السبت، ٢٠ فبراير ٢٠١٠

شيشه قص


هل من الممكن ان أفقد نظرية أنا بشر ومن حقى أبكى أفرح أموت أكتئب
الكلام اللى فوق ده إستفذنى جداَ أيوه
هنحلل الكلام سوااااااااااااااااااا
بشر
أنسان مليان أحاسيس لكن الاكثر هو الأكتئاب فهو مسيطر تماماَ على كل أفكارى
أبكى
لم أستطع أبداَ البكاء نظراَ لانى فقدت المياة التى فى عينى
أفرح
كانت أيام تعد ولكن أنا دائماَ مبتسم لك "" أراجوز ""
أموت
كأى كائن حى لابد أن يكون له نهاية لكن أن يموت فى اليوم مليون مره فهو أنا المواطن
أكتئب
مستعد أنى أرغى معاكم فى النقطه دى وهى أساس البوست يا جماعة أنا بحب قوى مصر وكلنا بنحبها بس أنا حاسس أنى بينى وبينها حاجه غريبة نفسى أوصلها مش عارف ببساطه على رأى ناس " مصر موزتك يا كيمو " أيوه موزه وأجدع من مليون موزه مفيش أحلى منها ببردها بحرها بعرق عمالها بفولها بمرها مرارتها بحبها أظن لو مصر أصبحت مثل الأمارات لن أستطع العيش فيها لأننى سأفقد أهم شىء وهو طعم البيوت وسحرها فهل فى الأمارات بيت عمرة أكثر من 200 عام هل بها عربة الفول هل بها عربة الكشرى هل بها النيل وكورنيشه هل بها مقاهى تجمعنى مع رجل عجوز يرى لى وهو يلعب مع الطاولة وأنا بقول فى سرى كده " ياعم ده بيشربوا شيشة تفاح وأحنا بنشرب قص " ومع ذلك مكتئب لأنى بحبها وهى مش بتحبنى أو فى طرف ثالث رخم غتيت بمعنى أخر زى فيلم كرتون بايخ لان البطل متهان فيه
اللى قالولى أنى بكتب أفضل وأنا مكتئب البوست ده تعريف ليهم ـــــــــــــــ
كيمو

هناك ١٠ تعليقات:

غير معرف يقول...

دايما مكتئب

لا طبعا لو مصر بقيت زي الامارات برضو هتحبها .... لانها بلدك :)

لما احنا بنحبها رغم كل ده .... لما ربنا يكرمها وتنضف اكيد هنحبها اكتر

تنضف م الفساد والاستغلال والاستبداد وكله

ممكن طلب .... يا ريت تكبر الخط شويه

تحياتي

غير معرف يقول...

ممكن طلب نفسى اشوفلك بوست متفائل

عايش... ولكن !!!! يقول...

لا طبعا مفيش يا كيمو فى الامارات ولا فى اى بلد الحاجات دى غير فى مصر
بس ادى نفسك شوية تفاؤل كده

غير معرف يقول...

هى دى مصر عجباك ولا لا

خليك متفائل ليوم واحد وشوف ايه الاحسن
بس على فكرة التشاؤم مش وحش خااااالص بالعكس ده زى الفل فى ناس بتعرف تشتغل وتنجز اكتر وهى مكتئبة كده

يلا المهم انك تكون مرتاح مكتئب ولا حتى متفائل

Lady E يقول...

زي ما قولتلك قبل كده بالاكتئاب بتضر نفسك وكمان مش بتسعد بلدك

كل بلد وفيها حاجة جميلة يعني مصر بلدنا جميلة وكمان الامارات جميلة بس الفرق في الروح

متأكده اني هاجي قريب المدونة والاقي الابتسامة من قلبك مش ابتسامة مرسومة وخلاص

still-searching يقول...

على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب

مفيش حد رغم كل اللي احنا فيه مبيحبش البلد دي
حتى اللي بيهج وهو كاره كل حاجة فيها
اول ما ينزل أرض البلد اللي رايح لها يشتاق أوي لهوا مصر وتراب مصر

بنكره حاجات هي ملهاش ذنب فيها
لأن مصر هتفضل قوية رغم كل اللي عدى واللي هيعدي عليها

رغم كل حاجة
هتفضل تحبها
وهنفضل نحبها
مش بإيدك ولا بإيدينا
:)

سجود يقول...

السلام عليكم
عدنااااااااااا
كلامك جميل وفعلا بحس انه مش عليك لوحدك
بحس انه ع كل افراد الشعب المصري بس بيحاولوا يداروا الاكتئاب ويطلعوا بداله نكت وضحك ولعب وفرفشه عشان الحياه تمشي
تحياااااااااتي

أسمعنى شكراًً يقول...

اتمنى اشوفك ولو يوم فرحان
اخرج من الإكتئاب ده

Zika يقول...

المدونه بتاعتك كلها حاله جميله اوي
اغاني منير وبلاك تيما
واغنية عبد الفتاح ( ناولني فرشه )
وبوستات حلوه اوي
دي اول زياره
واسمحلي ماتبقاش الاخيره
تحياتي

Unknown يقول...

شيشه قص ؟؟؟!