الثلاثاء، 10 أغسطس، 2010

اى عبط


غمضة عين طفل صغير ........ على اذان فجر بيدن
غمضة عين شاب عجوز ......... على وطن بيصغر
غمضة عين وغمضة عين ....... وكلنا هنغمض
هنغمض على كل شىء
هنغمض وخلاص
وبما انى مغمض
اذا فليكن ما يكون
كتبت عن كل شىء
وحبيت كل شىء
ورفضت كل شىء
وما يبقى شىء الا لو هو شىء
فشلت
بعترف بيها
بحكيها برسمها بكون معاها
انا فشلت
فشلت
وبتمنى ان صاحبى يحلم بحقيقة صافية
حقيقة العالم الموجود
الكبير بياكل الصغير
والصغير بيهرب بين سور قافل عليه جوانب الحياة
ومن الاخر بتمنى الموت قبل ما افكر فى اى عبط
رمضان كيمو

هناك 20 تعليقًا:

أيوووووشة يقول...

كيمو كل سنة وانت طيب
رمضان كريم يابنى عيش كل لحظة فيه وسيب اى حاجة على ربنا
انسى الاحباط وانسى الاكتئاب وانسى حتى حال البلد
ربك بكرة يعدلها باذن الله

Foxology يقول...

كيمو رمضان كريم وكل سنة وانت طيب

ابدأ رمضانك وادعى ربك انه يزيل الهم والغم ونفوق قبل فوات الأوان

تحياتى

شمس النهار يقول...

ايه يابني ده
ده مش اي عبط
دي صرخة
في كل اتجاه

ماعلينا
كل سنه وانت طيب

رمضان كريم

فتاه من الصعيد يقول...

كل سنه وانت طيب

بس حد يشوف رحمات ربنا في رمضان ويكتئب

رمضان كريم

romansy يقول...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم

أسمعنى شكراًً يقول...

رمضان كيمووو

ألا بالحق أجيب مكرفون وتقعد تول ول فية شوية يمكن ترتاح وبصراحة أنا زعلان علشان الأسفلت والنضارة

همس الاحباب يقول...

*كما تعودنا منك على فعل الخير
ندعوك للمشاركة فى يوم خير جديد
التفاصيل هنا
http://kouskoza7.blogspot.com/2010/08/blog-post_12.html
و هنا
http://hams07.blogspot.com/2010/08/blog-post.html

ساسو يقول...

ربنا فرجه قريب
طول ما انت انسان جميل
وبتراعي ربنا
قلبك هيرتاح
هتعيش في افراح
هتنسي لحظات الهم
وهتقول للحزن خلاص

ربنا يفرح قلبك
ويديك كل جميل

just waiting يقول...

كل سنة وانت طيب ياكيمو
رمضان كريم

engy يقول...

كل سنه وانت طيب
رمضان كريم ادينا بنحاول نستغل كرمه

صوت من مصر يقول...

أيوووووشة
ربك يعدلها بس مش بعرف انسى

صوت من مصر يقول...

Foxology
نعمل ايه تانى غير الدعوة يا معلم

صوت من مصر يقول...

شمس النهار
لو صرخة تبقى صرخة عبيط
ولا ايه

صوت من مصر يقول...

فتاه من الصعيد
الشهر ده مفترج ولكن ربنا عالم باللى جوه القلوب

صوت من مصر يقول...

romansy
وانت طيب يا احمد

صوت من مصر يقول...

أسمعنى شكراًً
انتى غبى

صوت من مصر يقول...

همس الاحباب
ربك يدينا عمر

صوت من مصر يقول...

ساسو
قولى يا مسهل

صوت من مصر يقول...

just waiting
وانتى بخير

صوت من مصر يقول...

engy
فعلا بنحاول بس