الجمعة، 25 يوليو 2008

تاج وتاج وراسى وجعتنى بجد ؟



انا جالى تاجين والاول كان من اسراء صاحبه مدونه دواير والتانى من دينا صاحبه بلوج ضحك ولعب وجد


التاج الاول بيقول :


اذكر 6 اسرارقد لا يكتشفها من يقابلك لاول مره ؟


1: انى رخم


2: انى عشوائى


3: انى بحب الناس كلها وبحب الرغى


4:انى ممكن اتعامل معاه بكل ثقه او اعطيه صقه عمياء


5: انى بكتب البوست ده حالا


6: لو بنت ممكن احبها فى ثانيه ؟


هوائى بقى


::::::::::::::::::::::::::::::::::::::::::



التاج التانى


1: اذكر 16 صفه عن نفسك ؟


مجنون عصبى رخم دمى تقيل بموت فى المكرونه وان الى بحبه اعطيه كل ما املك دون اى خوانه احب الخيانه من جانب بعض الاشياء واكرهها اذ دخلت محور الجد مقتنع بدماغى ومحبش البس دماغ حد


وبحس بملل فى ثانيه لانى متقلب المزاج


2: اذكر احلام تخص ماضيك كنت هتتخلى عن ايه وحققت ايه لحد دلوقتى ؟


اول حاجه الاحلام زى اى حد يكون معايا فلوس واظبط حال كل الناس الى فى حياتى والى مش منها


تانى حاجه انى اعمل فيلم وثائقى عن شىء معين واعمل معرض خزف ونحت


واخيرا اكمل الرسمه الى رسمتها من سبع سنين


حققت ايه ولا حاجه ونفسى اكمل ايه لحد دلوقتى وهموت واعمله الفيلم *


3:اذكر شخصين على الاقل موجودين فى حياتك وكنت تتمنى وجودهم من قبل ؟


احمد نصر جوز اختى حنان صاحبه بلوج حنه


البلوج بتاعى لانه فعلا شخص بحب اكون معاه دايما


4: اذكر شخصين غير موجودين فى حياتك وتتمنى وجودهم مستقبلا فى حياتك وحياه ولادك ؟


ام اولادى طبعا لانها لو جت هيبقى فى اولادى ولا ايه


تانى شخص هو انا الحقيقى مش المكتئب دائما


::::::::::::::::::::::::::::::::::::::::


اخيرا بشكر كل البلوجريه اخواتى وحبايبى فعلا وبتاسف عن التاخير السافل الى بتاخره لكن ظروف والله


وبهدى التاجين ل


قلوب بتغنى شيماء


وسنو وايت


ورحيل


ودودو بلوج كلمتى


ومنون موجوده انا




هناك 12 تعليقًا:

دواير يقول...

مش عارفة بتجيب الصراحة والبساطة دي كلها منين....إجابات مش ممكن ده توفير وقت ولا إيه!!!!!
أما ثانيا .فمش ملاحظ إن فيه تاج تاني مررتهولك وفوته........معلش يعني عارفة انه تدبيسة........

canary يقول...

احسن حاجه
العصبى والرخم احلى واحد اللى يعترف بيهم وانك تعمل حاجه ومتكملهاش من سبع سنين دة قمه الاعتراف بالاخطاء وتقبلها وانك بنى ادم طبيعى مش مجرد واجهه للناس تشوفها
بجد وعلى الرغم من انى مش بحب التيجان الا انها اجدع اجابه قريتها لتاج

قلوب بتغنى يقول...

صباحو عسل ياعم محمد
ايه الاجابات المبدعه دى
الصراحه راحه ياعمى
شوف انك تقول على نفسك رخم وغتت
تبقى طيب وقلبك ابيض وصريح
يعنى حد كويس
علشان كده بحبك
اشطات

صاحب المضيفة يقول...

انت فين يامان

غيبتك طولت يا حلو


وبعدين ايه العشوائية والغوغائية دي كلها يابني

بالراحة شوية علينا الله يبارك لك ياعم


سلام يا كبير

مدحت محمد يقول...

اممممممممممم

انت متفق معايا فى صفات كتيرة وبالذات موضوع الرخامة دى هههههههههه


المهم ماعلينا


ربنا يحققلك يارب كل احلامك يارب

ساعد نسرين الايمن يقول...

اجابات جميلة
بس السؤال
انت فين بقي يا مان ؟

z!zOoOo يقول...

فعلا الصراحه حلوه

وفى نفس الوقت من اصعب الاوقات الى الواحد بيتكلم فيها عن نفسه

بس التلقائيه بقوم بالواجب

متشكر جدا على تشريفك ليا فى المدونه

وأتمنى تشرفنى دايما


الاغنيه مش بتاعه عبد الباسط مش هى مش عارفنى

ديه بتاعه شيرين من فيلم ناسف على الازعاج لأحمد حلمى

تحياتى يا جميل

mnoon يقول...

السلام عليكم
إزيك يامكتئب
مش بقيت مكتئبه زيك
ما علينا
بقى أنت راسم رسمه من 7 سنين
وملكش نفس تكملها
إنت برج إيه بالظبط؟

kemet يقول...

السلام عليكم ورحمة الله وبركاته

عزيزي
اهم حاجة فيك انك واضح دي يمكن حاجة انت مش عارفها.

سهل اوي من كلماتك القصيرة وصورك اللي ع البلوج ان الواحد يعرف شخصيتك .

بس انت بتظلم نفسك اوي نصيحة.... ولا بلاش نصحية عاشان تسمعها
خدها كلمة من اختك الكبيرة سيب ظلم نفسك للناس هما هايقوموا بده عنك وها يعملوه كويس جدا

دا ماكنش تعليق
دا كان حبة رخامة :)

تحياتي
الي اللقاء

كلمتى يقول...

كده يامحمد

دى تدبيسه تدبسهالى

اجاباتك جميله فعلاًواحلامك عاجبانى اوى

وان شاء الله تحققها وتحقق اللى اكتر منها

dina يقول...

و الله دماغ مميزة جدا...اللوحة بقالها سبع سنين.....بس و الله اجمل حاجة الصراحة

blue-wave يقول...

ايه يابنى الصراحه دى كلها:))
بس بجد تاج حلو
تحياتى