الجمعة، 12 يونيو 2009

مسك الليل


مسك اليل نعم له رائحه تفوح بالمكان لكن عندما تلمحه انفك تتذكر دائما وجود الحبيب
نعم افتقد تلك الايام الى صديقه وهو ما ابحث عنه دائما ( مع انى مقتنع بان الحاجه متجيش غير لوحدها ) نظرا لاحساسى بالامان فى ظل وجودها لكن تلك الايام لا اشعر بالخوف بدونها ولا اريدها كى اشعر بالامان معها اكتشفت حب الوطن وحب الاهل وحب الاصدقاء ( اقصد المدونين ؟) بجد حاسس ان فى امل كبير جدا الايام دى
بعيش حاله غريبه حاله نشاط فكرى ارجو ان تدوم فبدات فى كتابه ( المرج حلوان ) وهو ما كتبت عنها ملخص فى بوست المترو
حاسس انى علاقتى بناس كتير اتغيرت اصبحت افضل وبحاول اظبط علاقتى بالى بكرههم معرفش ليه .......... ما عدا الحكومه هههههههههه
اكيد طبعا لانى مش بكرههم انا الكره الكره الاكبر ليهم
وكمان حلقت دقنى الى كنت فيها عامل زى ( عادل امام فى فيلم المشبوه )
بدات فى الاحساس بانى لابد ان انظر نظره اخرى للحياه وهى التفائل
لكن اريدك ان تسمعوا مسك الليل فى جانب البانر
الى كل اصدقائى نعم انا متفائل جدا بالايام

هناك 74 تعليقًا:

yoyo يقول...

صباحك سكر يا كيمو
اول تعليق محجوز
لـــ
يويو
اقرا وارجع تانى

yoyo يقول...

يا صباح الامل و السكر برده معليش بقى مش ينفع مش اقول صباحك سكر
هههههههههههههههههههه

و الله انا سعيدة جدا بروح التغييير اللى مسيطرة عليك فى الوقت دا
ماهو لو مش كان فى امل فى الدنيا دى كانت الحياة بقت صعبة اوى اوى
و اعتقد اصعب من كدا هيكون كتير علينا

شىء جميل اننا نتاثر بالشخصيات الجميلة اللى احنا عرفنهم و نحاول نتغير للصح دا مش عيب اننا نحاول نكون احسن
مش هنكر ان عالم التدوين دا عارفنى ناس كتير جدا و بحبهم والله بحترمهم رغم ان العلاقات بينا مش اكتر من مدونات وبس
و نفسى اتقابل مع كلالناس اللى بدخل عندهم لانى بحس اننا اصحاب و اخوات

يارب دايما كلك حماس وامل كدا
تحياتى
يويو

yoyo يقول...

اه صحيح
الف مبروك بقى على الحلاقة
يعنى الاول حلقت شعرك
و النهاردة الحمد لله حلقت دقنك
هو العيد بكرة ومش حد قالى ولا ايه
ههههههههههههههههه
هههههههههههههههههههههههه
هههههههههههههههههههههههههه

yoyo يقول...

سيدى يا سيدى على مسك الليل
الله عليك يا كيمو يا جامد
شفت التفاؤل حلو ازاى

yoyo يقول...

هو ايه الناس اللى بتقعد تحتل فى المدونات دى بقى ؟؟
ينفع الكلام دا بقى يعنى ؟!!
ههههههههههههههه
يالا كفاية بقى كدا خمس تعليقات بس اهوا
و الله انا سعيدة جدا بتفاؤلك و الحالة اللى انت عليها دى
يارب يسعدك كمان وكمان يارب
يويو

صوت من مصر يقول...

yoyo
بتحجزى ليه هو فى حد غيرك

صوت من مصر يقول...

yoyo
يا يويو بجد انا دلوقتى اتمنى الناس كلها تبقى فى حالتى والله
بس كمان موضوع انى اتقابل مع الناس الى بحبهم وبعتبرهم اخواتى ده حصل معايا مره واحده مع شموسه النهار وباذن الله هيحصل تانى قريب واتمنى فعلا تكونى موجوده

صوت من مصر يقول...

yoyo
لا انا هواه الشعر الطويل ان كان دقن او شعر لكن نظرا للتغير عشان يبقى جذرى
ولا ايه

صوت من مصر يقول...

yoyo
ده مش التفائل دى سعاد ماسى
صح

صوت من مصر يقول...

yoyo
على ما اظن ان خمسه دى عشان الحسد
عموما نورتينى بجد
واتمنى اشوفلك بوست واحد هتلاقى 55 تعليق اصل رقم 5 بيضحكنى

عمرو يقول...

صباح الأمل و التفاؤل يا كيمو :)
أيوه كده يا راجل فرحنى و أدينى معاك جرعتين أمل على حتتين تفاؤل ..
مبسوط بيك و الله ..

romansy يقول...

صباح الفل يا كيمو
ايوه كده التفاؤل شئ جميل فى حياتنا
نعمه من ربنا العلاقات مع الناس جميله بتفتح مجال جديد اننا نعرف اكتر ونشوف اكتر ونحب اكتر

Sweet Violet يقول...

صباح الخير والتفاؤل والأمل ^_^

بجد بجد فرحت جدااا من الكلام ده ياكيمو

ربنا يديم عليك الفرح و الراحة

^_^

ايوشة يقول...

لالالالالالاااااااااااااااااا مش مصدقة تفاؤل اخيراااااااا ربنا يجعل كل ايامك تفاؤل يارب وفرح كده :)

شمس النهار يقول...

ياصباح الفل والامل والتفاؤل
والصداقه الجميله اللي في الله بجد

انا فرحانه انك فرحان وكمان بتعمل حاجات مفرحاك

وكل ماتفتح صدرك للدنيا بايمان قوي
ربنا هيساعدك
وتوصل للي انت عايزه

ربنا يكرمك ياكيمو

ريمان يقول...

هههههههههههه
اعتقد علاقتك مش هتتحسن مع الحكومه ابدا

kmt يقول...

السلام عليكم ورحمة الله وبركاته

حمد لله ع السلامة

بجد بجد بجد
فرحتني
امسك بقى في الحالة دي بإديك وسنانك
D:

ربنا يكرمك يا كيمو

تحياتي
الى اللقاء

enjy يقول...

يارب يا سيدى يسعد ايامك كلها

ايوة كدة عودا احمد ومحمد ومحمود وكل الناس الحلوة

انا مبسوطة بيك يارب تفضل كدة على طول

كيــــــــــــارا يقول...

مبسوطه اوي بالتغير دا

بجد حساه جدا

وكمل موضوع المترو بجد تحفففففففففه

المهاجر يقول...

التغير مطلوب يا كيمو بس انت باين غيرت 360 درجة ربنا يوفقك

صوت من مصر يقول...

عمرو
استاذ عمرو تعجز الكلمات عن مدى شكرى
ارج=و ان تكون علمت هذا بجد

صوت من مصر يقول...

romansy
يا رومنسى انا قولت افرحكم شويه ولا ايه
ولا لازم انت تكون صاحب البهجه فى المكان وانا صاحب النكد الدائم

صوت من مصر يقول...

Sweet Violet
لا تعليق على كلامك
مستنى منك بوست يا كسلانه
ده حقيقى

صوت من مصر يقول...

ايوشة
متصدقيش يا ايوش انتى عارفه هكتئ كمان يومين
هههههههههههههههههههههههههههه
نورتينى

صوت من مصر يقول...

شمس النهار
ملهمه التفائل لدى المدونين
بجد بعد كلامك حسيت ان فى امل والامل دخل تفائل والتفائل خلانى مبتهج
اشكرك بشده

صوت من مصر يقول...

ريمان
هو ده الى مخلينى مكتئب
والله انتى بقيتى زى حالى
صح
هههههههههههه
نورتينى ووحشانى بوستاتك الى بقت قليله

صوت من مصر يقول...

kmt
الله يسلمك
طب افرض سنانى وقعت وانا ماسك فى الحاله دى
بهزر انا مش مكتئب وهستخدم سيجنال تو عشان سنانى تمسك الحبل ديما

صوت من مصر يقول...

enjy
عودا كيمو
بجد الحاله ربنا يدمها على الناس كلها

صوت من مصر يقول...

كيــــــــــــارا
الوحيده الى بتقرا المترو يا جدعان
احسدوها بقى

nona يقول...

ازيك يا كيمو

ربنا يفرحك كمان وكمان
ويشرح قلبك ويريح بالك

من كلامك انا حسيت انى عايزة اعمل زيك

صوت من مصر يقول...

المهاجر
للاسف انا كده هكون فرحان اولا بوجدك ثانيه بالحاله الى انا فيها
نورتينى بجد فى اول زياره ليك

صوت من مصر يقول...

nona
مش هقولك غير لو انتى محتاجه تكونى كده
انك تعملى كل حاجه تكون حلوه وبس

كيــــــــــــارا يقول...

لااااااااااااااااااااااااا


مش تحسدووووووووووووني انا بقول اهوووووووووووووووووو


محدش يسمع كلامه

صوت من مصر يقول...

كيار
على اساس كده انها مش عجباكى
صح
لا احسدوها بقى
بجد نورتينى

كيــــــــــــارا يقول...

هههههههههههههههههههههههههههه


لا وربنا تحفففففففففففففففففه


وفي منتهي الجمال

محدش يحسسسسسسسسسسدني

صوت من مصر يقول...

كيــــــــــــارا
كوكى انا هقولك ان الدنيا كلها بتحسدك وبطلى حلفان كدب
ومن غير حلفان هما هيصدقوك انتى ويكدبونى انا

نهــــــــــار يقول...

السلام عليكم...
ماشاء الله تبارك الله...
الحمدلله إني جه اليوم إلي أشوفك فيه متفائل يا كيمو...
أن شاء الله دايما....
........
المهم أنك تستفيد من هذا التفائل إلى أقصى حد...
......
وأخيييرا حلقت نعيما
....
دمت متفائلا...

الشعب لابد له من حكومه تشكمه يقول...

مبررررروووووووك على التفاؤل واحدف عليا شويه الله يخليك اصل كل اللى يجي البلوج عندى يقولى انتى احبطينا هههههههههههه مش فاهمه زى مكون بتكلم عن بلد تانيه ولا بكذب مثلا اومال لو مكانش كله على عينك ياتاجر.
ويارب تتفاؤل كمان وكمان على فكره انفلونزا الخنازي باينا 18 حاله اصابه هااااا لسه متفاؤل هههههههههههههه انا بس حبيت امسى عليك بخبر مسلى:)))

mizohart2010 يقول...

الحمد لله
انك متفائل يارب ديما
لازم نصبر و نتفائل عشان نقدر نعيش
بس بجد اختارت اجمل تشبيه مسك الليل روعه فى رحته الجميله
ميزو الاسكندرانى

جارة القمر يقول...

محاولة للتغيير طبعا للأحسن محاولة تحسين علاقاتك رائعة تلك الفكرة

افتقادك للصداقة نابع من حاجتك للتفريغ

اسلوبك رائع وتلقائي

جدا مميز

احترامي وسنتواصل

جريدة الصباح العربي يقول...

أولاً أرحب بكل من استجاب للدعوة وانضم الينا من جديد وأتمنى من الجميع الاعلان عن لينك جروبنا الجديد لكي نعود كما كنا في الجروب الثاني

ثانياً سنبدأ الآن وبإذن الله في مسابقة الشعر والخواطر "تفاعلكم معنا هو ما نرجوه"

عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................

تحياتي وتمنياتي للجميع بالتوفيق

تم نقل الجروب الى العنوان التالى
http://www.facebook.com/group.php?gid=108978046672‎

aidy يقول...

ياااااااااااااااه

اخيرا اعترفت انك متفائل :D

الحمد لله

ربنا يديم التفائل ده

وكل مرة نسمع اخبار احلى بجد

انا مش عارفة انا باجى متأخر ليه

انا كنت مفكرة البوست لسة معمول

ههههههههههههههههه

بس خير خير

العيب فى الريدر

وعايزين بوستات بقي مليانة تفائل

وحماس

صوت من مصر يقول...

نهــــــــــار
بجد بحاول انى استفيد بس ادعولى افضل كده
نورتينى

صوت من مصر يقول...

الشعب لابد له من حكومه تشكمه
على فكره انتى مش متشائمه ومش محبطه
انتى بتحبى بلدك وزى زيك زى بقيت الناس بس المرفهين بس هما الى مش حاسيين بالقهر
وعموما بقوا 20 حاله
ويا ستى خدى التفائل كله

صوت من مصر يقول...

mizohart2010
مسك اليل موش ريحه محسوسه يا ميزو
ريحته جوه القلوب
عموما نورتنى كتير بجد
واتمنى انك تتفائل

صوت من مصر يقول...

جارة القمر
طبعا ده شرف كبير ليا بتحيتك
بس لازم اى انسان يكتب بطبيعته مش لازم يحدد ويقدر للكتابه لانى بكتب لنفسى مش لحد
بجد نورتينى

صوت من مصر يقول...

جريدة الصباح العربي
صفحه الاعلانات مش هنا

صوت من مصر يقول...

aidy
العيب مش فى الريدر العيب فى الجهاز الى انا قاعد عليه مستناش البوست ونزله بسرعه من كتر تفائله
ويارب تفضل حالتى كده وانتوا كمان

Foxology يقول...

محمد كمال متفائل وحلق دقنه كمان ؟

لالالا اكيد فى حاجة غلط :))))

تفائل يا عم محمد وعيش اللحظة يمكن اللحظة اللى تعيشها من قلبك بجد تقدر تغير بيها حاجات التراب عليها جبال :)

تحياتى :)

mizohart2010 يقول...

هههههههههههههه
كنت بحسبك بتفهم فى الورود و الاشجار
مسك الليل نبات جميل اوى شكله عادى و سبحان الله ملهوش ريحه فى الصبح لكن بالليل رحته بتوصل لمسافه نصف كيلو مربع
يعنى يخلى المكان كله جنه من الريحه الطيبه كنت زرعه فى الفيلا بتاعتنا
عشان كده سمو( مسك الليل) و فى نبات تانى اسمه الورد المستحيه بتفتح الصبح دقائق و تقفل تانى فى نباتات غاليه اوى عشان غريبه

dina يقول...

انا خايفة احسدك و الله.....بسم الله ما شاء الله يا رب دايما كدا و على فكرة ظبط العلاقات بالاعداء دى قوة و قدرة مش عند اى حد.....و اللى يقدر يحب اعداؤه و يسامحهم فخلاص اكيد حيسلك مع اى حد تانى:d
عجبتنى اوى تعالى نلضم الفلة جنب الياسمينة و ناولنى فرشة ارسم وطن اللى فى اول المدونة.....يا رب تبقى فعلا مرحلة جديدة و خطوة ناحية حياة احلى و اسعد

صوت من مصر يقول...

Foxology

على فكره انا سمعت نصيحتك تمام
تفائل يا عم محمد وعيش اللحظة يمكن اللحظة اللى تعيشها من قلبك بجد تقدر تغير بيها حاجات التراب عليها جبال :)
وشكرا
بس بجد انا متفائل
وياعمنا هو حرام التفائل ليا ولا ايه

صوت من مصر يقول...

mizohart2010
ميزو
بجد الى بتقوله ده
عندكم فيلا وانا عايش فى عشوائيات
هههههههههههههههههههههههههه
برضه لسه مكتئب
بس للاسف الشقه عندنا مفيهاش مكان عشان نحط فيه الزرع وعشان كده مفمتش فيه ياعم احنا حاطين الثلاجه فى الصاله والله

برضه متفائل
وشكرا للمعلومه

صوت من مصر يقول...

dina
بصى يا دينا مش هقولك احسدينى بس حاولى تقلدينى
وعموما بجد
انا ضد الحسد
وعلاقه الاعداء قوه نعم
نورتينى وبطلى غيبه

Rooma Qandil يقول...

حلوو الاستثناء علاقتك افضل بكل ما حولك واصدقائك والحكومة,,,

هي دي تتحب او تتحسن علاقتنا او ارائنا عنها,,,

حلوو التفاؤل والامل بس باقتنااع وبحكمة
وربك كريم

تمنايتي بالتوفيق

د/عرفه يقول...

جميل انك تعيد نظرتك للحياة وتنظر ليها نظرة ايجابية
وتحسن علاقتك مع جميع الناس

اتمنى انك تعاود الزيارة لمدونتى حاولت اوضح تانى
اما لو مفهمتش يبقى فيه مشكلة ومش هعرف اعمل اكتر من كده


لو حضرتك عندك اعتراض على الفكرة او على المضمون او على اى حاجة
ممكن تعرفنا بيها بطريقة اظرف من كده

محاولة لكسر الصمت يقول...

يبدو أنها عدوى تنتقل....أنا أيضا متفائلة هذه اليام وأسأل الله أن يديم هذا التفاؤل علينا جميعا.......

saheda.com يقول...

أنشئ عدد من المدونين مدونة تحمل إسم فارس بركات وقد تضمنت المدونة العديد من الكليبات الفنية بخصوص قضية ال26 المقبوض عليهم من الإخوان المسلمين يوم الاحد 17/5/2009 يوم إلقاء فارس بركات من شرفة الدور الرابع .

وقد تصدرت صور فارس بركات المدونة وهو يرقد بالمستشفي وهو مقيد بالاغلال ولا حول له ولا قوة له إلا بالله

وقد ذكروا في المدونة كلمات تعريف بفارس بركات ذكروا بها:-

فارس بركات هذا الهادئ الوديع الطيب الداعى للهدوء والتعامل بحكمة يعرفة كل اهالى حى ابو الريش ينادى من صغره بالشيخ فارس لم يتجرأ كبير او صغير فى حى ابو الريش ان يناديه باسمه مجردا دون القاب ذالك تقديرا وتوقيرا منهم اصغر منه يشعرون انه اباهم الحنون العقل الوقور رفقاء سنه يشعرون انه كبيرهم واكثرهم اتزانا وعقلا اما منهم اكبر منه يستشيرونه ويحترمون رأيه

فارس بركات نحبه جميعا ونحترمه ونوقره ندعو الله ان يشفيك ويعافيك وندعو على من اذاك ان ينتقم الله منه شر انتقام وان يشفى غل صدورنا منهم وان ينتقم منهم فى ابناءهم وذويهم اللهم ااااااااامين


رابط المدونة

farsbrkaj.blogspot.com

عايش... ولكن !!!! يقول...

يا سيدى ع التفاؤل
مش كيمو اللى اعرفه ده ههههههه
واحشنى والله
احلق ياعم وظبط محدش واخد منها حاجه

لاسع افندى يقول...

انشاء الله دايما متفائل



تحياتى

mira يقول...

الحمد لله انك وصلت لمرحله التفاؤل
والافضل لينا لما نيأس او نتأزم
نحاول اننا نخرج لجو جديد هاينسينا
الهموم والمشاكل والازمات لفترة قصيرة
بس الفترة القصيرة هاتقوينا على النسيان واجتياز الازمات ويارب ليك
التفاؤل على طول
تحياتى
ميرا

ياسر سليم يقول...

ربنا يزيدك تفاؤل

dina يقول...

بخصوص تعالى نلضم اسامينا...الفلة جنب الياسمينة....سمعت الاغنية و عجبتنى اوىىىىى......منير طبعا الكينج

mizohart2010 يقول...

السلام عليكم
محدش بياخد كل حاجه ياصحبى انا الحمد لله مش غنى و لا فقير بس ئلى عاوزك تعرفه ياغالى انى اغالى حاجه هى راحه البال لو وصلتلها احسن من الفلوس او اى شىء
يعنى مش شرط جميل او غنى او وزير المهم يكون بالك مرتاح و هو ده ئلى تعبنى و تعبك و تاعب الناس كلها بندور على السعاده الحقيقيه و مش لقينها انا فعلان كنت بحب الورود و الاشجار لم كان عندى ارض و كنت بحب الحيونات دى كنت متعتى لم كنت بقضى ايام هناك مع الكلب بتاعى و فى ارضى لكن مفيش حاجه بفضل على حلها

صوت من مصر يقول...

Rooma Qandil
الاحلى من التفائل وجودك هنا بجد
اعجبنى التعليق بشده
اشكرك

صوت من مصر يقول...

د/عرفه
هرجع للزياره
واشكرك على توضيح الصوره

صوت من مصر يقول...

محاولة لكسر الصمت
والله احمدك يارب فى اتنين كان صعب انهم يكونو متفالين
بس نقول ايه بقى

صوت من مصر يقول...

saheda.com
شكرا

صوت من مصر يقول...

عايش... ولكن !!!!
مش عجبك ولا ايه

صوت من مصر يقول...

لاسع افندى
عقبالك

صوت من مصر يقول...

mira
اظن انه مش على طول دوما لاننا بشر
اقصد التفائل

صوت من مصر يقول...

ياسر سليم
شكرا ياسر

صوت من مصر يقول...

dina
طبعا يا دودو
ده الكينج ولا ايه

صوت من مصر يقول...

mizohart2010
بص يا ميزو ارجع اقرى التعليق وهتفهم قصدى كويس
معلش تانى ارجع اقراه