الجمعة، 23 يوليو 2010

مصر عاوزة تقولهالك


مش عارف ولكن
صلب الموضوع انى عاوز اشتم ولكن باحترام وبادب
استمع الى منير حينما يحدث مصر قائلا "بعتب عليكى "
فهل منير حينما ردد تلك الغنوة المهوله كان يعرف ماذا يحدث فى زمن مبارك ام ......
للاسف افتقد الان الى معاتبة مصر نظرا لحبى لها فلا استطيع النظر فى عيون الشوارع المليئة بالاعتصامات والوقفات ان كانت صامتة او متحذلقه او حتى من اى نوع على كل الاشكال ...
ولم لا هل لاننى بشر فقدت اهليتى
ام لاننى افتقد لمعنى وطنى حبيبى الوطن الاكبر
ولكن الان وبشده سانده على اكتئابى ليدلنى على الطريق
يدلنى على طريق حب الوطن الذى لا امتلك سواه داخل قلبى المتعجرف العجوز المقهور من زمن شاب فيه الاطفال وقتلت الانوثة ومات الرجال قهراَ وانا واحد منهم ولكنى على حافة الموت حافة موت لا يعرفه الا كل مصرى فقير من حب الوطن
اين نحن من الفساد ....... ما نحن الا بعض من المنهكون من فساد الغير
ياريس ياريت تفتح اى قناة محترمة وتفكك بقى من اللى انت فيه وتفكك كمان وكمان من العساكر
دى بهية طهقة منك
جلبية لونها اسود فى حياتك وتلبس فستان الفرحة يوم مماتك
لما بقرى اخبار كل يوم بحس انى مش على الكرة الارضية اللى فيها فرنسا وامريكا والعراق وفلسطين والاردن وتونس وكوريا والصين والاكوادور .......................
بحس انى فى كوكب البهظى
للاسف بجد يا ريس
توكاااااااااااااااااااااا

هناك 27 تعليقًا:

z!zOoOo يقول...

المشكله يا محمد اني حاسس نفسي تايه

نفسي اعرف اخر الطريق ده إيه

ولا اخرتها هتوصل ولا هنوصل لفين

ربنا يستر

:(

غير معرف يقول...
أزال أحد مشرفي المدونة هذا التعليق.
MR.PRESIDENT يقول...

مش هقدر ارد الا بكلمات لشاعر

بوابة تفتيش على بابك

كل ما احَاول أعدى تزمر

وبتتشرط

.وبتتأمر

أرَجَع أدَور تاني وأدور

وكل ما أعدي برضه تزمر

دب أدي الساعة

وأدي حزامي

وآدى بطاقتي

والنضارة

وآدى عنواني

وكل حَكَايَتي

وآدى أمارة

حتى الفكة الباقية في جيبي

والأشعار

والمحفظة مفيهاش غير صورتك

ليل ونهار

كل هدومي

زي ما نازل من بطن أمي

من غير حتى ورقة توت

وكل ما أفوت

البوابة برضك تزمر

ولما لمحني

واحد طَيب م الحراَس

وقَاللي اسْمَعني يا ابن اَلَناس

إرمي الحته الحلوة في قلبك

وعَدى
والبَوابَة عمرهَا

ما تزمر

علي سلامة

Foxology يقول...

محدش عارف بكرة فيه ايه والكل مترقب وخايف والله اعلم ايه اللى جاى

تحياتى وربنا يصبرنا

ساسو يقول...

موضوعاتك جميله جدا
واجمل ما فيها انها كلها هادفه
بتتكلم عن واقعنا المؤسف
بجد مش عارفه لسه باقيلنا ايه
ربنا معاك ومعانا

الحب الجميل يقول...

صباح الخير
ربنا يسترها معانا يارب
كله فى علم الغيب الذى لا يعلمه الا الله وحده ومش عارفين اخرتها ايه
ربنا يستر وعانا ان شاء الله
دمت فى حفظ الرحمن

حنان الشافعي يقول...

:)

حلو كده

:)


برافو

فتاه من الصعيد يقول...

ربنا ياخدهم كلهم :(

تحياتي

richardCatheart يقول...

كيمو هو لسه هايفكو مافيش وقت
ماخربها وقعد على تل اللى جبوها

ربنايستر وبهيه ماتلبسش الجلابيه السوده دى لغايه ما القيامه تقوم

engy يقول...

زمن شاب فيه الاطفال وقتلت الانوثة ومات الرجال قهراَ وانا واحد منهم ولكنى على حافة الموت حافة موت لا يعرفه الا كل مصرى فقير من حب الوطن
بجد انت فعلا عنك حق
بس احنا ساكتين وراضيين
خلاص يعمل اللى نفسه فيه

dodda يقول...

واضح ان السن له حكمه..
يعنى الراجل سمعه تقيييييل وانت صوت من مصر
يمكن لا زم مصر كلها تصوت وتلطم

خواطر شابة يقول...

سؤال من فضلم ما معنى كلمة توكا
مع ودي

صوت من مصر يقول...

z!zOoOo
هنوصل لايه او لفين ده ايه الامل ده
كلنا تايهين

صوت من مصر يقول...

MR.PRESIDENT
كلامه كله حقيقه

صوت من مصر يقول...

Foxology
ربنا هيصبرنا على ايه ولا ايه ولاولاولاولا
ربك يسترها

صوت من مصر يقول...

ساسو
عارفه بقيلنا اننا نكون رجالة بجد
اننا نكون عايشين الواقع
مواضيعى مش هادفه او جميلة
مواضيعى هو ما يكنه قلبى وصدرى

صوت من مصر يقول...

الحب الجميل
ومش هنعرف
استحالة

صوت من مصر يقول...

حنان الشافعي
شكرابحد

صوت من مصر يقول...

فتاه من الصعيد
ادعى فى رمضان
يمكن ربك يسهل

صوت من مصر يقول...

richardCatheart
يبوم القيامة اللى انا حاسس انه بقى على الابواب

صوت من مصر يقول...

engy
دى نظرية اخوفك تسكت يا انجى
معروفه

صوت من مصر يقول...

dodda
وانا اتهريت صويت

صوت من مصر يقول...

خواطر شابة
ودك معاك
توكااااااااااااااااااااااا دى كلمة عيب

just waiting يقول...

noooooo comment

صوت من مصر يقول...

just waiting
ليه ؟؟؟؟؟؟؟؟؟؟

ساسو يقول...

فينك
متغيب ليه
رمضان كريم
كل سنه وانت بخير

(green eyes) يقول...

رمضان كريم
كل عام وانت بخير