السبت، ٣٠ أكتوبر ٢٠١٠

هرسم وطن من تانى

السلام عليكم ورحمة الله وبركاته
فى يوم من الأيام ظهرت الفكرة على إيد (( صوت من مصر )) وكان الفكرة أساسها إن كل واحد يحلم بوطنه ويكتب اللى بيحلم بيه ويقول ياترى هوا نفسه يشوف وطنه إزاى .. وإستمرت الفكرة فترة من الزمان ولكن كان عدم التنظيم هوا السبب الرئيسى فى إنها تقف ومش تكمل على خير زى ما كنا بنحلم ساعتها
ودلوقتى عدنا من جديد بنفس الفكرة ولكن ...
مش هنرسم وطن الأحلام الوطن المثالى اللى مفيهوش عيوب
مش هنرسم ورود فى كل مكان وناس ماشية بتبتسم وعيشة هنيه ومستحيلة
مش هنرسم وطن تانى غير مصر
هنرسم مصر زى ما بنحلم بيها
هنرسم مصر
مصر وبس زى ما بنحلم بيها وزى ما بنتمنى تكون
لا أحنا إخوان ولا يساريين ولا تبع أى إتجاه أو أى تيار ولا أى فئة سياسية إحنا بنحلم وبس
محدش يسألنى ويقولى الحلم إمتى هيبقى حقيقة ...اكيد لما يخرج للنور هيبقى له شكله وهيبقى له معناه
إلى كل المشاركين فى الحلم :
أرسل البوست على الإيميل التالى :harsem.watan@gmail.com
وسيتم الرد عليك قبل النشر ب 48 ساعة
ودا رابط المدونة ...هنرجع إن شاء الله نكتب تفاضيل أكتر عن عودة الحلم عالمدونة
ودا رابط صفحة المدونة عالفيس بوك
ودا جروب المدونة عالفيس بوك
وأى إستفسار أنا حاضر لكم فى التعليقات
على وعد بإكمال الحلم ...
شاب فقرى
كيمو

هناك ٤ تعليقات:

ghada mOhsen يقول...

الله فكرة كتير حلوة

بحب أوي الأفكار إللي بتزرع روح حلوة في مُشاركينها ...

أنا إن شاء الله معاكم
وأنا عندي وطنيين فممكن أجمعهم في وطن واحد

بالتوفيق يارب
^_^

دعاء العطار يقول...

جميله الفكره يامحمد هى من ساعة ماخرجت وهى جميله

بس الاجمل التجديد اللى فيها

اننا نرسم وطن مصر مش وطن مستحيل يبقى مصر

نرسم الاحلام اللى احنا ممكن نحولها لحقيقه

حلوه اوووووى الفكره ... جوووو اووون وانا ان شاء الله معاكم

:))

شمس النهار يقول...

ياريت فعلا المدونة دي ترجع تاني

كانت فكرة قويه وجديدة

وفعلا التنظيم آفة اي شئ ماهي مصر ناقصها هي كمان التنظيم


مبروك رجوع الحلم الواقعي تاني

:)

richardCatheart يقول...

الله هو دا الكلام
جميل استمرو معاكم ان شاء الله

تسلمو يا رجاله ربنا يحميكم

كيمو شاب فقرى