الخميس، 20 أغسطس 2009

هويه مفقوده فى زمن الحريات


حينما انظر الى نفسى اظن انى مختلف عن الاخرين نظرا لبعض النقاط الهامه التى سوف تظهر فى سرد الكلمات لكن لما هو الاختلاف هل لانى بشر طبيعى ام لانى ولدت لاب يعشق ارض الوطن ام لانى عشت حياه غريبه الاطوار والتفكير اظن انى لا اعلم فى ظل اختلاف راى الاخرين عن شخص يدعى انا وما هى ال ( انا ) سؤال صعب اجابته لاى شخص فانا لا اعلم نفسى لانى لا ارى نفسى قبيح حتى لو كنت بقبح الدنيا والاخره السؤال هو ماذا يعتقد البعض عنى ؟؟؟؟؟؟؟؟ اريد ان اتكلم عن بعض الافكار التى تراودنى وهى ما هى الحريه بالنسبه اهل هى كل شىء حر طالما لا اعترض على الغير ولا اؤذى الغير اظن انها بالنسبه لى هكذا فقد افتقد بعض التدين لكن اعلم كلام الله ولكن دينى لله ليس للشخص بذاته الذى يخرج ويقول انت مخطىء لانك وووووو اظن ان حوار الاديان لن ينتهى الى يوم الدين لكن كل بنى ادم وجد على تلك الارض حر فى دينه لان الدين لله والوطن للجميع اتفق مع البعض على ان الهويه لابد ان تتغير ويخذف خانه الديانه منها ويتب بدل منها مصرى هل حينما يقوم احد افراد الشرطه بسؤالى عن هويتى اقول له لا فانا مسلم او لا فانا مسيحى فهل هذا يشفع لى تجاهه حينما اخطىء اظن انها وجهات نظر لكنى اعرض وجه نظرى تجاه مجتمعى الذى اقترب من التمثل بالقبح من فتنه الى اضطهاد لست برجل دين حتى افتى ولست الا بشخص عادى جدا لكن حريه العقيده مكفوله من زمن الفراعنه الى عصر احفادهم الذين لا يقبلون الا بعقيدتهم فليس سوى ان نرضى ان يعيش الكل سواء مثلما فعل اجددنا ونظرا للحديث عن الحريه هناك ايضا حريه المرأه التى يقول عنها الكثيرون انها مفقوده فى زمن الالفيه الجديده اقول لا فاحيانا كثيره لا نتطرق ان فى استطاع المرأه ان تتحرش بالرجل مثلما يفعل الرجال وايضا لها الحريات فى كل شىء ولو فقدتها فليس ذنب الرجل بل ذنب الشخص بذاته لقد استوحيت فكره الموضوع من حوار حدث فى دار الاوبرا ولكنى اردت عدم التحدث لان الحوار لم يجد حل للحريه بالنسبه للمراه فى وجود الكثير منهم نظر الى المراه على انها شىء ناقص ( الرجال قومون عن النساء ) اظن العكس فالرجل مثل المراه فى ذلك الزمن الذى لا يتمثل فى القوه بل فى التفكير انها وجهات نظرى للمجتمع الذى فقد معنى الحريه

هناك 45 تعليقًا:

(green eyes) يقول...

سعيده جدا اني اكون اول تعليق

بالنسبة لفكرة الحرية فاختلفت تعريفها منذ زمان بعيد ولكني اعتنقت مفهوم واحد لها
وهي ان الحرية تعني حرية التصرف كما تشاء ولكن في اطار المسئوليه.

اما بالنسبة لحرية المرأة وفكرة ان الرجال قوامون على النساء فاتفق معها 100 % وللرجل مطلق الحرية عن المرأة ولكن يبقى السؤال
اين هم الرجال في مجتمعاتنا الان؟؟؟
حمدالله على سلامتك
رمضان كريم

Israa El-sakka يقول...

تاني تعليق
بص حقولك حاجة الناس عمالة تقول افصلوا الدين عن الدولة و الصحيح هو أفصلوا رجال الدين عن الدولة عشان الدين ميخربش بالنسبة لحتة خانة الديانة انا واحدة من الناس من حقي أن اكتب ديني في البطاقة و انا عاوزة ده لكن مش مفروض الدولة تفرض عليه ده بالنسبة للقوامة للرجل فمش معناه إنتقاص المرأة الموضوع و ما فيه أن اللي بيصرف بيبقى ليه نوع من الإشراف مش الأفضلية طبعا في الزمن ده الست بتصرف زيها زي الراجل فبالتالي اصبح موضوع قوامة الرجل ده و لا ليه لازمة ده في حالة كان في رجالة اساسا بالنسبة لموضوع الناس اللي بتحتكر الدين فكلمة حلوة تتقلهم و هي من كان منك بلا خطيئة فليرجمني ... الدين ده شيء بين الله و عبده يعني حاجة في القلب بتؤثر في الجوارح لكن ياما ناس شكلهم مش ولا بد و هما أحسن من المعممين

أتمنى تكون فكرتي وصلت

سلام و رمضان كريم يا كيمو

محاولة لكسر الصمت يقول...

هاقد انتهيت من القراءة..ولكن..

يا الهي كل هذه الامور قد تحدثت عنها في بعض سطور...أمور تحتاج كتبا كي تتحدث فيها..

حسنا لنتحدث عن نقطة نقطة..

لماذا أنت مختلف, ببساطة لأنك تنظر إلى نفسك. من الطبيعي ان ترى نفسك مختلفا فنظرة الواحد منا الى نفسه تختلف عن نظرته للاخرين,لانه فيها يرى اشياء لا يستطيعون هم رؤيتها في الوقت نفسه الذي يعجز عن رؤية اشياء يستطيعون هم رؤيتها فيه..

أما عن الحرية فكما قالت (green eyes) هي لها معان مختلفة, لكن يكفي ان تفعل ما تريد ان تفعل دون ان تضر نفسك او الاخرين.ودون أن تعصي الله..

أما عن الديانة, فلم الاعتراض على وجودها في البطاقة,ما المشكلة في ان تكون الجنسية مصري والديانة أي ديانة, تتحدث عن التفرقة والاضهاد بين الاديان, اسمح لي: خانة الدين في البطاقة لا علاقة لها بالأمر, فكل من يحمل البطاقة مصري دون النظر الى خانة الديانة, الاضطهاد في العقول الغافلة التي لا تعرف الدين الصحيح لا اكثر..

وأما عن حرية المرأة والقوامة, فالرجال قوامون على النساء, ليس بعقولهم ولكن كما تقول الاية الكريمة(بما أنفقوا من أموالهم)..
والقوامة لم ولن تكون انتقاصا من حق المرأة, ولكن الانتقاص الحقيقي من حقها هو المطالبة بالمساواة, لانها باختصار (الحماقة الكبرى) فالله لم يخلقنا ذكورا واناثا ليأتي بعض المتحاذقون يطالبون بالمساواة بين من لم يساو بينهم الله, فقد خلق الذكر والأنثى وميز كل منهم بما يخصه, لا يتساوون إلا في الحساب عند الله, أما عن مساواة البشر التي يتحدثون عنها, فالمساواة لا تعني أبدا العدل, بل على العكس قد تكون قمة الظلم...

وأخيرا اعتذر عن الاطالة...

وعايزة أقول برة الفصحى الكتير اللي عاملة بيها دوشة من الصبح..كل سنة وانت طيب ورمضان كريم عليك وعلينا ان شاء الله..

7annen يقول...

كل سنه وانت طيب ورمضان كريم

الحريه بيختلف معناها من مكان لمكان ومجتمع لمجتمع

بس من راى ان الانسان يكون حر فى تصرفاته ويتحمل مسؤليتها

بس فى نطاق المجتمع بتاعه

سواء كان شرقى او غربى

يعنى لايتعدى حدود مجتمع ولا تقاليدها

حنين

mimi يقول...

انا مش قريت البوست

بس أنا حبيت أقول كل عام وانت بخير

رمضان كريم

مصعب صلاح يقول...

السلام عليكم
الحرية صاغها الملايين بأكثر من اسلوب

علينا فهم الحرية

كل سنة وحضرتك طيب
واعاد الله علينا شهر رمضان بالخير واليمن والبركات

المهاجر يقول...

أولا شكرا على البوست ولكنى أرى أن الحرية وقياسها بين الرجل والمراه اوكيف أجد نفسى أو السؤال صعب الإجابه من انا؟ كل هذا للأسف مجرد أفكار فهل وضعنا يوما معيار الحرية التى تريدها المراه وهل وصلت لها أم لا إن كثيرا من النساء يسخؤن فى الإعلام من الرجال ويقولون الرجل هو الذى يطالب بحقه الأن فى المساواه مع المرأه وللأسف هذا الكلام يجرح كرامة أى رجل كما يجرح المسلم أن تقول المرأه أن الدين الإسلامى لم يكرمها أكثر من الرجل
ولكن لا نعلم هل ستتحقق الأفكار أم لا
شكراعلىالبوست

الشعب لابد له من حكومه تشكمه يقول...

انت حر مالم تضر,,, حريتك تتوقف عند حرية الاخرين...
الحريه شئ نسبى ومختلف من مجتمع لمجتمع ومن فرد لفرد... بالنسبه للديانه الدين لله والوطن للجميع بس متنساش انك فى دوله اسلاميه وقانونها ودستورها هو الشريعه الاسلاميه خلاف كده انت حر فى اللى بينك وبين ربنا..
نقول كماااااان:))
كل سنه وانت طيب ورمضان كريم عليك يارب وربنا يتقبل:))
واه عاوزه فانوس:)) لن اقبل بأقل من فانوس كرومبو:)

Soul.o0o.Whisper يقول...

السلام عليكم و رحمة الله و بركاته

كل سنة و انت طيب يا كيمو
و رمضان كريم عليك

انا قرأت البوست
النقاط المطروحة فيه كبيرة جدا

و بصراحة مش عاوزة اناقشه
مش لشئ
لكن لانى عارفة ان كل نقطة فيه بردوا هتتساب بلانهاية

و نفضل نناقش فيها و كل واحد مقتنع برأيه :)


دمت فى رعاية الله

أختكم فى الله يقول...

كل سنة وحضرتك طيب ورمضان كريم

بوست جميل

Sometimes يقول...

كل سنة وانت طيب يا محمد
رمضان كريم

انا اسفه انى مش بتابعك من زمان
يارب تكون بخير والف سلامة عليك
مبروك الراديو
انا عارفه انى فاتنى كتير بس ملحوقة
المهم كل سنة وانت طيب ويارب تكون بألف خير يارب

smilyrose يقول...

السلام عليكم

اخبارك اخى كمال

كل عام وانت بخير

رومضان كريم عليك يارب

على فكرة معنى الحرية نفسها

بيختلف من شخص لاخر وبيختلف باختلاف

مقدار الوعى كمان والفهم الصحيح

لتلك الكلمة الموضوع جميل

وناقش نقاط ذو اهمية

كل عام وانت بخير

حلم بيعافر يقول...

كل سنة وانت طيب
معاك فى النقطة االاولانية من كلامك بس لما قلت الرجال قوامون على النساء واستشهدت باية من القران يبقى لازم تكملها عشان الصورة تبقى واضحة
ولا ايييييييييييييييييه؟

العصفورة يقول...

السلام عليكم
كل عام وحضرتك والأمة الإسلامية آجمعين بكل خير
ورمضان كريم
خالص تقديرى
ومعذرة ع التأخير

شمس النهار يقول...

ايه ده ياكيمو انا جيت البوست ده قبل كده وعلقت كمان تعليقي راح فين احنا فينا من الكلام ده

اكيد في حاجه غلط
من ساعة مادودو قالت لي انك باعت معاها السلام وانا بحاول اتصل مغلق قلت غيرت نمرتك والا حاجه طلبت النمره من الشعب
مولان كتر خيرها بعتت لي النمره متطوعه لاقيتها هي اللي عندي
مش فهمه انت مغلق علي طول ليه
افتح الموبايل ربنا يفتحها عليك
وحزاري التعليق ده كمان يتشال
:)
لا بجد التعليق الاول راح فين؟؟؟؟؟؟؟؟

شمس النهار يقول...

ازيك
ان شاء الله هحاول اكلمك بكره العصر
بالنسبه للتعليق فعلا انا مستغربه جدا
انه اتشال كده

المهم
بالنسبه للهويه والدين والحريه
كل دي حاجات بتكتسب من البيئه المحيطه بالانسان والقدوه المتاحه
وزي ماانت قلت والدك كان بيعشق تراب الوطن

انت بتتولد مسلم بس مابتتولدش مؤمن
انت اللي في ايدك كامل الحريه انك تفضل مسلم او تنمي عقيدتك وتتحول الي مسلم مؤمن
والا ماكنش ربنا خاطب المسلمين بطريقه والمؤمنين بطريقه هناك فرق
اما الحريه هي انواع واشكال
المهم انك لاتتعدي علي حرية الاخرين وتقول انا حر

يعني ماتمشيش تأذي الناس وتقول انا حر
يجب ان تعطي الطريق حقه

اما موضوع القوامه فاده لكل زمان ومكان
المهم نفهمها صح يعني الستات تفهم حقها في القوامه والرجل يفهم يعني ايه انه يكون قوام علي المراه

ربنا يهدينا للحق

ماما يقول...

ايه يا محمد..كل دى مواضيع واحنا صايمين
بتفكر فى الحريه طيب مانت حر وبتكتب اللى انت عايزه وانا حره ارد او لا ارد
انا ارى الحريه فقط مع الله لانه يتركنى اقول ما اريد ولكن فى حدود الا أأزى الاخرين
وقوامة الرجل دى بامر الله
وحددها الله بما فضلوا وبالانفاق بس مافيش اهانه للمراه ولا حاجه لانها شريك مع الرجل وكل يعرف دوره ومسئوليته
الديانه برضه حريه وميهمنيش تتكتب فى البطاقه ولا لا
لانى اتعامل مع البشر وانا منهم باخلاقى
واللى بينى وبين ربنا دى حاجه تخصنى

صوت من مصر يقول...

(green eyes)
لا اختلف معكى فى ان الحريه لها مليون تعريف ومليون نظريه ولكن ...
اظن ان الرجال قوامون على النساء فى زمن العبيد وليس ى زمن به كل سبل المعيشه وكيف تستطيع المراه التقدم بشبعها
رمضان كيمو

صوت من مصر يقول...

Israa El-sakka
كلامك مهم جدا
لس مينفعش انى اكتب دينى لوحدى
وغيرى مش كاتب دينه مع اننا لازم نفهم معنى كلمه الدين لله والوطن للجميع
وافصلوا رجال الدين عن الدوله ده صعب او مش صح لان العكس اظن ان شيخ الازهر والعلماء فى الاغلب مع الحكومات مش مع الغلابه
والرجال قوامون اتفق معكى فيها

صوت من مصر يقول...

محاولة لكسر الصمت
معكى ان النقاط تحتاج الى كتب وليس سطور
عموما النقط الاولى خانه الديانه الحكومه تتيح 3 ديانات فقط يهودى مسلم ومسيحى والله اعلم بما فى الصدور فماذا سوف يقول الملحد او البهائى او البوذى او او او
لكل منا ديانته وللكل علاقته بربه فالدوله غير مسؤله عن دينى
انا لم اعترض على الايه بل اعتراضى على فهم البعض لها خطاء واخر له فهم اخطاء وبغض النظر عن المقوله فالمراه حره الان وليست فى زمن العبيد
ومن غير الفصحى برضه
كل سنه وانتى بخير
ورمضان كيمو

صوت من مصر يقول...

7annen
اظن ان الان لا يوجد ما يسمى مجتمعات لاننا منفتحين على كل شعوب العالم ونعرف ما يدور بكل البلاد
والحريه هى نفس الحريه
مصر مثل فرنسا
القاهره مثل فلوريدا
رمضان كيمو

صوت من مصر يقول...

mimi
رمضان كيمو
ولا تعليق اخر

صوت من مصر يقول...

مصعب صلاح
ما معنى الحريه فى نظرك مصعب
كل عام وانت بخير
رمضان كيمو

صوت من مصر يقول...

المهاجر
لماذا كلمه الشكر لا افهم
لكن تحدثت انت عن المراه بانها تريد اثبات انها مظلومه دوما
لكن لى اعتراض فالرجل مثلها
رمضان كيمو

صوت من مصر يقول...

الشعب لابد له من حكومه تشكمه
ولا نعم انت حر مالم تضر
فماذا سيضرنى من الملحد فهو بنى ادم وانا بنى ادم فالرسول كان يعيش مع المسيحى
وانا فى دوله اسلاميه لكن بها ديانات اخرى ولا ننسى ذالك
كب سنه وانتى بخير

صوت من مصر يقول...

Soul.o0o.Whisper
طب ليه منحولش نوصل لنهايه فى النقاش
نعم كل واحد له تفكيره لكن ؟؟؟؟؟؟؟؟
عموما كل سنه وانتى بخير

صوت من مصر يقول...

أختكم فى الله
وانتى طيبه

صوت من مصر يقول...

Sometimes
وانتى طيبه ورمضان كيمو
بس فين اهم تعليق فى بوست محيرنى انا ..

صوت من مصر يقول...

smilyrose
اولا اسمى كيمو ( محمد كمال ) والله اسمى محمد
عموما كل سنه وانتى بخير
وياريت النقاش يبقى اوسع

صوت من مصر يقول...

حلم بيعافر
وانتى طيبه
لكن لو اخدتى بالك فى البوست انا كاتب جمله مهمه
انا لست رجل دين حتى اتكلم عن الاديان
شكرا

صوت من مصر يقول...

شمس النهار
انا بحلف انى مش بعمل اى حاجه فى التعليقات يا جدعان

صوت من مصر يقول...

شمس النهار
تليفونى مفتوح لكل الى عاوز يكلمنى
اظن ان يوجد ناس بديانات اخرى لا يعترضون على الغير فلماذا لا اقبلهم مادام هم مسالمين
والمؤمن هو من يعرف دينه دين التسامح دين الحريات

صوت من مصر يقول...

ماما
ماما رمضان شهر عظيم فعلا بقدرته
لكن الحوار شدنى جدا لانى رايت بعينى نوع من البشر يسمون نفسهم بمسلمون وهم لا يعلمون شىء على الدين الا المظهر فقط
وكلامك اتفق معه

aidy يقول...

بصراحة انا معاك فى موضوع الحرية
حرية العقيدة وحرية الاديان وحرية المرأة اللى أنا شايفة انها لو عايزة تاخد حقها محدش هيمنعها إلا لو هى قصرت فى حق نفسها

فى كلمة قالها أحمد عرابى زمان بتعبر عن اللى انا عايزة أقوله :
لقد خلقنا الله أحراراً

مش من حق حد يسيطر على فكر حد
زى ما مش من حق حد إنه يستخدم حريته فى ضرر الاخرين



كل سنة وانت طيب و رمضان كريم

mahasen saber يقول...

الحريه نعمه كبيره من ربنا واليى يحس انه عنده النعمه دى يا ريت يتفنن فى الحفاظ عليها


شهر مبارك عليك يا كيمو وعلى كل من تحب

dina يقول...

الحرية يا كيمو مسئولية....مسئوليتك عن اختيارك ايا كان انك تبقى اده من غير ما تضر حد و حتى لو حتضر نفسك....انا كمان مع الغاء خانة الديانة من البطاقة و بما انك منيرى زيى حقولك بذمة(يهمنى الانسان)و مش اى حاجة تانية

بالنسبة بقى لحرية المرأة....مشكلة حرية المرأة الوحيدة فى الناس و فى طريقة تفكيرهم...فى مجتمع لسا فى ناس كتير فيه-و مش كلهم-شايفين انها مالهاش الحق تتعلم او تشتغل او تفكر او تناقش او تعترض او تتولى مناصب كبيرة و الاّية اللى انت ذكرتها دى بتورينا مشكلة تانية...طريقة لا تقربوا الصلاة..كل الناس عارفة ان الرجال (قوامون على النساء)ليه محدش بيفكر فى باقى الاّية(بما فضل الله بعضهم على بعض)يعنى الرجال ليهم القوامة فى حاجات و النساء فى حاجات(المرجع:الداعية الاسلامى معز مسعود)يعنى دا مش اجتهاد شخصى منى فى التفسير

بوست قوى اوى
تحياتى

الشعب لابد له من حكومه تشكمه يقول...

كيمو انت فين؟ ومختفى ليه؟ يارب تكون كويس ويكون كله كويس..

الازهرى يقول...

بالنسبه للحريه والهويه فأنا من أسبوع تقريبا وأنا بأفكر فى كلامك مع معطيات تانيه احظتها فى الفتره الأخيره
والكلام كتير
فأطرحه للنقاش فى الفارس اخير على مدار الفتره الجايه
كل سنة وانت طيب وبالف خير
كل سنة وانت اجمل والى الله اقرب
عيد سعيد على كل المسلمين يارب

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

صوت من مصر يقول...

aidy
وانتى طيبه
اظن مفيش اى وجه اعتراض اشكرك

صوت من مصر يقول...

mahasen saber
لكل واحد دماغه فى الفن يا محاسن
كل سنه وانتى طيبه

صوت من مصر يقول...

dina
اولا انا من محبى معز مسعود ثانيا والاهم من ده كله مين قال انى مش مسؤال وانى اخدت الحريه على انها طابونه عيش لا انا عارف حدودى واتكلمت فيه كويس
والاهم اشكرك على الاشاده

صوت من مصر يقول...

الشعب لابد له من حكومه تشكمه
الرد فى اخر بوست

صوت من مصر يقول...

الازهرى
مستنى اعرف تفكيرك على الفارس الاخر

صوت من مصر يقول...

mimi
اقل من ربع جنيه مش هسكت ابدا