الأحد، 27 ديسمبر، 2009

ام النور " العذراء "


هل ستدمع العذراء عن ظهورها فى سماء مصر

هل ستدمع على حالى ام حال البلد باكملها

اظن اننها ظهرت فعليا وليست مجرد تخريفه فانها ظهرت لتلهى الملايين من الجوع والفقر والخوف نظرية الخوف من الرب والاله نظرية محتومه لكن نظرية الخوف من الحكومه او اى شىء اخر مع انى غير مذنب فهو نوع من انواع الخوف الذى يسمى بالخوف الرئيسى للمواطن المصرى ........... نعم انا مصري لكنى بدون ادنى ثقه بسبب مخاوفى من الحكومه كمين او امين كلها مسميات لكن هل العذراء ستلهينى عن ذلك ولو ستلهينى فاول دعاء لى لربى وهى موجوده " ادعوك ان ارى حكومه تتمثل فى ناس من الشعب وليسوا بجازرين مصاصى دماء اكلى عرق المواطن الكادح فى ظل معيشه لا تسمح بالعيش " انها مصر وانها العذراء جائت اليها فعلا العذراء جائت اليها منذ الفين عام لترى مصر وتسكن بها انها مصر بل هل عندما ظهرت ثانيا شافت مصر اللى تعبنا فيها من سنين

بركاتك يا ام النور

محمد كمال

هناك 23 تعليقًا:

wafaa يقول...

مش هقولك حاجة غير انى مش هعلق ع الكلمتين دول

شمس النهار يقول...

فيييييييييين البانر

شمس النهار يقول...

ايه ده انا بعد ماقلت فين البانر في تعليق لوحده

عملت تعليق تاني عن البوست

ماعلينا

قلت

نحن نؤمن بالعذراء وكتير من بنات المسلمين اسمهم مريم

موضوع الظهور مااقدرش اتكلم فيه علشان ماشفتش حاجه

المفروض ان المعجزات انتهت بأنتهاء عصر الانبياء

وزي ماقلت لك في التليفون
انا عايزه معجزه تحل لي المشاكل الموجوده

مش تغيب عقلي عن المشاكل واهمها الجدار والمواد التموينيه والاتجاه لألغاء الانتساب الموجه علشان الجامعات الخاصه (الموضوع عند كيميت)
الي اخر المشاكل ياكيمو

البوست مكتوب حلو اوي

سلام

dr.lecter يقول...

عيني عليكي يابلدنا مستنيين الفرج من السما ومستنيين طوابير ادام الاضرحه والكنايس ونقول ربنا معانا

ومالباليد حيله ده اضعف الايمان ياشعب يامسكين

kmt يقول...

السلام عليكم ورحمة الله وبركاته

اعتقد انك لم تكتب البوست لمناقشة ظهور العذراء من عدمه

ولكنك في البوست وضعت يدك على جذر المشكلة والاساس الوحيد لكل المشاكل التي يعيشها المواطن المصري
الـــــــــــــخـــــوف
نعم الخوف هو الاساس
ولكن كيف ننتزع الخوف من داخلنا هذا هواالسؤال
اعتقد ان في اجابته رسم لملامح الوطن
تحياتي

الشعب لابد له من شيما تشكمه يقول...

تصدق صح..
ظهرت او مظهرتش حااالنا واااااااااحد

dodoo يقول...

انا مش مقتنعه بظهورها لكن ايا كان بغض النظر عن راى

فحتى لو هنفترض انها ظهرت ايه الللى حصل ؟

ايه الللى اتغير ؟

هل حالنا اتعدل وبقينا احسن وانتهى الفساد من بلادنا ؟

هل المواطن المصرى الغلبان بقى عارف يعيش زى بقية مخاليق ربنا ؟

هل الامه العربيه اتجمعت على كلمة حق ؟

لو ظهروها هيحل ولو مشكله واحده من المشاكل دى ساعتها ابقى افكر ان كانت ظهرت ولا لاء بس انا واثقه ظهرت او ماظهرتش مفيش حاجه هتتغير الا بادينا احناااااا

سلاموووز

مي يقول...

ساعات الناس بتكون عايزة تصدق اى حاجة حتى لو مش حقيقية او نعتبرها حقيقية بس الناس عايزة تخلق حاجات عشان تعمل هيصة او تحس بأمل
تحياتى

ريمان يقول...

لا حول ولا قوه الا بالله

انت مصدق انها فعلا ظهرت؟

ده كان نور كشاف يا كيمو

وبعدين يعنى ظهرت او مظهرتش الحال واحد

سجود يقول...

السلام عليكم
للاسف مافيش كلام اقوله
دعواتك

صوت من مصر يقول...

wafaa
مفيش مانع

صوت من مصر يقول...

شمس النهار
وصل وصل

صوت من مصر يقول...

شمس النهار
المشكلة مش من عندى
واخيرا حد مقتنع بكلامى انى بعرض المشاكل وبسال هل العذراء تقدر تحل
؟
ده سؤالى
مش معنى كده انى متاكد من ظهورها

صوت من مصر يقول...

r.lecter
ياعم ركز فى كلامك
وخليه بالعاميه بتاعتنا

صوت من مصر يقول...

kmt
اعتقادك صحيح
لكن اعمل انا ايه فى باقى الناس
وفعلا الخوف مشكلة خطيرة محدش واخد باله منها

صوت من مصر يقول...

الشعب لابد له من شيما تشكمه
اقرى التعليق اللى قبلك على طول

صوت من مصر يقول...

dodoo
اقرى البوست تانى .

صوت من مصر يقول...

مي
اقرى البوست ارجوكى

صوت من مصر يقول...

ريمان
اقرى البوست ارجوكى

صوت من مصر يقول...

سجود
لا فى كلام بس ركزى فى البوست

جارة القمر يقول...

لو أردت ان تتحرك فلن تحتاج لتلك التعويذة

الازهرى يقول...

ومين بيدور على المعجزات يا صاحبى ؟
المعجزة فى ايدينا احنا نصنعها
اكتوبر كل العالم اعتبرها معجزة ودا من كتاباتهم
تفتكر المعجزة دى جت منين وبايد مين ؟

المشكلة جوانا احنا
لما نبقى احرار حقيقي من جوانا
سهل جدا نحرر كل حاجة حوالينا

تحياتى دوما

أم .. بوبه يقول...

بجد مش عايزاكم تصدقوا الموضوع وتعيشوا فيه

ده مش علشان انا مسلمة

أنا لو حد قالى إن رسولنا ظهر بنفسه وموجود دلوقتى امام أحد المساجد مش هتعب نفسى ومش هروح لأنه مش هيبقى كلام صحيح ولأنى عارفة إن الشياطين بتلعب فى حياتنا دور أكبر من الملايكة بكتير