الجمعة، 8 أغسطس، 2008

يا اخى توكا 3


اركب الحنطور واتحنطر لوحدى فى الهرم ان كان فى الكورنيش برضه ماشى وهتفسح وافرح جدا بس ؟

بس ايه محدش عارف برضه هيطلعلى امين شرطه اسم الله رخم وفاكر نفسه دبلوماسى هيقولى رخص الحمار وهرد واقوله نعم يقوم قايلى طب ليه الحمار مش لابس اندر ورور طبعا ملقتش بمبرز حجم حميرى المهم يلف حوالين الحنطور ويقولى مفيش مثلث انتظار ارد واقوله لا الاقى غرامه مثلا 60000000 الف جنيه بلدى وسجن مدى الحياه او اعدام ؟
قانون قانون ايه يا اخى توكا بجد من ساعه ما سيدنا القانون مشى الاقى امين شرطه حقير حقير حقير " حقير " بجد يوقف عربيات ميكروباص تاكس ملاكى مهكع او حتى الحنتور بتاعى ويا سلام لو تكتك يقوم الراجل السواق الغلبان يدفعله من بريزه كبيره ( 100 جندى احمر )او اكتر لان لغه الشلن اتلغت عندهم لكن عندنا موجود المليم الاحمر برضه زى الجنيه وعلى راى اغنيه لواحد معرفه اسمه مودى راب مين فينا مخرجش من بيته جيبه فاضى من فينا مكنتش المرمطه عنده عادى وصدقت ايها الغلام

بلد كوسه تخيل هو عمل القانون ده ليه عشان ال ايه احنا الفقرا ملهمش حق انهم يركبوا عربيات ازاى تتساوى الرؤس يعنى تخيل ان ابن احمد عز بتاع الحديد راكب العربيه وماشى وفجاه يبص من الشباك يلاقيك انت وعربيتك المقرحه جنبه ساعتها هيكتئب او هيحبط او ممكن يجيلوه زهيمر وهتكون انت السبب فحرام عليك وعليا الضغط على منهم لله صحيح افتكرت فى واحد فى الشغل قالى نكته عشان اقولهالكم

الريس بيقول للوزاره ايه

الى مش هيجيب فلوس يقعد فى بيتهم احسن

والله راجل بيفهم

المهم وزير التعليم هيخلى المدارس يوم 21 شهر رمضان ابقوا قبلونى لو حد راح واتعلم بجد قفايا وجعنى وحاسس انى هموت ولو هعيش اعمى بجد افضل ميت مره من انى اكون مفتح واشوف ازاى الناس بتتذل وانا معاهم يا بلد ؟

للاسف بلدى وميصحش

اشوفكم على خير فى البوست الى جاى واتمنى لكم اكتئاب سعيد او احباط

هناك 14 تعليقًا:

مدحت محمد يقول...

ههههههههههههههههه
حلوة النكتة

ازاى صح يستنزفو الشعب

دى الساسة الجديدة

صدقنى

ياللا خليها على الله بقى

blue-wave يقول...

ههههههههههه
والله شكلك مش ناوى تجيبها لبر

رحــــيـل يقول...

يادى قانون المرور الجديد

الله يحرقهم يابنى بجد

دراسه ايه اللى محدش هيروحها عشان رمضان هما كده كده محش بيروح

يعنى هو التعليم مستنى انهم يخلوا الدراسه بعدرمضان هو بايظ بايظ

صاحب المضيفة يقول...

من بركات القانون الجديد يا باشا


وبعدين ربنا يستر على قفانا كلنا صحيح

كده هانعمى من اللي بيحصل


سلام يا صاحبي

قلوب بتغنى يقول...

شوف الانانيه يا محمد
انت فاكر انك بس الى عندك اكتئاب
ده كل الشعب يابنى
طب عارف
فى واحد كل اما اقله صباح الخير يقولى طيب
عنده حق
خير ايه بس
هو فين الخير ده
صباحو عسل
اشطات

صباح الصباح يقول...

انتا بتشرب كليوباترا بوكس..
زمل يا مان.. بس من ساعة ماحطوا عليها الصورة الجديدة انا بطلت اشرب سجاير خااالص..
معلش ليا ملاحظة مهمة:
فى البروفايل ياريت تصلح الوظيفة الى (على باب اللة)
دمت بود

kemet يقول...

السلام عليكم ورحمة الله وبركاته
عارف من لحظات كنت في مدونه ( انا حر ) وجالي الاكتئاب خلاص مشكرين
حسبي الله ونعم الوكيل

تحياتي
الي اللقاء

kemet يقول...
أزال المؤلف هذا التعليق.
Heba يقول...

عليه العوض ومنه العوض

فعلا شكلها باظت

قوس قزح يقول...

عايز فعلا تبقى مشاركتك مش بس كلام
و تساعد نفسك و غيرك و بلدك
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

shirry يقول...

الحقيقة انا جالي فقعة مرارة من قانون المرور وكادر المعلمين
والحاجات الغربية اللي بتطلع في الصيف دي


ولا التعليم اللي 20/9 دا

منه له منه له

صفاء يقول...

يعنى انت ترضى فعلا ان واحد من الاكابر يبقى راكب عربيته وبعدين يبص من الشباك يلاقيك انت ماشى جنبه بالحاجه الغريبه اللى انت راكبها دى؟
كمان احنا اشكال تركب عربيات؟؟
امال القطارات الزباله معموله لمين
واللى ناقص فعلا اننا نمشى معاهم فى الشوارع نزاحمهم فيها يا خى دهدا

semsema يقول...

اشكرك على تمنياتك لينا

بجد هو ده اللى حاصللى انا لا بقيت عايزة اتكلم عن مشاكل بلد ولا غيره

تحياتى

نونو يقول...

يالهوى اية الكلام الكبيير دة
ربنا يسترها علييييييييك
هدهيلك كتتتتتتتتتير