الأحد، ٣ أكتوبر ٢٠١٠

حوده دنجل ( قصة لن تنتهى )


حوده دنجل
حوده ده اكتشفت انه اسطورة بجد
القصة تبداء فين تبداء منذ حوالى كام ساعة كده , سمعنا عنه وعن مغامراته واتحكالنا وووو , لحد ما العصافير بتاعت بطنى جالها بواسير , المهم وانا داخل بجد حسيت انى ياما فى الصين او اى بلد من بتوع تايلاند دول , دخلت واطلع من عمارة لعمارة ونفسى الاقى باب يقولولى فيه هو ده ادخل ادخل .
اتارى ايه بقى اتارى ان انا عبيط مش بعرف اكل سمك ولا حتة اقشر جمبرى , وانا الذى دوبت فى غرام الجمبرى بقشره وانا الذى عشقت السوبيا ( يسمى بالمصرى سبيط ) حوده دنجل بيه بعتلى كبايه بلاستيك كنت فاكر ان فيها تمر هندى طلعت SEE FOOD ومحدش يترلايق بقى
اكلت واكلت واكلت واكلت
سيبكم انتوا
حوده دنجل اصبح معشوق
حوده دنجل اتكلم عليه كل من حضر اللقاء التدوينى كله
حوده دنجل صاحب التنسيق المصرى للمطالبه بعدم اكل المعجنات
حوده دنجل هو اللى دخل موسوعة دنجل فى السمك
حوده دنجل يعنى الجمبرى بقشره يا معلم وانا مش بعرف اقشره
اجمد ما فى اللقاء
المهم
مش هكتب اسم اى شخص فى اللقاء عشان محدش يزعل
صور وبس
ولكن انا هقولها بالعلن
رجعت ادون تانى للناس بس مش هخاف مش هكون عبيط هكتبل اللى فى دماغى وبس واللى مش عاجبة يطرطر فى حمام مكتبة الاسكندرية التحفة موت بصراحة
الحمام اللى شاف مننا اجمل ربع ساعة

كيمو


هناك ٢٩ تعليقًا:

مصطفى ريان يقول...

ماشي يا عم غيظني بقي بالفوسفوريك اللي اتحرمت منه ..ناس ليها جمبري دنجل وناس ليها بيتزا الزعيم .. ارززززززززااااققققققق
لكن فين صوري اللي في الكاميرا بتاعتك ياعم انت ابعتهالي عل الفيس حتى
على فكرة كل ما افتكر افيهات وقفشات العربية واحنا رايحين بموت على نفسي من الضحك كانت بجد جامدة .. والرحلة كانت في المجمل حلوة .. وان شاء الله نكررها تاني
لك كل التحية يا اخي

أسمعنى شكراًً يقول...

ههههههههههههههههههههههههههه
بصراحة ياواد ياكيمو
أنت كدة برنس بس لازم تسيب البشر فى حالهم
وأبقى أدينى عنوان (حودة دنجل)
بليزززززززززز

غير معرف يقول...

نوررررت اليكس يا كيمو

أسمعنى شكراًً يقول...

أه نسيت وأبقى أبعتلى صور حمام المكتبة

Foxology يقول...

بألف هنا وتسلم ايد حمادة دنجل

تحياتى

richardCatheart يقول...

الحمد لله انك اتبسط انت والبنات

انا اتبسط اوى انى عرفتك ياكيمو والله

وكان لازم بادم جيت اسكندريه تمشى رحتك زفره والا عيب فى حقك ياراجل هههههههههه

نورتنا عقبال كل مره ان شاء الله

الحج ريتشارد بيسلم عليك كتييييير اوى

وانت سلملى على البنات

الصور جميله اوى تسلم يا كيمو

مي يقول...

كان يوم من احلى ايام حياتى بالرغم من لحظاته

انت رهيب معرفش ليه حياتك كلها حمامات
بس فعلا حمام المكبة روعة هههههههههههههههههه

شفت الصورة رهيبة الحمد لله انها جت على اد كده:)))))))

فاتيما يقول...

حمدلله ع السلامة يا كيمو

و عقبال كل مرة
ان شاء الله

Mohamed Gabriel يقول...

نورتواااااا اسكندرية زكل لقاء مدونين وانتوا بخير وحودة دنجل معلم والحمد لله ان الأكل بتاعوا عجبكوا

Hanan Elshafey يقول...

اهو دون اهووووووووووووووووووو
قلتلك
دون تعيش

غير معرف يقول...

الجمبري بقشره مقرف اوي :(

كل لقاء وانتم طيبين

تحياتي

الازهرى يقول...

م
طيب ما ترمى لصاحبك العنوان وتبقى كسبت ثواب فى عاشق قديم للأسماك؟

المجموعة اللى فى الصور دى تعرفت على بعم فى حفل توقيع أنا أنثى مع أبو عمير ة (كوارث) وبجد شخصيات جميلة جدا

واتمنى توصل اللى انت وصلت له ده للناس الللى امتنعت عن التدوين وكأن الكون اتهد

تحياتى دوما

محمد التركى يقول...

السلامو عليكم

كيموووو

المهم أنك أنبسط يامعلم
يبتاع حوده دن
هههههههههههه
ياراجل ده أنا اللى اسكندرانى أكلت عنده مره واحده وقولت فين الحمام
هههههههههههههههه


هو مش زى ماانته فاكر كده بس المهم انه عجبك

نورت ياكيمو بجد وانته من الشخصيات المحترمه اللى اعتز انى قبلتها وعرفتها واتكلمت معاها

تحياتى لواحد مخدوع فى حوده دنجل

محمـــد التركـــى

صوت من مصر يقول...

مصطفى ريان
يا جامد يا درش وكله كوم وانت بصراحة حد لذيذ قعد ياكل بيتزا ياعم فكك دونجل ده فسفوريك
بجد استمتعت معاك جدا

صوت من مصر يقول...

أسمعنى شكراًً
اسكت ياض

صوت من مصر يقول...

الحب الجميل
منورة باهلها

صوت من مصر يقول...

أسمعنى شكراًً
ماشى يا عنترة

صوت من مصر يقول...

Foxology
كان نفسى تكون موجود والله

صوت من مصر يقول...

richardCatheart
مش عارف اقولك ايه
بجد الحاج ريتشارد ده راجل راجل راجل
بس سيبك انتى فاتكو النص التانى من اليوم

صوت من مصر يقول...

مي
الحمامات دى فن
وكل فنان وله زوقه
نورتى كل اليوم
واللحظات
يا يويو

صوت من مصر يقول...

Mohamed Gabriel
الحمد لله اسكندرية منورة باهلها

صوت من مصر يقول...

حنان الشافعي
طبعا هدون

صوت من مصر يقول...

فتاه من الصعيد
اهو انا كدبت يا ناس

صوت من مصر يقول...

الازهرى
يا بنى ده سهل جدا بس روح واسال
كان نفسى تكون موجود

صوت من مصر يقول...

محمد التركى
عجبنى جدا والله
اسمك على اسم اعز صاحب ليا

صوت من مصر يقول...

فاتيما
تيكا يا طمطم
والله استمتعت جدا معاكم

mm يقول...

بحبببببببببببببببببببببك ومبسوطة انى شفتك وقضيت شوية معاك
وحشتنى وانت معايا ومكانش هاين عليا تمشى بس هنعمل ايه

بحبك يا اجمل مافى حياتى

KEBLAWYAT يقول...

ياااه

حوده جوندل .. مش دنجل


كنت مع بعض الاصدقاء فى زياره للاسكندرية ومكنش فيه مكان ناكل فيه

عدينا قعدنا ع الشط واكلنا .. مش عارف ليه الناس اللى عديين ع الكورنيش كانوا بيتفرجوا علينا :)

بس بصراحه كفاءه يعنى

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us