الاثنين، 26 أكتوبر، 2009

الرباط بتاع الكوتشى عامل شغل يا معلم




ارجوكم انتباه
Attention please
Atención por favor
Attention, s'il vous plaît
اقولها بكل لغات العالم
اخيرا قرر الاستاذ المدعوه اللى هو انا ( كيمو ) هكتب بوست بعيد عن الحكومه وبعيد عن مصر وكمان مفاجاه
البوست ده عن رباط الكوتشى واللى عامله معايا
اول ما روحت اشترى الكوتشى فعلا شدنى الرباط لكن انى اكون لابسه واتعاكس او اتسال من اى حد انت رابطه ازاى
بقعد اضحك
طيب حد يقولى اعمل ايه
الرباط فعلا شكله لذيذ اول يوم لبست الكوتشى لقيت بنتين (
موززززززززززززززززززززززززز ؟) بيبصوا جدا جدا جدا للرباط قعدت اضحك ومشيت شويه بنتين اعرفهم قعدوا يبصوا للرباط
بصيت لواحد صاحبى وقولتله الكوتشى عامل شغل يا معلم
البرنس قالى لا بجد الرباط هو اللى عامل شغل
البراط الرباط الرباط اصبحت فوبيا
بجد قررت قرار مهم جدا انى البس شيك دوما دايما ومش هستغنى عن الكوتشى
واللى هيسالنى هقوله الرباط عامل شغل يا معلم

المهم الرباط خلانى اتعاكس بس فى الاخر برضه بلا موزه تقرقر حبسى فى شباكها
عموما ده كان بوست تريفيهى ومتاخدوش على كده

‏هناك 53 تعليقًا:

الشعب لابد له من حكومه تشكمه يقول...

يخرب عقلك هههههههههههه انا لسه مقريتش البوست انا قريت اول جمله انك قررت تكتب حاجه بعيده عن الحكومه وكده.تصدق انا كمان لسه حالا عامله كده عندى:) لسه بقولهم مش عاوزه اتكلم فى اى حاجه جد:)
توارد افكار عجييييييييييب :)
اروح اقرا باه وارجع:)

الشعب لابد له من حكومه تشكمه يقول...

طب مش تصورلنا الرباط:(
هموت واشوف شكله دلوقتى:) الا يعنى مش تعمله فوينكه ولا بتعمله ازاى؟
ههههههههههههههههههههههه تصدق ضحكت جامد دلوقتى اصلى عمرى متخيلت انى اسال واحد اقوله بتعمل الرباط فوينكه ههههههههههههههههههههههههههه. يانهارى دا ايه السؤال اللولبى الفظيع ده؟ههههههههه
تعرف عندى حاله انى عاوزه اضحك,بجد عاوزه اضحك,بتلكك باين.:)
دماغنا زى بعض ياكيمو افندى:)

الشعب لابد له من حكومه تشكمه يقول...

الله تحفه حلو اوىىىىىىى السجاده اللى تحت الكوتش دى هههههههههههههههههههههه.
ماله باه الرباط؟؟؟؟؟؟؟؟؟؟؟؟
طب استنى ابص كده تانى ؟
طلع مش بفيونكه ههههههههههه.هو سمبوكسات ولا ايه؟؟؟
هم داخلين فعلا بشكل غريب مش تحت بعضيهم ..
طب مش بينور فى الضلمه؟؟؟؟؟
تؤ تؤ خساره كان لازم ينور فى الضلمه؟ مفيش منه احمر ياكيمو واشتريه.
عادى الحجات دى مفيهاش حريمى ورجالى...

صباحك تهييس ورباط كوتش .

واه انا الليدى ديانا باه ولعلمك باه البوكيه ب 50 جنيه مش 30 افتنا افتنا يامعنمى 50 جنيه حته واحده..

الشعب لابد له من حكومه تشكمه يقول...

بمناسبه يالذيذ يارايق الاقيش عندك شوية سيفن اب؟؟؟؟؟؟؟ طب ولا سبفن داون؟ طب ولا سيفن ام؟؟؟
طب لاش سيفن خالص الاقيش عندك نانين اب؟

اقولك انا هقوم اصلى شكلى رايقه بجد:)

صوت من مصر يقول...

الشعب لابد له من حكومه تشكمه
كده كده

صوت من مصر يقول...

الشعب لابد له من حكومه تشكمه
فيونكه فيونكه
والله مش هعديها

صوت من مصر يقول...

الشعب لابد له من حكومه تشكمه
شيمو هسكت انا

صوت من مصر يقول...

الشعب لابد له من حكومه تشكمه
شيمو والله مش هتكلم معاكى تانى لو اتريقتى تانى
وااااااااااااااااااااااااااااااااااااااااااااااء

الشعب لابد له من حكومه تشكمه يقول...

على فكره انت بايخ والله.

الشعب لابد له من حكومه تشكمه يقول...

انا داخله اتاكد وبحسبك مسحته بجد وبسببى,وخلتنى اضايقت من نفسى:( ومزاجى اتغير.علشان مش من طبعى انى اضايق حد بكلمه وافتكرت انى ضايقتك بجد.
واجى الاقيك ممسحتوش ولا حاجه...
طب ليه بتضايقنى؟؟؟؟؟؟
روح ربنا يسامحك:(
وبرضه الكوتش ابو فيونكه كان هيكون احلى:)

الشعب لابد له من حكومه تشكمه يقول...

لا مش عاوزه اهرج خلاص:(

الشعب لابد له من حكومه تشكمه يقول...

اه وكومنتى الاخير مكنشتهريج دا كان جد:(ليه قلت انه تهريج:(

ماما يقول...

احسن برضه تدى لعقلك دقيقتين اجازه
بس انا بحب الكوتشى تشيك تشيك

حاضر مش هاناخد على كدا
ومنتظرين كل جديد
بس ياريت مصر هى كمان ترتاح وتضحكلها يومين
والله دموع الناس امبارح فى 90 دقيقه تقطع القلب
الهى يارب يجى للحزب الوطنى مصيبه تاخده

yoyo يقول...

صباحك سكر يا كيمو

انا قلت اصبح الاول و بعدين اروح اشوف ايه حكاية رباط الكوتشى ده
بما انى من عشاق الكوتشى
اروح وارجع لك تانى

yoyo يقول...

هههههههههههههه
يخرب عقلك و الله
طيب انت رابطه ازاى بجد ؟!!
هو بصراحة شكلة تحفة وانا كلام فى سرك بقى مش بعرف اصلا اربطه باى شكل البركة فى ابو حميد بقى وانا اربطه عادى فيونكة ولا اى حاجة
بس بصراحة رباط الكوتشى عامل احلى شغل و الله يا معلم
هههههههههههههههه

yoyo يقول...

انا من موقعى هذا اطالب بوضع فيديوهات لشرح طريقة ربط رباط الكوتشى بالشكل ده واهوا برده الشعب يستفيد منك ياريس
ههههههههههههه

yoyo يقول...

بس بصراحة انا عمرى ما سالت ولا هسال حد انت بتربط الرباط ازاى لا بجد سؤال غريب هو ممكن يعجبنى الكوتشى ماشى لونه شكله كدا لكن الرباط جديدة دى يا معلم
مبروك على المززززز
ههههههههههههه
الله يسهله يا عم
هههههههههههههههه

yoyo يقول...

هو الكوتشى دا بينور ولا مش بينور
اميجو ولا بنجو
والرباط يا ريس
حريمى ولا رجالى
وياترى فى موديلات جديدة ولا دى اجدد حاجة
هههههههههه

و الله انت عسل يا كيمو
هون على قلبك بقى
يارب اشوفك دايما سعيد و متضبط من المزز يا واد شيك
تحياتى
يويو

romansy يقول...

يا صباح التهييس يا كيمووووووو
ايه حكايتك يا كيموووو
بتتكلم على الرباط ليه بس
ما تسيببه فى حاله
وبعدين ايه الدوشه اللى انت عاملها انت وشيمو ع الصبح كده
واحده بتتكلم ع الورد
والتانى على الرباط
زهقتوا ولا ايه
كده احسن يا بنى بعيد عن الدوشه

سجود يقول...

19 كومنت وليسا ماعداش يوم علي الموضوع لا لا كده مش نافع نهائي

ههههههههههههههههه الرباط عامل شغل يا معلم
لا حلوه بجد
هههههههههههه

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

mahasen saber يقول...

يعنى انا لو لبست كوتشى برباط هتعاكس يا كيمو

خلاص هلبسه وعلى ضمانتك وبعدين انتا عندك كاريزما تسترعى الانتباه يعنى مش محتاج لرباط عشان يعملك جو ولاا غيره
كفايه روحك الجميله

وبيرو بيسلم عليك

dodoo يقول...

ياكوتشياتك يامحمد

لاء لاء يارباطاتك يامحمد

البوست جميل ومختلف

ههههههههههههههههههههههههه

بنت الأسلام يقول...

كل دا من رباط الكوتشى
بوست خفيف وجميل ما شاء الله

تحياتى

Hager Za3bal يقول...

انا لما كنت عالفيس جيت هنا عشان كنت فاكره ان في تكمله ..
كنت فاكراك هتعلق او هتناقش حاجه معينه ..

اتاريك عامله فرفشه فعلا :))

انا مش مصدقه انك بعدت عن الحكومه في بوست .. اهم حاجه القرار العظيم اللي انت اخدته

الطريقه بتاعة الرباط لذيذه فعلا بس ولادي شويتين

تحياتي

بيطرية ومش بايدى يقول...

دستور يااسيادنا عفريت العلبة
ازيك
اخبار الرباط ايه يامعلم
انا عايزاك تعمل كونتر للرباط ده تعرف كام موززز قصدى كام بنت بصت علي الكاوتشى ده يمكن اجاى اسرقه ولا حاجة يمكن بنت تعاكسنى انا كمان
هههههههههه

لا بجد انت اللى معلم

اول زيارة ليا مع الكاوتشى
قشطة يامعلم

اقول سلاموووووووووز
:)))))))))))
تقبل مرورى

صوت من مصر يقول...

ماما
تشك تشك مش فاهم
ومش هجيب سيره الحكومه حتى فى التعليقات

صوت من مصر يقول...

yoyo
عاشقه الكوتشى حلو الاسم ده

صوت من مصر يقول...

yoyo
ابو حميد ( مازينجر )
ههههههههههههههههههههههههههههه
عارفه عاوز اقولك جمله مفيده
انا مش بعرف اربطه كده برضه

صوت من مصر يقول...

yoyo
قولنا مش بعرف اعمل ايه

صوت من مصر يقول...

yoyo
موزز مين ياعم هو انا حد يبصلى دول بيبصوا للرباط

صوت من مصر يقول...

yoyo
ايه هتتريقى هقول لمازينجر
وعموما انا لا شيك ولا بتاع موزز ولا مبسوط بس اخدت بالى ان الناس زعلانه منى ومن كلامى

صوت من مصر يقول...

romansy
انما للدوشه حدود
بس ليها رجوع برضه
ومعرفش ورد ايه بتاع شيمو
مع نفسها مش بحب الورد
ههههههههههههههههههههههههه

صوت من مصر يقول...

سجود
حسد ده ولا ايه

صوت من مصر يقول...

رابطة هويتي اسلامية
ههههههههههههه
شكرا

صوت من مصر يقول...

mahasen saber
محاسن بس بنفس شكل الرباط ده
وعموما سلامى لبيرو قبل اى جمله
محاسن جملتك بقت تتكرر كتير
انت عندك كاريزما غريبه تشد الانتباه
مش عارف ليه يعنى مع انى شايف نفسى حد مكتئب دايما

صوت من مصر يقول...

dodoo
شكرا يا دودو

صوت من مصر يقول...

بنت الأسلام
ده الكلام تخيلى الواقع بقى
شكرا

صوت من مصر يقول...

Hager Za3bal
القرار مؤقت لمده بوست واحد يا هاجر
وعارفه لو كنت زودت الكلام كان بقى بايخ هو حلو كده
نورتى

صوت من مصر يقول...

بيطرية ومش بايدى
بما انك اول زياره
شرفتينى وخلاص دى حاله وعدت ومش هركز مع الكوتشى تانى
بس انا هنا عشان اقول كلامى قبل اى حاجه
يعنى اللى فى نفسى

اسماء واحلام فى وجدانى يقول...

عنيا يا كيمو النهاردة باذن الله هيوصلك حرف الكاف وبعدين بتقولى كفاية رومانسية حاضر يا عم الحاج عنيا ليك بس نخلص من الابجدية دى بس واللى انت عايزه هيحصل باذن الله

سجود يقول...

السلام عليكم
يا مليون هلا ومرحبا
انا عايزه اقول بس ان وزير النقل الحمد لله استقال ولا اتقال مش فارقه المهم انه غار عقبال الباقي يعني لازم يحصل حاجه عشان يهوونا
بس علي فكره استقال ولا اتطرد من دعائي عليه
ههههههههههههه
اما ادعي علي بقيت اللسته يمكن يمشوا بس المشكله ان الدعاء بيجي فيهم بالعكس
احم احم
انا بحب الحكومه طبعا وما اقدرش اقول عليها حاجه وحشه
هههههههههه
والعكس

donya يقول...

كل ده من رباط الكوتش

عارف د ه بوست مش ترفيهي ده بوست تهزيئي

يعني الانسان دلوقتي بقي يقيم بالحاجه الغريبه اللي لابسها او عاملها في شعره او لبسه

طيب بزمتك انت رأيك ايه

قول بالصراحه اللي شفتها في بوستاتك السابقه


*تحياتي

صوت من مصر يقول...

اسماء واحلام فى وجدانى
احمد كلامى كان على سبيل الهزار

صوت من مصر يقول...

سجود
قولنا البوست ليس له علاقه بالحكومه

صوت من مصر يقول...

donya
للصراحه
بصى الدنيا ممكن ناخدها جد ساعات وساعات اخرى هزار اظن انك مش هتفهمى المقصود بس عادى يرضينى اللى بيحصل

سجود يقول...

ههههههههههههههه
اسفين يا حكوومه

donya يقول...

ليه افترضت اني مش هفهم
وبعدين اجابتك عليه مش هي

*تحياتي

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

صوت من مصر يقول...

سجود
انا مش الحكومه يا نوال

صوت من مصر يقول...

donya
اجابتى هى انى انا كلامى كده مقتنع بالتفاهه فعلا
يعنى
ومش فاهمه دى لازمه عندى اسف جدا

ايوشة يقول...

انت متعرفش ان البنات اول حاجة بتلف نظرها فى الشخص اللى قدامه ملمع جزمته ولالا اصل الجزمة دليل على الاناقة تقريبا ^_^
ابقى اهتم بالرباط الكوتشى من هنا ورايح مادام عامل شغل واصبر على رزقك ياعم هتيجى هتيجى اللى تحبسك فى شبكها

Opera يقول...

مع انى وقعت على البلوج بالصدفه
بس شكرا جدا يا كبير على فكره رباط الكوتشى دى .. انا فكيت رباط الكوتشى بتاعى و عملته كده