السبت، ٢٨ أغسطس ٢٠١٠

ميت


بعيد عن اللقاء نهائى
اولا بدون اى مقدمات رخمة ومملة الموضوع وما فيه انى انا ميت
ميت جوه تابوت جوه كفن تحت الارض فوق الارض فى اى مكان ادينى ميت
وعشان اموت لازم احس بطعم لذة الموت بجد
ولذة الموت ايه هى
انى اموت وانا راضى بانى ميت واللى جنبى حاسين بده
ولكن شعورك ايه وانت ميت ده اهم شىء فى الموضوع
شعورى كالاتى
بقيت بنام رجليه مقلوبة كما الخفاش
بقيت بحس بطعم المر والحلو فى نفس الوقت
فى عز جرحى على الفراق برتاح نفسيا من اهاتهم
مات منى شعور الخوف بانى هكون فى يوم ميت
مات احساسى بالحب الفظيع
رامى حمولى وهمى فى صندوق نحاس مدفون معايا
اهتم بما هو مفيد وليش اى شىء ينرج تحت البشرية
بنسى حدودى بان لى ارض معينة فانا ميت ساكن لا اتحرك
ارفض الطعام الساخن الذى لا افضله فى الحياة
ولكن توحشنى قهوتى البارده
شعور اتمنى ان يتحقق

هناك ٩ تعليقات:

مي يقول...

لو كان على القهوة مفيش مشكلة عندى دى
بس بلاش الموت نا بخاااااااااااااااااف
بعد الشر عليك ياكيموز

ساسو يقول...

ليه كده بس
ليه الحزن والاسي دا كله
ربنا يديك طولت العمر
ويبعد عنك كل شر

dodda يقول...

الله يرحمك
ويوسع عليك
والعزاء الوحيد انك
مش لوحدك
الميتين كتييييييير

قوس قزح يقول...

ميت يا كيمو ؟
بعد يوم امبارح راجعت تكتب ميت ؟
ده الواحد بعد اللى شافه فى المستشفى و الاطفال مرميه على السراير عمرهم لا يزيد عن شهور
يقول الحمدلله على رحمة ربنا بينا اننا معافين و مرتاحين
صدقنى شوف حال غيرك ..هتلاقى ان رحمة ربنا بك كبير اوى
عارفة ان كلامك عن حالك صعب
بس انت لسه فى اول الطريق
شوف الدنيا حلوة و حاول تعيشها كانها جيم بلاى استيشن صعب لازم تكسبه ..و انا عارفة انك شاطر فى الحاجات دى :)

dr.lecter يقول...

الصور بصراحه كانت جامده التنين وعجبتني ده الشله كلها كانت هناك ياجدع ايه بس اللي خلاك تخنق نفسك

شمس النهار يقول...

لازم طبعا تكون ميت

علشان انت قلت لي يوم السبت اللي قبل اللي فات انك هتكلمني بعد بكرة وفات ميت بعد بكرة

والحمد لله اطمنت دلوقتي عليك

اهو ميت يبقا هتكلمني ازاي

:))

engy يقول...

الموت ماكلنا ميتين فعلا
بس سيبها على الله

ghada mOhsen يقول...

هلا كيمو ...

يعني أنا أغيب أغيب
وارجع ألاقيك ميت
ينفع كده
:))

بعد الشر
وربنا يحسن خاتمتنا جميعا

وعندك واحد قهوه لكيمو وصلحه

أي خدمه
^_^

شمس النهار يقول...

كيمووووووو

اروح عند الناس الحلوة بتوع تجمع يوم السبت الاقيهم كاتبين انك كنت موجود

طيب
بقا بعد ماكنت مع الناس الحلوة الجميلة دي اللي همه احسن ناس في التدوين

ترجع تكتب الكلام الغريب ده
انا مالقيتش اسم واحد فيهم سواء بنوته او شاب
او الكبار ممكن يضايقك
كلهم ناس زي الفل

راجع تكتب ليه كده
بجد انا زعلانه منك ياكيمو

ولو كنت اخدت بالي من تعليق داليا قوس قزح

كنت كتبت ده من الاول

كيمووووووووووو
ارجع لعقلك

:))

ومش تحياتي