الاثنين، ٢٧ يوليو ٢٠٠٩

ال مجلس ال كفايه بقى

تحديث هام جدا جدا جدا
يا جماعه تم افتتاح بلوج دستور يا حكومه تابعونا من
هنا
دستور يا حكومه


على راى المثل جرحنى وبكى وراح واشتكى يا جرعان الموضوع كبير
انا حاسس اننا بقينا هبل او عبط والحكومه بتستفزنا وعلى راى الاغنيه فعل وفاعل مفعول بيه اعرب مجلس شعبك ايه مجلس طبعا تبقى مضاف شعبك هو المضاف اليه مجلس الشعب عمل احصائيه او استطلاع راى بتقولك ايه يا سيدى 21% بس لا يثقون فى الحكومه بس
.................................................................................... بس انا تعبت والله الموضوع فى مصراوى وعلى اليوم السابع واللينك اهو عيش يا معلم وياخى توكا على دى بلد ودى حكومه وكل حاجه فينا انا كنت تمام خلونى اكتئب ولاد الايه عموما خيرها فى غيرها ال مجلس شعب ال طب مين فى المجلس من الشعب والتورته فى خدمه الشعب وعيش وعيشنى وسمعنى سلام البلد دى فيها حكومه اسكت اسكت ادخل جوه يا لسانى بتفضح بلدك على النت يا وات عيب ده كلام ضميرى بس انا كده مسكتش على الحق عشان اثبت للكل انى مش بثق فى الحكومه هقولكم لا هوريلكم صور وبس







كفايه كده ولا تشوفوا تانى
من مسرح بنى سويف للعباره لحريق مجلس الشورى للفقر الى عمرنا ماشوفنا غيره
عايزنى ابقى واثق
للاسف انا راصف وكفايه

الثلاثاء، ٢١ يوليو ٢٠٠٩

شباك وقصه


اذا كنت من مواليد مصر من التمانينات والتسعينات يبقى اكيد شوفت الحاوى وشوفت كمان الى عمر ما اى بنى ادم تانى فى العالم شافه انا اتولدت فى القرن الماضى فى منتصف التمانينات عشت زى اى حد عايش انا اتولدت فى اوضه فى حى شعبى الزيتون عشت فى 12 سنه مع ابويا اومى واخواتى لكن اتذكر دائما ابويا وهو راجع من الشغل فى اول الايام الشهر واتذكر ايضا انها كانت تعتبر لمده يوم واحد سعيد امامه 29 يوم قبيح من ذل ومجاعه لكن ابويا كان بيقول عادى الزمن بكره يتصلح حاله وعلمنى ان كل الايام شبه واحد بدون ذكر مال ولا سجن ولا ولا لا للاسف لما كبرت فهمت ده كنت وانا طفل اتمنى وانا راكب مع والدى المترو انى اجلس بجانب الشباك واقعد اشب وانط عشان اشوف لما كبرت لقيت الشباك كمان صغر بس مبقتش طايق ابص منه على الدنيا من الى انا شوفته دى مش قصه ابو زيد الهلالى ولا الزناتى خليفه دى قصه حد عاش زمن المترو والميكروباص ونسى ان فى اختراع يسمى بالتاكس وانه غير مسموح غير للاغنيه فقط ( معلش انا فقير ) وهو ده حال الزمن سؤال باقى سنتين تمام وكمال عشان نعرف مين الى هيذلنا ويرجعنى للشباك تانى غصب عنى ياترى هيبقى مين ياترى هيكون رد فعلى ايه يا ترى ممكن يكون كويس او ممكن ميحصلش تغير ياترى هرجع اكل لحمه ولو مره فى الشهر انا وغيرى ياترى هقدر اسمع صوت ابويا وهو يقولى جملته التى لا تفارقنى مهما طال الزمن ( انت ماشى فى طريق صح خليك كده ومتخفش ) اخر جمله سمعتها منه اتذكرها كما اتذكر كل يوم عشته اظن الايام ستضح لنا خلال دقائق معدوده لكنى ارسل لوالدى بتلك الرساله اسف على 4 سنين فاتو من عمرى فى الى انت قولتهولى اختيار خاطىء ورجعت تانى ممكن حد فيم يجاوب سؤالى ولا محدش قادر يجاوب ولا هتخاف عليا او منهم على نفسك
اسف لانى خطرفت معاكم شويه

الثلاثاء، ١٤ يوليو ٢٠٠٩

خربها وملهاش تل


افتقدها بشده فاين هى اهل تعلم لم تكن يوميا بين يدى الا فى احلامى واحلم بها كمواطن وليس كجهه افتقدها بسبب استعابدها من ال مبارك الناس الوحيده الى قدرت تمحى تاريخ الفراعنه اظن ان الفراعنه لو علموا يوما بذلك القدر ما كانوا شيدوا الاهرامات بل قالو نحن تركنا لكم 3 اهرامات اخرى وهى حسنى مبارك فاقد للوعى لظروف سنه بعد ما خلانه تحت تحت تحت وعمل 144444444 كوبرى جمال مبارك يافرعون ايه فرعنك ــــــــــــــــــــــــــــــــــــــــــــ ملقتش شعب اصلا الحزب الوثنى البروقراطى ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ كام واحد عضو فيه طب سؤال محيرنى من زمان جدا هما ليه سموه وطنى امه كانت مع سعد باشا زغلول فى المنفى مثلا اظن ان انتا لو اخدت شىء من التل بيخلص لكن دول خربوها وقاعدو على تلها اظن انى مواطن لازلت استعمل انبوبه الغاز العاديه وسعرها يتراوح من 7 الى 10 جنيهات مصريه طب بدل ما يروح لناس بتكرهنا وبنكرهها اكتر ( اسف لانى مقدرش اقول دوله ) ممكن يا جيمى تدخلى حنفيه غاز ده حتى الانبوبه ممكن تخلص الساعه 3 بليل هشرب شاى ازاى هعمل اكل ازاى ولا اقولك انزل اجيب جبن وفينو وكده وتكون التكلفه 25 جنيه يوميا حد متجوز عشان يتعشى يصرف يومه كله مش بقولكم خربت اظن برضه ان سيادته الدوك نظيف (((( القطنه مبتكدبش ) نظفها من نواحيها اكملها شرقها بغربها اظن ان الفقر بقى عمله اليوم وكل يوم وعلى راى يورى انتهى العالم البارحه بينما كنت نائما لنا الله

السبت، ١١ يوليو ٢٠٠٩

ملل


وحشتونى كلكم اظن انى غبت كتير بس وانا متابع
يويو الازهرى واحمد اسماء احلام ووجدانى
مولعين الدنيا شغاليين احتلالات بجد انا فكرت كتير واحب ابلغكم خر هام
وهو انى فى هدنه نفسيه منكم انتوا وحروبكم
انا فى مود مش مساعد انى اكتب حاجه نهائى
بس حبيت امسى عليكم واقولكم شويه حاجات خنقانى
اولاها انا
وانت مخنوق من ايه قول ؟؟؟؟؟؟