الثلاثاء، ١٢ أكتوبر ٢٠١٠

لو انت موز ( متحلمشى بشاكيرا )


صباحكم عسل اسود وطحينة " ولا الحاجات دى بقت غاليا "
تخيل نفسك موز
واحلم كانك موز
ثابت فى الارض مكانك بس موز
كل الحيم قصادك بس انت اللى موز
( لما كتب الكاتب القصيدة العظيمة دى كلمة موز تعنى ذكر الموزة اللى هى البنت ال............ حلوة ........... صاروخ .......... طلقة )
المهم يا سادة يا كرام وانت موز تلاقى ايه بقى
1- البنات كلها بتبصلك بصة موش تمام
تبقى راكب المترو وهوبا هوبا تلاقى موزة واقفه مع واحد وعمالة تبص عليك من تحت لتحت نظرات واحيانا بتكون نظرات من تحت النظارة الشمس الريبان ام 7 ونص من قدام محطة مترو الجيزة .
2 - الشباب السيس اللى هما ( حونينين ) بيعاملك كانك مش موجود
تلاقى الشاب من دول واقف فى نص الشله صوته واطى ومحدش سامعله حس فجأة كده تلاقى الواد ده واقف مع واحده على جنب وبيتكلموا تقوم انت تعمل فيها اهبل وتروح تسألهم بتعملوا ايه البنت تقولك " مفيش بس هو بيسألنى عن واحده " وتلاقيه بيبصلك بصه مرات الأم وفى الاخر الواد والبت دول فجأة بقوا انتيخ وانت زى الاهبل ولا فارقه معاك .
3 - لو سافرت بلدك فى اجازة لمده يومين هيعاملوك على انك اجنبى
معاك موبايل ولابس ومتجنيل وحاط كالونيا 99999999 وماشى مع ابن عمك وهو لابس الجلبية البلدى اللى لونها بنى والواد ماشى بيمنظر بيك قدام موزز القرية اللى هما مش بيبصوا عليه بيبصوا عليك انت لانك اجنبى بقى مش من حداهم مع انهم ميعرفوش انك لا مؤخذا بيئة وحشاش كمان بس المنظر يا حيلتها بقى .
4- لو قابلت واحده موزة بتقول عاتيف ( عاطف )
البت دى ايه بقى فاكرة انها لقت واد وموز ومعاه فلوس واهبل وعبيط والحاجات دى كلها وتلاقيها فجاة تقولك فى التليفون ادينى مامتك اكلمها تقولها لا تقولك اخواتك تقولها لا تقولك يبقى انت موش عاوز تخطبنى بقى لو قولتهلها ايوا تقولك شكرا يا اعز صاحب لو قولتلها لا انا هخطبك والحاجات دى تقولك طب هجيبلك خالى تقابله وتروح تلاقى خالها واحد تباع ميكروباص وادبست يا معلم والواد ده كان ماشى معاها فى الاشاس .
وكده تبقى حققت نظرية الموز بلا موزة
ولو معاك موزة فتخيل انها ممكن تغير عليك من شاكيرا اللى هى عمرها ما هتبص فى وش امك العكر .
شاكيرا شاكيرا

هناك ١٢ تعليقًا:

ghada mOhsen يقول...

ههههههههههههههه
بوست مسخره والله ...

مليان قشر موز كده وبيزحلق
:)))

.............
إذا عايز الحق ... نوعية الأولاد إللي إنت كاتب عليها دي ... عمر مابنوته عاقله تبصلهم ... ^^

وفي عربيات المترو المختلطه فعلا الواحد بيشوف حاجات غريبه مريبه
ده طبعا قبل ماكتشف عربيات السيدات أحلى إكتشاف والله :)))))
.............
وبعدين شاكيرا مين بس زمنها خلص .. دلوقتي البلاوي المنتشره على ميلودي والذي منه ...
...........
صباحك طماطم
مع إنها غاليه برضو
^_^

غير معرف يقول...

بوست سخيف.
^_^

صباحك موز بدل الطماطم، فالطماطم غالي والغالي بنهديه للغاليين بس.

الازهرى يقول...

صباح الصباح على اللى جه واللى راح

خد من ده كتييرالأيام دى وبكره هيكون أكتر وأكتر وأكتر


تفتكر ليه ؟

richardCatheart يقول...

هههههههههههههههههههههههههههههههههه

ههههههههههههههههههههههههههههههههههه

Foxology يقول...

بوست الحقيقة ساخر جداااا

والله تصدق فكرتنى بمواقف كتيرة بشوفها فى المترو من نفس النوعية دى ؟؟؟

يلا ما علينا

تحياتى

Hamdy يقول...

بوست موز موز خالص يعني :D:D

تحياتي
حمدي -> واحد وخلاص

أسمعنى شكراًً يقول...

هههههههههههههههههههههه

خيالك أوسع منك ياواد

هههههههههههههههههه

مسخرة

أسمعنى شكراًً يقول...
أزال المؤلف هذا التعليق.
غير معرف يقول...

هههههههههه

ده الحكد المززي على فكره :))

تحياتي

غير معرف يقول...

على فكرة البوست جامد جدا وكل كلامك عاقل وبيدل على عقلك المتفتح
انت مش عيل سيس زى اللى بيعلقوا بالتعليق والاتنين ويعملوا احتلال ده شغل مصغرة
السخيف بقى اللى بيعلق المرة دى والمرة اللى فاتت بقوله لو تسمح ياريت تبطل سخافة وتنتبه لمذاكرتك احسن
وبلاش تتحفنا بأرائك الغلسة
شكرا لك يامحمد وبجد شاكيررررا شاكيرررررررررا :))))))

غير معرف يقول...

صباح الفل

غير معرف يقول...

لا موز موز