الأربعاء، 28 أبريل، 2010

انا بحب يا جدعان


مش عارف اقولكم ايه
لكن الموضوع ببساطه المجنون لقى المجنونه
الحكاية يا سادة يا كرام يا ساده القوم فى يوم من الايام اللى هو من فترة كده
الواد اياه اللى اسمه " كيمو " وقع فى الحب وبقى ليه موزه " حبيبة "
وال ايه بيحب يا خوفى يا بدران انسى مصر ولكن
انا عاوز ابلغها قلبى بيقولها ايه
بحبك جدا مهما العمر يطول
كفاية انك فتحتى قلبى بعد ما كان منتهى الصلاحية
كفاية انك موافقه بمجنون زى حالى
مش هنسى مصر " الوطن " لانه هيجمعنا
هفتكر دايما وانتى بتقولى ان مفتاح قلبى معاكى
يا حبيبتى اسمعى هقولك
مش لاقى كلام اقوله اكتر من بحبك بس شعورى اكبر بكتير
حبيتها ايوة انا حبيتها غصب عنى حبيتها وكل ده بسبب قلبى
وداعا ايها الاكتئاب فمعى الحبيب
الان ارى الحياة بجميع الوانها الاحمر والبمبى والابيض و " البينك " زى الاجانب
دلوقتى اقدر اقول انى
بـــــــــــــحــــــــــــــب
جدا موت عاشق ولهان
مش خجلان
مش خايف
مش شايف حد غيرك
لانى جوه قلبى
افتكرى دايما اغنية المسينى
ــــــــــــــــــــــــــــــــــــــــــــــــــــــــــــــ
وبالمناسبة احب ابلغ صاحبى وهو عارف الحب ولا طالش
زى بتاع البطاطا يا سفير

هناك 58 تعليقًا:

Just waiting يقول...

لولولولولولولولولولولولولولي
الف مبروك ياكيمو انا كلمتي لايمكن تنزل الارض ابدا
اخيرا فرحت فيك بس تستاهل :p:p

Just waiting يقول...

وكمان اول تعليق
طب بالمناسبه دي هاخد التاني كمان
انا عماله اقول كيمو مش طبيعي مبطل نكد ليه اتاري السر في شوبس

Rania يقول...

مبرررررروك يا محمد و يا رب يسعد ايامك كلها

صوت من مصر يقول...

Just waiting
استاهل
وااااااااااااااء
نسيت الاكتئاب
زعلان قوى بسبب كده
الناس كلها هتفرح فيا
الله يبارك فيكى

صوت من مصر يقول...

Just waiting
على فكرة متاخديش على كده هو بوست واحد بس للحب
احنا عالم مش بنهزر بس عشان وعدتها ببوست وحققت ده

صوت من مصر يقول...

Rania
الله يبارك فيكى يا رونى

هي وظروفها يقول...

حب يا معلم وعيش وانتعش

بس وانت بتحب حب بالراحه

الحب بحر كبير عوم بالراحه وسنه سنه

متاخدش الحب بصدرك

خده بالعقل

حب صفات يا محمد متحبش انثي كونها انثي

حب الحب معاها

بس متنساش ترسم لحياتك الجايه معاها

حب بكل جنون بس كن حذر في حنونك وخليه جنون محسوب

بتمنالك كل السعاده مع موزتك

والف مبروك ليكم وربنا يسعدك وتتجوزم ونشوف عيالكم

وديني لاظبطهملك يا حاج

صوت من مصر يقول...

هي وظروفها
عمو وليد
انا قولت انى ابلغك اول حد وحصل
ولو جبت عيال ودينى لاقطع عنهم المصروف
وانت اللى هتصرف وعموما متخفش لو اتجرحت مش هتجرح قوى
وانا زى ما بلغتك هى محترمة وانا العكس فصعب

من كل بستان زهرة يقول...

يعني خلاص أوزع الشربات

أيوه كده ياعم عيش وحب واتهنى
بس أوعى تنسى مصر

بس أكتر حاجه شدتني في كلماتك
انك شايف الدنيا لونها بينك
ياعيني ياعيني ده الحب الي على أصوله

مبرووووووووووووووووووك

فاتيما يقول...

ربنا يسعدك يا كيمو

كل شىء بأوان
و اوانه جه

ربنا يجمع بينكم فى خير يا بنى

تحياتى ليك
و للمجنونة يا مجنون افندى

MR.PRESIDENT يقول...

اتمني انك تبدأ تفكر في الخطوبة .. وتخليها علاقة شرعية .. وصدقني الحب ده هيكون خالي من المشاكل ان شاء الله

richardCatheart يقول...

للللللللللللللللللولى وكمان وحده منى
قولنا كده قولت المواطن وابصر ايه
ياسيدى حب علشان قلبك يوسع ويكفى الشعب بالنيل بالشوارع والمحافظات
حب واتبسط وانسى الاكتئاب والاكتتاب
حب وعيش واستمتع وانطلق بس اخطب فى الحلال بلاش شغل الشباب بتوع اليومين دول


كده بقى تخلينى احول التلفزيون من فيلم لاوقت للحب على القناه التانيه ام كلثوم الحب الكله
مبروك ربنا يهنيك

still-searching يقول...

أخييييييييرا
ألف مبروك يا كيمو :)
ربنا يسعدك ويوفقك
يارب تفضل كده على طول :)

والاكتئاب يروح خالص بقى :)

فتاه من الصعيد يقول...

الف مبروك... وربنا يكرمك بالزوجه الصالحه

وزي ماقلتلك ان لكل شيء مكان بالقلب ...وحب الاهل او الحبيبه لا يقتطع من حب الوطن

بالعكس ده هيساعدك كتير

انا رديت على سؤالك عندي

تحياتي

ستيتة حسب الله الحمش يقول...

يا سلااااااااااااااام
حلو كده يا ابني
استنى لما البس وش استيفان روستي
اشتغل يا بابا اشتغل
مكنتش فتحت البوست بتاعك اول حاجة قبل الأخبار
فرحانة لك جدا وبدعي لك انت وموزتك من جوا نغاشيش قلبي تفرحوا وتنبسطوا وتحبوا بعض كده زي ما انتوا
محدش يحاول يغير حد
لو غيرتوا بعض مش ها تكونوا اصلا نفس الناس اللي حبت بعض

تحياتي وكل دعواتي الطيبة بالحب والبينك والفل الأبيض

دعاء العطار يقول...

ياسيدى ياسيدى ع الرومانسيه

الف مبررررررررروك يامحمد

واخييييييييرا مفيش اكتئاب

والله البنت دى تستحق وساااااااام

عقبال مانحضر الخطوبه

لوووووووووولوووووووووولى

دندنة قيثارة الوجد يقول...

خير البر عاجله يا سيد الجدعان .. مبارك مقدما

همس الاحباب يقول...

هههههههههههه
اخيرا ربنا يوفقك ويكرمك
ويكون فى عونها ويكون فى عون عيالكم
مجنون ومجنونة هيخلفلوا ايه عنبر العقلاء
هههههه
تحياتى

ђager ZaǮbal يقول...

يارب دايما سعيد ومبسوط يا محمد :)

ربنا يخليكوا لبعض يارب :)

العيسوى الصغير يقول...

وانا هاقولها بشدة وقوة انا بحقد عليك ايوه بحقد او بحسدك مش مكسوف واتا بقولها فى ناس عايشة وحيدة يااخى مدعتش ليهم ليه فى اخر البوست
انانية ..........

ريمان يقول...

قششششششششششششطه

وادى زغروطه

لولوولولولولولى


ربنا يسعدكم يا رب وتحققوا كل احلامكم وربنا يجمع بينكم يااااااااااااارب


امين يا رب العالمين

المهم بقى تبطل اكتئاب وياس

ماشى؟

شمس النهار يقول...

اه ياعم كيمو
بس علشان تحب صح وتحافظ علي الامانة اللي ادهالك ربنا
اعتبرها اختك وانا عارفة انك جدع
وبعدين ايه مزة دي
عيب عارف انا لو منها اعيد النظر بعد هذا اللقب:)

تستبدل ببنوته جميلة رقيقه

وفرحانة انك فرحان
وقلت للكأبه باي

سلامي

fnan_geology يقول...

الله يسهله

حـــلـــم كــــان يقول...

قشطات ياكيمو
شكلك وقعت بجد
ربنا يسعدك ويهنيك يارب

خواطر شابة يقول...

ربي يهنيك ويتمم لك بالخير
مع ودي

أسمعنى شكراَ يقول...

كدة تشمت فى صاحبك ياكيموووووو
ماكنش العشم
وعلى فكرة أنا كنت حاسس بيك

مع خالص تمنياتى بالتوفيق معاها وتقدر تستحمل دماغك اللاسعة !!!!

الازهرى يقول...

طبعا ألف مبروك ان ربنا رزقك الحب

بس خلى بالك

الحب بالعقل يعيش سنين طويلة
إنما بالقلب أيام وبيقلب بغم

كيكى عوووووو يقول...

أخيرارررررررررررررررررررا
بجد والله
طب دة لسه فى امل وانا مش واخدة بالى
ربنا يسعدك كماااااااان وكما
ياااااااااااارب

Lady E يقول...

ربنا يديم عليك الرومانسية ويبعد عنك الاكتئاب ومتقراش مدونتي اليومين دول علشان هي اللي فيها اكتئاب :)

ربنا يجمع بينكم في الخير ويسعدك دائما

صوت من مصر يقول...

من كل بستان زهرة
شكرا ووزعى واوعى تنسينى انا وهى

صوت من مصر يقول...

فاتيما
الله يباركلك يا فاتيما وكان نفسى ابلغك زى بقيت الناس ولكن ازاى بقى مش عارف المهم انى انا وهى مجانين صح

صوت من مصر يقول...

MR.PRESIDENT
بما انك الرئيس ابلغك انى ناوى على كده بس بعد فترة نظرا لظروفى

صوت من مصر يقول...

richardCatheart
والله ومن غير حلفان لسه مواطن ولكن افرحلى يومين معاها وهتكون شريكتى فى النضال برضه

صوت من مصر يقول...

still-searching
الحمد لله
وبشكرك بجد

صوت من مصر يقول...

فتاه من الصعيد
الاحلى انى فهمت الكلام كله ولكن برضه بحبها وهى مصر

صوت من مصر يقول...

ستيتة حسب الله الحمش
شكرا يا اجدع دكتورة
وفعلا احنا عاوزين بعض كده من غير تغير وده حاجه مهمة

صوت من مصر يقول...

دعاء العطار
اول المدعوين وببلغك متزعليش منى انى مش بقدر اكلمك على الميل والله يا دودو الحكومة بتكون موجوده

صوت من مصر يقول...

دندنة قيثارة الوجد
سيد الجدعان ظروفه لا تسمح حاليا ولكن الحمد لله

صوت من مصر يقول...

همس الاحباب
عمو خالد واخد بالك انت والله هنطلع عيال مطرقعين فى حب مصر

صوت من مصر يقول...

ђager ZaǮbal
شكرا

صوت من مصر يقول...

العيسوى الصغير
احقد واحسد ومش بتفرق معانا يا ابويه
يا عم الحاج يارب يكرمك وبتمنالك بس احلم

صوت من مصر يقول...

ريمان
شكرا ياريمان
وازاى اكتئب وهى معايا

صوت من مصر يقول...

شمس النهار
ماماتى اولا بعيد انى اعتبرها بنت انا كرامتى مش هتسمحلى انى ابهدلها وبعدين كمان هى موافقه على كلمة موزه منى والله وسالتها بعد تعليقك وكمان انتى من اول الناس اللى عرفت ولا ايه
شكرا يا احلى واجدع ام

صوت من مصر يقول...

fnan_geology
حقد ده يا واد ولا ايه

صوت من مصر يقول...

حـــلـــم كــــان
ومش عيب انى اقع والحمد لله وبشكرك

صوت من مصر يقول...

خواطر شابة
ودك معاك وبشكرك على احلى دعوة

صوت من مصر يقول...

أسمعنى شكراَ
بتحقد عليا يا ابن الحلال وبعدين انت مش امور ولا موز عشان هى تقولك بحبك مستنى ليه وبعدين خليك شجاع وخليك زى مازينجر كده

صوت من مصر يقول...

الازهرى
انا اعرف الحب بالجنون وده بموت فيه
عموما الله يباركلى فيك يا احلى ازهرى

صوت من مصر يقول...

كيكى عوووووو
اسكتى كمان فى امل انى اخطب
ياعم بصى بقى انا هخلف عيال زى عيالك موافقين على كده

صوت من مصر يقول...

Lady E
عاوز اقولك انتى مش تقريلى لانى وانا متفائل مش بعرف اكتب نهائى
بجد شكرا

غير معرف يقول...

ميرو(قلب كيمو)
انا اللى بتقولوا عليها مجنونه مجنونه مجنونه بس بحبه وبجد كيمو مش مجنون ده احن قلب فى الدنيا كلها ولو شايفينوا مجنون يبقى احن واحلى مجنون فى الدنيا
وبقولوا بحبببببببببببببببك
ولو فى اكبر من بحبك فهى ليك

كيكى عوووووو يقول...

نمسك الخشب بقى
طب ياريت تبقى الخطوة دى فى اقرب فرصة
ربنا يسعدك يارب كمان وكمااااااان

جارة القمر يقول...

دلوقتى اقدر اقول انى
بـــــــــــــحــــــــــــــب
جدا موت عاشق ولهان
مش خجلان
مش خايف
مش شايف حد غيرك
لانى جوه قلبى
/
/

الكلام هنا عجبني جدا

الاحساس جدا رائع

جاية اسلم

يارب تكون بخير

صوت من مصر يقول...

ميرو(قلب كيمو)
يا حبيبه قلبى اقول للناس ايه تانى
يا حبيبتى انا عاشق ولهان
وانا مش مجنون لوحدى انتى كمان مجنونه
بحبك

صوت من مصر يقول...

كيكى عوووووو
ده حقد بقى يا ست كيكى ولا ايه
عموما لنا الايام
شكرا

صوت من مصر يقول...

جارة القمر
الحمد لله بخير شكرا
وتسلمى

كيــــــــــــارا يقول...

والحياه بئا لونها بمبي وانا جنبك وانت جنبي

والله فرحانه بجد ربنا يكرمك يارب بس خلي بالك منها وحافظ عليها وابدا خطط بقي ازاي تتجمعوا في بيت واحد

دعاء عويضه يقول...

يا سلااااااااااااااام يا سلام على حبها و حبك
و اخيرا عشت و شفت كيمو بذات نفسه بيقول ايييييييه الحياه بئا لونها بمبي
الف الف مبروك يا كيمو و عقبال ما احضر فرحكوا ياااااااااااااا رب