الجمعة، 11 ديسمبر، 2009

اموات بلا اموال


اولا بشكر كل الناس اللى اشتركو فى الحملة واولهم مامتى ( شمس النهار ) واللى كان ليها بداية الحملة اظن فى ناس كتير زعلت منى بس الموضوع سهل وقولت للى هيشترك يبعتلى اى ميل بميله عشان اقدر اضيفه وبعدين انا غيرت ميعادى عشان الناس وللى عاوز يشترك تانى يبعتلى ميل على ميلى اللى هو ( guevara0000014@yahoo.com ) اظن انا كده عملت اللى عليا وهبعتله ميل بميعاده .
دلوقتى بقى احكيلكم حكاية انا خبطتنى عربية المهم دخلت مستشفى تسمى ب مستشفى المطرية التعليمى العااااام المهم دخلت واكتشفت ان كل حاجه بقت بفلوس واحد قالى كده ( افرض واحد حصله حاجه ومعهوش فلوس يموت )
اظن انى اكتر كلمة سمعتها هى حسبى الله ونعم الوكيل بجد واحد ليه حق كان راجل عجوز قالهم انتوا مش بتشبعوا كلام الراجل ده مقصر فيا جدا جدا ...
لو املك انى احاكم هحاكم كل من
الرئيس
ابنه
رئيس الوزراء
وزير الصحة
وزير النقل
لحد عسكرى المرور
كل ده المفروض يتحاكم لان فى ناس بتموت من الفقر بجد
خلص كلامى لانى مش قادر اتكلم

هناك 28 تعليقًا:

ريمان يقول...

حسبنا الله ونعم الوكيل


هنقول ايه بس


؟!!!!!!!!


سلامتك الف سلامه

وربنا يقومك بالسلامه يا رب

wafaa يقول...

اول حاجة بلاش تخض الناس عليك ، انت خفيت ونزلت تلعب ف الشارع تانى

حسبى الله ونعم الوكيل ف كل واحد بايع ضميره

احاسيس آيوشه يقول...

عربية ؟؟؟
امتى الكلام ده اولا الف سلامة عليك
ثانيا هو ده الواقع مش معاك فلوس يبقى مش ليك حق تعيش
حسبنا الله ونعمة الوكيل بجد
صحيح انا لغاية دلوقتى مش لاقية اى كلام اكتبه علشان المدونة هنرسم وطن عملت اربع مواضيع ومش عجبنى :(

7annen يقول...

حسبى الله ونعمه الوكيل
الف سلامه عليك يا كيمو

وردشان smilyrose يقول...

اولا الف مليون سلامة

وبعدين هى جت على دى بس

وياريت هنقدر نحاكم اى حد فيهم

لان اللى زيهم مش حاسس باى حد

خلى بالك من نفسك والف مليون سلامة

وانا جهزت البوست ان شا ء الله اول ما تحدد موعد الارسال

او ابعتهولك على الميل

الشعب لابد له من حكومه تشكمه يقول...

انت عليك حجات عجيبه,,
مين قالك اصلا ان فى حاجه اسمها مجانيه وببلاش؟؟؟
ميييين قالك كده؟؟
مفيش مستشفيات مجانيه والتعليم مش مجانى,,هااااا فى ايه تانى..

الحاجه الوحيده اللى ببلاش البنى ادم:)

سجود يقول...

السلام عليكم
الف سلامه عليك
وهنقول ايه غير حسبنا الله ونعم الوكيل

mimi يقول...

ألف سلامة عليك يا كيمو ويارب خير إن شاء الله

أنا بعتلك إيميلي علشان نرسم وطن

إيه الجديد ؟

dodoo يقول...

للاسف يامحمد ده هو حال كل مرضى مصر _ الا طبعا ولاد الوزرا وماعلى شاكلتهم _ بجد حاجه تفررررس

لاء وايه عايزين كمان يزودوا سعر الادويه

ياعينى عليك يامصررررى

جارة القمر يقول...

حتى الوا حيبعوه لينا وحيبقى بفلوس

دة خبر الموسم
اوعى تقول لحد

:)

El_Tahan يقول...

ربنا ينجيك وقول الحمد لله دايما خليك عندك ايمان بربنا والف حمد الله على سلامتك

(green eyes) يقول...

دا طبيعي في كل مستشفى عام
وانا معاك في المحاكمة دي بس يا ترى هتكم عليهم بايه؟

rovy يقول...

اولا الف سلامه عليك ..
اما عن المستشفيات الحكوميه و ما نسمع من حكايات كل يوم عنها ..لا يسعنى الا ان اقول حسبنا الله و نعم الوكيل و يارب لا تحوجنا اليهم ابداا ..

دمت فى حفظ الله وحده

تحياتى لك

صوت من مصر يقول...

ريمان
مش لاقى رد

صوت من مصر يقول...

wafaa
فعلا البوست جه متاخر
يا وفاء بلاش كده
ده احنا برضه صحاااااااب

صوت من مصر يقول...

احاسيس آيوشه
اولا موضوعك نزل وعجب ناس كتير جدا جدا
ثانيا الله يسلمك
ثالثا ومن منا مش فقير .

صوت من مصر يقول...

7annen
الله يسلمك

قلم رصاص يقول...


ألف سلامة عليك
وده حال مصر هنعمل ايه بقى حاليا

واستمرارا لحلمنا كلنا بالتغيير

فانا اتمنى تسمح لي أشارككم الحلم في التغيير من خلال مبادتك الجميلة ..ناوني فرشه هرسم وطن

أرسلت ميل على بريدك اللي في البوست
بده ومنتظر ردك بمعاد نشر البوست بتاعي عندك

وحمدلله ع السلامة مرة تانية

تقبل تحيتي

قلم رصاص

صوت من مصر يقول...

وردشان smilyrose
ورد شان
تسلميلى وتسلمى للتدوين كله
يس ده حال البلد
والميعاد هبعتهولك ميل

صوت من مصر يقول...

الشعب لابد له من حكومه تشكمه
مش دى بلدنا برضه

صوت من مصر يقول...

سجود
الله يسلمك

صوت من مصر يقول...

mimi
ميمى مفيش حاجه وصلت اولا
ثانيا وده الاهم
الحادثه كانت عندكم
هههههههههههههه
تخيلى بقى

صوت من مصر يقول...

dodoo
اظن ابو الفدا اتفتحت عشانهم مش عشان الفقراء

صوت من مصر يقول...

جارة القمر
الهواااااااااااا

صوت من مصر يقول...

El_Tahan
الله يسلمك

صوت من مصر يقول...

(green eyes)
بالموت مليون مرة

صوت من مصر يقول...

rovy
بس دى حالات لكن كده حكم على الشعب كلة

صوت من مصر يقول...

قلم رصاص
هبعتلك الميعاد يا جميل
وشكرا