادعوك ان ارى حكومه تتمثل فى ناس من الشعب وليسوا بجازرين مصاصى دماء اكلى عرق المواطن الكادح فى ظل معيشه لا تسمح بالعيش " انها مصر وانها العذراء جائت اليها فعلا العذراء جائت اليها منذ الفين عام لترى مصر وتسكن بها انها مصر بل هل عندما ظهرت ثانيا شافت مصر اللى تعبنا فيها من سنين

بركاتك يا ام النور

محمد كمال

الجمعة، 25 ديسمبر، 2009

ادفنونى بهدوء


منظومه متكاملة تهدينى روح الحياة
منظومه متكاملة تعطينى حقى فى الانتفاع
لكن انا لا ارغب
لا ارغب فى حب
لا ارغب فى حلم مات
لا ارغب حتى فى ظروف عادية
لا ارغب فى رغيف عيش
فارغب بقبر يمتلكنى بقماش ابيض هو كفنى
فنويت الرحيل عن الحياة
هل لها معنى معك ؟؟؟؟؟؟
اموات نحن بلا روح لكن الجسد يتعايش معنا بدون ادنى حق
كل الناس لها هدف الا انا
كل الناس لها طموح الا انا
كل الناس نفسها تعيش الا انا
اظن انى وصلت لاكبر درجات الاكتئاب
اتمنى دفنى بهدوء

الجمعة، 18 ديسمبر، 2009

صمت


من يحاسبنى انا على افعالى
الناس يحاسبونى يقولون انى مجنون
عادى جدا
بس احساس الوحدة ولاول مرة افضله
على راى المثل
احب عيشة الحرية فانا اى نعم وحيد لكنى اصبحت صامتاَ اكثر واكثر فلاحظت للصمت معانى كثيرة لم اكن اعرفها
لكن الى متى سيدوم
لقد جعل الشتاء منى عبارة عن قطعه ثلج صامته فى احضان الجبل
اتمنى وارى وارغب ولكن ...............................................
انه القدر.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
guevara0000014@yahoo.com

الجمعة، 11 ديسمبر، 2009

اموات بلا اموال


اولا بشكر كل الناس اللى اشتركو فى الحملة واولهم مامتى ( شمس النهار ) واللى كان ليها بداية الحملة اظن فى ناس كتير زعلت منى بس الموضوع سهل وقولت للى هيشترك يبعتلى اى ميل بميله عشان اقدر اضيفه وبعدين انا غيرت ميعادى عشان الناس وللى عاوز يشترك تانى يبعتلى ميل على ميلى اللى هو ( guevara0000014@yahoo.com ) اظن انا كده عملت اللى عليا وهبعتله ميل بميعاده .
دلوقتى بقى احكيلكم حكاية انا خبطتنى عربية المهم دخلت مستشفى تسمى ب مستشفى المطرية التعليمى العااااام المهم دخلت واكتشفت ان كل حاجه بقت بفلوس واحد قالى كده ( افرض واحد حصله حاجه ومعهوش فلوس يموت )
اظن انى اكتر كلمة سمعتها هى حسبى الله ونعم الوكيل بجد واحد ليه حق كان راجل عجوز قالهم انتوا مش بتشبعوا كلام الراجل ده مقصر فيا جدا جدا ...
لو املك انى احاكم هحاكم كل من
الرئيس
ابنه
رئيس الوزراء
وزير الصحة
وزير النقل
لحد عسكرى المرور
كل ده المفروض يتحاكم لان فى ناس بتموت من الفقر بجد
خلص كلامى لانى مش قادر اتكلم

الأربعاء، 2 ديسمبر، 2009

مدونه جديده نرسم فيها الوطن


بعد عدة مدولات عديده وبعد قرأه فى ملفات البعض من اخواتى المدونين قررت عمل مدونه شاملة بأسم " ناولنى فرشة هرسم وطن " الفكرة كلها بتدور حوالينا احنا كل واحد مننا بيحلم بوطن ايه رايكم ترسموا الحلم ده سهل ومش صعب احلم فى ناس منكم اكيد هتقول حلمى غير حلمكم اقوله متفقين معاك ومش مشكله بس هنا بنحاول نوصل لاحلى رسمه للوطن
اللى عاوز يشترك معانا يقولى فى التعليقات
ويبعت على الميل ده guevara0000014@yahoo.com عشان نقدر نتواصل او الجروب الرسمى على الفيس بوك من هنا وبالتالى هيكون البوستات كالاتى
نعرف احنا كام شخص
كل واحد هيتحددله يوم يكتب فى بوست بحلمه
كل واحد يرسم وطنه
نعرف الناس كلها افكارها لوطنها ايه
المدونه برضه تزوروها من هنا

الاثنين، 30 نوفمبر، 2009

حلم ممكن يكون ممنوع


بلاد من غير شعوب وشعوب من غير بلاد
وطن بينسى حلمه وولاد غير الولاد
حبيب غير الحبيب وشوارع غير الشوارع
طريق غير الطريق وبحور ملهاش غريق
اتمنى فرشه ارسم فيها وطن
اتمنى روح اتمنى قلب اتمنى حب اتمنى وطن
وفينك يا حبيب اكلمك عن وطن وراح عن قلب مليان جراح
وفين المساطيل اللى فى الطريق وفين الطريق الى ملوش حبيب
لمى جراحى وارميهم ولونى بيهم بفرشه الطريق وارسمى وطن
كل ده لانى بحلم بوطن .....................................................................
ـــــــــــــــــــــــــــــ كيمو ـــــــــــــــــــــــــــــــــــــــ

الجمعة، 27 نوفمبر، 2009

عن 2012 ونهاية العالم وجيمى


مش عارف ليه بكتب ومش عارف انى هبعد عن الرسميات وكلام العيد واللحمه مش عارف ليه بس السبب لانى بكتب
اولا كتير مننا سمع عن فيلم 2012 او نهاية العالم اتفرجت على الفيلم وانا فى السينما الناس كلها بجد كانت مرعوبة وخايفه من الاحداث الا انا كنت قاعد بضحك وحسيت انه مش الفيلم الذى يلاقى اهتمام من العالم اجمع بل بالعكس هو فيلم مبنى على تنبؤات البعض ناس كتير فى الخارج " اقصد الغرب " مقتنعه بان نهاية العالم هتكون يوم 21/12/2012 لكنى مش منهم واستندوا ده لتنبؤات قديمة منها واهمها بالنسبلهم هى معتقدات شعب المايا وهم المكسيكيون القدامى والذين اعتقدوا نهاية العالم نتيجه احداث فلكية منها شروق الشمس من الغرب اى بمعنى انعكاس دوران الارض وسيؤدى ذلك الى حدوث انفجار هائل فى براكين الارض وكذلك حدوث زلزال كل 5 ثوانى بقوه رهيبة وهناك من يعتقد بوجود كوكب غريب يقترب من الارض بقوه مغنطيسية وانا هيهبط على الكوكب بتاعنا عام 2012 وطلع واحد مسؤال فى وكاله ناسا الفضائية يكدب ده .
المهم من حوالى سنه تقريبا كتبت بوست بعتب على الرئيس القادم للجمهورية اللولبية بتاعتنا " جيمى " انه بيبنى مدينه فضائية بحجم 50 مليار جنية مصرى طب فين بقى الاستكشافات دى يا برنس
حد يقوله انى عرفت قبله ان العالم كله مستنى اليوم ده اللى انا ناوى اقضيه فى الحمام بتاع المعتقل
انا مش مصدق كلام الغرب " لان ببساطه ده هبل وخرافات "

الاثنين، 16 نوفمبر، 2009

مشارف


دائما اعتذر دائما ابحث دائما اضحك دائما ابكى دائما اكون انسان له المشاعر المتناقضه
كل انسان له قصته الخاصه اما انا فابحث عن قصص الاخرين
كل شخص له ميزه الا انا لم اجد ما يميزنى
كل بشر له هدف الا انا هدفى مثل الهدف الثالث لمنتخب مصر
كل شخص يبحث عن السعاده الا انا ابحث عن شىء لا اعرفه
كل بشر وله اسلوب اما انا فاعلم كل الاساليب وليس لى اى اسلوب خاص
فى النهاية
عندى احساس غريب
"""""""""""""""""""""""""""""""""""""""""""""""""""""""""""""
يا مشارف الاكتئاب

الأربعاء، 11 نوفمبر، 2009

احلم وانظر وابيع


احلام ارها يوميا امام عينى لكنها مجرد احلام تراودنى ما بين الحين والاخر احلم بان اكون مثل باقى البشر على وجه الارض احلم بان اكون مثل روبن هود او مازينجر او حتى جيفاره او على راى اللى قال صلاح الدين الابنودى لكن مجرد حلم , احلم بوطن واقول للجميع قبل النوم تصبحون على وطن اتمنى ان ارسمه احلم بحب من الصعب وجوده فى ظل كأبة الحياة احلم بفتاة تكون مثلها مثل الجنون تلقى بروحها فى النيل لتدع جسدها فى الهواء الطلق على ضفاف النهر الذى لا تنفذ مياهه التى اعطتنى الحياة لكن يسمى بحلم .
انظر الى المرآه ارى وجه متغير اللون اصبح مثل الورقه السفراء وهى اصعب ورقه فى اوراق حكومتنا المصونة فهى مثل الفيزا للسفر الى الخارج فوجهى اصبح من الصعب فهمه ارى ضمير فى المرآه ضمير انسان لا يمتلك اساليب الكذب والمراوغه حين يرفض يقول لا وحين ينوى يقول نعم وليس لديه اى خيار اخر .
وعندما اجد الحب سابقى على ضفاف النيل انتظرها وليس من العيب الانتظار لكن العيب ان لا يوجد الشىء الذى تنتظره فنعم انتظر جنه الحياه وهو الحب انتظر شىء من الصعب بالنسبة لافكارى اى نعم لبسى وطريقى مجنونه لكن افكارى اجن ونعم ارى الحب بعيد لذلك قررت عرض قلبى للبيع
فهل من مشترى ــــــــــــــــــــــــــ.؟

السبت، 7 نوفمبر، 2009

ما بين الفول واللحمه


قاعد ايوه والله قاعد مش بعمل حاجه لقيت نفسى فجاه بسمع اغنيه للشيخ امام المهم الاغنيه تعبر عن حالتنا دلوقتى حالا بالا يقولك ايه الحياه هايله وجميله واحنا فعلا معدتنا اخدت على اننا ناكل فول وبس وبس
لكن تاكلنا لحمه نقولك لا هتلى قدره فول هكولها ومعاها فحلين بصل
تحيبلى لحمه اقولك نووووووووووووووووووووووووووووو
ان الشعب المصرى خوصوا من مصلحته يقرقش فول
يعطيك طاقه جامده موزززززززززززززززززززززززززززززززززززززززززززززززززززززززززز
نتكلم بقى عن اللحمه فيها ايه
تزود اوجاع المعده وتعود على طولت الايد
واللى بياكلوا اللحمه عموما هيخشوا جهنم تاكيد
احنا سيبونا نموت باللحمه وانتوا تعيشوا تاكلوا فول
لو اللحمه فيها سم هناكلها وموافقين
سيبونا هناكلها ولو بفلوس او ببلاش
زهقنا من الفول حاسس ان معدتى اصبحت عباره عن قدره فول
ومحدش واخد باله ان 90 فى المئه من الشعب يعانون من وجع المعده من الفول
تخيل مصر فيها كام مطعم فول ومقارنه بمطاعم اللحمه
مفيش حد ينزلنا دستور يقرروا فيه لحمه ببلاش
عموما مش عاوز امد ايدى واسرق زى اللى بياكلوا لحمه

الاثنين، 2 نوفمبر، 2009

شمس الحياه


فى الانتظار يوميا دوما انتظر اشياء لا اعرفها لكنى انتظر اهل تعرفها ؟
دخل الشتاء وانا افضل الجو الممطر البارد نعم افضله فيعطينى مزيد من المشاعر المكبوته واقربها الى قلبى هو الخوف الخوف من المستقبل فى ظل غياب شمس من الافضل ان تسمى بشمس الحياه فاعشق شكل السحاب فى السماء اعشق الهواء اعشق ندى الصباح ورائحته مع صوت طيور النيل التى تملئ مصر من اعلها لاخر قطره ماء تنزل من نهر خالد يذكرنى بكل شىء المى وفرحى وسكونى اتذكر الايام وانا انتظر
امر فى تلك الايام بشىء غريب على نفسى وهو افتقادى الى صديقى الدائم الاكتئاب استمع الى اغانى ليس لها علاقه بالحزن اقتربت من التصالح مع الحياه برغم من كرهى للحكومه وحركاتها وبرغم من تزايد اموات الانفلونزا h1n1 الا اننى اقرر انى غير متشائم ومتفائل والسبب هو تغير الجو من ساخن الى بارد فى انتظار الموزه بقى
ههههههههههههههههههههههههههههههههه
شمس حياتى اقتربت من الاشراق واعتبر ان ايامى القادمه افضل
اسف لكل مدون تعاملت معه على انه مكتئب
اسف لحالتى اللى بتمنى انها تدوم طويلا
كيمو

الجمعة، 30 أكتوبر، 2009

نبطشى


من موقعى هذا
قررت
انا واعوذ بالله من كلمه انا (((((((((((((((((( والناس اللى جايه ابو ادهم واللى ابوه راجل ميخافش وسيبها على الله يا عوكل التحيه يعنى 3000 شمعه منوره حايره طايره على ابو نوره السكره وهو ده يا وديع صعايده يا رسول الله وسمعنى سلام الاموات علينا حق )))))))))))))
ما الساعه بتدق 12 بيبتدى يوم جديد ويتنسى اليوم اللى قبله فعشان كده انا نسيت البوست الترفيهى اللى فات ورجعت تانى لعادتى بس مش مكتئب وهكون لفتره غير كبيره ببيعتى نظرا لانى اشتريت كوتشى تانى بس ازرق ونفس اللرباط
على ماظن انى لاحظت حاجه وكلنا لاحظناها
من حوالى كده 63 سنه عمرنا ما سمعنا وزير وقال انا مستقيل غير وزير النقل المستقيل
احمدك يا رب طلع عنده نسبه من الاحمر
نرجع لكلامنا اللى فوق ده مش نبطشى فى مسرح فرح وماسك الكريستا ( المايك ) وبدندن
لا دى حكومتنا
شغل النباطشى فى الافراح عباره عن حاجه انه عارف الناس كلها انه يرغى ويصدع الناس انه ينده على الناس عشان تقوم تنقط او يدفعوا فلوس وطبعا فى النهايه بيحسب نسبته اللى هى تقريبا بتبقى 10 او 5 فى المئه
ممكن اوضح النبطشى عموما بيسمى نفسه الريس يعنى اعرف واحد مسمى نفسه الريس محمود الاسود
وشغلته فعلا عامله زى شغل الريس تمام بيقعد ينده على الشعب واحد واحد ويمص دمهم وكمان مش بمزاجهم لا احراج
وبيدفعوا بجد الحكومه عامله زى فرقه على مسرح بتلم نقطه من الشعب الغلبان
احلى مسا عليكم
والسلام ده منى للحكومه
السلام الجمهورى

الاثنين، 26 أكتوبر، 2009

الرباط بتاع الكوتشى عامل شغل يا معلم




ارجوكم انتباه
Attention please
Atención por favor
Attention, s'il vous plaît
اقولها بكل لغات العالم
اخيرا قرر الاستاذ المدعوه اللى هو انا ( كيمو ) هكتب بوست بعيد عن الحكومه وبعيد عن مصر وكمان مفاجاه
البوست ده عن رباط الكوتشى واللى عامله معايا
اول ما روحت اشترى الكوتشى فعلا شدنى الرباط لكن انى اكون لابسه واتعاكس او اتسال من اى حد انت رابطه ازاى
بقعد اضحك
طيب حد يقولى اعمل ايه
الرباط فعلا شكله لذيذ اول يوم لبست الكوتشى لقيت بنتين (
موززززززززززززززززززززززززز ؟) بيبصوا جدا جدا جدا للرباط قعدت اضحك ومشيت شويه بنتين اعرفهم قعدوا يبصوا للرباط
بصيت لواحد صاحبى وقولتله الكوتشى عامل شغل يا معلم
البرنس قالى لا بجد الرباط هو اللى عامل شغل
البراط الرباط الرباط اصبحت فوبيا
بجد قررت قرار مهم جدا انى البس شيك دوما دايما ومش هستغنى عن الكوتشى
واللى هيسالنى هقوله الرباط عامل شغل يا معلم

المهم الرباط خلانى اتعاكس بس فى الاخر برضه بلا موزه تقرقر حبسى فى شباكها
عموما ده كان بوست تريفيهى ومتاخدوش على كده

السبت، 24 أكتوبر، 2009

حرام يا ناس


بيقولك ايه وبقولك ايه خربانه خربانه مش دريانه سهيانه سايبانا لاننا هى بس هى بتكرهنا او احنا بنكرهها للاسف زهقت من حاكم وزهقت من محكوم اه انا محكوم لكن زهقان من نفسى ومنهم ومنكم انتوا ممكن سؤال يا ريس سؤال بسيط وصغير حضرتك كنت فين والقطرين دخلوا فى بعض
سؤال تانى لابنك هو كان فين والقطرين دخلوا فى بعض
سؤال تالت لوزير النقل هو انت كنت فين ساعه ما القطرين دخلوا فى بعض
نفسى حد منم يجاوب ال مئات دول زنبهم ايه كارثه كارثه
يا حكومه كلها بجد توكااااااااااااااااااااااااااا
انا مش قادر اكتب ومش قادر اعبر مدى الماساه وال ايه بقى
يصرف تعويضات للاهالى يعنى انا لو اخويا مات جوه القطر هاخد فلوس حلاوه روحهAlign Center
بجد الناس دى مش عارفه عقاب ربنا ايه ولا احنا بس كده بنحاف نتكلم
للاسف ضاق بى الحال
للاسف يا حكومه انا عاوز فلوسى اللى هتدفعلى يوم ما اموت اهو اسكر بيها وانسى بلاويكم
لو عنده دم يحس بكل كلمه اتقالت النهارده
بجد مليون طظ فينا اننا بنسكت

الأربعاء، 21 أكتوبر، 2009

توكاااااااااااااااااااا 4


هو مين العبيط فينا
هو مين الاهبل فينا
الحكومه بتتعامل معانا على اساس كده
واحنا بنتعامل مع الحكومه على اساس كده
( ياعم اعمل عبيط ) فاكر جمله اعمل نفسك ميت
احنا اموات بس حقيقه مش محتاجين نعمل لنفسنا حاجه
توريث العرش العرش العرش مينفعش يبقى العريش بتاع العربيه الكاروووو اللى بيجروه حمار او بغل ( حصان لا وتؤ )
بجد الحاله خلاص وصلت والكيس فرقع الناس مش مستحمله اى كوارث اخرى فبلاش يا ريس ابنك مين ياعم ( ياخى توكاااااااااااا ) والمره دى تكون الرابعه خلى عندكم دم
شيخ الازهر يبايع نجل الرئيس
البابا شنوده يبايع نجل الرئيس
ناقص كمان الاقى امى فى البيت حطالى صورته فى الحمام عشان نفسى تتفتح وانا ب ؟؟؟؟؟؟؟؟؟؟؟
بجد كفايه 29 ذل كفايه 29 اهانه تقوم ايه كمان تدى العرش لابنك
ياعم ارحمنا بجد السكر بيغلى والبيبسى والكولا ده حتى البريل بقى غالى والحشيش بيرخص ياحول الله
البلد بقت فى حاله مريبه الحشيش بقى ارخص من وجبه العشا او الغدا
طبعا لسه على لحم دماغه انما بطنه فاضيه دايما
دايما جعانين وبنصبر دايما شايفين الزباله وبنصبر
انت بقى شايف ايه
اظن انك عامل رجيم عشان البدله تبقى شيك عليك
لا بجد العمليه بوخت على الاخر ده بقت رسمى فهمى بروسلى
انا هنتخب نفسى لانى مش هلاقى راجل فى البلد دى يدخل الانتخابات
لو فى راجل حد يقولى ( ولا حد يقولى حمله لا للتوريث حمله هايله وجميله بصراحه )
رايحين يقولوه انهم رافضين الانتخابات لانهم عارفين مين هيفوز وطبعا هيبقى جيمى
طب ليه ارفضها ليه محاولش انتخبوا واحد منكم
البلد عايزه رادل بصحيح رادل زى صلاح الدين الابندوى
الله يمسيك بالخير يا غباوه
احنا فعلا مش ميتين لما نصحى من الكابوس حد يقولى اصحى معاكم
توكااااااااااااااااااااااااااااااااااااااااااااااااااااااااااااااااا

الأحد، 18 أكتوبر، 2009

وشوشه ودع


يوم يوم وقد كان
النهارده نزلت المعهد واتجننت وقعدت العب طاوله كالعاده وبعدها خرجت قعدت اهزر مع باقى الناس وكده وبتاع المهم قالو هنخرج اكتر من اربعين شخص
طب هتروحوا فين قالو حديقه الحلويات ( الحيوانات سابقا ) دخلنا الحديقه وربنك ما يوعدك مشفتش فيها اى حيوات غير طاوسين دكر وواحده نتايه والدكرين بيتخانقوا عليها
المهم قولنا ندخل نقعد فى مكان وانا قاعد ومشغل اغانى وكده وبتاع ةالحياه لذيذه بخلاف البشر الغريبه اللى كانت موجوده لقيت العيال فجاه اتلمو كده مع بعض حتى الحبيبه سابو بعض وكده وبتاع ولقيت واحده فى وسطهم وكانها هنادى رجعت يا اماى بجد نفس الشكل قمطه الدماغ السودا مع جلابيه سودا ومود وكلام والشغل اللى انتوا عارفينه المهم بتوشوش الودع والكلام ده ب 2 جندى مصرى لا غير تخفيض بقى عشان احنا طلبه المهم مسكه ولد كلت دماغ الواد الواد ده جاله حاله استبهلال غير طبيعى وكان ناقص شعره يقف وعينه تبرق وبعدها اخدت 3 بنات بعيد عننا وانا كمتطفل رخم قولت ابص كده من بعيد لقيت واحده بتعيط انا بقى فى عقل بالى ( الست دى بتشتغل الناس ولا فى ايه ) المهم اتفقت مع الرجاله كلها انى انا اشتغلها او اعمل عليها حوار المهم مسكت واحد اسم شكرى وابتديت معاه كلام واخدته بعيد عننا دخلت انا وواحد تانى قالت لنا اخرجوا بعيد الواد التانى قالها فى ايه قالتله دمك زفر بصراحه قعدت اضحك المهم قولتها لو عرفت انك تمام هجيبلك الموزه ( وانا مفيش موزه اصلا ) المهم الست دى قالتلى وشوش بعد ما خدت منى 2 جنيه فضه وانا قايم بعيد عنها اوشوش بقول لواحد تخيل ممكن اعمل زى فيلم الحاسه السابعه واقولها اجرى يا نصابه يا بنت اللل قعدنا نضحك المهم وشوشت الودع وقولتله حاجه شغلانى بقالها فتره قالتلى اسمك قولتها محمد بتقولى اسم امك برئتلها عينى وقولتها لا قالتلى طب قول حووواااااا قولتلها حوا مسكت الودع كانها بتسبح وتبص وتكلمنى
قالتلى ان كتير كلام فعل ما في . وقعت فى 3 مشاكل منهم واحده مرض والتانيه كلام عليك والتالته سكتت وانا كنت فاهم لانها متتحكيش بس بنظره عينها فهمت وقالتلك رزقك واسع ( افتكرت محاسن صابر بجد ) نفس كلام محاسن انى هترزق جامد قريب وانا مش عارف وانى وده المهم حاسس ان الدنيا كلها كارهانى بس انا محبوب من طوب الارض لقيت واحد صاحبى ضحك جامد وبصلى قوى وبتقولى انت عامل مشاكل مع العسكر ( تقصد الحكومه ) انا فى عقل بالى هى الست دى بتدخل بلوجر ولا ايه المهم وقرينك السفلى قوى جدا هى بتقولى كده وانا مش فاهم وبتقولى هى مش مؤزى عامل زيك كده بتحب الخير وجواك خير كتير وكمان انت مش بتسكت على الحق وكلمه الحق على رقبتك صحابى اللى قريبين منى استغربوا جامد قوى لكلامها اخر كلمه قالتها هى الاغرب بتقولى متفتحش مندل ولا توشوش ودع ولا تقرى كف او فنجان لانك مش بتقتنع بالكلام ده كله وانت كنت جاى هنا عشان تهرج
حد يفهمنى الست دى
المهم دخلت على ايمن صاحبى قالتله انت مقصر فى قرايه القران وناقصلك 5 اجزاء وعندك حاجه لربنا وناقصلك صلاه العصر قوم وروح صليها وانت وانت وانت الواد قايم بيقولى الست دى فيها حاجه غريبه بتعرف منين
المهم انا فعلا مش بقتنع بيها
سالتها كلمه هو انت هتحبس
ضحكت ومشيت
المهم الودع كنت بقوله هو انا هعيش قصه حب امتى بقى

الخميس، 15 أكتوبر، 2009

مقارنه بسيطه جدا


متبكيش ولا تدمع لان دموع بالنسبه للبعض ................. نقط والبعض الاخر دماء من الاخر امبارح كنت بلعب لعبه حلو انى اشوف القديم فى المدون هنا كان ايه وكانت ميولى ايه من نتين على الاقل او سنه واتغيرت ولا لسه زى ما هى افتكرت بوست اسمه يا اخى توكا 3 و كان بوست سافل وقذر اول واخر حاجه كنت وقح فيها او ظهرت على حقيقتى تقريبا قولت لفظ لكن لقيت التعليقات موافقانى عليه ولقيت بنوته كان اسمها شيماء قلوب بتغنى قالتلى ياه انا كنت مستنياك تقولها ولو مقولتهاش انت كنت انا قولتها شيماء كانت ناصريه اشتراكيه زى حالى انا وده اللى اكتر المدونين متعرفوش عنى انى ليا انتماء تفكيرى يعنى الاشتراكيه هى فكرى وللناس اللى بنتفهم غلط دايما او ؟؟؟ الاشتراكيه دى فكرى مش دينى ثانيا انا مش بحب الاخوان اه وليا اسباب كتير جدا وبحب ايمن نور لكن مثلى الاعلى هو ناصر او عبد الناصر ا فى عصر فيما بعد الثوره حصل ماسى عظمى واه حصلت النكسه فى عهده لكن الراجل نفس وذاته مفيش حد من الشعب كان بيكرهه وده قالهولى والدى الله يرحمه ان عبد الناصر كان محبوب لدرجه لا تتوقع ممكن نعمل مقارنه بين ناصر وحسنى صغيره كده على الماشى
ناصر بنى السد العالى وبحيره ناصر ولهم فوائد عديده
حسنى بنى كبارى كبارى كبارى والدائرى والمحور عشان الطرق تبقى عامله زى التعابين ودايما زحمه
ناصر امم قناه السويس ده اهم قرار مصرى
حسنى باع البلد كلها ده اهم حازوق مصرى
ناصر عمل فى المحله سلسله مصانع غزل ونسيج وخلافه من المصانع الاخرى
حسنى العمال عمله اضراب وكان اكبر اضراب شهدته مصر منذ 30 سنه
ناصر كان فى زمانه فى معتقلات وكانت معروفه ومنها فيلم الكرنك وفيلم البرىء وخلافه
حسنى البلد كلها اعتقلت بخلاف انتمائتها السياسيه اخوانى ليبرالى وفدى اشتراكى بتاع فول شيخ جامع وخلافه
ناصر حبب فيه خلقه
حسنى كره فى خلقه
ناصر حارب بجد وكان جندى ويستحق لقب البيكباشى
حسنى صاحب الخابور الجوى كان البرنس ماسك نبله بيصتاد عصافير لوحده فى الحرب ولا كان فيها جنود ولا حتى اى شخص غيره صاحب الانجاز بقى
جمال لما مات زعل عليه كل الناس
حسنى ده لو مات ( ومش هيحصل ) هوزع شربات وكانز تفاح وبيره وبيرل واللى مدمن ليه عنده خابور حشيش هديه من عمو حسنى
ياربى عرفتوه الفرق
نصيحه بقى لنفسى مش عاوز اقرى لنفسى كلام زمان لانه بيسخنى على الراجل ده قوى
وكالعاده
الراجل ده ابو الست اللى رضعت ابو الهول

الاثنين، 12 أكتوبر، 2009

يسالنى الناس .......


يسالنى الناس عن حالى ولا ادرى ما و حالى ويسالنى الناس عن مستقبلى فارد بكلمه واحده لست بعالم الغيب يسالنى الناس عن حبى انتظر ثم ابتسم ابتسامه واحده فانا لست من هو يكره فكره الحب ولست انا من لا يحب ولست انا بشىء غريب عن الناس فانا منهم لكنى سلكت احدى الطرق التى تعنى او عليها مبوبه تقول انا الذى فقد الحب وانا الذى انتظر الحب وانا الذى فاقد الصلاحيه للحب فنعم انا فاقد الصلاحيه فعندما تحدثت مع الجميع عن سنى يضحكون ضحكه سخريه نعم لمنظرى فانا سنى اكبر من شكلى بعض الناس يقولون لى دى نعمه وانا احسبها نقمه نعم نقمه لاستهترار البعض لك اظن ان هناك سؤال يراود الناس وهو من انت ؟؟؟؟؟؟؟؟؟؟؟؟؟؟؟؟؟؟ ليست من انت لحين فهمى من سعاد حسنى فى فيلم زوزو لكنها من انت لاننى اصبحت مثل الكائنات الفضائيه نسخه طبق الاصل بعيد جدا تفكيريا عن الناس الطبيعيه مجنون نعم نجنون واحب ان ينادينى البعض بالمجنون
عندما تصبح مثلى لا تنتظر الحب ولا تنتظر المستقبل ولا تنتظر الحال فانت فضائى

الاثنين، 5 أكتوبر، 2009

كعب داير




كعب داير الاسم كعب داير الصفه كعب داير
قص هروب هروب من نفس كارهه نفس النفس يخرج منه النفس الاخير بين تفكير عميق اين ولماذا وفين هنروح مع تلك الحياه الاخرى فلسفه غريبه فعلا هى فلسفه الاموات لكنهم ايضا لهم اشكال وانواع وطعم لا يعرفه من هم يملكون الحياه فهم يملكون البرفانات والفيلل والعمارات ونحن الاموات لا نملك سوى كفن والكفن هو قماشه بيضاء ناصعه البياض تدل على الاستسلام للواقع ودائما بل ابدا ليس لدينا ما يكسو تلك القدم فنحن مثال للفقر اسف اقصد اموات لان الفقر ليس عيب لكن السكوت عن الحق اكثر العيوب .
منذ فتره تحدثت مع بعض الاشخاص ( هو عارف نفسه وهيقرى كلامى ) كنت بقوله انى انا مخنوق من فقرى منذ صغرى وحكيتله حكايه هى حكايتى انا وقالى بص لغيرك هتلاقى انك مش فقير ايوه فعلا اكتشفت انى مش فقير لكن اكتشفت انى مقدرش اسكت اكتر من كده افتكرت ايام لى لا افضلها وايام اخرى افضلها لكن الناس لا يوجد لديها ما تتذكره من قسوه الايام من حريق او غرق او جهل وهو نتيجه للفقر
فانا كعب داير مع الايام حاسس انى على بساط اطل منه على اوضاع تلك البلد واتعجب وانا منهم نعم انا على بساط لكن به فراغ مثل خرم الاوزون ولمن لا يعلم اكتشفت ان كل المصريين فقراء مال وجهل وايضا فقراء صوت
اظن انى ناوى اتكلم واظن انك هتفضل ساكت طول عمرك يبقى شوف لحالك جبل تستخبى فيه زى الحراميه لانك ساكت على الظلم

الاثنين، 28 سبتمبر، 2009

عطشـــــــــــــــــــــــــــــــــــــــــــــــــــــان


مش عارف ليه كأى مصرى لازم يجيى احباط من متابعه الاخبار اليوميه الى اكترها كان بيتناول قضيه مهمه جدا جدا اولا وبدون اى جدال اى مصرى بيتولد من جيلى او من قبل جيلى عرف معنى انه لا توجد دوله تسمى اسرائيل بل هى كائن زرعوه ولاد ال ــــــــــــــــــــــــــــــــــ تيت فى منطقه العروبه كاكمل بل وزاد الطين بله ان العرب نفسهم كارهين بعض وكل واحد بيتعامل على انه حد فوق الوصف مع اننا كلنا بنتكلم لغه واحده ومع اننا بنشبه بعض لكن نحاكم انفسنا على ان المصرى هو المسؤل مش حكومته والكويتى والسودانى كذلك والبقيه تاتى هل يوجد شخص من العرب الذين هم من يمتلكون الشهامه والعروبه والاخوه ...............الخ

زره نخوه هل حكام العرب نفسهم يمتلكون تلك الاوصاف اظن لاااااا والف لاااااااااا

المصرى اليوم واليوم السابع تقرير هام جدا منذ فتره عن انشاء ترعه السلام حتى تمد مياه النيل الى اسرائيل

اليوم السابع جهود اسرائيليه مع اثيوبيا وبعد البلاد من منطقه حوض النيل حتى تحصل على حصه من النهر الخالد

امريكا وبعد القوى العظمه تؤكد فى احقيه اسرائيل فى جزء من حصه النيل

واللى فى غزه ومبيشربش والى فى مصر بتوصله المياه ملوثه بمياه المجارى

واللى فى البساتين وبعض مناطق العشوائيات شوفتها بعينى بيروحوا يشتروا مياه معبئه من النيل

هل دول بيوصلهم حصه من النهر الخالد ياريس

يا ريس فوق من النوم ارجوك اتوسل الى اهل اهلك

احنا نسمى ببشر برضه

غاز وبنموت اسمنت بنتردم بيه كمان النيل حراااااااااااااااااام

طب لو انا حبيت اخد الموزه ( ده لو فى موزه ) ونتفسح اخدها فين

حديقه الحيوان الى مفيهاش غير حمارين واسد

ولا اروح بيها الدويقه اوريها عذاب كان ويكن

قولى انت مضايق اننا بنشرب لاننا مش لاقين اللقمه الحاف بتاعه العيش

ارجوك بما انى فرعونى النهر اعتبره فعلا هو مصر فلا لبيع مصر باللرخيص

اظن رسالتى وصلت بالنسبه للنيل لكنى عشطان وانا البر ده عمى والبر ده خالى

لو عندكم كرامه امنعوا تصدير الغاز والاسمنت والمياه واظن ان فتره وهتبقى بشر

يا ريس اضحك من قلبك على النيل الى اظن انت وسوزى كنتوا بتاكلوا لب وسودانى وبتشرب حمص وانت قاعد عليه

كل عام وانتم بخير

سرقوا من حبيبتى ( مصر ) والوان الفرحه ( النيل ) ..




الاثنين، 21 سبتمبر، 2009

اصبحنا فى مدافن


اصبحت الاوان لا تختلف واصبح المساء مثل الصباح وغناء العصفور مثل بكاء طفل جائع اصبح الاشياء واحده شبيه لغيرها فليس هنك اى فرق بين غناء فيروز وطرب بعرور فى ظل زحام عربات ايقاعات سريعه واخرى بطيئه هل اصبحت الحياه بلا اختلاف ايمكن للبنى ادم الاستمتاع فى ظل ظروف قهريه تمنعه من الاستمتاع بحياته ويومه ام الانسان اصبح يعشق الملل والغباء ضاق الزمن فعلا بنا لكننا تناسينا شىء هام وهو اليوم وكل من ينظر ينظر الى شىء واحد وكلمه واحده ( ياعم انا عندى عيال عاوز اربيهم ) كلمه بسمعها اكتر من مليون مره اصبح المصرى مخترع الثوره لا يثور بل يدفن راسه فى التراب كالنعام اصبحوا يبحثون عن كيفيه سماع اهات جديده ليس اهات غناء فيروز او انغام بل اهات العذاب اليومى والى بيهرب من عذاب يلاقى عذاب تانى مكتوب من مدارس لعيد لرمضان لمصاريف ملهاش حل والتل فاضى وخلص من زمان لكن السؤال يجمع الكل لماذا هل السبب قوه الحكومه ام عدم وجود بنى ادمين اصلا ولا لاننا مات صوتنا واصبحنا فى تعداد الاموات فلاموات لهم الحق ايضا فى عيش الحياه الاخرى بحلوها ومرها لكن هل الاحياء مكتوب عليهم الصمت للابد فسيكون عنونا للحياه صامت بدلا من جاهد لماذا نست على حجومه نسيت اننا بشر واننا نحيا مثل ابناء الفلل والسهرات نعم نحن ناكل فول ونشرب ماء ملوث وفى بعض الاحيان لا نستطيع العشاء لكن لما نكون اموات وهم احياء لقد ضاق بى الحال الى من يعلم اجبنى ؟؟؟؟؟؟؟؟؟؟؟؟؟؟؟

الأحد، 20 سبتمبر، 2009

اسف على العيد


عيد سعيد عليكم
اسف جدا جدا لانى اتاخرت بس فى ناس منكم عارفه انى مش بكتب فى رمضان
ولو كتبت بكتب على الفيس بوك اسف بجد
والى سال عنى وعلى رأسهم شيمو صاحبه بلوج الشعب لابد له من حكومه تشكمه
مش عارف اقولكم ايه انا عندى شغل فى العيد كالعاده وانتظروا حلقتى فى راديو المطلقات برنامج من شوارعنا
لكن ابتداء من يوم الثلاثاء هينزل اول بوست ليا وهو كان عباره عن نوت كتبتها فى رمضان على الفيس بوك
ممكن تكون اكتئاب لكن سامحونى اكتر واكتر
اســـــــــــــــــــــــــف
وعيد سعيد عليكم

الخميس، 20 أغسطس، 2009

هويه مفقوده فى زمن الحريات


حينما انظر الى نفسى اظن انى مختلف عن الاخرين نظرا لبعض النقاط الهامه التى سوف تظهر فى سرد الكلمات لكن لما هو الاختلاف هل لانى بشر طبيعى ام لانى ولدت لاب يعشق ارض الوطن ام لانى عشت حياه غريبه الاطوار والتفكير اظن انى لا اعلم فى ظل اختلاف راى الاخرين عن شخص يدعى انا وما هى ال ( انا ) سؤال صعب اجابته لاى شخص فانا لا اعلم نفسى لانى لا ارى نفسى قبيح حتى لو كنت بقبح الدنيا والاخره السؤال هو ماذا يعتقد البعض عنى ؟؟؟؟؟؟؟؟ اريد ان اتكلم عن بعض الافكار التى تراودنى وهى ما هى الحريه بالنسبه اهل هى كل شىء حر طالما لا اعترض على الغير ولا اؤذى الغير اظن انها بالنسبه لى هكذا فقد افتقد بعض التدين لكن اعلم كلام الله ولكن دينى لله ليس للشخص بذاته الذى يخرج ويقول انت مخطىء لانك وووووو اظن ان حوار الاديان لن ينتهى الى يوم الدين لكن كل بنى ادم وجد على تلك الارض حر فى دينه لان الدين لله والوطن للجميع اتفق مع البعض على ان الهويه لابد ان تتغير ويخذف خانه الديانه منها ويتب بدل منها مصرى هل حينما يقوم احد افراد الشرطه بسؤالى عن هويتى اقول له لا فانا مسلم او لا فانا مسيحى فهل هذا يشفع لى تجاهه حينما اخطىء اظن انها وجهات نظر لكنى اعرض وجه نظرى تجاه مجتمعى الذى اقترب من التمثل بالقبح من فتنه الى اضطهاد لست برجل دين حتى افتى ولست الا بشخص عادى جدا لكن حريه العقيده مكفوله من زمن الفراعنه الى عصر احفادهم الذين لا يقبلون الا بعقيدتهم فليس سوى ان نرضى ان يعيش الكل سواء مثلما فعل اجددنا ونظرا للحديث عن الحريه هناك ايضا حريه المرأه التى يقول عنها الكثيرون انها مفقوده فى زمن الالفيه الجديده اقول لا فاحيانا كثيره لا نتطرق ان فى استطاع المرأه ان تتحرش بالرجل مثلما يفعل الرجال وايضا لها الحريات فى كل شىء ولو فقدتها فليس ذنب الرجل بل ذنب الشخص بذاته لقد استوحيت فكره الموضوع من حوار حدث فى دار الاوبرا ولكنى اردت عدم التحدث لان الحوار لم يجد حل للحريه بالنسبه للمراه فى وجود الكثير منهم نظر الى المراه على انها شىء ناقص ( الرجال قومون عن النساء ) اظن العكس فالرجل مثل المراه فى ذلك الزمن الذى لا يتمثل فى القوه بل فى التفكير انها وجهات نظرى للمجتمع الذى فقد معنى الحريه

الاثنين، 10 أغسطس، 2009

عيان من شوارعنا

اسف بجد اسف لغيابى لكن الظروف اكبر منى ومنكم اولا انا بحتضر يعنى الجيوب الانفيه عملتها وخلتى اكح 158965 مره ى اليوم وكمان كنت هبطل سجاير او خلاص قربت ابطل ( مع انى بعيط ) على العموم انا موجود معاكم ومتزعلوش منى بجد واسالو اسلام ديو ومحاسن صابر هما شافو حالتى وبيخافوا يتكلموا معايا لاعديهم حاسس انى بقى اسلام استاذ كلينكس اكبر مسنهلك مناديل فى الاسبوع الى فات وكمان خبر ليكم مهم افتتحنا راديو المطلقات واللينك اهو هنا ادخل شوف واسمع حلقتى الاولى من برنامج من شوارعنا تقديمى ومحدش يتريق عليا بجد انا اسف وبعتذر ليكم كلكم وادعو لى بالشفا او ادعولى انى ابطل اكح بس

الاثنين، 27 يوليو، 2009

ال مجلس ال كفايه بقى

تحديث هام جدا جدا جدا
يا جماعه تم افتتاح بلوج دستور يا حكومه تابعونا من
هنا
دستور يا حكومه


على راى المثل جرحنى وبكى وراح واشتكى يا جرعان الموضوع كبير
انا حاسس اننا بقينا هبل او عبط والحكومه بتستفزنا وعلى راى الاغنيه فعل وفاعل مفعول بيه اعرب مجلس شعبك ايه مجلس طبعا تبقى مضاف شعبك هو المضاف اليه مجلس الشعب عمل احصائيه او استطلاع راى بتقولك ايه يا سيدى 21% بس لا يثقون فى الحكومه بس
.................................................................................... بس انا تعبت والله الموضوع فى مصراوى وعلى اليوم السابع واللينك اهو عيش يا معلم وياخى توكا على دى بلد ودى حكومه وكل حاجه فينا انا كنت تمام خلونى اكتئب ولاد الايه عموما خيرها فى غيرها ال مجلس شعب ال طب مين فى المجلس من الشعب والتورته فى خدمه الشعب وعيش وعيشنى وسمعنى سلام البلد دى فيها حكومه اسكت اسكت ادخل جوه يا لسانى بتفضح بلدك على النت يا وات عيب ده كلام ضميرى بس انا كده مسكتش على الحق عشان اثبت للكل انى مش بثق فى الحكومه هقولكم لا هوريلكم صور وبس







كفايه كده ولا تشوفوا تانى
من مسرح بنى سويف للعباره لحريق مجلس الشورى للفقر الى عمرنا ماشوفنا غيره
عايزنى ابقى واثق
للاسف انا راصف وكفايه