الأربعاء، ٢٤ فبراير ٢٠١٠

عمو دهب


بعيدا عن اخر بوست اللى هو من ساعات لانه مش بوست هو توضيح
انا هتكلم عن مين يا ولاد
عمو دهب
كان بياع حكيات وكل حكاية وراها حكايه
الراجل ده كان عجوز ومكحكح
قاعد ومتبت على كرسيه
عم دهب كان يتمنى يشوف اللحمه " يشوف الحوادث ولحم طاير "
جاع واتعرى " عرانا وغسلنا وخلانا لا مؤخذه كده ـــــــــــــــــــــ"
عموما عم دهب ده حكايته حكاية وانا عاوز ارغى واحكى
عم دهب لما بداء كان مناضل لقى ان المناضله مش تاكل عيش ولا حتى حلاوة كان فى الثورة ومحدش سمع عنه حاجه لكن قالولى انه كان ساعتها فى مدرسة المنوفية بتاعت الثانوى بنات متخفى فى منظر ولد بيعاكس بنات ويوزع منشورات على الموزز " يا حرام كان بيتعب " المهم اتخرج ودخل كليه الطيران وكان هو هوايته نظرا لان كان عنده عشة حمام على سطوح بيتهم الكينج اجر اوضه من منافعها فى العباسيه " منطقه العباسية " عشان يشوف المجانين اللى هما زى حالى كده ويعرف تصرافاتهم ويبعد عنهم المهم دودو بيه لما قامت الثورة والحرب اشتغلت والكلام ده صاحبنا كان راكب دماغنا وال ايه هو اللى حارب وعمل الضربة الجوية " لا مؤخذه كان بيضرب ـــــــــــــــــ "
المهم دودو لما نونو مات مسك هو فى كرسيه وعمل حاجه تسمى بايه يا ولاد قانون جديد اسمه قانون الطوارىء اللى خلى أمين الشرطة أبن التيت يقولى بطاقتك ولو شافها يقولى اركب الميكروباص وياخد
५० جنيه وينزلنى زى البيه " شفت ياعم دهب "
عم دهب كان عنده ربابة بيغنى علينا
عم دهب بياع حكيات
ابقوا قابلونى لو فلحت واتسجنت
ههههههههههههههههههههههههههههههههههههههههههه
كيمو
نسيت اقولكم ان عم دهب فى بطوط كان اغنى اغنياء القرية
ههههههههههههههههههههههه

انا مش عبيط انا مواطن


اولا مش هكون عبيط ولا عمرى هكون
يا جماعه اللى بيقرالى وعاوز يقرالى لا زم يتوقع انى اسمى بمواطن
عايش معاهم على الكوكب وفى مصر
نفسى اشوف مصر مفيش يوم يعدى عليه من غير ما يكون زعلان
نفسى اشوف مصرى يعدى عليه يوم من غير ما يشتكى
نفسى اشوف مصرى يعدى عليه يوم من غير ما يركب موصلا ويسب ويلعن ام السواقين
نفسى اشوف مصرى يقول انا مش فقير
نفسى مصرى يقول انا فرحان لمده 50 يوم على الاقل
مش بيحصل ولو حصل فده يسمى بمجنون
وانا مجنون بافكارى لكن واعى للزمن وواعى للحياة
لو عاوزنى اكون عبيط فانا رافض لان اكون رافع الابتسامة الهابله
انا مش عبيط انا مواطن

السبت، ٢٠ فبراير ٢٠١٠

شيشه قص


هل من الممكن ان أفقد نظرية أنا بشر ومن حقى أبكى أفرح أموت أكتئب
الكلام اللى فوق ده إستفذنى جداَ أيوه
هنحلل الكلام سوااااااااااااااااااا
بشر
أنسان مليان أحاسيس لكن الاكثر هو الأكتئاب فهو مسيطر تماماَ على كل أفكارى
أبكى
لم أستطع أبداَ البكاء نظراَ لانى فقدت المياة التى فى عينى
أفرح
كانت أيام تعد ولكن أنا دائماَ مبتسم لك "" أراجوز ""
أموت
كأى كائن حى لابد أن يكون له نهاية لكن أن يموت فى اليوم مليون مره فهو أنا المواطن
أكتئب
مستعد أنى أرغى معاكم فى النقطه دى وهى أساس البوست يا جماعة أنا بحب قوى مصر وكلنا بنحبها بس أنا حاسس أنى بينى وبينها حاجه غريبة نفسى أوصلها مش عارف ببساطه على رأى ناس " مصر موزتك يا كيمو " أيوه موزه وأجدع من مليون موزه مفيش أحلى منها ببردها بحرها بعرق عمالها بفولها بمرها مرارتها بحبها أظن لو مصر أصبحت مثل الأمارات لن أستطع العيش فيها لأننى سأفقد أهم شىء وهو طعم البيوت وسحرها فهل فى الأمارات بيت عمرة أكثر من 200 عام هل بها عربة الفول هل بها عربة الكشرى هل بها النيل وكورنيشه هل بها مقاهى تجمعنى مع رجل عجوز يرى لى وهو يلعب مع الطاولة وأنا بقول فى سرى كده " ياعم ده بيشربوا شيشة تفاح وأحنا بنشرب قص " ومع ذلك مكتئب لأنى بحبها وهى مش بتحبنى أو فى طرف ثالث رخم غتيت بمعنى أخر زى فيلم كرتون بايخ لان البطل متهان فيه
اللى قالولى أنى بكتب أفضل وأنا مكتئب البوست ده تعريف ليهم ـــــــــــــــ
كيمو

الجمعة، ١٩ فبراير ٢٠١٠

توكا جديده


اهلا وسهلا بيك دكتور
تتجوز " سوسو هتفتح وانت هتمز يا ابو سوسو "
نظيف نظفنا
وطار وهج وهيتجوز
الخبر قديم أيوه قديم قديم
بس الجديد """ هو سؤال """ مين فى شهر العسل هيمسك الخزنه " يسرق ""
يا اخونا الغاز بقى غالى عشان الراجل مش لاقى يجيب النقاش او عليه قسط الجمعيه عشان يحيب أوضه النوم
نصيحة لنظيف كده على الماشى ـــــــــــــــــــــــــــــــــــــــــــــــــــــــــــــــــــــــــــــــــــــــــ ياههههههههههه ــــــــــــــــــــــــــــــ
الرقابة مسحت الكلام اصلها رقابة من بتوع الحزنة
ايوه بس ساعات بامر من الملك بتتهاون عشان نقول للملك انه كيوت وعسول وطيوب ومش بيحظر حاجه عن شعبه
يا ملك انته وعرشك
ــــــــــــــــــــــــــــــــــــــــــــــــــــــــــــــــــــــــــــــــــــــــــ
برضه الرقابه
يا جدعان البوست ده
كله عليه رقابه
فقولت اشيله الغيه ولا اقولكم كالعاده الريس بيحب الكلمة دى منى
توكااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

الأحد، ١٤ فبراير ٢٠١٠

فهمت الدرس منك يا ريس


فى شم النسيم بنرسم على البيض
فى عيد الحب بنرسم على بعض
فى عيد الاضحى بنرسم على الخرفان
فى عيد الفطر بنفطر على الحشيش
فى عيد ميلاد مبارك مش بنلاقى نرسم او نفطر
فى عيد الامه نشعر بالجوع
فى عيد الوطن اشعر بالخوف
فى عيد ميلادى اشعر بانطفاء الانوار امام عينى
لا اتحدث عن الحب كثيرا واظن ان البعض اشتكى منى ولكن هذا انا فقدت الحب فى حب الوطن فانا لا اعرض قلبى للبيع مثل يورى مرقدى حين قال " برسم البيع " ولكن انا اتطرق للاهم هو حب الوطن الوطن الذى اصبح مثل اى شىء عند وقوع كارثه فى الاسنكدرية منذ عدة ايام ووقوع احدى البيوت وفى اتصال هاتفى فى برنامج 90 دقيقه قالت احدى السكان " انا كرهت مصر لو هروح اسرائيل هلاقى معاملة افضل " بصراحة ليها حق ولكن العيب مش فينا العيب فى اهمال الحكومه اهمالنا فى اننا نصدر صوت ضجيج امام عجرفه كل ما يسمى بمسؤل امام كل شىء يخص مبارك واعوانه " اقصد على بابا والأربعين حرامى " تعرفنى يا ريس جيدا فانا المواطن الذى لا يملك سوى جلباب به مليون رقعه ورقعه من افعالك فهل تنتظر منى الاحتفال بعيد الحب ....................................................
فهمت الدرس منك يا ريس
نحن عراه امام قانونك

الأربعاء، ١٠ فبراير ٢٠١٠

كيمو بيخطرف يا جدعان


بعيداَ عن امراضى فهل من الممكن ان اتحدث عن الشارع ؟
نعم سؤال صعب
فشوارعنا بهم مليون حدوته وحدوته
اتطرق الان الى كتابه روايه عن يوميات صديقى فى كشك العيش وكلامه معى حول ذلك
اتطرق الان الى معرفة من هى " الموزه " اللى هو عرفها عن طريق كشك عيش وتروسيكل وقفص
هل كشك العيش واجه الأزمه بوضوح
هل كشك العيش منع الغش الحكومى والتجارى وكل شىء ؟
لا أظن
احاول الابتعاد عن كل جديد
حتى عندما جائنى هاتف يقول لى " بحبك " بصوت رقيق جداَ قعدت اضحك ضحك هستيرى
وقولت جملة أحلى " اما مش للحب ولا الحب لى لانى افضل أشياء أخرى "
ومحدش يقولى انت مجنون لان ده حقيقه
كتبت جزء خامس من المترو يمكن كمان 2564789 سنه اكون خلصتها
محمد غاليا عايز اشكره بجد لان هو اللى شجعنى انى اكمل بعد 7 شهور بدون كتابه .
حالتى الان
مودى غريب عجيب مريب سخيف ممل
حاسس وكأنى بلعب قمار ومعيش فلوس العب بيها
أغنيتى
الشارع لمين " ماجده الرومى " فيلم عودة الابن الضال
برخم على مين
البقال اللى تحت البيت " تقريباَ بشرب الحاجه الساقعه وامشى ومن غير فلوس لانى بجيبله اغانى مش موجوده عند حد "
بعمل ايه فى وقت فراغى
اطارد الفيس بوك برخامتى عليه
برسم
لا والف لا وخايف ارسم
انحت زى زمان
لسه هنزل اشترى طين ده ايه القرف ده
اظن كده حراس الشوارع مستنين عشان يقفلوا الباب ويرشوا ميه قدام الباب
تصبحون على أمس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كيمو بيخطرف يا جدعان

الاثنين، ٨ فبراير ٢٠١٠

عادى


ممسك بالقلم وبروح الحياة لكن لا استطيع ان أكتب لا استطيع ان ارى افعال الاخرون
فانا اصبحت جاهل بمعالم الحياة بمعالم المجتمع
انه مجتمع فاشل لى وانا معه ايضاَ فاشل ولكن
ولكن من المذنب هنا انا ام هو
اظن انه انا لانى لم اتعلم الخداع والنفاق ومعانى لا تهمنى انا بشىء
اقتصرت حياتى على القليل اقتصرت على النضال لوحدى
بدون ان ارى اى شخص يمر امام عينى واتحدث معه
يهمنى الان ان اتعلم لكى اكسب ثقه الاخرين فسادخل مدرسة الكذب لاتعلم درس النفاق
اترون انى صريح لذلك تعتبروننى " رخم "
اظن فانا من ابدع الرخامه
بالامس اقتنعت اننى انجح واكمل
فكتبت جزء جديد من المترو ولكن دون قيود تمتلكنى كالعاده
فحين اكتب لا اترى سوى مفتاح النجاح وياتى كل عام ويهرب
فهل ستظل القاهرة معشوقتى لى ام ساهرب منها ؟
سؤال محير
هل ساظل اجاهد واناضل لوحدى ام سارى مجنون غيرى ؟
سؤال يجبرنى على الاكتئاب
اظن انى لا مكتئب ولا فرحان ولا اى شىء
وهو ما يقيق عقلى .
انا

الجمعة، ٥ فبراير ٢٠١٠

تحول


لا اكترث كثيرا بقصص الحب
هل اصبحت بلا قلب ينبض ؟
لا اكترث بالنظر الى الشمس
هل لانى اخاف المستقبل ؟
لا والف لا
فانا من يحكم نفسه ولا يحكم عليه
فانا من عاش الماضى والحاضر وينتظر المستقبل
فانا المناضل الهمام الذى يرفض كلمه نعم
فانا هو عشق الهوى لانه ساذج
فانا انسان مخلوق انسان
بشر لا اعرفهم ولكنهم احبابى
لانهم بشر ليس الا
ارجو منك احترامى
فقد مات الاراجوز واتولد المناضل
وعلى خلفيه النضال
اتذكر الاراجوز وكلامه
فهو من قال
لا لمن افترى
هو من يضحك على حال البلد
اما المناضل
فهو من يعلو صوته على منصه الحياة
هو من يقود الامم نحو التحرير
ومن منصبة يرفض الاعيب الحكومه
يقولها باعلى صوته
لا لمبارك ولا جمال مبارك ولا اى كان من عائلة التوريث .
ــــــــــــــــــــــــــــــــــــــــــــــــــــــــــــــــــــــــــــــ
كيمو


الاثنين، ١ فبراير ٢٠١٠

الغاز والحرامية


اسمحولى وانا قاعد كده رخم رخم يعنى بقزقز "" لب """ اتكلم معاكم شويتين
اصل انا رخم وعاوز ارخم وارخم
اسمى ايه ؟
حكومه يا بيه
صنفى ايه ؟
حرامى يا بيه
بعمل ايه ؟
بسرق غاز
انبوبه بوتجاز
موجوده ؟
اه موجده ولكن
ولكن ايه ؟
ادفعلى بالجنيه
واجيبه منين ؟
اسال كل الحراميين
هو انت منهم ؟
اه انا منهم
طب ما تقولى ؟
وانا مالى يا بيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انبوبه الغاز غير موجوده وان وجدت تراها ب 20 جنيه بعد 7 جنيه وسعرها من المخزن 3جنيه ونصف
ليهم حق الناس تفرح بمطش كوره .
يا حكومه توكاااااااااااااااااااااااااااااااااا