الاثنين، 16 أغسطس، 2010

بما انك مصرى اذا


للاسف اصبح الكثير من سكان المحروسه يتلون ذلك الدعاء الذى لا اعتبره سخيفا بقدر ما اعتبره واقع
وهو دعاء
ليه ياربى مخلقتنيش فى اى وطن تانى انشالله كوكب البهظى
بجد ليهم حق لانى انا لو مصرى فامتلك ميزات كثيرة عن باقى الدول اولها انى مش مطمن على مستقبلى لان معنديش مستقبل فى البلد الغريبة دى ومستقبل ايه اللى هفكر فيه وانا مش لاقى حاضر والماضى اسود والبلد حالها غريب والناس مش حاسه باى حاجه هحس انا بقى بايه ده حتى الظلم مش حاسين بيه مستنين منى انى احسن "" صعب ""
تانى ميزة
اكتشفت وعرفت وسمعت من ناس كتير ان مصر اكثر الدول تدين على مستوى العالم بل واكثر من السعودية فشعبنا يؤمن بالدين بطريقه كبيرة جدا وده حلو لكن ده الشعب بس لكن الحكومة بتاعتنا متعرفش يعنى ايه دين والغريب فى الشعب ده انه بيحاول يجمع حسنات لكن من غير تفكير وربنا مش عاوز كده فمثلا بلاقى الكتير يتابعوا بعض الشيوخ الذين يفضلون الترالملم من الاخر شيوخ الفلوس اللى بحس بكلامهم انى كافر وايضا الرسايل بقى بتاعه ابعتها لمليون تاخد 15 حسنة والاقى الرسالة ان واحد شاف فى المنام النبى ( ص ) وبعدها مات وهو لابس ابيض فى ابيض والشاب ده اندونيسى او من اى قطران واحنا مالنا احنا مش جهلة جدا اننا نصدق اى عبط
تالت ميزة
انك مصرى ايوة مرفوض فى ادول العالم لانهم ارفين انك لو رحت هناك حتى لو سياحه مش عاوز ترجع وبصراحه ليهم حق
رابع ميزة
انك تنضرب وتقول " كمان " اصلك متكيف
خامس ميزة
انك تلاقى الشاب ماشى بيعاكس اى بنت حتى ولو لابسه لبس كشافه وكمان احنا دايما نقول البنت اللى مش محجبة دى مش محترمة طب منين عرفت الله اعلم
سادس ميزة
انك دايما بتقول امين على الحلو والحوش مش فاهم اى حاجه
للاسف
انا واحد من الناس اللى ندمانة من انهم مصريين
مش الكونغو ارحم
بجد انا متكيف وكلنا متكيفين ولا ايه
وعشان انا مصرى اذا
مكتئب

هناك 20 تعليقًا:

مي يقول...

مكتئب بسسسسسسسسسسسسسس يا رااااااجل ده جنون ولومباجو وهبل فوق الجبل

البلد دى خلالالالالالالالاص راحت عليها ومينفعش كلام اذا كان رجال الدين الكبار اوى مش بتوع الفضائيات مبقاش عندهم اى مصداقية
فمااا بالك بقى
البلد دى بطييييييييييخ
احنا عايزين كوبا وتشى جيفارا
ماتيجى؟
ولا اقولك رمضان كررررريم

ساسو يقول...

اكتئاب ايه
دا حالنا ميسرش عدو ولا حبيب
بجد بقي زمن غريب
يالا ربنا معانا
انت بجد بتقول كل اللي جوانا
واللي ناس كتيره كتماه جواها مش عارفه تطلعه

كل سنه وانت بخير

الازهرى يقول...

لأ
مصر أرحم ألف مرة سافر وإنت تعرف
وكمان تفتكر المستقبل فى إيد مين علشان نيأس بالشكل ده
مستقبلك بإيدك ومن حقك
انحت فى الصخر لحد ما تقدر تأخده من عين التخين
دى حياتك ارسمها بنفسك ولنفسك

تحياتى دوما

still-searching يقول...

واخر ميزة فعلا
ان الشعب كله مكتئب
عشان كده تلاقي كل واحد ماشي شايل حمل وهموم الدنيا كلها على ضهره مخلياه ماشي باصص في الارض ومش بيفكر في اي حاجة

وهذا هو المطلوب اثباته

للأسف انت مصري....واقع مفروض عليك

فتاه من الصعيد يقول...

معلش

هي دي مصر بقا :(

بس بلاش اكتئاب

تحياتي

شمس النهار يقول...

ياربنااااااا

مكتئب ده عادي جدا
ايه الجديد

عارف الجديد اني الاقيك كاتب بوست انك مش مكتئب لمدة 24 ساعة


:)))

dr.lecter يقول...

هنطلع كلنا ونسيبها باذن الله
نسيببها لهم فاضيه

dalia يقول...

لأ
بلاش اكتئاب والنبي انا مصدقت اتخلصت من جو الوحدة، رمضان كريم بس حلو لبس كشافة ده انت عندك حق في حاجات زي الجو الخنيق اللى بقينا عايشين فيه بس لغاية امتى حنفضل ننتقد ونعيش من غير ما نغير حاول تنتقل الى مربع كن ايجابي اعمل حاجه مختلفة غير الانتقاد والتفكير في انك تهاجر

سامح تقصيري في متابعة مدونتك وكل سنة وانت طيب

أسمعنى شكراًً يقول...

كيموووووو أمانة عليك لما تسافر الكنغوووو أبقى هاتلى بجنية ونص لب عصفير أصل مصر بتستوردة من الصين وبقى وحش أوى

engy يقول...

والله عندك حق مبقاش لللحياه اى معنى
ده الكتئاب ده اضعف اليمان فى الحاله دى

صوت من مصر يقول...

مي
كوبا على الاقل الشعب ليه حق فى الصوت بتاعه يلا بينا

صوت من مصر يقول...

ساسو
بجد شكرا بس لانى مش كاتب او حد من فوق لا انا من حارة

صوت من مصر يقول...

الازهرى
مش عاوز رحمتها خلاص
عارف اسال نفسك بجد انت عملت ايه صح

صوت من مصر يقول...

still-searching
نعم انه واقع مفروض وكرهته بجد

صوت من مصر يقول...

فتاه من الصعيد
بلاش اكتئاب على اساس انى مواليد هندراوس مثلا

صوت من مصر يقول...

شمس النهار
ههههههههههههههههه
انسى يا مامتى

صوت من مصر يقول...

dr.lecter
هخرج بالبنطلون بتاعى لو سمحت

صوت من مصر يقول...

dalia
اولا وانتى بخير وسلام بس اعمل مربع ايجابى ازاى
ولو عملته ادخله ازاى
ياعم سيبك

صوت من مصر يقول...

أسمعنى شكراًً
والله هاخدك معايا

صوت من مصر يقول...

engy
قشطة معايا كده يا انجى نهج بقى