الثلاثاء، ٢٦ فبراير ٢٠٠٨

جرح


اسكن قلبى وحيدا بعد ان هجرنى الحبيب هجرنى مع انى قدمت له قلبى وكل ما املك من حب واحلام لم يعطنى شيء غير خيانه وغدر ودموعى تنزل على مقربه من ارض كنا ننظر اليها بعد النظره المفعمه فمن نظره عين كنت اعرف ما يدور بداخلك لكنى فى الاخر فهمت اننى لا اعرف لغه العيون لذالك خدعتنى كانى شىء موجود على الارض وان لم يوجد فلا مشكله مع انك عندما تغيب عن ذهنى اكون مشتت بين افكارى المذدحمه فهل الان تنتظر منى ان اقدم نفسى اليك قادما حامل قلبى بعد كل هذا فلا لن افعل لانى كرامتى فوق قلبى وان قررت ان امحو قلبى فلن استطيع لانى انسان ويحيا ويشعر بالمشاعر اجمع ففعلا انت من اخزننى ولا استطيع ان ارى فيك انسان جديد الا لو قدر الزمن ان تشعر بالجرح مثلى يا من فعلا جرحنى

السبت، ٢٣ فبراير ٢٠٠٨

غلوا السكر غلو الزيت خلاص بيعنا عفش البيت


الفقر مفتاح الفرج ممكن تكون معكوسه لكنها حقيقه لان فرج ماسك البلد وعمال يبيع فيها باوامر من الاستاذ بتاع شركه اوربا الفين النضيف ده المهم مش فاكر اسمه ايه الراجل ده صعبان عليه جدا مش عارف ليه فى الوقت الى الشعب مش لاقى ياكل ةمحبط بسسب ارتفاع الاسعار الاستاذ راح يكرم لاعبين المنتخب فى حضور

برايز واخوه الاهبل ابن الاهبل الى كان قاعد يسمع فى اغانى شيرين ونانسى

ال ايه مشربتش من نيلها لا شربت ولسه عطشان لانها بجد اسيا جدا على اهلها مش عارف اقول ايه بس يكفى اننا بلد كل حاجه فيها بقت عيب وحرام وغلط دول الحكومه والى مش بيحب الحكومه الحكومه مش بتحبه وبتبهدلوا

طب ليه اسمع واحد النهارده يقولى كلمه غريبه لكن سمعناها كتير وهى ان رغيف العيش هيبقى بعشر قروش تخيلوا طب اسره فقيره مكونه من 6 او 7 افراد هتشترى بكام ولو مش هناكل عيش هناكل رز الكيلو بقا بكام حد يقولى دى الحقيقى اننا فعلا شعب نسبه الفقر فى المجتمع بتاعنا بتتاخد بالعرض زى الجداول الفارغه

ومش عارف ليه الايام دى بحب اسمع اغنيه من فينا مخرجش من بيته جيبه فاضى من فينا مكنتش المرمطه عنده عادى

سهل قوى تعرف الفقير من الغنى اصل المبادىء لاتزول لكن ممكن تتنى

الراجل ده بجد بيقول كلام جرىء ولكنه مش مهم بالنسبه للناس الى بيحبوا نانسى انا مصرى وابويا مصرى

الكلمه دى كانت بتقولها لمين مش ممكن يكون اعلان سكر او زيت عشان تقول انا مصرى ومش فارقه معايه الفلوس لانى كفايه ان المجتمع المصرى يستخدم اسؤ انواع الاغذيه فى العالم

احنا فعلا قربنا على المجاعه فى ظل ان الدول كلها بتخرج منها بس فعلا

احب اقولك يا ريس شكرا بجد

شكرا لان الرجاله مش بتبان الا فى الشده يعنى انا مقتنع اننا لما هنزهق ممكن بجد نخطفك انت او ابنك برايز

يا ريس بجد انا مواطن مصرى اتخنقت بجد امتى احس انى عايش فى مصر

الى هى بلدى مش بلدك

الأربعاء، ٢٠ فبراير ٢٠٠٨

انا


انا انا لما بحب اتسلى محبش اقزقز لب انا عندى اقرا مجله ( مش اهرام ولا اخبار ولا جمهوريه طبعا ) او ارسم زى ما احب ( طبعا هرسم علم بلدى وهشيل النسر وهحط بداله مسدس او كرباج تعبيرا عن التعذيب فيكى يا بلدى ) مهما تكون الاسباب مش ممكمن هبقى وحيد انا عندى صاحبى كتاب ( مدونتى ) وحكايتى ( مدونات ) لعبه مفيده

الكلمه دى من زمان كنت بسمعها وانا عندى سنه او 2 يعنى وربنا ساعتها كانت صفاء ابو السعود عندها حوالى 25 سنه وقال ايه دلوقتى وانا عندى 22 سنه عاملالى فيه ابو زيد الهلالى وعمرا لسه 30 سنه بس

هنكدب ولا ايه

نرجع للمهم النهارده مع البدايه السخيفه طبعا يعنى ايه انا كلمه ومحيرانى دخلت فى المعجم مش لقلها معنى مفيد ال ايه

انا

انانا انون

مش فاهم روحت عند مدرس عربى قالى مش فاضى بدى دروس طول اليوم

طب والعمل ايه حد هنا يقدر يقولى يعنى ايه انا ؟
عموما شكرا لكل الى دخل هنا فى البلوج واحب اشكر ;;;;;;;;;;;;;;;;;;;;;;;;;;;;;;;;; الخ

السبت، ١٦ فبراير ٢٠٠٨

بلوتوث وكده


النهارده الى هو يوم السبت طبعا كانت البلد فى حالتها الطبيعيه يعنى لا فى مطش ولا اى حاجه الشعب مستنى يشوفها المسلسل المكسيكى المدبلج الى على قناه الشاشه الناس كلها بتستناه عشان اول ما يجى تقلب لانهم مش فاضين يتفرجو على 4012 حلقه مفيهاش غير الدورادو بيحب جواليا وجواليا حامل من بوراس الخ طول الحلقات نفس الكلام ربنا يساعدهم وينسوا ان مش كل الابطال اسمهم الدورادو

المهم اليوم حصل معايا كلاتى كنت بايت عند اختى الكبيره وطبعا حمزه فضل يصحينى بكلمه واحده اصحة عشان تلعب معايه هو انت خم نوم وطبعا انا ولا هنا صحيت الساعه 6 المغرب بتوقيت حياتى الصبح بدرى ضربت النسكافيه لبست وقولت انزل نزلت معايه حنه ركبنا المترو الملل طبعا من الزحمه بتاعت كل يوم نزلت اختى محطه الدقى وكملت انا لغايه محطه انور السادات التحرير قاعد بسمع منير واغنيه بعتب عليكى لقيت تلت بنات بيبصوا قوى انا قولت فعقل بالى هو انا بقيت موز قوى كده ولا ايه شويه لقيت التليفون بيرن وملحقتش ارد نمره غريبه

طب وبعدين المهم المترو وصل ركبت المترو النمره ترن وتقفل بسرعه وانا معيش رصيد طب والعمل نزلت شحنت اكلمه ميردش اكلمه ميردش قولت لنفسى نفض المهم يرن تانى الساعه 10 قولت خلاص هكبر دماغى تلاقى واحد صحبى رخم من ايام المعهد الساعه واحده وانا قاعد فى الشارع بتاعنا ومعايه ناس لقيته رن قولت والله العظيم اتصل اهزقه وكنت متغاظ المهم اتصلت

انا ؟ الو

هو ؟ الو

انا ؟ فى عقل بالى ايه الصوت الحلو ده

التليفون ده عمال يرن عليه ممكن اعرف مين معايه

هى ؟ لا انا مرنتش على حد

انا ؟ طب ازاى

هى ؟ بنبره خبس وكسفه فى ان واحد

اه طب انت النهارده كنت فى محطه التحرير

انا ؟ اه طبعا

هى ؟ طب انا اسفه اصل انت كنت فاتح البلوتوث وانا كنت مع صحابى وووووو

انا ؟ اه انتى كنتى مع صحابك وانتم 3 صح

هى ؟ طب عرفت منين اننا 3

انا ؟ مش مهم

هى ؟ طيب انت ليه فاتح البلوتوث

انا ؟ عادى اصل تليفونى مبيقبلش فايلات الا برقم سرى يعنى يربط العدتين

هى ؟ اه طب والرقم كاتبوا على اسم البلوتوث ليه ما انت كاتب الماجيك

انا ؟ طب عادى يعنى فى ناس كتير عامله كده

هى ؟ طب خلاص

انا ؟ خلاص حصل خير مفيش مشاكل

هى ؟ طب سيف النمره ونتكلم بعدين

انا ؟ اوك

اقفل واضحك واقول ايه الهطل ده ده البلوتوث اشتغل وجاب موزه مش معقول طيب حد يقولى اسيف النمره دى معناها ايه هو انا بتاع الكلام ده

لا انا ابو الكلام ده بس ما سيفتش النمره بس احب اوجه الشكر لمخترع البلوتوث عشان تعمق العلاقات بين الموز والموزز يعنى من الاخر تحيا البلوتوث فى مصر ؟

النهارده فرحان ومش متشائم ولا محبط ولا مكتئب وعايز اضحك مش عارف ليه ؟

الأربعاء، ١٣ فبراير ٢٠٠٨

عجبى عليك يا زمن


عجبى عليك يا زمن بترسى ناس على البر وناس غلابه رزقهم من خرم ابره يمر وناس كده الوان شبعان يزق جعان


يا دنيا عيب اختشى طبعك رضى كده ليه بترفعى الندل يادنيا وتنزلى الاصيل كده ليه الى بيمشى بضمير تبيعى وتشترى فيه وانا اشتكيت لطوب الارض من حالى ياما جرالى الحمد لله ومن حمد الكريم زاده يعطى الغنى مال ويحلى للفقير زاده

مش عارف وانا بسمع تلك الكلمات يرددها احمد عدويه لى كلما استمعت الى اغانيه العيب على مين علينا احنا ( الجيل ) وعلى على الزمن الى بامنه شوفنا منه كتير بصراحه كده انا حاسس ان العيب علينا مش على الزمن بس الزمن غدر بينا بجد ازاى نتولد فى عصر كل واحد قاعد على كرسى مش عايز يسبه امنيه حياتى انى اشوف حد يحكم مصر غير مبارك هل فعلا ممكن اموت من غير ما اشوفه بجد ممع انى عارف انه ممكن يكون حرام انا حاسس ان ربنا غضبان منه ومش عايز يشوف وشه بجد مش عايز يخده ويوريه عذاب حاكم ترك زمام رعيته ولا احنا مش رعيته انا مش هموت ولا هو يموت بس لازم احس ان فى تغير فى حياتى منه مش لازم اشوف صوره كل يوم اهرام اخبار جمهوريه ولا يسعدنى بطله الغبيه على كل القنوات انا خايف يقول انا عايز امثل ويوسف شاهين هو المخرج

لو سالتك انت مصرى تقولى ايه ؟

مصرى ابن جدو مبارك وماما سوزان واخويا يبقى جمال بكار ( برايز ) سورى للفظ بس دى حقيقه ليه نهرب منها

يا زمن فكرنى هتنصفنى امتى على الندل ويادنيا بترفعى الندل وهتنزلى الاصيل ليه ويعطى الغنى مال ( وحكومه وجاه ) احمد عز وتحلى للفير زاده هيشيل الدعم خلاص يا دنيا يا دنيا عيب اختشى طبعك رضى كده ليه

عجبى عليك يا عدويه

ممكن سؤال ملح عليه هو مبارك وولاده معاهم بطاقه مكتوب عليها مواطن مصرى ؟
عيد حب سعيد على فكره انا مش متشائم

الأحد، ١٠ فبراير ٢٠٠٨

غريب على باب بلا معنى


مش عارف اقول ( حد هيقولى ارغى ياعم الامور ) بس انا مش امور بجد انا حاسس دلوقتى ان ادنيا دى ملهاش قيمه خالص يعنى انا هعمل بعد سنه مثلا مش عارف هفضل زى مانا اكيد طبعا ايامى كلها واحده حتى حياتى واحده لدرجه انى خلاص حاسس انى قربت اشوف ربنا وساعتها هقف قامه واكون لا شىء لانى معملتش حاجه فى دنيتى لا حلوه ولا وحشه بالمعنى الاصح عايش كده وخلاص معرفش من امتى لكن من ايام كتير ايامى اللى جايه الله اعلم ممكن هيحصل فيها ايه بس معرفش ليه انا حاسس انى ممكن اعمل حاجه كويسه من داخلى لكن الناس ممكن متصدقش لانى مبسبتش او الجوهر غريب مش باين منه اى حاجه لكن احاول حتى ولو محاوله مانا حاولت كتير وفشلت فيها ايه لما اجحرب تانى مش يمكن ولا لا استنى يمكن الحظ مستنى لما اكون انا واقف مش بحاول صعبه جدا معادله اوحش ما فيها انى انا الى بمثلها بلا معنى بلا اى شىء يدون فى حياتى عايش كده وخلاص شىء غريب ؟

الأربعاء، ٦ فبراير ٢٠٠٨

سلمى وجمال ويوم من عمرى


قبل ما هكتب اى حاجه هقول شكر جامد لكل من دخل البلوج وانا مش موجود فيه اصل البلوج بعتلى وقالى انا زعلان منك بس فى ناس حلوه جتلى وزارتنى وانت مش معايه واتعرفت عليهم وهيبقوا اصدقاء قولتله عرفنى عليهم مش راضى بلوج رخم ؟

النهارده كان يوم مغامر جدا فى حياتى من فتره كنت بكتب واقول انى عايز اعيش من غير حب معرفش ليه كنت بكتب وانا واثق انى كداب المهم اليوم كالاتى كنت بايت عند ام حمزه ( اختى ) وطبعا رخامه حمزه وحنيه نور وبكاء ساره بيأثر عليه جامد المهم الفلوس جاتلى من عند ربنا وخرجت روحت الاجتماع فى الشغل ولقيت نفسى تايه فى وسط البلد ومشغل الاغانى على التليفون وسرحان مع نفسى فجاه تليفونى رن مين منى سليم زميله معايه

منى : الو

انا : ايوه يا منى

منى : انت فين

انا : انا فى وسط البلد

منى : طيب تعالى عند نقابه المحامين بسرعه

انا : اوك

طبعا روحت عند النقابه وشوفت الحكايه على سلم النقابه لقيت اسر قاعده ورافعه يفط مكتوب عليها استغاثه من اهالى بور سعيد لجمال مبارك ( محدش يضحك ) والاهالى بيقولوا هنعمل ايه ادينا بنكلم اكبر سلطه فى البلد مع اننا مش بنحبه ( وانا كمان ) فى سرى طبعا المهم خلصت الحدوته وصورنا مع الناس ورحت الاجتماع مع منى وقابلت اخواتى الاتنين واحده المديره والتانيه زميله خلص الاجتماع وروحت وقولت ايه افحت المدونه اشوف مين عبرنى النهارده وافتح الميل طبعا لقيت سلمى الى بقالى 3 اشهر مش بكلمها خالص قصدى هى مش بتكلمنى خالص وبتقولى محمد متزعلش منى انا اسفه انى مش بكلمك حتى على الموبايل اصل النمره ضاعت منى والحياه بقت كئيبه من غيرك

قولت فى عقل بالى هى اتجننت ولا ايه ولا عشان ربنا كرمنى وكنت لابس جاكت جديد من اسبوعين والتليفون والكوتش ولا ايه هى نسيت انا عملت ايه انا بصراحه كنت بكلم زمليتها من غير ما اعرف انه مقلب منهم هى كانت عايزه تعرف انى بحبها ولا لا بس انتم عارفين الرجاله ديلهم بيلعب دايما واخيرا اتصلحنا وقولت الحمد لله والفالنتي قرب وهتجبلى هديه طبعا مدى السعاده رهيب فلوس وحب جمال مبارك ورجعت مسمعش اغنيه صالحنى لمحمود العسيلى وعايز اسمع منير وهو بيقول حواديت

ياما فى زمانا بيوقلوب رسماها اعمرنا زى النجوم حواديت على ضل شبكنا

الأحد، ٣ فبراير ٢٠٠٨

عظيمه يا مصر يا ارض الفقر والفقرا


هام وعاجل جدا انى رجعت تانى لحاله لابئس بها من الفقر اى انى لا امتلك سوى روحى وشويه هدوم وتليفون وبسمع عليه اغانى مش اكتر وحتى شغلى مش عارف اخلصه لانى معيش رصيد اتكلت على الله ولكن الى متى ساظل كده فاشل ظالم فى حق نفسى مش لاقى فلوس عادى انا واخد على انى اعيش من غيرها اربع سنين فى بلد محدش فيها يعرف انا اصلى ايه عشت على مجهودى الى هو شغلى وفجاه بسيب الشغل واقعد شهر كامل معيش فلوس بس كنت عايش وبفكر ودلوقتى معيش فلوس وجوه بيتى ووسط اهلى وبرضه شايل هم مش عارف ليه مع انى عمرى ما بحب افكر فى فلوس الا اننى اكتشفت الاهم ان الافلوس بتعمل كل حاجه حتى الحلم واحلم واعيش الحلم ودلوقتى مش بعدين فعلا اسمع الاغنيه وافتكر الفيلم واقول فعلا مفيش حاجه تقدر تمنعنى عن اتلى انا عاوزه وارجع اقول لا مش ينفع انت شىء وهم شىء تانى وبعدين ده فيلم مش حقيقه صح انا كده هفضل تحت خط الفقر الى كل مصر فيه وليه بلدنا يبقى فيها غنى وفقير ليه وليه نسبه الفقرا اكتر منن الاغنيا وليه منبقاش كلنا واحد ولا لازم يبقى فى واحد غنى رخم بيرخم على واحد فقير الفقر ده لو انسان كنت قتلته بس هعمل ايه امرى لله يمكن ربنا يكرمنى والاقى ربع جنيه ورق من بتاع ايام الغنا فقى اى جيب من جيوبى عشان اشترى سجارتين فرط من عند ام عبده ولو هى ست كويسه تدينى مشط كبريت هديه او جايزه لاكبر فاشل فى العالم الى مبيحبش الا الاغنيا او الى وكلين البلد فلوس معاهم ستات معاهم جواز معاهم وانا مش معاهم انا معاك يا فقر يالى بتلازمنى كل حياتى حتى لو بقه معايه كل حاجه هبقى فقير وزعرت ياريس وزعرتى يا حكومه انا واحد من تحت خط الفقر بحبكم لانكم ظلمتونى وظلمتوا 65 مليون بنى ادم ياريس بحبك تعليم فاشل وبرضه مرضدتش تقولى امشى وسيب البلد وطلعت فى التليفزيون على القناه الاولى والتانيه والنايل تى فى بتقولى دى بلدك وفيها 5000000 مليون فرصه عمل يا عم فكك منى انا خلاص اتخنقت وانت ولا حاسس ياريت تشوفلى شغلانه سهله انى حتى اكون تحت امر الكلب الى حضرتك مربيه فى الفيلا بتاعتك
ايام وهتعدى وهكون ريس وهذلك واقولك ان مبربيش كلاب انا هاشوف حال كل فقير زيه وزى اى مصرى
الفقر ايامه كتيره