السبت، 11 يوليو، 2009

ملل


وحشتونى كلكم اظن انى غبت كتير بس وانا متابع
يويو الازهرى واحمد اسماء احلام ووجدانى
مولعين الدنيا شغاليين احتلالات بجد انا فكرت كتير واحب ابلغكم خر هام
وهو انى فى هدنه نفسيه منكم انتوا وحروبكم
انا فى مود مش مساعد انى اكتب حاجه نهائى
بس حبيت امسى عليكم واقولكم شويه حاجات خنقانى
اولاها انا
وانت مخنوق من ايه قول ؟؟؟؟؟؟

هناك 48 تعليقًا:

صوت من مصر يقول...

دى صورتى ومحدش يتريق اوك

الشعب لابد له من حكومه تشكمه يقول...

ياراجل دى صورتك؟؟ دنا عماله اقول دا عفريت ولا ايييييييييه:)))
ومالها عامله ليه كده؟؟ من الملل:(
زعلتنى ياكيمو مع انى مش فاهمه البوست :)
بس اقولك نظريه المؤامره اللى عندى فى حد جيه ونشر فيرس بين شباب مصر اعراضه الاكتئاب والملل والحاله اللى عندك.:(
انا شخصيا معنديش اى حاجه تدعونى للملل او الاكتئاب يعنى دخلت كليه ودرست فيها وانا مش بحبها لمجرد انها كليه كمه,اتخرجت وشرفت فى بيتنا عاااااااادى جدااا, معظم احلامى اختفت للابد ومش هترجع عاااااادى.
شوف حياتى بمبى مفيش اى حاجه تدعونى للى انت بتقول عليه:))
اقولك انا هجى اقف جمبك فى الصوره انت كأبتنى وخلتنى حسيت بملل حياتى:(

شمس النهار يقول...

انا بجد مخنوقه منك:)
انت مش كنت كويس وقلنا خير يارب وحطينا رجلنا علي اول الطريق
ايه اللي حصل بقا

ماتخليش حاجه تؤثر فيك لو سمحت
فين القصه كل يوم بفتح الميل مش بلاقيها

ارجع ياكيمو

Soul.o0o.Whisper يقول...

رااااااااااااااابع تعليق

و نقول السلام عليكم و رحمة الله و بركاته


ايه الكآبة الى انت فيها دى؟؟
طب مش هاتريق يا سيدى .. بس بلاش كآبة ، عشان مابحبهاش و بيجيلى حساسية .. ماشى؟؟ :)

يا كيمو سيبها لله

تعالى اقولك انا

















انا مكتئببببببببببببببببة
ههههههههههههههههههه








لالالالا
لا بجد الحمد لله مش مكتئبة و لا حاجة انا قلت اعملك مشاركة انسانية بس

ياللا روق بئا



اول واحد ادخل عنده بعد غياب اهو

ياللا سلااااااااام

ايوشة يقول...

مش هنتريق على الصورة ولا حاجة بس ليه بقى بتقول ملل اخرج يابنى انت بقيت فى اجازة طويلة واحدة ناجح زيك لازم يخرج ويشوف الدنيا ويفك من الملل

حنان الشافعي يقول...

الملل باب ربما نطرقه احيانا وربما يجد هو مفاتيحنا

تحفه الملل ده علي فكره
بيخليك تفكر كتيييييييير
والصوره لذيذه يعني نتريق ليه بقي
بتمثل الحاله النفساويه الداخليه لسيادتك
عموما ربنا يخرجك من الملل ده بسرعه قبل ما يقلب حاجه تانيه

اه صحيح نسيت اقولك

معزووووووووم عالتاج
ولو مش قبلت هزعل والله

محاولة لكسر الصمت يقول...

واضح انك مش لوحدك في موود لا يسمح بالكتابة...ربنا يفك عقدتنا كلنا...

صفــــــاء يقول...

الخنقه حاليا من الحر

romansy يقول...

اهلا يا عم كيمو
مالك بس يا كيمو
زهقت من رسم الوطن
انا بحاول ارسم برضه بس شكلى مش بعرف ارسم زيك

ترجعلنا بالسلامه
يا كيمووووو
ومتاخرش كتير

7annen يقول...

اللهم يفك كربك ويفرج همك

صلى كدا وسبها لربنا

حنين

الشعب لابد له من حكومه تشكمه يقول...

كيمو نسيت اقولك حاجه امبارح انا على فكره متابعاك من قبل معمل البلوج عندى وكنت بدخل اقرى وامشى بس كنت بقول ايه الواد ده؟؟ فظييييييييع؟ايه اللى بيقوله ده وازاى قادر يقول دا كله؟
ممكن اسالك فين راح الولد ده؟؟؟؟؟؟؟ ممكن اعرف انت وديته فين؟ وليه سيبته يختفى ؟
تقريبا من شهرين بالظبط وانا ملاحظه انه مختفى بس فيييييين مش عارفه؟
ياريت ترجع زى مكنت بشوفك زمااان,وبعدين ممكن تدينى سبب لحالتك دى؟ نتناقش فيها ونشوف هنقدر نغيرها ولا لا؟
لكن بلاش كيمو اللى كان عاجبنى وكنت بحسه قرد وبيتنطط وبيقول اللى جواه وطايح فى الدنيا ,بلاش تخليه يختفى وباديك.:)
بس كده..وانت حر ترجع كيمو اللى عرفته او تخليه مجرد شبح فى صوره.
مستنيه اشوف ردك.

رؤية يقول...

الف سلامة عليك من الملل والكابة

طيب دا من فراغ وللا من عدم تحقق مراد ما ولا ايه القصة بالطبط

عموما اتمنى ان تكون افضل دوما

لو قلتلك ليك تاج عندى
هاتاخده ولا هاتتخنق منه
عموما الامر اختيارى

تحياتى

kmt يقول...

السلام عليكم ورحمة الله وبركاته

هو تقريبا الجو مش مساعد على اي شيء
فالحاجة اللي الواحد مخنوق منها الحر وخاصة الحر مع الرطوبه
وبيبقى الجو عذاب

تحياتي
الى اللقاء

ريمان يقول...

ههههههههههههه



بجد دى صورتك بجد


الله اكبر


ههههههههههههههه


طب زهقان وعندك حاله ملل نزل بوست مفرفش كده مش تاخد اجازه وتغيب وتقول عدولى

لاء يا راجل اكسر الملل وتعالى

aidy يقول...

كله مخنوق كده

اكيد دى حالة عامة :D

ربنا يرزقنا بشوية مطرة تضيق حالة الزهق دى

انا بقي مش مخنوقة انا عندى برد

فمش بشارك كتير عشان معديكوش

dina يقول...

انا مخنوقة من ايه....و الله يا محمد يا اخويا مخنوقة من ناس كتير اوى متسمعش عن حاجة لونها احمر و بتجرى فى الدم...فعلا على رأى خلة القلة عالم معندهاش دم
و من غير تفاصيل بقى
بس انا كنت فاكرة انا بس اللى واخدة هدنة....طلعت الهدنة جماعية

Bola 7elmi يقول...

ممممم .. ملل ملل
هو الواحد بيمل كل دقيقه و بيحاول يفرفش نفسو يرجع يلاقي نفيو ملان اكتر من قبل
الحل :
انك تغير جوك .. لو قاعد فـ البيت انزل روح مكان مروحتوش قبل كدا او مروحتوش من زمان
متفكرش فـ الحاجات اللي بدايقك .. حاول تنبسط عيش اللحظه
روح صيف ..
حاول تعمل حاجه تكسر الملل دا



.

.


.


أنا بقى مش ملانه .. بس مكتئبه
سبب الكآبه .. مدونة دخلتها الله لا يوريك اللي قريتو هناك




سلاااااامي ليك :)

عمادخلاف يقول...

اتكلم قول ما تهرب حتى لوكنت مخنوق ما هتلاقى غير الكلمة هي اللى واخداك بعيد لعالم تانى جديد انته اللى بتعملة بتوجدة لنفسك بجد مدونة رائعة
ارجو التواصل
لدى مدونتين واحد للقصة والتانية للمقالات بحلم ببكرة
شكرا http://emadkhalaff.blogspot.com/

صوت من مصر يقول...

الشعب لابد له من حكومه تشكمه
اظن ان الفيرس خرج من عندك انتى على فكره فى الصوره 70 مليون مكان فاضى

صوت من مصر يقول...

شمس النهار
شموسه انا محرج لكنها حاله ولا اعلم هخرج امتى منها
وهبعتها بس ادينى فرصه

صوت من مصر يقول...

Soul.o0o.Whisper
ممكن اروق بس هاتيلى واحده كانز وبوريو
ده نصيب
والحمد لله على حالتك

صوت من مصر يقول...

ايوشة
باخد فتره نقاهه زى حضرتك
اوعى تنسى انك كنتى فى يوم اكتر من كده
بس حلو العفريت

صوت من مصر يقول...

حنان الشافعي
انا عندى ملل غريب يا حنان لدرجه ان عقلى واقف نهائى وبالنسبه للتاج متزعليش بس اخد نفسى

صوت من مصر يقول...

محاولة لكسر الصمت
بدعى معاكى

صوت من مصر يقول...

صفــــــاء
اظن القاهره حر موووووووووووووووووووووووت

صوت من مصر يقول...

romansy
يا رومنسى انا بحاول اعدل فى الرسمه بس كل ما بعدل فيها حاجه ترجع تقولى ارجع يااااااااااااااااااااااااااااااااااا
اصلى انا اسمى ياااااااااااا
لدرجه انك عارف انك فنان والفرشه تستاهلها وتستاهلك
ارسم يا جميل

صوت من مصر يقول...

7annen
حنين مفيش حد بينسى ربنا

صوت من مصر يقول...

الشعب لابد له من حكومه تشكمه
الى بتدورى عليه موجود لكنه عاجز عن كتابه اى سطر فى احلامه لانه فضلها عن الواقع لكنه ارتطم بحجر يسمى بدائره الزمن
اظن ان اى حد مكانى يقدر يقول الى كنت بقوله زمان او دلوقتى من غير خوف
دورى عنى هتلاقينى
مش شبح لا موجود لكن فى تفكيرى

صوت من مصر يقول...

رؤية
شكرا لسؤالك
بس التاج وصلنى من ناس كتير
هفوق واجاوبه

صوت من مصر يقول...

kmt
كنت بفكر افضل من اى وقت فى غز الحر
لكن انها ايام وزمان

صوت من مصر يقول...

ريمان
حاسس انى فى الصوره مكتوب نكته يا ريمان
فى ايه انا قربت اضحك معاكى

صوت من مصر يقول...

aidy
هرش المدونه بتاعتى ببنادول ونفولجين عشان البرد بتاعك
عارفه نفسى اجرى فى المطر واضحك وافرد دراعى لكنه الحر

صوت من مصر يقول...

dina
انتى دايما كده واخده هدنه
انا ممكن شهر بس

صوت من مصر يقول...

Bola 7elmi
بصى يا بولا
اسمعى منى
الكائبه دى مرض مصرى صميم ومش هيخرج مننا
لكن
اروح اصيف واخرج والجو
ده
اظن انى هبقى كداب على نفسى

صوت من مصر يقول...

عمادخلاف
عروستى

dina يقول...

ما عشان ماتزهقوش بقى و عشان بردو ألاقى كلمتين عليهم القيمة اكتبهم

بس ماتطولش...عايزين نقرالك جديد

مصعب صلاح يقول...

السلام عليكم

ليك وحشة يا غالي

كويس ان في هدنة مع نفسك

تقبل مروري

Sweet Violet يقول...

انا مش مخنوقة من حاجة
لكن انا مضايقة بجد من الحالة اللى انت فيها
v_v

Sweet Violet يقول...

كيمو انت تعرفkmt قافلة المدونة ليه ؟؟
ياريت لو ليك تواصل معاها تقولى
و ياريت هى لو شافت الكلام تعرفنى

فى ايه يامدونين بلوجر
مالكم بس

v_v

حاسوباتيه يقول...

والله مش بوحدك الي مخنوق

المهاجر يقول...

صورتك دى مرسومة ولا فوتو شوب بقى
وحشتنا ووحشنى تواجدك وأرائك

صوت من مصر يقول...

dina
دينا احنا مش بننسى بس العيد عن العين بعيد عن الفكر صح

صوت من مصر يقول...

مصعب صلاح
نتيجتك بكره اوك مستنى اسمع خبر حلو

صوت من مصر يقول...

Sweet Violet
بصى يا معلمه
البنى ادم لازم يفرح ويزعل ويخاف وكل حاجه
لانه بشر

صوت من مصر يقول...

Sweet Violet
هحاول اتواصل معاها

صوت من مصر يقول...

حاسوباتيه
بدونك لا تدوين
الوحيده الى مش معترضه

صوت من مصر يقول...

المهاجر
فوتو شوب انا الى عملها
وانت كمان اكتر يامان والله

العصفورة يقول...

صوت من مصر
السلام عليكم
أشكر لحضرتك جهدك الطيب بالموضوع
موضوع جميل
وإختيار موفق
خالص تقديرى