الخميس، ٢٦ مارس ٢٠٠٩

بلا هويه


الوم نفسى نعم فانا حزين بقدر معرفتى بالناس فعندما انظر الى الوجوه دائما فى الصباح داخل المترو المذدحم دائما ارى وجوه قعد اعلنت الانكسار وراء ما يدعى الاسره والفقر ولقمه العيش اهل هذا من الغباء ام انه ذكاء ناتج عن ظروف مجتمع مقهور تجاه حاكم لا يعرف معنى كلمه فقراء مطحنون فقد الغى الطبقى الوسطى التى كنا بها نحن وهى كانت تدعم جميع الموظفين العاديين مثل والدى ووالدك وهل ابى كان يعلم مدى انى صأصبح تجاه الحكومه المصريه بلا هويه بلا مأوى بلا حريه هل كان يعلم ان الحكومه ستكون حكومه اغنياء فقط اذكر مثال الى تلك الجمله وزير الداخليه الشهير حبيب العدلى دائما يقول الوزاره تبتدى من عند ملازم اول فيما فوق اى ان امناء الشرطه والمندوبين ليس من لهم اهميه تجاههو هل نحن المصريين الفقراء اصبحنا لا شىء بالنسبه للحكومه ام سنصبح صداع دائما فى راس الحكومه . لست من احلم بالمال لست من احلم بالجاه لكنى احلم ببلد وطن الفقير مثل الغنى ارى بدلا من ان الحكومه تدفع نصف اموالها فى حمالات ماما سوزان على القنوات الفضائيه ان ترعى شئون من ليس لهم هويه مثلهم مثل القراه للجميع يا ماما ( اسف يا طنط لانى مليش غير ام واحده هى مصر ) اصبحت انا وانتم بلا هويه سؤال اود ان اساله للجميع ؟ هل يظن الناس انى مجنون نظرا لكتاباتى تجاه الحكومه ؟ يقول لى البعض نهايتك قربت ارجو ذالك لعل وعسى الحكومه المصونه تقرا ما ادون

الخميس، ١٩ مارس ٢٠٠٩

متقولش امين شرطه اسم الله ولا دبلوماسى


بينى وبين الناس افكار بينى وبين الناس متهات وللاسف كل متاهه جواها الف حفره مليانه شوك اى بمعنى محدش يفهمنى لكن لو فهموا هيقولوا ايه ياعم سيبك انا انسان مش عارف بفكر مش عارف عايش مش عارف اقرص نفسى واقول اى بتوجع اهو وهم وحلم عشته حلمته وشوفته يمكن احس انى بنى ادم من يومين كنت راكب ميكروباص كنت راجع من عند صحبى سمعت كلام حلو قوى من السواق الى قاعد جبنبى ( انا كنت قاعد جنب السواق كرسيين يعنى ) السواق : العربيات دى كل يوم تموتلها عيل ولا اتنين
الراجل : صمت ثم يقول ياسطى عادى
السواق : لسه امبارح عيليين بيجروا بالعربيات عشان يلحقوا زبون قتلوه 5 ستات كانو قاعدين قدام البلوك بتاع المساكن
الراجل : ومسكوا السواقين
السواق : لا ياعم العربيات راحت القسم بالليل وطلعت على الفجر
الراجل : لفظ ابيح يتقال وبعدها ازاى
السواق : العربيه تدفع 2000 جنيه وبعدها تطلع تترش لون تانى جديد
الراجل: ليه هى بتاعت مين
السواق: بتاعت الامناء كل امين معاه عربيه ولا اتنين ملهمش نمر ولا حتى دوسيه فى المرور والعربيه ب 15 الف يعنى تكون العربيه عملت قدهم مرتين لا السواق هيزعل ولا الامين
الراجل : طب بتوع الكارته ملمهمش دور
السواق : بتوع الكارته بيبقى واحد مسجل الحكومه معيناه رخامه كده وبرضه يجى الامنا يبلعوا منه المعلوم
الراجل : الله يكون فى عونك يا مصر
ارجو المعذره على القصه الفاشله بس دى مش قصه دى حقيقه
متقولش امين شرطه ولا دبلوماسى

الخميس، ١٢ مارس ٢٠٠٩

ناولنى فرشه هرسم وطن

هاااااااااااااااااااااام جدا تم افتتاح بلوج صور من مصر لعرض صور من ارض الواقع المصري عموما الي يحب يشترك معايه ينورني جدا
ناولني فرشه هرسم وطن جالى احساس غريب جدا قبل ما بكتب البوست ده ان حال البلد هيتعدل يعنى هيحصل حاجه باذن الله من غير مقاطعه يعنى حسيت انى بحبها قوى جدا بجد مش كلام وسلام لكن ضاع منى احساس الكلام الى ضميرى كان بيقولوه ضميرى ( انت فاكر نفسك مين عشان تعدل الكون اوعى تكون صدقت نفسك اوعى فى اى يوم تقول انا بطل ) هو ده بقى كلام ضميرى قولت ادلع البلوج شويه قومت رخمت وحطيت صورتى ليكم عشان الى يدخل يحس انه لقى عفريت لابس بدله انسان طبعا فى ناس هتضايق نظرا للسيجاره بس والله منتج مصرى كليوباتره ( بوكس ام 3 جنيه والله ) بصراحه انا بحب السجاير ومش مضايق باذى نفسى وبس مش باذى حد تانى المهم مصر حاسس انها هتكون حره مش محتله نظرا للعيله المالكه وبجد نفسى الاقى شارع كده مكتوب عليه شارع الملك حسنى مبارك سابقا هفرح جدا لانه محتل البلد ولو فكرنا شويه هنلاقى انه سهل انه يتخلع ده حتى الرجاله الايام دى بقت بالجزمه ولا ايه عموما ربنا معانا انا فرحان لانى نجحت وجبت جيد جدا باركولى وهاتو حاجه ساقعه معاكوا انا بشرب كولا محدش يجيب برتقال او تفاح طب اسيبكم تتفرجوا على صورتى شويه وانام .................................................

الاثنين، ٩ مارس ٢٠٠٩

من زمان مووووووووووووووت


تحديث
للاسف يا جماعه والله البلوج معمول فى اكتوبر بس قولت افتكر ايام زمان ( شكرا ليكم جميعا )

من كام سنه كده ابتديت ادون يعنى من يوم ما جيت الدنيا غلط اسف لانى بكدب المهم من حوالى سنتين امبارح كنت بنخرب فى التعليقات والمواضيع القديمه بجد ولقيت حاجات كتير يعنى لقيت ناس اختفت معرفش راحوا فين زى اوشن ايز البلوج ده اتقفل بجد زعلت جدا جدا عليه ولقيت ناس مش عارف افتكر منهم مين ولا مين المهم افتكرت موضوع اسمه بلوتوث الموضوع ده تحفه جداااااااااااااااااااااااااا فكرنى ببنت اتعرفت عليها عن طريق البلوتوث وافتكرت موضوع تانى اسمه دبوس وواكل قطن فعلا كنت واكل دبوس وروحت المستشفى وساعتها الدكتور قالى كل قطن وعيش فينو مع انى مش بحب الفينو وافتكر حاجات تانيه كتير منها انى بعترض على الحكومه فى اى حاجه كل مواضيعى بكون فيها ضد الحكومه مع انهم مش غلابه خالص مالص والله ناس مفتريه
وافتكرت موضوع لما ضربت فيه ظابط او معرفش كان حاجه مهمه المهم كنت قاعد فى البيت وخايف موت بصراحه وافتكرت لما جت عينى فى عينوه سنينينى معاه ؟
لا ده انا كده بخرف صح
والاهم والله اكتشفت ان البلوجريه كلهم اخواتى وكلهم ناس زى الفل و100 مسا بقى يا معلمين

الثلاثاء، ٣ مارس ٢٠٠٩

ورقه و برد


شعور واخر وايام وشتا وبرد وقطن وقطيفه وقلم وورقه
كلام
بس من غير وجود ممكن فجأه القلم يفضى منه الحبر والورق بخلص والشتا يخلص والبرد ينتهى معاه
بس هل للحب وجود ام انه وهم
هل من الصعب التعبير اننا بنحب ومن الاصعب اننا نقول مش بنحب
ولا الحب زى القلم والبرد
ذكريات بتنتهى مع مرور الزمن يمكن مش كل الناس شايفه السما
لكنى لقيت بعيونى الارض وما فيها
لقيت جرح لقيت نفسى بغرق من غير وجود حمايه من غير وجود مرسى او شط
والبحر كان واسع وضلمه موجوده لكنى ارى بها نفسى فقط فى المياه الضحله
للاسف مش بعرف اتكلم عن الحب لكنى مجروح وشعورى ده الى انا حاسس بيه
بس ممكن يتغير مع الزمن
تقدر تنسى الناس تقدر تنسى نفسك
( صعب )
افضل ان أرى
افضل ان انظر الى السما بشتى الوانها
اعذرونى فقد اضطر الى حب ما لا احب نتيجه الى انى مهزوم
==============================================
( مــــــــــــــــــــــــــــــــــــــــــــــــــــــهزوم )