الجمعة، 16 أبريل، 2010

شوف حكمه ربنا يا مؤمن


عندما تذوب الاهات
ويرحل الخوف الى السماء
ويرتعش من لقائك ملاك الموت
وترى الدماء وتضحك
وتسمع اهات الامهات
وترى نيران واشلاء
فهل تكون انت دراكولا
ام من تكون
اتكون رئيس على شعب لا يعرف طعم اللحم
وبالتالى فانت من أكلى اللحم
هل تذوقت طعم لحمى
هل هو شهى
هل تذكرتنى وانت تاكل لحمى
هل شربت معه فوديكا ام كوب من دمائى السائلة على فمك
فانت من سمى بالرئيس
انت من هو مهما طال الزمن اراك
فى كل مكان لك انشوده
ولك من يبجلونك
ولكن اهل هم يعلمون من تكون
اهم على حق ام انا
ولكن لم ارى منك اى جديد فى الواقع المرير
بل انت من ياخذنى اللى الاسوء
فى النهاية لى سؤال ــــــــــــــــــ
هو ليه كل ما بتكلم مع حد مش بيفكر كتير يقعد يقولى اللى نعرفه احسن من اللى منعرفوش
على اساس انهم شافوه اللى ميعرفهمش
وواحد تانى يقولى ده شبع غيره عاوز اكتر
على اساس ايه انه شبع ماهى مسروقه وبتتسرق
واحد تالت يقولك عملنا بنيه تحتيه
اه عنده حق الراجل عامل كبارى احنا بنبقى تحتها
تخيل بقى حد قالك كده
ربنا يخليلنا الريس وابنه ويبارك فى عمره هتقوله ايه ؟

هناك 26 تعليقًا:

richardCatheart يقول...

هاقوله هياه هياه هياه بابا حسنى راح بابا جمى جيه

ويارب توب علينا من المستسهلين والمحباطين والمتنيلين على عينهم

كلامك عن دركولا جميل والنبى ومبعبر بس طبعاحصلى مشكله ومعدتى وجعتنى من المشهد هاتخلينى ابطل اكل لحمه لانك اكيد عارف كل الشعب كل يوم بياكل لحمه
فانت السبب ان الشعب هايبطل ياكل لحمه هههههههههههه وخليه هو يهيص هايخلص عليك ويدور علينا واحد واحد ربنا يستر ويخلص هو اقبل مانخلص احنا

شكرا ياكيمو تسلم تقبل مرورى

من كل بستان زهرة يقول...

ربنا يخليلنا الريس وابنه ويبارك فى عمره هتقوله ايه ؟

أقوله حسبي الله ونعمه الوكيل

والروح منك وديعة أودعتها ..
ستردها بالرغم منك وتسلب

وغرور دنياك التي تسعى لها ..
دار حقيقتها متاع يذهب

تحياتي

همس الاحباب يقول...

هههههههههه
يا بنى مالك كده
ده حتى الريس راجل بركةوابنه ولى
بص يا كيمو انت تجيب صورة الريس وتبلها فى ميه وتشربها كل يوم الصبح على الريق
بعد اسبوع هتلاقى نفسك بتعشق الريس
ونفسك هتغم عليك شوية بس هتحس بطعم البروتين والفيتامينات بجد
يلا بيس يا مان
تحياتى
خالد

دندنة قيثارة الوجد يقول...

حكمة ربنا حكمة واسعة وكبيرة ونحن مجرد ممتحنين في كل شيء وقد ينجح قلة وقد يرسب كثرة

فتاه من الصعيد يقول...

على رأيك... منين شبعوا والبلد بتتسرق كل يوم

للأسف الناس دي فعلا مابتحاولش تفكر

تحياتي

Tarkieb يقول...

ياحبيبي طول تاريخ مصر كدة ...من ايام الفراعنة لحد دلوقتي ..الظاهر وش امنا فقر

هراء لا داعى له ..... يقول...

ما هى دى بقى حلاوة شعبنا و حفة ضلنا


الواحد زمان كان اكر إن الناس كلها فاهمة الوضع كويس و عارفة إن الراجل دا عدونا و إن النظام دا نظام إحتلال داخلى و إن الوضع بتاعنا كدا غلط ....بس الفكرة إنهم خايفين على نفسهم و عيالهم مع البطض

و كان الواحد متعايش مع فكرة الجبن دى و مستحملها

لكن إللى عرفته فى أخر كام سنة إن معظم المصريين فعلا مؤمنين بالكلام إللى إنت ذكرته فى الأخر دا

و دى بقى الفاجعة الكبرى

طيب جوف و جبن مشى

إنما كمان حماقة و جهل و عمى

دا يبقى كتير

ستيتة حسب الله الحمش يقول...

انا لله وانا اليه راجعون
ها نقول ايه في المصيبة إلا كده؟

still-searching يقول...

ربنا يخليلنا الريس وابنه ويبارك فى عمره هتقوله ايه ؟

هنقول آمين يا كيمو
ههههههههههههه


الصورة اللي انت صورتها دي مقززة اوي

بس للأسف الحقيقة أبشع

ويلا الحمد لله

dr.lecter يقول...

مااكثر السفهاء اماكثر النفاق

ربنا يسامحك يامحمد علشان انا بيطق لي عرق لما اقرا نفاق زي الموجود في الصوره دي

هو مافهمش كلمه الشيخ الشعراوي قبل مايموت ولا ايه؟

Haytham Alsayes يقول...

المنافقين بيشجعوا واحنا معاهم

بيقولك ابراهيم عيسى كلمة جامدة ان الرئيس لما يعقد فترة واو اتنين يبقي رئيس طبيعي
ولما يقعد تلاتة يبقي فرعون اما لو اربعة يفكر نفسه نصف اله ولو خمسة يبقي زى ما فرعون يقول انا ربكم الاعلي

شوف انت بأة حكمة ربنا
الطغيان هو الطغيان من ساعت فرعون لغاية مبارك

ربنا يخلصنا منه ومن ابنه ومنافقينهم ومحاسيبهم

دعاء العطار يقول...

هقوله صدق من قال يافرعون ايه فرعنك

قا ل عبييييييدى

Just waiting يقول...

انا بقى هقوله ليه الجحش اذكى من الحمار ؟
علشان الحمار اكبر وبقاله كتير حمار
اما الجحش حمار برضو بس لسه صغير مااطبعش بطبع الحمار قوي

صوت من مصر يقول...

richardCatheart
العفو لكن دراكولا حقيقى وانت زى زى حالك

صوت من مصر يقول...

من كل بستان زهرة
انا حاسس انى اكتر مدون اتكتب عنده حسبى الله ونعم والوكيل

صوت من مصر يقول...

همس الاحباب
عمو خالد انا كده هموت من السموم بتاعت الصورة

صوت من مصر يقول...

دندنة قيثارة الوجد
اظن ان الرسوب امر واقع .

صوت من مصر يقول...

فتاه من الصعيد
وهيجى منين مادام فى عقولهم تخلف

صوت من مصر يقول...

Tarkieb
فعلا العيب فينا احنا

صوت من مصر يقول...

هراء لا داعى له .....
عارف الحماقه دى ليها رد واحد
خوخوخوخ

صوت من مصر يقول...

ستيتة حسب الله الحمش
فعلا المصيبه ليس لها اى علاج

صوت من مصر يقول...

still-searching
فعلا
اتمنى يشوف بقى هو كمان

صوت من مصر يقول...

dr.lecter
والله انا ابويا قالى كلمة
خليك زى مانت ولا هو هيتغير ولا انت هتتغير

صوت من مصر يقول...

Haytham Alsayes
شوف فرعون كان عادل شويه عنه والله

صوت من مصر يقول...

دعاء العطار
ولكن ليس كل العبيد فانا لست بعبد

صوت من مصر يقول...

Just waiting
ههههههههههههههههههههههههههههههههههههههههههههههههههههههههههههههههههههههههههههههههههههههههه