السبت، ٢٧ يونيو ٢٠٠٩

زغروف لكل مواطن


ماذا تفعل لو اخترت رئيس لجمهوريه مصر ال؟؟؟؟؟؟؟؟؟؟؟؟؟؟؟؟؟ عيب
المهم الاجابه هتكون عندك ايه
اول حاجه هعملها هى زغروف لكل مواطن
عشان ينسوا الى حصل لهم فى عصر مبارك
وطبعا بما انا ابن توتو داخل قصادى هيبقى برمز الفنله المخططه ابيض فى اسود بالعرض عارفينها
انا هدخل برموز الزغروف
وواثق انى هكسب
وهيبقى ايمن نور التانى ورايا عشان هو راجل محترم
وتوتو هيكون الاول نظرا لان الفنله عملت تاثير مع الصناديق
توتو دلوقتى بقى هو الحاكم بامره فى دوله منغوليه الكبرى الى احنا عايشين فيها
ابوه الله يرحمه من حوالى 10 سنين قدام
لكن توتو خلاص قالها علنى وقال ايه هيرشح نفسحه للانتخابات
وعلى راى ايمن نور اخره يمسك بنك عام
والله مش عيب علينا احنا الى علمنا الشعوب معنى ازاى مش تسكت على حقك واحنا ساكتين
ايران ( بجد احترم شعبها )
محدش يقول كلمه تانى بجد احنا اصبحنا اكثر من ذبابه مستلقاه على ظهرها ومستنيه الموت
توتو والزغروف والفنله
اظن انكم هتسكتوا لحد يوم القيامه
وهتبقى مملكه
ارحمونا قى منكم يا شعب ساكت
وانا منكم
ــــــــــــــــــــــــــــــــــــــــــــــــــــــــــــــــــــــــــــــــ
ابنى هيقولى كده باللفظ
انت جبتنى ليه
عشان اشوف ابو الهول النسخه 2
ولا عشان اتعذب من توتو
انتهت المسرحيه يا دكاتره بجد
نعم للاهانه
99%
زى ابوك يا توتو


هناك ١٣٠ تعليقًا:

Sweet Violet يقول...

نحجز اووووووووووول تعليق

Sweet Violet يقول...

و التانى علشان الاحتلال
^_^

Sweet Violet يقول...

و التالت اشمعنا يعنى انت ((:

Sweet Violet يقول...

و رابع اجباااااااااااااااااااااااااااارى

Sweet Violet يقول...

و نقول الخامس علشان الحسد
نيهاهاهاهاهاهاهاها

هقرا و ارجع

Sweet Violet يقول...

اممممممممممم
بغض النظر عن ايمن نور و الشعب الايرانى

وبما انك فهمتنى معنى الكلمة فا لو دخلت الانتخابات انا ممتنعه عن التصويت ^_^

جد بقى .. انا واحدة من الاشخاص اللى رغم عدم تأييدى للحزب الوطنى الا انى شايفة ان جيمى هو لحد الان فى مصر جدير بالحكم !!!!

عموما كل واحد ليه وجهة نظر
و الاختلاف فى وجهات النظر لايفسد للود قضية
^_^

الشعب لابد له من حكومه تشكمه يقول...

تفتكر كده؟؟؟؟
انا مفتكرش:))

وردشان smilyrose يقول...

حلو الاحتلال المتبادل دا

هو هناك

وانتى هنا

وانا هروح اروح

عشان كدا مش نافع

هقدم فيكو شكوة لاستاذى ايمن نور بجد

والله ومش هنتخب الزغروف بقى

وردشان smilyrose يقول...

عارف يا محمد

المشكلة اننا حتى بقينا اضعف ن

الذبابة وسواء بدكتور ايمن او بما يحدث

بايران دا كله مفوقناش من كل اللى

بيحصلنا وياعالم

ما علينا

بردة هشتيكيوا

هه بقى

وردشان

روح الحب الصادق

وحي القلم يقول...

السلام عليكم

الف مبروك عليك الرئاسة يا سيادة الريس

بس مش عاوز الزغروف بتاعي

على فكرة أنا ليا علاقة بالرئيس وبعت لي جواب

موجود عندي ف المدونة لو عاوز تقرأه

تقبل مروري

عايش... ولكن !!!! يقول...

هو ده السيناريو المتوقع
لكن انا متوقع شىء تانى
متوقع ان هيبقى البلد "مدعكه" يعنى كلوا بيضرب فى كلوا وبالزات الاخوان يدخلوا بتقلهم فى الحكم وهتلاقى ضرب نار
يمكن صح يمكن غلط الله اعلم
بس لو حصل وجيمى مسك يبقى انا هسافر من البلد ومش راجع تانى لانى هفقد الامل ان البلد تنصلح

غير معرف يقول...

حلو البلوج دا ياكيمو انا بصيت فيه كله فكرته هايله

اسمحلى اتابعه بعد اذنك طبعا

حنين

aidy يقول...

التعليق ال13

ياااااااااه

اهو احسن من غيره :D

aidy يقول...

التعليق ال 14

ايه هو الزغروف بقي ده

انا لغاية دلوقتى معرفش عنه حاجة

aidy يقول...

كفاية هزار بقي

ندخل فى الموضوع على طول

انا لغاية دلوقتى مشوفتش حد قدم كرامة من ولاد البلد عشان انتخبهم

ومبحبش ايمن نور ده

وشايفة ان جمال مبارك فاهم هو بيعمل ايه كويس

وبعدين انا مش هستنى وقت الانتخابات عشاان يجى واحد اول مرة نشوفه يقولنا هعملكوا وهسويلكوا لأن لما هيوصل للمنصب مش هيعمل حاجة

اللى عايز يعمل شئ مش بيستنى منصب عشان يعملوا

إفهموها بقي

رؤية يقول...

ايه الزغروف دا
طيب قدم برنامك الانتخابى
يمكن...
مين عارف؟

yoyo يقول...

مسائك سكر

ايه دا بقى انت ناوى تعمل انقلاب ولا ايه
خو انا زعيمة اونطة يا كيمو
انسى انا عملت انقلاب على توتو و احستوليت على البلد خلاص
انا الشعب و الشعب انا
هههههههههه

yoyo يقول...

وبما انى استوليت على الحكم بقى
يبقى لازمنا ولا بد بقى اعمل احتلا ل هنا برده

yoyo يقول...

يالا بقى هات مازينجر وكل اعوانك لمقاومة الاحتلال
هههههههههه
اوعى الزغروف
هههههه

yoyo يقول...

ياسلام عليك كدا وانت مرفوع على الاعناق و تخطب فى الشعب ::
((هزغرفكم )) و الشعب يرد عليك
زغرفنا كمان وكمان ياريس دا رئيس و النعمة كويس
ههههههههههههه
مــــــساء الـــخير

yoyo يقول...

واكيد طبعا هيكون فى برنامجك الانتخابى ان الشيشة حق لكل مواطن
و هتصبح الشيشة هى الرمز و التعبير عن الحرية
ههههههههه
ياسلام ياولاد ايه المزاج العالى دا

yoyo يقول...

عارف يا كيمو العيب اننا جوانا اقتناع ان الوضع دا احسن من غيره و كدا او كدا بايظة و كل واحد يقولك هو انا اللى هصلح الكون
بس فى نظرية حلوة اوى بتقول ايه ان اللى خلاص شبع مش محتاج انه يزود تانى بقى
لكن لسه هتجيب واحد جعان على ما يشبع نكون احنا شحتنا بقى
هههههههههه فاهمنى انت يا ريس

عامة ضبطنى انت بس وانا اضبط فى الانتخابات و بالروح بالدم نفديك يا ريس
هههههههههههه

تحياتى
يويو

بنجاواتى يقول...

على فكرة

توتو برضه هيعمل زغروف لكل مواطن علشان ينسوا اللى لسه هيتعمل فيهم

تحياتى

خواطر ليست عابرة يقول...

نعم للاهانة مادمنا راضيين بيها وساكتين
وهنفضل كدة طول ما الناس عايشة حياتها بكل سلبية

محاولة لكسر الصمت يقول...

يتملكني شعور (بالغباء)..لكن عفوا لم أفهم ما كتبت..
(هو يعني إيه زغروف أصلا؟؟)

حاسوباتيه يقول...

بصراحه بص البوست مش فاهماه قوي هو يعني ايه زغروف ومين توتو ؟ الي فهمته انك اكيد بتكلم عن حسني وجيمي عادي ماعاتش يهمني مش مهم اقولك مش مهم مصر كلها انا ياست ان في اي حاجه ممكن تتصلح

النسر المهاجر يقول...

لو مسكت رئيس جمهورية أول حاجه هقطع إيدين الوزراء حكم السرقة

Foxology يقول...

مفيش فايدة يا محمد

ربنا يصبرنا

جارة القمر يقول...

كلام جدا كبير

حبيت اسجل مروري

مودتي

غير معرف يقول...

السلام عليكم
كيف الحال
اخبار الامتحانات ابه .. اتخرجتم ولا لسه .. واللي اتخرح اشتغل ولا لسه
سمعتوا عن مشروع تمكين الشباب .. المشروع عبارة عن برنامج تدريب على برامح تكنولوجية في مجال الشبكات والسكرتارية وال designing , و الcall center من شركات عالمية .. وفي نهاية البرنامج بيتقدم المتدرب لاجتيار امتحان وبيقدم في النهاية مشروع تخرج وبيخصص يوم لعرض المشاريع في يوم التوظيف أو )job fair وفيه يتم دعوة شركات دولية في مصر والشرق الاوسط لعرض فرص العمل المتاحة لديهم .
ايه الفرق ما بين الكورسات عامة والكورسات في البرنامج ده
_أسعار الكورسات مرتفعة جدا وده المشروع عالجه لأنك هتدفع تمن الامتحانات بس
_ممكن تكون واخد الكورس بسعر كويس بس مش في مكان معتمد أو مستوي دون المطلوب أما البرنامج بيدي كورسات معتمدة من سيسكو وصن وأدوبي واوتو ديسك
_المعظم بياخد كورسات لا تؤهله لعمل كاريير لنفسه )كورس من الشرق وكورس من الغرب* وبيلاقي نفسه بيعرف شيء عن كل شيء ومش بيعرف كل شيء عن شيء وده اللي المشروع تغلب عليه من خلال اسمها track
وهو عبارة عن مجموهة كورسات مرتبطة ببعشها البعض تقدر من خلالها تمارس عمل متكامل
_ معظم الكورسات نظري أما البرنامج فبيهدف الي ان تكون الدراسة فيه أكاديمية بمعني الدمج ما بين النظري والعملي
_كمان البرنامج بياهلك بأنك تطلع الي سوق العمل كامل ومتكامل بالاضافة الي الكورسات المتخصصة في مجال تكنولوجيا المعلومات والاتصالات كمان هتاخد كورسات تنمية بشرية
أدخل بقى علي اللينك ده وشوف التفاصيل http://ohnet.ofokngo.org/group/ey09

شمس النهار يقول...

ماقلتليش يعني واحنا في كوستا انك هترشح نفسك:)

ايه هترشحك نفسك من ورايا والا ايه
استني لما ارجع


وايه الكلمه الغريبه اللي انت كاتبها دي


*شكرا انك جيت وبجد فرحت بوجودك جدا جدا

وبعدين هتبقا ازاي رئيس جمهوريه وانت اصلا مدونتك احتلتها البنات الامامير دول


دافع عن مدونتك ياكيمو بس مش بالعنف

صوت من مصر يقول...

Sweet Violet
طبعا من حقك

صوت من مصر يقول...

Sweet Violet
ماشى الاحتلال هيبقى على الكل

صوت من مصر يقول...

Sweet Violet
انا نوع اخر

صوت من مصر يقول...

Sweet Violet
الرابع ده بقى لا
مش محجوز

صوت من مصر يقول...

Sweet Violet
الخامس ده ممل ورقم خمسه شكله بيضحكك

صوت من مصر يقول...

Sweet Violet
ندخل فى الجد
اقولك ان جيمى صعب انا مش متفق معاكى لانها لو بقت جيمى
هيبقى ابنه كمان وبعدها ابن ابنه
واظن انها وصلتك

صوت من مصر يقول...

الشعب لابد له من حكومه تشكمه
بطلت افتكر نهائى
من كتر التفكير بقيت تايه

صوت من مصر يقول...

smilyrose
طب بصى هو لسه كان فى مشاكل مع الامن من يومين فى ميدان التحرير
اظن انك لو وصلتيله قوليله انى محتل من كل الجهات

صوت من مصر يقول...

smilyrose
ورد شان بجد
اقولك على حاجه
احنا مش هنفوق ابدا والذبابه على الاقل ليها صوت مزعج احيانا
واشتكى لو لمؤسسه حقوق الانسان

صوت من مصر يقول...

مصعب صلاح
شكلك انت الى هتبلغ عنى
قريب الريس ولا ايه

صوت من مصر يقول...

عايش... ولكن !!!!
اظن ان الاخوان ابعد من الحكم
بس بجد هى هتولع وده وضحه خالد يوسف فى دكان شحاته فى الاخر
لان هيكون فى طرفين
التطرف الدينى
والبلطجه
اظن احنا هنبقى ايه

صوت من مصر يقول...

7annen
حنين البلوج تحت امرك
وعموما
مستنى تعليق على الموضوع
انتى مش سبتى تعليق
صح

صوت من مصر يقول...

aidy
يا هايدى تعالى بدرى
نياهههههااااااااااا

صوت من مصر يقول...

aidy
ممكن تسالى الى قولتلهم
لانى مش هقولو علنى
او ارجعى ركزى فى الكلام شويه
بس الزغروف محبب لاغلب المصريين
زى السنجلاب كده

صوت من مصر يقول...

aidy
كلامك جميل جدا جدا
بس كده البلوج بقى فى اتنين من جماعه الاستاذ جيمى
بس اقولك على حاجه
لو احنا سمعنا كلامك يبقى نستنى عشان نعرف مين هيحكمنا
ولا هنعمل زى فيلم الناظر لما قاله مين حاكم مصر
قاله اتصل بالدليل 444 هيقولك

صوت من مصر يقول...

رؤية
دى اول خطوه
وهى الزغروف
الخطوه التانيه هعمم كل حاجه
وهخلى القنوات المصريه والفضائيه كلها تشغل من الساعه 8 الصبح لحد الساعه 11 بليل كرتون
من تيمون وبومبا لحد نيمو حبيبى

صوت من مصر يقول...

yoyo
بصى يا زعيمه همسكك وزاره الدفاع الخرافى اوك
موافقه

صوت من مصر يقول...

yoyo
حكم من غير انتخابات ولا تزوير وكده

صوت من مصر يقول...

yoyo
يويو
بجد هدخل ارخم اكتر من مليون تعليق عندك وهتشوفى انا صباعى وجعنى من الرد على تعليقاتك انتى وبس

صوت من مصر يقول...

yoyo
لا مش هزغرفهم
انا هدندشهم
لانى لو زغرفتهم هبقى زى الى قبلى

صوت من مصر يقول...

yoyo
شيشه لا طبعا سجاره كوكو او ال اوم
عشان انا هخلى الشعب كله سبارسجى

صوت من مصر يقول...

yoyo
ممكن سؤال واحد هرد بيه على كلامك
هو جمال عبد الناصر
لما مسك الحكم
كان معاه كام ؟؟؟؟؟؟؟؟؟؟؟؟؟؟؟

صوت من مصر يقول...

بنجاواتى
لا انا اتفقت مع الجرعب هيبقى الممول الرئيسى للحمله
بس لازم انزله اعلاناته فى التليفزيون قبل اى مطش ةمسلسل وفيلم ونشره وخلافه
بس جيمى هيستورد وهيبقى مضروب

صوت من مصر يقول...

خواطر ليست عابرة
هى السلبيه هتعمل ايه اكتر من الاهانه
نورتنى

صوت من مصر يقول...

محاولة لكسر الصمت
مش عارف اقولك ايه
انتى بتلاقيها وهى طايره

صوت من مصر يقول...

حاسوباتيه
هل الياس هو الحل

صوت من مصر يقول...

المهاجر
المهاجر نزل قانون فى ثانيه

صوت من مصر يقول...

Foxology
مفيش فايده يا فوكس

صوت من مصر يقول...

جارة القمر
الكلام مش كبير
نورتينى

صوت من مصر يقول...

غير معرف
بلاش تخنقنى

صوت من مصر يقول...

شمس النهار
اولا الفكره جاتلى وانا بشرح لهاجر زعبل يعنى ايه زغروف
واسالى ضد او كياره عنها
ثانيا هبقى رئيس طيب جدا ودنجوان وانتم عارفين بقى
موزز وكده وبتاع
انا هخلى قنوات مولدى ومزيكا فى الشوارع والميادين على سكريين 8888 بوصه
خلى الشعب ينبسط
وهتكون الحاشيه كلها موزز
يا ماما بجد قوليلهم حرام الى بيعملوه ده
انا تعبت من كتر الرد على التعليقات واولهم يويو

اسماء واحلام فى وجدانى يقول...

واد يا كيمو مازنجر وصل بس متاخر

كالعادة احنا موجودين طوارى بس

وفى الخدمة اربعة وعشرين ساعة

مش قلتلك خد بالك من يويو اهى احتلتك يا جميل وانا هناك محتل اساسى
ادعيلى بقى يا كيمو
قصدى يا ريس كيمو

صفــــاء يقول...

ألا هو يعنى ايه زغروف أصلاً ؟

محاولة لكسر الصمت يقول...

لكل جواد كبوة..*_*
لكن كما أخبرتك..لم أفهم شيئا..وبم أنه من الواضح أنني الوحيدة التي فعلت فيتملكني شعور أني أواجه حالة من توقف العقل عن العمل..

عمرو وجيه يقول...

قالوا يا فرعون إيش فرعنك قال ملقتش حد يلمني


مبارك ماشي بسياسة المستبد المستنير

يعني اتكلم براحتك

بس تتحرك هتاخد علي قفاك


و تحية كبيرة لشعب مصر المتمرمط دائما

و تحية أكبر لفرعون مصر الاكبر

mahasen saber يقول...

امال بيرو مبيقليش كده ليه
فاكره بيرو ده ولاا بلاش افكرك ههههههههههه

ذكريات سعيده اكيد اكيد

البوست ده اسلوبك فيه عجبنى قوى قوى
ايران يا كيمو دوله صنعت من الاحترام
ونرجع نقول ايه اصلهم شيعه جاتنا خيبه

المهم انتا كوبس بيرو مكسرلكش رجل ولاا ضلع ولاا داسلك على طرف
بتطمن بس

mahasen saber يقول...

بجد اسفه جا جدا لو دايقك بس هيا الملايكه بتدايق يا ناس

دى ملايكه
بالذات بيرو

اتبسطت جدا جدا انى شفتك
وعادى يعنى

yoyo يقول...

صباحك سكر

ماشى يا زعيم انا حاليا هاقتنع بالوزارة
يالا ما علينا هاديك فرصتك برده

ههههههههه الف مليون سلامة على صباعك
هو اى صباع عشان اجيب ازره واجيب معايا اى واجب كدا ياريس

كوكو الضعيف ياراجل دا كلام بقى
ههههههه ادخل على التقيل على طول

و الله يا بنى دا كلام رؤساء مع بعضهم بقى
وعمك جمال كان مامنى بك
ههههههه

يا سيدى ولا بيهمنى تجى مرة تجى اتنين
احنا قدها
تحياتى
يويو

Israa El-sakka يقول...

sweet violet زايطة كده و ده مش حينفع
و أنت يا أخ كيمو زغروف ..طب والنبي أعمل إستفتاء كام واحد قرا الموضوع كان عارف يعني إيه زغروف أساساً ههههه
بالنسبة أننا علمنا الشعوب فمش عارفة يمكن زمان ناو إحنا مشهورين بالشيشة و الرقص ( هز يا وز يعني:)) و الكباب و بس :)) أما الأخ تيتو فأنا أقترح أنه لو مسك البلد نمشي إحنا منها :)) أصله بيقول أنه بلاش ندخل الأحزاب للجانعات عشان الضعائن بين الطلبة و أنت عارف زمن الفتنة اللي إحنا فيه بقى :)) ناس كُمَل ربنا يخليه للشباب :) بتوع النيل طبعاً:))
و عموما و من على هذا المنبر أعلن أنني قررت أهاجر لكولالمبور للبحث عن آفاق جديدة نحو الحرية
و السلام ختام

شمس النهار يقول...

انت هتقول تعبت من اولها
سيب البنات تلعب شويه:)

يعني رئيس جمهوريه كده وخلاص
خاللي بنات الشعب تنبسط

مش انا عرفت يعني ايه زغروف ده
عايز تسطل الشعب من اولها ياكيمو عشان تعمل اللي انت عايزه من غير ماحد يحاسبك
ماشي ماشي
عموما تغيير برضه

Soul.o0o.Whisper يقول...

السلام عليكم و رحمة الله و بركاته

انا جييييييييييييييييت
نورت المدونة :))

متأخرة ..
عارفة ،
خلاص اسكت بئا

بص يا كيمو
هو رغم النظام العقيم بتاعنا
و رغم السيناريو المتوقع

و رغم كل حاجة
بس انت شايف يعنى بجد
اننا كويسين مع بعض؟؟

يعنى بينا و بين بعض كويسين؟؟

اعتقد لما احنا مش قادرين على بعض
و بنكستعلى حقنا ادام واحد زينا

يئا مستنى ايه ادام واحد ذو شأنو سلطة؟؟

اصل مشكلتنا اننا مستنيين معجزة من السما تيجى تخلصنا من اللى احنا فيه
و دا مش هيحصل


سلام بئا احسن شكلى هاتضرب

كلام على بلاطة يقول...

اطفال الشوارع
امكانياتنا محدودة او معـــــــدومة ونخلف اورطة عــــــيال
وطبعا هيزهقونا فنرميهم فى الشوارع بكل سماحة واهمال
ونهرب من امهم لواحدة حلوة تفهـــم فى فنون الدلع والدلال
وتتكرر موضوع الخلفة لتربطنا بيهم فالعيال مجرد حبال
وننسى ونتناسى ان لهم هموم ومتطلبات تهـــــــد الجبــــال
ونلعن الظروف وهى من صنع ايدينا واصلاحها مش محال
بالتخلى عن ثقافة الجهل والتخلف المريرة صعبة الاحتمال
والهروب للعلم والمعرفة حتى تبقى العيشة اخر جمــــــــــال
ونخلف على قدنا ونربيهم داخل البيت بالتمام والكمــــــــــال

عمرو يقول...

اٍحنا فينا من زغاريف يا كيمو ؟؟ :))
لا يا عم أنا معنديش بطاقه اٍنتخابيه فى الحاله دى :)
ما هى آخرتها باينه أهى يا كيمو و أنت بنفسك قلتها يبقى حنوجع قلبنا ليه بقى بالمناهده و المناكفه ؟؟

صوت من مصر يقول...

اسماء واحلام فى وجدانى
دعتلك من قلبى
يويو تحتل وغيرها يحتل
وانا موافق بس بعييط
شوفت رئيس بيعيط

صوت من مصر يقول...

صفــــــاء
الزغروف
هووووووووووووووووووووووووووووووو ؟؟؟

صوت من مصر يقول...

محاولة لكسر الصمت
بصى بقى
عشان الناس كلها هتعرف يعنى ايه زغروف هنا
انا بقول ههدى لكل مواطن زغروف عشان ينسى
ايه يخلى البنى ادم ينسى
فى مقوله بتقولك
يتبقوا كويسين معانا يا اما تدعمولنا البانجو عشان ننسا

صوت من مصر يقول...

عمرو وجيه
للاسف ده مش فرعون لان الفرعون احيانا بيكون حنين
لكن ده ملك

صوت من مصر يقول...

mahasen saber
اولا رد على التعليق الاول
ايران شيعه او سنه او مسيحيين فى الاخر هم مواطنين يمتلكون الحق فى بلدهم
زى هنا
لكن هنا احنا






عايزين بيرو يعمل مع كل مواطن منا كده عشان يفوق
وصلت

صوت من مصر يقول...

mahasen saber
اولا انا احيانا بحلم ان بيرو ماسك كرباج وانا مربوط بجنزير وعمال يضربنى ويقول كيمو ستكيمو الى كان بيقولها وبيضحك برضه
لا طبعا بيرو ده زى صديقى
وانا كنت رايح كوستا مخصوص عشانه هو ولا ايه

صوت من مصر يقول...

yoyo
حاول مره اخرى
game over

صوت من مصر يقول...

Israa El-sakka
لو لقيتى كرسى على الطياره جنبك اتصلى بيا
والله اقتله واريح دماغى ودماغ 70 مليون منى ومنهم
لكن هيمسكها وراه اخوه علاء وكده انا هاعدم وهو يموت واخوه يكون الحاكم الجديد
قصه مؤثره جدا

صوت من مصر يقول...

شمس النهار
اولا عندك اى حل غير السطل
ثانيا دول بقى بنات الشعب
دول عاملين زى الباب الطائر
انا بجد تعبت ومش عاوز اكون رئيس
انا عاوز اروح لمامى
عععععععععععععععععععععاء

صوت من مصر يقول...

Soul.o0o.Whisper
مفيهاش ضرب
لكنى انا اول شخص هكون ضد السيناريو المتوقع
على راى المثل
يروح يمسك بنك

صوت من مصر يقول...

كلام على بلاطة
شكرا

صوت من مصر يقول...

عمرو
للاسف
انا هوجع قلبى
لانها بلدى

( آلاء)daughter of egypt يقول...

انا اول مره اجي هنا
بصراحة البلوج عجبتني موت
وشكلك يا كيمو دماغ ؛ دماغ ناشفة كمان

المهم ان الدماغ ديه حتى مع كمية اليأس اللي واضحة ف بعض كلامك
بتفكر ف حاجه واحده ان ديه بلدنا وانت وانا وهو اللي هنغيرها
والا نموت عليها ونكون عملنا اللي علينا

Go on >>Mr.president

دعاء العطار يقول...

اولاً وحششششششتنى البلوج جدا

وغبت قد ماغبت ورجعت تانى ومحمد كمال هو محمد كمال

للاسف يامحمد مشكلتنا اننا ساكتين مش حتى فى الكلام

ساكتين عن تغير ومش هقول البلد دى تغير نفسنا

مش عارفين نقول لاء حتى للاخطاء الى فى حياتنا

مش عارفين نقول لاء لنفسنا فبالتالى مش هنقدر نقولها لغيرنا

بس طبعا مازال فيه امل

لان لو مفيش امل يبقى مفيش حياااااه

Hanan Elshafey يقول...

التاج سيادتك مدبس فيه ياريس
لو مكنتش حليته يعني

shirry يقول...

شديدة اوي لهجة اعتراضك في البوست دا
بس تمتفكر حتي لو جه حد تاني غير اللي انت مسميهم في البوست
ممكن الوضع يتصلح؟
ولا مش هيبقي عارف هيبدأ منين؟ واهي ماشية؟

تحياتي

اسماء واحلام فى وجدانى يقول...

تكعيبة مين يا عم الحاج

هو انا هاحب شجرة عنب

وافضل ليل ونها اغنى لها العنب العنب

يرضيك اخوك يحصل فيه كده

ياريت تقولى هى موجودة فين بالظبط

علشان اوصلها بسرعة

الازهرى يقول...

وادينى رجعت لك
ولو كان فى مضايقة من ضد ويويو
انت بس اعلن عن رجوعى
هتلاقى الفيران تكش وتختفى فى جحورها فورا

اما بخصوص المسرحية فبصراحة السيناريو فى رايي هيكون مختلف كتييييير عن الظاهر

تحياتى دوما

صوت من مصر يقول...

( آلاء)daughter of egypt
للاسف يا الاء يا بنت مصر الى انا على ما اظن انى صوتها
بنحبها بس عمرى ما هبقى رئيسها لانى مش حرامى وثانيا نورتى جدا
ودى اشاده منك للمدونه وانتى تعرفى حد مصرى دماغه مش ناشفه

صوت من مصر يقول...

dodoo
انا معاكى فى كلامك
ممكن توضحى الامل هيكون فى مين
اظن يا دودو
انك متفائله لانك خرجتى من امتحاناتك
عموما البلوج كمان واحشه اسم دودو الى كان دايما اول تعليق

صوت من مصر يقول...

حنان الشافعي
بصى بقى
الا التاج ده معلش
لانى حاسس ان التاج ده غريب ومريب
معلش
وانا ريس نفسى

صوت من مصر يقول...

shirry
لو حد غيرهم
على الاقل هنحس بتغيير
وانا لازم اكون معترض لان مفيش حاجه صح

صوت من مصر يقول...

اسماء واحلام فى وجدانى
انت تشترى قفصين عنب وعلى كوبرى ستانلى فى الاسكندريه
والايام دى موسم
وتبيع شاى
ايه رايك
ياعم دور تلاقى

صوت من مصر يقول...

الازهرى
طب قول وجهه نظرك
وبالنسبه لضد ويويو
انت شايف ايه

الازهرى يقول...

بالنسبة لوجهة نظرى هتلاقيها باذن الله مكتوبة بالتفصيل فى الفارس الاخير عن قريب

اما بالنسبة لضد ويويو
فانا قلت لك اعلن بس ان رجعت وهتلاقى الفيران مستخبية فورا

mahasen saber يقول...

كيمو تعرف ان بيرو فعلا كل شويه يقولى
كبمو سكتيمو ههههههههههههه

معرفش دى طريقه لتحضير العفاريت ولاا ايه

لا بس ايه بيموت فيك يا كيمو
يله مباركيين انتواالاتنيين مع بعض
ان شاء الله هتعملوا العجب العجاب

والله الواد بيحبك هههههههههه

ريمان يقول...

ههههههههههههه



زغروف؟


يطلع ايه ده بجد

بس شكله حاجه كويسه للنسيان برضه


يعنى مفيش مشكله نجربه ماشى

طب امته طيب هيتوزع علينا؟


دمك خفيف والله يا كيمو

شبه إنسانه .....( سهوره ) يقول...

عندك حق فى اللى بيحصل لنا ده
ولازم فعلا نفوق بقى
وكفايه
بس ازاى نفوق وكل ما نحاول نفوق ناخد على دماغنا

أنا شايفه ان مفيش حد أصلح للحكم اكتر من جمال

تقبل مرورى
سهوره

engy يقول...

والله عندك حق بس والله لو عملت ايه
مش هتقدر تنسى الشعب اى حاجه
وبعدين انت لو بس فكرت حتعمل برنامجك الانتخابى خلف الاسوار

engy يقول...

والله عندك حق بس والله لو عملت ايه
مش هتقدر تنسى الشعب اى حاجه
وبعدين انت لو بس فكرت حتعمل برنامجك الانتخابى خلف الاسوار

صوت من مصر يقول...

الازهرى
هستنى فى الفارس الاخر او الاول
بص ضد ويويو مش عازين فيران
عاوزين سم فيران

صوت من مصر يقول...

mahasen saber
كيمو سكتيمو الجمله دى قالها كتير جدا بس والله هو فعلا عسل بس مش عارف ليه هو علق معايا انا وسط ملايين كانوا موجوديين
وعلى فكره الى اعرفه ان الاطفال دايما بيحبوا البنات اكتر من الولاد معايا انا العكس
بصى بقى قولى لبيرو كلمه
كيمو بيقولك هو سكتيمو على الاخر وعامل دماغ اكتئاب جامده
على فكره بلغيه شكرى ليه
لانه جعلنى علامه من علامات كوستا التى لا تنسى
ونزلى الصور على الفيس بوك عشان عاوز اشوفها

صوت من مصر يقول...

ريمان
دمى خفيف اه لكن انك تجربى الزغروف اظن لا والف لا

صوت من مصر يقول...

بقايا إنسانه ....
لن اتقبل مرورك لو كنتى من محبى المحاسب جيمى
اظن على راى ايمن نور اخره يمسك بنك
ونقدر نفوق بس لو كنا ايد واحده
تقبلت مرورك

صوت من مصر يقول...

engy
على فكره خلف الاسوار المفروض يبقى للحرامى مش لمحب البلد اظن ان عمرى ما هرشح نفسى
انا بس بفكتس

yoyo يقول...

وانا عاملة اكح احح
واقول مين بيجيب فى سيرتى يا رجالة

ماشى يا مازينجر
وانت كمان يا ازهرى
دا اثار العدوان لسه موجودة عندكم
ههههههههههههه
اعمل ايه بس فيكم
وبتقولى فيران ياعم الحاج اتكلموا على ادكم
انا بعون الله ادها
ولا بيهمنا
ههههههههههههه

yoyo يقول...

كيمو خليك حلو
والا مراجيح السبتية هتفتح فرع جديد هنا
و الموقع هنا جنان
ههههههههههههههه
ماشى ماشى
انا تقولى جيم اوفر
نبدا جيم جديد
عاتى عاتى
يا سلام

yoyo يقول...

تعال هنا بقى
هو انت عجبك موضوع الرياسة عجبك ولا ايه
لما نشوف اخرتها معاك بقى

mahasen saber يقول...

يعنى اطلع انا منها بئه وبقيت انتا وبيرو من علامات كوستا

حادر هنزل الصور بكره بالكتير طالما انتا ادتنى الاذن يا سيكتيمو

طب قول لبيرو يقلى ايه سيكتيمو دى

لس اعرف انها حاجه حلوه متخافش

والنبى بلاش الاكتئاب ده
لو لبيرو معزه عندك

mahasen saber يقول...

عارفه ان الدنيا فيها حاجات كتير بتخنئق بس معلش حاول تنشغل عن غلاستها يشئ تانى

ااقلك هقلك على الفيس بوك

صوت من مصر يقول...

yoyo
اظن ان الكلام مش ليا انا

صوت من مصر يقول...

yoyo
طب حيث كده ابداى من اول اللعبه مش اخرها
ولا ايه

صوت من مصر يقول...

yoyo
طب احلى حاجه انى عمرى ما هكون ريس
وهقولك
انا هنزل بوست قريب بكره او بعده

صوت من مصر يقول...

mahasen saber
البلد كلها عرفت انى مكتئب منك انتى
بصى ومعزه بيرو
انه مش بايدى
وهستنى الصور

صوت من مصر يقول...

mahasen saber
وصل يا فندم
وجارى المعالجه

آفشنا حرامي يقول...

نحن فى انتظار زيارتك

لامر هام

يختص بينا كأسرة واحدة

مدحت محمد يقول...

ربنا يستر عليك يابنى

شمس النهار يقول...

كيمووووووووو
رئيس جمهوريتنا المنتظر
ازيك

انت ليه مانزلتش بوست جديد في ايه
اخيار النتيجه ايه
وفين القصه مابعتهاش ليه علي الميل

انت كويس

رحلتنا في الحياة يقول...

ربنا يخليك لشعب يامحمد باشا زغروف لكل مواطن فكرة بردو بس خليك فاكرها مش لما تمسك المنصب تنسى كل الوعود بس تفتكر هتكفى الشعب ده كله ازاى ؟؟؟
:)

الازهرى يقول...

يا ابنى
ضد ويويو هم الفيران اساسا

ما تخليك معايا على الخط بقى

صوت من مصر يقول...

آفشنا حرامي
روحت ومفيش جديد

صوت من مصر يقول...

مدحت محمد
وعليك يا مدحت عارفه ليه لانى مصرى

صوت من مصر يقول...

شمس النهار
على فكره يا ماما انا نجحت الحمد لله
والقصه هبعتها بس فعلا عندى حاله غريبه مش عارف ايه هى مش قادر اقول اى حاجه
المهم انتى طمنينى عليكى بجد فى بلاد الفرنجه
والسلام امانه لاوباما والبموزه بتاعت البرازيل

صوت من مصر يقول...

ايوشة
ايوشه انا عمرى ما همسك المنصب ده نهائى
وافتكرى انا بوفى بوعودى

صوت من مصر يقول...

الازهرى
انا هعمل هدنه مع كل الناس لانى بقيت مش قادر خالص

الازهرى يقول...

يا عيب الشوم يا رداله
وبعدين ايه حكاية الزهق وحالة الاحباط السايده عند الكل دى
امال لو عرفنا ان الجاى اسوأ

حاب على نفسك
الاحباط كله فى الطريق