الخميس، 26 يونيو، 2008

طفل


طفل ام جنين ام شىء خلق ليداعب الارض من فوقها يقفذ حتى يمسك ملامح السما الزرقا وهو يتمنى ان يعرف لها لون حتى لكنه لونها الى الازرق نسبه الى لونه المفضل فى الحياه يلتقى بناس وناس اخرى من هو اسمر وقوقازى ومن هو ليس له دين ومن هو مسلم ومن هو يتمنى ان يكون صديقه ومن هو يتمنى ان يكون صديقه لكن الارض تلتقى به فى حضنها لكنها يرفضها وحينما يريدها ترفضه لكن الان هو فيها تائه بين الوجوه يعرف كثير من الاوطان عن طريق وجوه البشر لكنه يقول ان الحياه عده ايام تنتهى وهى الا ايام قليله انه طفل طفل يحضن امه الارض من خوف الزمن لكن ليس العيب على الارض ولا الزمن العيب فى نفسه من عدم انتهازه للفرص بل هى تاتى ثانيه اليه لكن ؟

له الله ؟

اعتذر عن تاخيرى للبلوجريه كلهمن اول بلوج لحد اخربلوجججججججججج عموما مش هقصر تانى ؟

اسف

هناك 19 تعليقًا:

سنووايت يقول...

كلنا لنا الله
حالة التوهان بنمر بيها كلنا من وقت للتاني
الطفل دا مالوش ذنب , بس لو استسلم وساب نفسه يبقي هو المسئول زي ما انت قلت مش بينتهز الفرص
بتغيب وترجع بمواضيع تقلب بيها المواجع , ليه كدة!
يارب تكون بخير

دواير يقول...

مش هرغي خالص على فكرة......عشان انا تهت..كل ما امسك جزء واقول خلاص فهمت اوصل للي بعده احتار.كل اللي اقدر اقوله ان البوست رائع......طبعا هتقولي رائع ازاي وانتي مافهمتيهوش اصلا.هقولك لان الشعور اللي جواه وصلي بسهولة......قمة التوهان........واعتذارك مقبول..

راجى يقول...

له الله
لا احد يهتم باطفال الشوارع مع انهم سوف يشكلون كارثة من العيار الثقيل قريبا

dina يقول...

ان الحياه عده ايام تنتهى

بالظبط كدا...هى رحلة كدا و حتخلص..و هى حياة واحدة مش بتتكرر عشان كدا لازم تبقى احلى حياة

البوست دا جامد اوى بجد
تحياتى

semsema يقول...

لينا ربنا

اسلوبك رائع
بوست جميل كالعادة

تحياتى

رحــــيـل يقول...

ازيك يامحمد اخبارك ايه؟

العيب فى نفسه من عدم انتهازه للفرص بل هى تاتى ثانيه اليه لكن ؟ له الله؟

ماصعب ان تكمن مشكلتنا فى ذاتنا

تحياتى لك وتقديرى

Gannah يقول...

أخى الكريم محمد
احيى فيك احساسك العالى بالغير ولكن الحزن فى البوست شديد والمشاعر تصلح لنا كما تصلح لاولاد الشوارع
لنا الله جميعا
تحياتى

ahmed يقول...

صباحو يا زعيم
ازيك عامل ايه
ايه الجمال ده

صاحب المضيفة يقول...

منور يا زعيم


منتظرينك يا باشا

سارة يقول...

لك شكري و احترامي و تقديري كمان

dodda يقول...

تالت مره اقرا البوست...
عفوا..انه واقع مؤلم!!

كلمتى يقول...

ازيك يامحمد ؟
يااااااااااه
كنت مفتقده مدونتك اوى
بس الحمد لله رجعنا بعد المعركه الكبيره دى

ان الحياه عده ايام تنتهى

الجمله دى اكتر حاجه حاساها الايام دى

انا الشعور اللى فى البوست وصلنى جداً

لانى حاساه اوى الايام دى

كانك بتوصف حالتى

alshared يقول...

كيمو

والله وحشتني
معلش أنا اللي مقصر في حقك يا صاحبي بس والله غصبن عني

المهم

أنتا دخلت في الفلسفه يا معلم
وأنا عايزلي يومين تلاته لحد لما أهضم الكلام اللي أنتا كاتبه

:)

ليه راجعه تانيه

تحياتي

shirry يقول...

والله انا كمان تهت في البوست دا
بس انا معاك ان الواحد لما تجيله الفرصة لازم ياخدها
وعموما كلنا لنا ربنا

أية الشقية الشعنونة يقول...

اولا انا متقبلة اسفك
ههههههههههههههههههههه
اشعر وكان الصورة تتكلم
له الله ولنا الله
متغيبش تانى
تقبل تحياتى

mnoon يقول...

إنت بتعتذر عن تقصيرك
يابنى إحنا اللى مقصرين
أقترح تغير إسم البوست من طفل
لــــــــــ عجوز
هى فين الطفوله اللى ممكن نصفه بيها
بعد كل الكلام اللى كتبته ده

Rania يقول...

احييك محمد على هذه السطور فلقد اختلف اسلوبك عن ذى قبل اصبح اكثر و اكثر روعه

اما ما يخص المشكله فلهم الله لاننا هنا نعانى من الكثير و الكثير من الشماكل اعاننا الله على حلها

تحياتى و مودتى

kemet يقول...

السلام عليكم رحمة الله وبكاته

عزيزي قرظات البوست دا من اكثر من اسبوع ولم افهم شيئا

ولكن بعد قرأتي له الان اكتشفت شيئا هاما ولكن رجاء مني لك

ضع علامات الترقيم لا اطلب منها غير علامة الاستفهام والفلوستوب( ؟ و . )

فذلك ييسر الكثير علي القارئ

اما بعد هذا الاكتشاف والرجاء
فالموضع حلو جدا خاصة تللك الجملة

خلق ليداعب الارض من فوقها يقفذ( يقفز ) حتى يمسك ملامح السما الزرقا. وهو يتمنى ان يعرف لها لون حتى.
لكنه لونها الى الازرق نسبه الى لونه المفضل.

تعبت قوي علي ما فككتها كده

بس تستاهل التعب
تحياتي
الي اللقاء

Heba يقول...

له الله

أنا ممكن أقول لازم يستغل الفرص اللي هتجيله بس فين الفرص دي أصلا

الواقع مؤلم فعلا

تحياتي