الجمعة، ٩ أبريل ٢٠١٠

مصر


على قد الحال قالو ميال لحبك
قالوا عطشان لنيلك
قالو زعلان لاهلك
قالوا ومها قالوا ........ ميكفيش حبى ليكى
اتقال عنك مواوويل واتقال عنك اشعار
وفى الحقيقه اتنسى الشارع وسوق الخضار
وفى السراب معروف اللى اكل وبياكل الكفيار
والفول واللحمة وضرب قتل فى عز الزحمة
يقولو ومها قالوا عنك مش هيكفى حبى ليكى
اتقال عنك صبية وبهية ومليان حنيه
اتقال عنك جميلة ونيلك اجمل
ويوفيلك كل اللى شاف عرقه بيجرى فى سراب نيلك
نشرب من قله وراها شربه من قله
وانتى اتنسيتى فى ظل ظلم القلة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اظن لما اننا عايشين فى وطن يشبه حكمة بفترة الاحتلال الانجليزى لمصر فده شىء مش طبيعى
وان الحكومه عارفه انها مكروها بشده وبرضه بارده مش طبيعى
ولما الاقى حد بيجملى فى مبارك اقولك لا مؤخذا " خوخ "
بلاش تكرهونا فى نفسنا
بلاش تجبرونا اننا نكره بعض " مع ان ده صعب "
اتذكر فيلم عودة الابن الضال ومشهد النهاية
ـــــــــــــــــــــــــــــــــــــــــــــــــــــــــــــــــ
بجد فرحت انى روحت اللقاء بتاع ابو الريش ومش هجيب اسم حد عشان محدش يزعل
كيمو


هناك ٣٢ تعليقًا:

رحلتنا في الحياة يقول...

يقولو ومها قالوا عنك مش هيكفى حبى ليكى

جميلة :)

Unknown يقول...

هو انت كنت موجود قبل الاحتلال ولا ايه

ستيتة يقول...

مصر ها تفضل غالية عليا
للأسف حبها مش اختياري ولا بالمنطق
ده وشم جوا القلب

dr.lecter يقول...

الشارع لنا

الشارع لنا واحنا لوحدنا الناس التانيين ماهمماش مننا
دول ناس اناننين

Hanan Elshafey يقول...

عيب لما تشكرني
احنا اخوات
يارب تكون بخير

دعاء العطار يقول...

على قد الحال قالو ميال لحبك
قالوا عطشان لنيلك
قالو زعلان لاهلك
قالوا ومها قالوا ........ ميكفيش حبى ليكى

حلوه اوى يامحمد

روضة الحقائق يقول...

انا جيبلك فروعون بيتفرعن من مؤلفات الشاعر حسام خليل
لكن فرعون

بيتفرعن
ولسه بردو مع إنه
غرق في البحر
ولكنه بيتفرعن
عشان فرعون بيتفرع
فِضِل فرعون ومش لاقيين عصا موسى
وست الحسن خلاص مبقيتش محروسة
عشان السحرة اللي بيحاربوا النبي موسى
وبيخلوا عيون الناس تشوف الصورة معكوسة
دا حتى البحر لما رمالهم الجثة
وخدعوا الناس وقالولهم ياناس لسه
دا مش تَِعبان ولكن جثته حية
وصورته أهيه بتتحرك على الميّه
وسيرته أهيه وأيام الرخا جيّه
وسيرة الحق جوه البق بتمرر
وهاتوا الكدب هنصدق وهنمرر
عشان الجسم متحنط ومتخدر
صور تماثيل لا بتنطق ولا تفكر
مرارة الصدق ولا الكدب ايه يعني هيتغير
عصا فرعون هتفضل مش هتتغير
ولو نايم عصى فرعون يقوم الصبح متشحور
يشوف الحلم في الإرسال وبعد دقيقة يتشفر
ورغم السحرة أوراقهم بقت مكشوفة مفقوسة
لكن بالخوف على الفتافيت نقول ع المش بسبوسة
وعز الليل نبص نشوف نلاقي الشمس شموسة
نقول آمين ورا الضالين وكلمة حق نخروسة
ننام ونقوم وأرواحنا ف خانة اليك محبوسة
ما دام الذل لقمة عيش على المكشوف وبالكوسة
هيفضل فوق يعوم ويدوس ولو هنموت من الدوسة

فضل فرعون ومش لا قيين عصا موسى
وكل اللي عصى موسى فضل فرعون
وربك يا برادعي لمصر
يكون في العون

Tears يقول...

الصورة اللى مع البوست هايلة

غير معرف يقول...

لولا حب بعض الناس للبلد دي ... كانت فطست من الفساد

تحياتي

أسمعنى شكراًً يقول...

والله كلامك على حق

دى حكومة بتدق

أسف على الألفاظ الخارجة والداخلة والفرافرة وسيوة وأللى منا وسلااااااام مربع لكيموووووووو

صوت من مصر يقول...

احاسيس آيوشه
شكرا يا اوشه

صوت من مصر يقول...

العيسوى الصغير
يمكن اتقالى كده او اتحكالى

صوت من مصر يقول...

ستيتة حسب الله الحمش
ده وشم جوه القلب
مش لاقى تعبير اكبر من ده يا دكتور

صوت من مصر يقول...

dr.lecter
لا المشهد بتاع الموت
افتكرهع كويس
بس اظن ان على وصل للوطن زى ما وصل الفيلم
نورتنى

صوت من مصر يقول...

حنان الشافعي
مش عيب
احنا فعلا اخوات
انا الحمد لله بخير

صوت من مصر يقول...

دعاء العطار
اقولك عن جد

صوت من مصر يقول...

روضة الحقائق
سبحان الله
فرعون جاله نبى ولكن الرسول كان اخر الانبياء من سينقذنا

صوت من مصر يقول...

Tears
اظن ان البوست محتاج تعليق

صوت من مصر يقول...

فتاه من الصعيد
حاولى تفهمينى معلش اص انا صعيدى

صوت من مصر يقول...

أسمعنى شكراَ
يا ابنى احترم نفسك

Kiara يقول...

حبها ساكن القلب ومش بيطلع

غير معرف يقول...

العزاء متأخر لكنه واجب
البقاء لله...

وربنا يجعل مثواها الجنه


ويارب ما اعزيك فى مصر بقى اصل الانتخابات قربت
على فكره لسه عندى امل كبير اوى فيك بلا سبب معلوم حتى الان
انت بس بتفكرنى بجمال عبد الناصر اللى طلع من وسط الشعب وبقى زعيم


ربنا يكتبلك الخير ويوفقك

dodda

ghada mOhsen يقول...

أنا عندي بلدين بحبهم كتير .. مصر .. وبلادي اليمن .. والإتنين فيهم مايكفي من العيوب بسبب حكامها طبعا ..

بس ده لايمنع إني بحبهم كتير ومستعده أعمل إي شي عشان نعليها لفوق ...

حبيت كتير كلماتك .. بجد تسلم ...
...........

إن شاء الله في لقاء تاني أتشرف بمعرفتك ...

... ;) ,,, ;) ...

just waiting يقول...

جميلة قوي ياكيمو
استمر كدا
وربنا يوفقك

just waiting يقول...

جميلة قوي ياكيمو
استمر كدا
وربنا يوفقك

amr elsharqawy يقول...

بص ياعفريت احنا عايزين نتكلم بس مش على النت
عايزين ننزل الشارع المصرى ونقول حقنا ياحكومه
لو تخب انا معاك
ويله علقه بعلقه وكملت
اتعودنا على كده

صوت من مصر يقول...

كيــــــــــــارا
ولا حتى لو جبتله بتاع ناى وقعد على الارض زى بتوع التعابين الهنود

صوت من مصر يقول...

dodda
ونعم بالله
ولكن لا تعليق لما تكتبيه نظرا لانى اصغر من ذلك بكثير

صوت من مصر يقول...

ghada mOhsen
انشاء الله نتقابل فى اى لقاء ولكن
هل اليمن ومصر واى دوله تقع تحت حكم ديكتاتورى تحلم ان يكون لها الحق بدون الصوت
اظن من حقنا نتكلم ونحلم ويبقى لينا صوت
نورتينى كتير

صوت من مصر يقول...

Just waiting
كيمو يكره الملل
لا تنتظرى الكثير من ذلك

صوت من مصر يقول...

amr elsharqawy
وانا كمان معاك
بس انا بسقف وانت سقف معايا

غير معرف يقول...

ههههههههههه

لسه قاريه ردك دلوقت

عموما اصقصد ان لولا حب بعض الناس للبلد وخوفهم عليها ... كانت مصر ماتت من الفساد :)

تحياتي