السبت، 20 يونيو، 2009

مين الى بيغلط


انا هنا جيتلكم عشان اتكلم فى حاجه تحير اى حد كالعاده محدش بيفهم منى معنى كلامى بس اعزرونى احتمال ده يكون اخر بوست بتكلم فيه بصيغه الهدوء لانى ناوى ارجع لطبيعتى تانى المهم النهارده البلوج عندى هيتكلم لاول مره فى الحب وانا هعمل فيها اسامه منير ايه رايكم
السؤال بيقول علل او عللى ؟
ليه دايما بجد لما بتنتهى اى علاقه بنقول ان السبب دايما بيكون الشاب مش الفتاه
بجد ده محيرنى جدا ليه البنت دايما عامله نفسها مظلومه وضعيفه وملهاش حد على راى انغام مع انى واثق انها تمتلك ما يجعلها اقوى من اسد داخل عرينه
وبجد الشاب دايما بيكون خجلان من نفسه لو غلط
ان بكلامى ده مش بقول ان كل الشباب ملايكه لا انا بنتقد بعض الناس ومنهم صحابى بس احنا ليه دايما بنقول ان الغلط من الشباب مش من البنات مع ان اغلب المواقف بتكون منها هى
مثلا تتاخر عليه وووووو ؟؟؟؟؟؟؟؟؟؟؟ الخ
بجد الله يكون فى عونه
وكمان لما يتخانقوه دايما الشاب هو الى بيصالحها
هل فى عرفنا ان البنت غلط تصالح الشاب
اظن انى قدرت احلل حاجه مهمه وهى اننا ياريت نعامل الكل سواء يعنى البنت زى الولد والعكس صحيح
بس ده هيتحقق بشرط وهو عدم الرهبه وعدم الاجماع على انها تجربه وتكون النيه صافيه بمعنى ان الولد مش يعتبر نفسه ماشى مع واحده وخلاص والبنت كذلك
سؤال انت موافق كلامى ولا معترض

هناك 81 تعليقًا:

الشعب لابد له من حكومه تشكمه يقول...

اوقات بيكون السبب الشاب واوقات بتكون البنت بس لما تلاقى اللى عنده الجراه انه يعترف وميعملش فيها مظلوم.
واوقات تانيه بيكون الشاب والبنت ملهمش ايد والظروف هى اللى بتحكم بالنهايه..
بس بالنسبه لسؤالك ان ليه دايما الولد هو اللى بيطلع انسان الغاب طويل الناب..لان ده اللى غالبا بيحصل بمعنى فى مقوله بتقول:
ان الحب صفحه فى حياة الرجل وللمراه هو حياتها كلها.الشاب يبحث عن الحب والبنت عينها على الجواز.
فغالبا الشاب بيكون اقصر نفسا وبالتالى بيقصر ويجيب من الاخر وريح دماغه..
وبرضخ ميمنعش ان فى بنات لعبيه بس قليلين جداااا وبيكوننوا استثناء للقاعده..

mizohart2010 يقول...

السلام عليكم
موضوع جميل اوى
بس سيبك من الاسباب
ئلى يعرف ربنا يرتاح ليه منقولش انى كل حاجه بتمر علينا نصبنا و مكتوب علينا نشوفه ممكن يكون الاثنين كويسين بس الظروف هى ئلى فرقتهم ممكن يكون شر ربنا بيبعدها عن البنت او الشاب

ايوشة يقول...

للاسف مش هقدر ارد بصراحة فى الموضوع ده لانى اصلا مش مع الحب :)
بس اللى ااقدر اقوله ان اى علاقة بين اتنين حب زواج عمل صداقة اى شئ يكون شئ عقيم جدا لما نلوم طرف والطرف التانى لا اكيد فى حد فيهم غلط اكتر بس هما الاتنين اكيد اشتركوا فى الغلط
وعلشان اريحك يعنى اغلب المواضيع اللى كنت اعرفها البنات مكنوش بيفكروا صح فى اغلب الاحيان وده اللى اقدر اقوله لانى معرفش خبرات الشباب فى الموضوع ده ايه

ايوشة يقول...

صحيح ايه موضوع ترجع لحالتك القديمة دى تانى احنا مش خلاص قولنا نبطل اكتئاب ونتفائل شوية هاااااااااا
سيب الاكتئاب لناسه يابنى وعيش ايامك
:(

Bola 7elmi يقول...

تقدر تقول العيب فـ الاتنين
فـ طريقة التفكير و معالجه الأمور .. نظرتهم لمفهوم الحب .
بيرجع للدماغ .. يعني أنا كلمت البنت دي ليه .. عشان بحبها ولا عشان أمشي مع بنت حلوه .. هنا الولد بيعيش الدور أووي و بيبقى لعيب بيكدب وبيصدق نفسو .. ووقت الجد أصل ظروفي و جواباتي والحاجات الهجص دي
مش هقولك مفيش بنات لعيبه .. و بيكلمو و يحبو شباب من باب ومالو ..
قليل ,, بس فيه .

[[ اللي يلفتك انو كلو بيبان مجروح ومغلوب على أمرو ]]

و .. أحيانا بيبقى القدر مش فـ صالحهم فعلا.



بس فـ الأخير .. و الأغلب يعني
الطيور على أشكالها تقع

Sweet Violet يقول...

مين قال ان البنت اوقات مش بتكون فعلا سبب فى هدم العلاقة ؟؟؟

بص هو كل واحد بيحاول يطلع نفسه صح فى الموضوع ده يعنى لو شوفت البنت هتلاقى بتقول هو السبب

لو شوفت الشاب هتلاقيه بيقول هى السبب

ووقتها بقى ده ماينفعش نقول عليه حب ده اسمه لعب عيال

لان الحب الحقيقى الواعى الصح لو ماحصلش نصيب بين الاتنين عمرهم مابيلوموا على بعض

يااما يقولوا كل شئ نصيب و يشكروا فى الطرف الاخر

يااما كل طرف بيطلع نفسه غلطان و فى نفس الوقت يشكر فى الطرف الاخر علشان مش يشوه صورته

عمرو يقول...

و الله يا كيمو متهيألى كده اٍن السبب فى هدم العلاقه لا البنت و لا الشاب و لكن العناد و الغباء و الكبرياء و الصلف و عزة النفس و الكدب و الخيانه و الطمع و اللوع و عدم نضج الشخصيه و عدم فهم لطبيعة الآخر و نفسيته و اٍفتقاد معرفة اٍحتياجات الحبيب أو الحبيبه و التسرع و الأنانيه و المبالغه فى الغيره و حب التملك الزائد عن الحد و تطور العلاقه العاطفيه لعلاقه شهوانيه تغضب الله و عدم التكافؤ الاٍجتماعى و الثقافى و عمل المقارنات بين الحب القديم و الحب الجديد و فقدان الرضا بما قسم الله ..
كل اللى فات ده شوية حاجات بتهدم الحب و ممكن تصدر من البنت أو الشاب على السواء .. بس للبنات طبيعه خاصه شويه يعنى بيزعلوا بسرعه و بيتصالحوا برضو بسرعه لو حسوا بصدق رغبة الحبيب فى أنهم ما يزعلوش و فى النقطه دى بالذات بعض الشباب بيتكبروا و بيعاندوا لحد ما يخسروا محبوبتهم عن سوء تقدير و فهم ..
بوست جامد جدا جدا ..
تقبل تحياتى و تقديرى ..

mira يقول...

هاقولك رأيى بصراحه
اللى بيكون بينهم حب حقيقى ما بتفرقش
مين هايصالح مين
علشان اللى بيحركهم المشاعر والاحاسيس
يعنى لو الولد غلط وحس بغلطه اكيد هايبادر بالاعتذار وكذلك البنت
وبالتالى مش هايحصل بعد ولا فراق
الا اذا كانت الظروف اقوى منهم واتغلبت عليهم وعلى حبهم وكانت قويه
وهدامه ساعتها هايضيع الحب بينهم
وماحدش السبب فى ضياعه غير ظروفهم

romansy يقول...

يا هلا باعلى صوت فى مصر

البنت دايما بتحب تشوف نفسها انها مظلومه بالرغم ان ممكن يكون الشاب بيحبها قوى وطالع روحه حب بس بقى دايما بتحب تبان هى المجنى عليها

mahasen saber يقول...

كبمو كبمو

لو الحب اتوجد بجد بين اتنين مبتفرقش مين يصالح مين لان الحب بيخلق سمو وروح عاليه بين الاتنيين
بس ده ان وجد الحب بمعناه الحقيقى ما بين الاتنيين

يعنى المساواه من عدمها فى العلاقه بين الاتنيين مبتفرقش المهم انهم يحبوا بعض بجد فهيضحوا عشان بعض بمنتهى الجد برضه

المهم انتا اخبارك ايه بئه
هشوفك اكيد عند شموسه

اتمني الشهادة يقول...

اسعدني مروري الأول علي مدونة حضرتك النشيطة ما شاء الله امتعتني كثيرا"...

بالنسبة لموضوع الحب فانة اذا كان حباً فلن تجد لائم وملوم لان المحبين يخضع كل منهما بمعذرة الحب للحبيب فيتقبل كلاهما كل أفعال الاخر وكل منهما يتمني لو كان الغلط جانبه مخافة ان يلوم الآخر نفسه فهذا هو الحب وان كان غير ذلك فليبحثوا له عن عنوان آخر
...
يشرفني ان تكون مدونتك القيمة في مفضلتي بعد السماح منكم

محاولة لكسر الصمت يقول...

لست من هؤلاء الذين يرون الفتى مذنبا على الدوام, فالخطأ قد يأتي من أي منهما, لكن اسمح لي أن اختلف معك في مسألة أن يكون الكل سواء, فهذا لا يمكن, وهنا لا اتحدث عن عرف أو عن عادات وتقاليد مجتمع, لكنني أتحدث عن الفطرة التي خلق الله الناس عليها, فلا يمكن أن تتعامل الفتاة كالفتى, لا لشيئ سوى أنهما مختلفان في الكثير, وحتى حين يتفقان في الشعور فغالبا ما يختلفان في الطريقة, وأتحدث عن اختلاف لا خلاف, اختلاف يعود إلى الطبيعة النفسية لدى كل منهما, فلكل منهما طريقته في التعامل, وفي التعبير..لذلك فالاختلاف ليس هو المشكلة, وإنما هي سطحية النظرة إلى الأمر التي أصبحت شبه سائدة هذه الأيام. إضافة إلى استهلاك لفظ الحب في كل ما يحيط بنا, ابتداء من بعض الكتب التي نقرؤها,مرورا بالدراما التي نشاهدها, وانتهاء بالواقع الذي نعيشه....
.........تحياتي..........

اسماء واحلام فى وجدانى يقول...

من مازنجر الى هرقليز

اكيد انا معاك ان الانسان ليس قوة

الانسان عقل يحتوى كل من حوله

روح تحرس

قلب يبنض من بسمة لوجه آخر

انا معاك فى كل ده بس انا مصمم انى مازنجر وانت براحتك خليك هرقليز وانت لو رجعت ليويو هتلاقى ان افرديت كمان موجودة شوفت انت قلبت مدونة يويو لفيلم كرتون

رؤية يقول...

ساعات كدا
وساعات كدا
بس الغالب كدا
وصل الكلام ولا نوضح

اقصد ساعت الغلط من عنده ساعات من عندها بس الغالب الولد هو اللى بيبقى غلطان
لانى اظن ان الفتاة دايما احرص على الاستقرار من الولد
وغالب الشباب مقضيها تسلية

وعموما
اللى حريص على حد بجد ما بيفرقش مين اللى غلطان
المهم ان اى ازمة تعدى بسلام
وبس كدا

تحياتى

صوت من مصر يقول...

الشعب لابد له من حكومه تشكمه
بصى يا شيمو هقولك حاجه مهمه
اولها انى متفق معاكى فى كل كلما ماعدا ان الولد بيحب يقصر ويجيب من الاخر
لان فى شباب كتير بتحب بجد مش اى كلام
والله انتوا فعلا كده عاملين فيها غلابه
نورتينى بجد

صوت من مصر يقول...

mizohart2010
ميوز الظروف هى الى بتحكمنا ولا احنا الى بنحكمها

صوت من مصر يقول...

ايوشة
افهم ليه اصلا مش مع الحب ؟
هو عيب
ولا هو حرام
ةلا ايه
ولو البنت مش بتفكر صح
طب مين هيفكر صح
وانا شاب واقولك اننا اغلب منهم

صوت من مصر يقول...

ايوشة
مش اكتئاب والحدق يفهم

صوت من مصر يقول...

Bola 7elmi
كلامك حلو جدا جدا بجد
بس بامانه كده محستيش ان ممكن تلاقى بنت تكلم ولد مش عشان وماله
لا عشان حاجه تانى
اظن ده فعلا
واظن برضه ان مش كل الولاد كده زى ما انتى وصفتى

صوت من مصر يقول...

Sweet Violet
طب ليه العلاقه متنفعش تنتهى من غير تشويه لصوره الاخر
اظن ان كل الناس صعب تحكم على نفسها

صوت من مصر يقول...

عمرو
استاذى اولا الاشاده لها تقدير خاص اولا اولا اولا
ثانيا هى البنت دايما مش بتغلط ولو غلطت بنسامح
ولو هما كده يبقى احنا لازم نكون انسان الغاب
ولا ايه
وكل الصفات الى وضحتها فعلا هى اكبر شىء
بس هى بتتواجد فى شخص مش كويس
نورتنى بجد

صوت من مصر يقول...

mira
صى بقى هقولك ان الظروف احنا المتحكمين فيها
ولازم فعلا يكون في نضج فى العمليه حسابيا وفلكيا
ولا ايه

صوت من مصر يقول...

romansy
بوست رومنسى اهو عشان متقولش حارمك من حاجه
ياعم والنبى عندك حق عى دايما عامله فيها زعلانه

صوت من مصر يقول...

mahasen saber
تعليقك دخل دماغى وعايز قعده وكبايه شاى وكده
المهم اقولك بقى مفيش حب مفهوش فراق ولا زعل لازم يحصل ده لو مش كده يبقى ده فيلم تيتانيك
وهو مات برضه فى الفيلم
اظن المساواه مهمه
معرفش امتى وفين وليه وازاى بس شموسه هتقولى اظن

صوت من مصر يقول...

اتمني الشهادة
كلامك كله صح ولا تعليق عليه
والمدونه فعلا نورتيها بصدق احساس وده شرف ليها

صوت من مصر يقول...

محاولة لكسر الصمت
نعم استهلاك كلمه الحب فى كل كلمه نقولها وكل وقت اصبح شىء صعب وافقد الكلمه معناها
لكن لازم يكون فى مساواه لان الولد بيغلط والبت كمان بتغلط

صوت من مصر يقول...

اسماء واحلام فى وجدانى
عمو مازينجر منورنى
ايه الكرم ده كله
وكمان بيقولى شعر
بس انا مش هرقليز لا ياعم ده رجليه عريانه
وانا رديت فى صفحه ابله فضيله اقصد يويو

صوت من مصر يقول...

رؤية
اظن ان دى تفرقه عنصريه ولا ايه

aidy يقول...

ومين قال كده بس يا محمد

المسألة مش مسألة ولد وبنت

المسألة مسألة حد غلط فى حق التانى واتسبب فى النهاية

حد باع حد خان حد زهق حد مل حد اتلخبط وفضل ينهى

ممكن يكون الولد ممكن تكون البنت

لان محدش معصوم من الغلط

جايز لأنك ولد شايف الحياة بطريقة تانية

جايز عشان شوفت حكايات اصحاباك الولاد شفت الموضوع من وجهة نظرهم

بس افتكر شوفت قبل كده زميلة او صديقة ليك مثلا حبت بجد

اكيد شوفتها بتعامل الولد ده ازاى

لو شوفتها ازاى بتصالحوا حتى لو هو اللى غلطان

فالمسألة مش عنصرية

والبنت اللى بتحب بجد بتعمل كده

والولد لما بيحب بجد بيعمل كده

وانا اعرف بنات بيحبوا اكتر وبيكون عندهم استعداد يقضوا بقيت عمرهم مع حد مش يستاهل والعكس كمان

هو كل الحكاية ان نهايات قصص الحب لازم يتخلق فيها ظالم ومظلوم

قليل اوى لما تلاقى حد نهى قصته وبيتكلم عن شريكه كويس

جايز لآن الانسان لما بيحب اوى بيتجرح اوى وبياخد الموضوع على كرامته

تحياتى ليك ويارب اكون قدرت اوصلك وجهة نظرى

شمس النهار يقول...

ايه ده البوست ده نزل امتي انا كنت لسه هنا امبارح وماكنش في حاجه

ماشي ماشي

طبعا موضوع البوست كبير انت كاتبه في سطرين بس الرد عايز قاعده
انا عندي مشاوير لزوم السفر

بس راجعه تاني نقعد ونتكلم

عشان فعلا لازم المفاهيم دي تتغير او نحاول نغيرها

بجد بجد كيمو تسلم دماغك

بالنسبه لمحاسن دي بكاشه جدا

انا مستنيه تأكيد علي الموعد ولو فعلا طبعا مش بمزاجك انت جاي ان شاء الله جاي

Soul.o0o.Whisper يقول...

السلام عليكم و رحمة الله و بركاته

بص يا كيمو
من اللى شفته فى الواقع المحيط بيا

ماقدرش أقول ان كلامك صح100%

بص .. كل واحد بيحاول يطلع نفسه صح
و مش غلطان

العلاقة من اولها فعلا
ياريت ماتبئاش تسلية
و تقضية وقت و خلاص

لانهافى الاخر بتجرح الاتنين


لكن من اللى شفته
ان اى علاقة بتنتهى
بيدور كل واحد التانى غلط فى ايه
و إذا ماغلطش بيمسك له الحاجات الهايفة و يكبرها
عشان فى الاخر يطلع نفسه صح

زى ما يكون مطلوب منه يبرئ نفسه ادام الجميع

عن نفسى هاقول كل شئ قسمة و نصيب و خلاص
محدش له عندى انى اقول ايه اللى حصل

بس كلام الناس بئا و انت عارف



ربنا يهدى الجميع




دمت بود

mizohart2010 يقول...

الظروف دى حاجه احنا بنعلق عليها لكن كل حاجه فى حياتنا بنمر بيها مكتوبه عليناو الدليل بيكون كزى واحد فى نفس الظروف و رد فعلهم غير بعض

صفــــــاء يقول...

ماهى دى المشكله المزمنه
ان الناس مبقتش عارفه تحب
وعلى رأى ام كلثوم
انا وانت ظلمنا الحب بأدينا
وجينا عليه وجرحناة
محدش منا كان عاوز يكون أرحم من التانى
وكمل انت الاغنيه بقى

Foxology يقول...

بص يا محمد باشا الفكرة ان محدش بيبقى عاوز يبقى غلطان ويتحمل نتيجة غلطه

وانا متفق معاك ف نقطة ان المفروض ان العلاقة تبقى ارقى من اتنين ماشيين مع بعض وياريت كل الناس تحاول تتقى ربنا ف نفسها شوية بدل المصايب اللى احنا فيها

تحياتى على الموضوع الجميل :)

محاولة لكسر الصمت يقول...

أريد أن اقول لك أن المساواة لا تعني بالضرورة العدل, بل على العكس قد تؤدي المساواة إلى ظلم كبير لكليهما, فكلا منهما يحمل قلبا وعقلا يعيش بطريقة مختلفة..
أتعلم الأمر يشبه الدراسة-مع الفارق- ففي الدراسة, يكون مطلوبا من الجميع أن يذاكروا منهجا معينا ليحصلوا في النهاية على نتيجة معينة, لكن بالطبع لا تشترط طريقة معينة للمذاكرة, فهي شيئ خاص بالطالب يختار ما يناسبه ويستطيع أن يؤديه, لكن المهم أن يحصل على نتيجة جيدة في الامتحان..
هكذا هو الحب, لا تهم الطريقة أو الأسلوب ولكن فقط يهم أن تكون صادقا لا أكثر..

تحياتي.........

حاسوباتيه يقول...

لا طبعا دايما وابدا انتم الغلطانين لان احنا غلباااااااااانين موت وطيبييييين موت وانتم الي مفتريين علينا طبعا وكمان عايز احنا الي نصالحكم ده ايه الافترا ده بجد ده دلع والله
لا طبعا لازم انتم الي تصالحونا دايما وابدا لان احنا مابنغلطش اصلا احنا ملايكه يا ابني وانتم بشر هو الملايكه بتغلط؟ لاطبعا

اه يا غلبااااااانين يا مظلومييييين يا ينات

حاسوباتيه يقول...

ههههههههههههههههه لا نكلم جد بقى هو طبعا لازم لو البنت غلطت تعترف ولو الولد غلط يعترف
بس بيني وبينك بما اني بنت يعني فاحنا صعب علينا نعترف اننا غلطنا معلش بقى قدركم كده استحملوا بقى هتعملوا ايه

بس برضو احنا الغلبانه والطيبين وانتم الشريرين

بنجاواتى يقول...

على فكرة انا شايف ان الشاب هو اللى غالبا بيكون غلطان خصوصا فى مرحلة ان مشروع الارتباط فى اوله ساعتها بيبقى كل شئ فى ايده هو

وغالبا بيكون سبب الفراق منه هو

تحياتى

(green eyes) يقول...

حلو الموضوع دا علشان نتكلم فيه يا استاذ اسامة.... قصدي يا استاذ كيمو :)

بس انا مش شايفه ان كل البنات بتطلع نفسها ملايكه يمكن تكون بتعمل كدا قدام الناس اللي مش قريبه منها كنوع من اظهار كونها انثى مؤدبه وضعيفه لكن بينها وبين اصحابها القريبين اكيد بتكون في منتهى الصراحه ومش بتتجمل ولا حاجه ولما بتكون غلطانه بتقول ولو هي مقالتش اصحابها بيواجهوها

اما بقى بالنسبه انها لما بتكون غلطانه بستنى يصالحها دي مبقتش موجوده اللي بيغلط بيعتذر مش لازم تقول انا اسفه بس فيه وسائل كتير بتبين انها غلطانه و بتعتذر

جارة القمر يقول...

الخطأ يقع على عاتق الاثنين
فالمسئولية تتفاوت

قد يكون الشاب والفتاة هم السبب في جفاء قلوبهم


موضوع رائع

مودتي

smilyrose يقول...

على فكرة بقى يا استاذ محمد

الموضوع دا معايا بالعكس

اى مشكلة بتحصل دايما هو اللى بيزعل

حتى لو كان هو السبب ودايما كان

بيتقمص وبرده انا اللى بصالح

واتصل وااقول معلش

وبرده مش عاجب

افضل شئ هو الرحيل

ايه وجع القلب دا

ههههههههههههههههه

وردشان

روح الحب الصادق

المهاجر يقول...

يا عمناالبنات دايما على حق اليومين دول بتوع البنات

saheda.com يقول...

كشف الدكتور صلاح البردويل القيادي في حركة المقاومة الإسلامية حماس والمتحدث باسم كتلتها البرلمانية أن الرئيس الأمريكي الأسبق جيمي كارتر قدَّم رسالةً لحماس أسوأ من شروط "الرباعية"، مؤكدًا أن الحركة لن تخضع لأي ابتزازٍ سياسي فيما يتعلق بالثوابت رغم كل الضغوط والتهديدات، مشددًا على أن هذا قرار إستراتيجي.



وأوضح البردويل في تصريحاتٍ له خلال ندوة سياسية عقدتها صحيفة (فلسطين) أعلنت اليوم؛ أن خطاب مشعل سيؤكد ويذكر العالم بالثوابت الفلسطينية في ضوء المستجدات السياسية الأخيرة، مشيرًا إلى أن هذا الخطاب سيتناول أمرين: الأول يتعلق بتذكير العالم كله بالثوابت الوطنية الفلسطينية، وسيكون تعقيبًا واضحًا على خطاب رئيس حكومة العدو الصهيوني بنيامين نتنياهو، أما الأمر الثاني: فهو أن هناك خشيةً من تصفية القضية الفلسطينية؛ حيث إن رد فعل السلطة لم يكن مستنكرًا خطاب نتنياهو إلا ببعض العبارات العاطفية، ولا يزال التنسيق والعمالة الأمنية جارية في الضفة الغربية.



وأشار القيادي في حماس إلى أن خطاب مشعل يأتي بعد خطابي نتنياهو وأوباما وزيارة كارتر التي كشف لأول مرة عن رسائل تهديد حملتها.



وأوضح البردويل أن الرئيس الأمريكي الأسبق جيمي كارتر، وخلال زيارته إلى قطاع غزة مؤخرًا، قال لـ"حماس": "ساعدونا حتى نساعد أوباما على أن يتغلب على اللوبي الصهيوني ويحقق سياسته"، متسائلاً: "بماذا يريد أن نساعده حتى يساعد ميتشيل، وحتى يساعد ميتشيل أوباما، وحتى يستطيع الجميع أن يتقدموا في سياسة التغيير، وأن يرفعوا شروط "الرباعية" عن الشعب الفلسطيني!".



واعتبر أن كارتر قدمَّ رسالةً أسوأ من شروط "الرباعية"، قائلاً: "طلب منا أن نوقع عليها (الرسالة) لنرسلها إلى ميتشيل ليرسلها إلى أوباما.. كلهم يلعبون لعبةً واحدة".



وأضاف: "وقال كارتر: (إن ميتشل ينتظرني على أحر من الجمر، وإذا لم يحصل على هذه الرسالة فأنا أعتقد أن مصيركم سيكون صعبًا جدًّا جدًّا، وحتى لو حدثت انتخابات لن يسمح لكم حتى بدخولها.. أنا حزين لذلك.. أنا لا أريد ذلك، ولكن القرار ليس بيدي)".



وشدد البردويل على أن "اللعبة واضحة.. أوباما يبدأها.. نتنياهو يستثمرها.. كارتر يلعب في تشبيك العلاقات والاستفادة المباشرة من ردود الأفعال عمليًّا".



واعتبر البردويل أن أوباما لعب في منطقة فارغة لا علاقةَ لها بالملعب السياسي ولا بالقرارات، وترك بعدها المجال لنتنياهو ليضع النقاط على الحروف، وقالها بشكلٍ واضح: دولة يهودية، لا عودةَ للاجئين، لا قدس لكم، لا سيادة لكم، لا دولة لكم، لا جيش لكم، لا ماء لكم، وهذا الخطاب تم تأييده فورًا من الإدارة الأمريكية"، قائلاً: "الآن باتت الصورة واضحة، سواء لفريق رام الله، أو لكل الذين راهنوا على أن هناك تغيرات؛ فقد وضحت سمات التغيير لدى أوباما".



وتابع: "كارتر لا يأتي إلى المنطقة بمحض الصدفة، وليس رجلاً بلا قرار.. كارتر بالتأكيد جاء بأوامر من أوباما شخصيًّا؛ لأن أوباما تلميذ كارتر، وميتشيل تلميذه كذلك، وهذا ما قاله كارتر بنفسه.. هذا الحراك الأوروبي الذي بات يتململ، له ما بعده ونحن لا نخشى أن يكون القادم أخطر على "حماس".



وأكد أن أمام "حماس" خيارات، والفاصل في ذلك صمودها، وأن تكون نموذجًا لذلك، وهناك رياح التغيير تهب في العالم العربي ككل، وهذه التغيرات تشكل مفاتيح في يد "حماس" قائلاً: حماس ليست وحدها في مأزق؛ الاحتلال وأمريكا ودول أوروبية وعربية كثيرة في مأزق، والمأزق سياسي أخلاقي اقتصادي.. الآن الفيصل هو الحكمة والهدوء والقدرة على اختراق الساحات.. الفيصل هو الحفاظ على الثوابت، وسيحقق إنجازًا على الأرض".

hager za3bal يقول...

لا يا كيمو

مش دايما الولد هو اللي غلط
ولا دايما برضو البنت هي اللي غلط

بس
كل واحد فيهم ممكن يجي علي نفسه شويه عشان المركب تمشي..:)

ومش دايما الولد هو اللي بيصالح البنت.. لاكن لازم لما تضعف هو اللي يقويها..:)

yoyo يقول...

صباحك سكر

ادينى جيت لك بقى يا هرقليز
لما اشوف اخرتها معاك انت والاخ مازينجر دا

yoyo يقول...

يعنى اغيب حبة كدا وارجع الاقى احتلال من جيش عرمرم
وكمان بتقول عليا ابلة فضيلة
ههههههههه
ماشى ماشى
يا هرقليز

yoyo يقول...

اه صحيح تعال هنا بقى
ترجع لطبيعتك ازاى يعنى هو انت من المتحولون يعنى ولا ايه ؟!
ولا هترجع تانى شعر طويل ودقن طويل
ونرجع بقى نلم لك حق الموس من جديد وتبرعوا لمساعدة اخوكم مليم فقر الناشف
ههههههههه
وهنيا لك يا فاعل الخير و الثواب

yoyo يقول...

شوف يا كيمو بقى
الحب اساه تضحية وانكار ذات مش انا عملت وانت ليه مش عملت
دايما اللى بيحب بيكون جواه تسامح وروح عالية اعتقد ان مش فى علاقة مش فيها مشاكل و خلافات بس المفروض اننا نتعامل معها بحكمة بعيد عن العصبية و الغباء و فكرة الانا وبس

مش دايما البنت ملاك ولا دايما الولد شيطان كل طرف فيه الحلو و اللى مش حلو بس الظروف و الشخصية هى اللى بتحدد استمرار العلاقة او لا

ام موضوع الولد هو اللى بيصالح دا راجع للمفهوم ان ازاى انا اللى اروح واقوله انا اسفة انا غلطانة و كرامتى ومش هيفهمنى صح لا اعتقد لو حصل ان البنت اعتذرت عن خطا لحبيبها وقتها بتكبر اوى فى نظره لان مش فى انسان مش بيغلط بس يكون هو بقى مقدر الكلام دا مش يعمل فيها فلانتينو عصره ويقول جات تجرى عليا بقى وكلام الشباب دا

yoyo يقول...

ترجع لطبيعتك ترجع لاى حتة المهم انك معانا ومنورنا يا هرقليز

وبعدين اللى بعمله فى الناس هيطلع عليا ولا ايه
صبرك بس عليا انت والاخ مازينجر دا
حااااااااااااااااضر

تحياتى
يويو

صوت من مصر يقول...

aidy
اظن انى مليش تعليق غير ان فى حبيب يزهق من حبيبه
صعب جدا
لان عمر الحب ما بيكون زهق
نورتينى بجد

صوت من مصر يقول...

شمس النهار
مجنيش رد حتى الان
وعموما ادعيلى اقدر اجى انا مش عالم الظروف
ربنا يسهل

صوت من مصر يقول...

Soul.o0o.Whisper
انا معاكى فى كلامك بس ليه نقول قسمه ونصيب ومش اقول انا الغلطان واسف وعرفت غلطى
اه عندى كرامه
اه عندى كبرياء
لكن مش مع حبيبى
ولا ايه

صوت من مصر يقول...

صفــــــاء
مش عارف اقولك ايه جيبتى النهايه
يا صفاء
ازى طيورك

صوت من مصر يقول...

Foxology
العفو يا فوكس
بس يا باشا بجد تتفق معايا اننا لازم نرقى بالحب شويه

صوت من مصر يقول...

محاولة لكسر الصمت
اظن انى بطال بمساواه فى مين الى غلط ومين الى صح
وان الولد زى ماهو بيصالح
لازم هى كمان تصالحه
لان ده حب
اى وجود ترابط

صوت من مصر يقول...

حاسوباتيه
يا ملايكه
ناقصلكم تكونوا ابيض فى ابيض صح صح

صوت من مصر يقول...

حاسوباتيه
اقنعينى ان فى بنت طيبه
كلامك على راسى ان كان هزار او جد

صوت من مصر يقول...

بنجاواتى
اظن ان مشروع الترابط من الاتنين مش حد واحد
واظن برضه ان فى بنات بتتسلى

صوت من مصر يقول...

(green eyes)
اظن برضه ان الوسائل كلها اتمنعت وان البنات لسه زى ما هما مفيش جديد ولا الحياه اتغيرت
لما يموت حسنى مبارك ( اقصد ابو الهول ) ابقى قولى كده
نورتينى وبلاش غيبه

صوت من مصر يقول...

جارة القمر
ده اتفاق
شكرا لمرورك

صوت من مصر يقول...

smilyrose
وردشان منوره منوره
بصى بقى يا ستى هقولك المشكله مش منه او انتى ده عدم تفاهم بين الطرفين من الاول وانتى الى استحملتى ولو عايزه الرحيل يبقى برضه من الجهتين مش ناحيه واحده عشان محدش يجرح التانى
كان معاكى كيمو منير من قناه صوت من مصر

صوت من مصر يقول...

المهاجر
يعنى انت مش مع الرجاله ولا ايه
لازم ننتفض

صوت من مصر يقول...

saheda.com
انا هعملكم صفحه اعلانات لوحدكم

صوت من مصر يقول...

hager za3bal
اظن يا هاجر كلامك صح
بس انا بتكلم على حاله وبتحصل
مش على العموم او الكل
وبجد اظن انك بتشوفى كده وانا كمان بشوف كده

صوت من مصر يقول...

yoyo
المشكله بكره هركليز
صباحك سكر زياده

صوت من مصر يقول...

yoyo
بصى يا ابله فضليه
الجو حر ومش لاقين حاجه نعملها نعمل ايه
لازم نخربها

صوت من مصر يقول...

yoyo
لا مش شكلا لكن موضوعا
اظن ان الوقت قرب عشان تعرفى

صوت من مصر يقول...

yoyo
مش كل الولاد هتقدر تضحيه البنت فى انها تعتر بس ازاى نغير مفهوم الناس
ده المشكل
ومين هيتكلم عن الحب غير يويو

صوت من مصر يقول...

yoyo
والله ليكى يوم
ايدى وجعتنى من كتابه التعليقات

EMMY BABY يقول...

صوت من مصر

يااااااااااااااه معلش بقالى كتير مش جيت بس المدونة شكلها اتغير بس للاحلى على فكرة

بالنسبة للموضوع

انا من رأيى ان الغلط بيقع على الاتنين بس بدون والله تحيز البنت الكويسة اللى متربية على الدين والاخلاق وحط ميت خط تحت كويسة فعلا بتكون مخلصة جدا لحبيبها ومبتستحملشى تبعد عنه وبتحاول باى شكل تحافظ على العلاقة بس ده مينعشى انه ممكن يكون سوء تفاهم بينهم

اما بقى فى نوعيات من البنات ربنا يهديهم بيلعبوا بالولاد زى ما فى ولاد بيلعبوا بالبنات

بس هى فعلا اهم نقطة بلاش تعميم ونتعامل مع كل فرد انه ممكن يكون اثتثناء للقاعدة

تحياتى

ايمى

حزينه يقول...

انا معاك اوى
البنت ممكن تظلم الولد اوى اوى
ومش بيهمها
وممكن تجرحه وتبعد عادى يعنى
بس الولد الجدع هو اللى يبقى اقوى منها

حزينه

نهر الحب يقول...

الاتنين
طريقة التفكير وطريقة معالجة الامور ومصارحتهما بها
تحياتى

nona يقول...

ازيك يا كيمو

انا شايفة ان الخطأ دايما وفى اى موضوع مش الحب بس بيكون مشترك

يعنى مينفعش ولد يغلط وبنت لأ
ومينفعش بنت تغلط وولد لأ

دايما الخطأ بيكون مشترك ولو بجزء ضئيل عند واحد فيهم

مينفعش حد يكون السبب لوحده سواء بنت او ولد

تحياتى

سجود يقول...

السلام عليكم
صراحة انا مش موافقه كلامك
لان احنا عندنا عادي جدا لو اتنين مخطوبيين اتخاصموا الغلطان هو اللي بيعتذر
ممكن يكون كلامك صح لو الاتنين ماشيين مع بعض صحاب يعني لكن مش مخطوبيين او كدا بس ديه انا معرفهاش بقي جديده عليا

حمدي مناع يقول...

عندك حق اكيد يا كيمو
المهم يا سيدى بم انك راجل وطنى وبتموت فى حاجة اسمه مصر
انا يا سيدى لسه جديد فى عاالم التدوين
وعامل مدونة عل قدى كده اتمنى انك تشرفنى بزيارتك ليها
http://hamdy-manaa.blogspot.com/
شكرااااااا مقدما

صوت من مصر يقول...

EMMY BABY
ايمى انا معممتش انا اتكلمت عن حالات موجوده
دائما الشىء النادر يثسر قلقله ولا ايه
غموما المدونه تحت امرك تيجى تمشى هى موافقه
والتغير ضرورى
ولا ايه

صوت من مصر يقول...

حزينه
الولد الجدع هو الى
اظن ان الولد لازم ينجرح زى البنت
ولا هم البنات مساكين

صوت من مصر يقول...

نهر الحب
اظن انى فهمت اغنيه لو نصارح بعض لانغام

صوت من مصر يقول...

nona
انتى كده متفقه على المساواه

صوت من مصر يقول...

سجود
سجود طبعا بشكرك للاضافه بس الحب مش لازم خطوبه وجواز
ده حب

صوت من مصر يقول...

حمدي مناع يشرفنى وجودى عندك باذن الله
ب يشرفنى اكتر انك تقرى البوست