الاثنين، 30 نوفمبر، 2009

حلم ممكن يكون ممنوع


بلاد من غير شعوب وشعوب من غير بلاد
وطن بينسى حلمه وولاد غير الولاد
حبيب غير الحبيب وشوارع غير الشوارع
طريق غير الطريق وبحور ملهاش غريق
اتمنى فرشه ارسم فيها وطن
اتمنى روح اتمنى قلب اتمنى حب اتمنى وطن
وفينك يا حبيب اكلمك عن وطن وراح عن قلب مليان جراح
وفين المساطيل اللى فى الطريق وفين الطريق الى ملوش حبيب
لمى جراحى وارميهم ولونى بيهم بفرشه الطريق وارسمى وطن
كل ده لانى بحلم بوطن .....................................................................
ـــــــــــــــــــــــــــــ كيمو ـــــــــــــــــــــــــــــــــــــــ

هناك 33 تعليقًا:

الشعب لابد له من حكومه تشكمه يقول...

حلوه اوى الكلمات دى ياكيمو حلوه بجد.

بس ليه ممنوع؟؟؟؟؟؟؟؟؟؟؟
ومين قال انه ممنوع؟؟؟؟

صوت من مصر يقول...

الشعب لابد له من حكومه تشكمه
شكرا يا شيمو بجد
مش بكتب بالطريقه دى كتير طبعا لانى عارف انى فاشل فيها
وعارف انك بتجاملينى صح
اللى قالوا انه ممنوع معروفين
وليه
لانهم حاكمين الوطن اللى بنحاول نرسمه
بجد شكرا

بنت الأسلام يقول...

رائعة بجد
بس أول لما تلاقى الوطن دا .قولى على طول.هسافر هناك ومش هرجع هنا تانى أبدا.
تحياتى

بنت الأسلام يقول...

رائعة بجد
بس أول لما تلاقى الوطن دا .قولى على طول.هسافر هناك ومش هرجع هنا تانى أبدا.
تحياتى

آيوشة يقول...

احلم ايه اللى مانعك بس
وهى مش الاحلام دى غيرنا بيحلموها وقدروا يحققوا احلامهم وانا شاء نقدر احنا كمان
جميلة الكلمات تسلم ايديك

donya يقول...

صباح الخير
كلمات قويه طالعه من قلبك وزي ماتكون تايه والكلمات حته من اليمين وحته من الشمال
مخنوق مش عارف ترتب كلمات صح

تحياتي

7annen يقول...

بص كل حلم من حقه انه يتحقق بس بالمحاوله

7annen يقول...

على فكره لو لاقيت الوطن دا انا اول واحده هتعزل لهناك

صوت من مصر يقول...

بنت الأسلام
الوطن هو هو
بس الفرق انى احلم اخليه بالالوان
عندك شك انك متقدريش تخرجى من ميه النيل

صوت من مصر يقول...

آيوشة
شكرا ايوشه
واللى مانعنى معروف
ولا عندك شك فى ده

صوت من مصر يقول...

donya
على فكرة مش بعرف انسق الكلام اللى جوايا هو اللى بيطلع وخلاص
وتايه اه فعلا تايه بدور على الوطن وانا جواه
شكرا ليكى

صوت من مصر يقول...

7annen
حاولت كتير لكن قلبى بكى منى

صوت من مصر يقول...

7annen
وانا مش هوافق

ريمان يقول...

كلماتك صعبه اوى



معاك حق انه فعلا ممكن يكون ممنوع

محاولة لكسر الصمت يقول...

I like your words,this time there is something different, but believe me, We always have the right to dream, any dream, only we should wake up to make this dream a fact.

sorry for English, but I have a problem with my computer.

سجود يقول...

السلام عليكم
انا هنا
جيييييييييت
ثواني اقرا واجي

سجود يقول...

انا معاك في كل حاجه والله
وبحلم برده بوطن
والكلمات حلووه ماشاء الله

dodoo يقول...

جميله اوى يامحمد

اسلوبك فى الكتابه المره دى مختلف جدااا بس بصراحه عجبنى جدا

تسلم ايدك

بنت الاسلام يقول...

الحلم مش ممنوع

مشروع

لكن تحقيقه

ممكن

طالما قدرت تحلم بيه

استمر

تحياتي

صوت من مصر يقول...

ريمان
اخيرا فى حد يتفق معايا انه صعب
شكرا يا ريمان

صوت من مصر يقول...

محاولة لكسر الصمت
اولا اسفك واضح
ثانيا نعم لى الحق فى الحلم لكن تحقيقه ممنوع
او شىء اخر فهو حلم صعب تصديقه
فاتمنى رسم الوطن معكى

صوت من مصر يقول...

سجود
ننتظر

صوت من مصر يقول...

سجود
شكرا واتمنى منك رسم الوطن معايا
للكل ليس انت وغيرك
اتمنى من الجميع اعداد الوانه لرسم الوطن

صوت من مصر يقول...

dodoo
تحدثنا عن الاختلاف

صوت من مصر يقول...

بنت الاسلام
قدرت احلم لكنى صعب احقق الحلم

يسرا يقول...

ويظل حلماً ...... بعيد المنال
من منا لا يفتقد الوطن !

سجود يقول...

تيجي نعمل حمله ونسميها يلا نرسم وطن ؟
او مدونه
او حاجه علي الفيس بوك ؟؟؟

أنصار السنة والسلف الصالح يقول...

أيها الفاني
لا سلا م عليك لأنه ديني الإسلام وافتخر به وصاني بان اسلم على من له دين وأنت لا دين لديك انته وجماعتك تعانون من نقص ومرض نفسي وانا متاكد من الشي هذا لأنه أنت وشاكلتك تعرضتم للقهر والاضطهاد الأسري من ضرب وذل وعدم اهتمام من الاهل وقصور في التربيه مما نتج عنه نقص في الشخصيه وخوف وشك وعدم استقرار عاطفي ونفسي وانصحك انت وشاكلتك زور اقرب طبيب نفسي للتاكد من كلامي لذلك انت انسان رافض للواقع وتلجا الي الخيال والحلم بالعيش بالحياه الماسنويه الي انت وغير درسها وهي تقدس الشيطان وتكفر بكل الاديان وتتلذذ بالخمر والنساء والجنس وانت بنفسك تهاجم الجنس والنساء المسلمات ؟؟

اسال نفسك واسال كل انسان على شاكلتك .. هل انت مرتاح نفسيا ؟ لا والله واقسم بالله انك تموت باليوم الواحد الف مليون موته لانك لا تجد الراحه النفسيه حياتك ضنك وجحيم وقهر ووساوس وهذا اكبر دليل واتحادك فييه انه كلامي صحيح ودليل على ذلك من خلال كتاباتك التي لا تخلو من السب والشتم والرفض للواقع لانه اي انسان راضي النفس سعيد يرا نظره تفاءل وحب للحياه ولكن انت واشكالك ترا الحياه موت وكره وبغضاء تبحث عن الراحه ولا ولن تجدها الى ان تموت وحتى بالموت ….اسال الله ان يهديك بس

اتقي الله في نفسك وفي اهلك وفي دينك اتقي الله في نفسك الذي كل يوم يعطيك الفرصه انت واشكالك للتوبه النصوحه حتى تعود الي ربك وتستغفر ذنبك وانت تعلم انك غلطان ولكنك تكابر نفسك على ذلك اتقي الله الذي لم ياخذ بصرك حتى ترى الحق .. اتقي الله الذي لم يشل يديك وانت تسب وتلعن لدين حتى تستغفر وتتوب اتقي الذي الذي تاكل وتشرب وتعيش على ارضه عاار عليك اذا جاءك شخص في بيتك واكل وشرب وشتمك تغضب وتثور فما بالك بالذي خلقك واشكالك من عدم واتمنى من الله العلي انه يردك اليه رد جميلا ..

وحسبنا الله ونعم الوكيل
ترقبوا ردودي المزلزلة من الآن فصاعدا
وكن جريئا وانشر تعليقي لو كنت تجرؤ

صوت من مصر يقول...

يسرا
اظن اننا فعلا من نفتقد الوطن
نورتى صوت من مصر

صوت من مصر يقول...

سجود
يبقى انتى معايا
اقرى البوست الجديد

صوت من مصر يقول...

أنصار السنة والسلف الصالح
لولا انا فى ناس هتقرى التعليقات بجد
اسمحلى
ــــــــــــــــــــــتيت
كبيرة قوى يا معلم
على فكرة انا حد سافل جدا

فدا الاسلام. يقول...

حلوة بجد الكلمات بتاعتك مشاءالله

وان شاء الله نقدر نحقق احلامنا


فالليل مهما طال فلابد من طلوع

الفجر............

واحده من الناس يقول...

جميله اوى يا كيمو بجد
انا عايزاك تزورنى ف مدونتى التانيه لانى اكيد هيشرفنى ردك هناك
احنا ناس كتير مدونين همها حق مصر اللى اتاخد بس يارب كلامنا يقدر يرجعه