الأربعاء، 24 فبراير، 2010

عمو دهب


بعيدا عن اخر بوست اللى هو من ساعات لانه مش بوست هو توضيح
انا هتكلم عن مين يا ولاد
عمو دهب
كان بياع حكيات وكل حكاية وراها حكايه
الراجل ده كان عجوز ومكحكح
قاعد ومتبت على كرسيه
عم دهب كان يتمنى يشوف اللحمه " يشوف الحوادث ولحم طاير "
جاع واتعرى " عرانا وغسلنا وخلانا لا مؤخذه كده ـــــــــــــــــــــ"
عموما عم دهب ده حكايته حكاية وانا عاوز ارغى واحكى
عم دهب لما بداء كان مناضل لقى ان المناضله مش تاكل عيش ولا حتى حلاوة كان فى الثورة ومحدش سمع عنه حاجه لكن قالولى انه كان ساعتها فى مدرسة المنوفية بتاعت الثانوى بنات متخفى فى منظر ولد بيعاكس بنات ويوزع منشورات على الموزز " يا حرام كان بيتعب " المهم اتخرج ودخل كليه الطيران وكان هو هوايته نظرا لان كان عنده عشة حمام على سطوح بيتهم الكينج اجر اوضه من منافعها فى العباسيه " منطقه العباسية " عشان يشوف المجانين اللى هما زى حالى كده ويعرف تصرافاتهم ويبعد عنهم المهم دودو بيه لما قامت الثورة والحرب اشتغلت والكلام ده صاحبنا كان راكب دماغنا وال ايه هو اللى حارب وعمل الضربة الجوية " لا مؤخذه كان بيضرب ـــــــــــــــــ "
المهم دودو لما نونو مات مسك هو فى كرسيه وعمل حاجه تسمى بايه يا ولاد قانون جديد اسمه قانون الطوارىء اللى خلى أمين الشرطة أبن التيت يقولى بطاقتك ولو شافها يقولى اركب الميكروباص وياخد
५० جنيه وينزلنى زى البيه " شفت ياعم دهب "
عم دهب كان عنده ربابة بيغنى علينا
عم دهب بياع حكيات
ابقوا قابلونى لو فلحت واتسجنت
ههههههههههههههههههههههههههههههههههههههههههه
كيمو
نسيت اقولكم ان عم دهب فى بطوط كان اغنى اغنياء القرية
ههههههههههههههههههههههه

هناك 28 تعليقًا:

7annen يقول...

عمو دهب الله يرحمه كان طيب

ههههههههههههههه

ربنا معاك يا كيمو ويستر على البلوجر

العيسوى الصغير يقول...

في صاروخ هانزل على المدونة قريب كده

Just waiting يقول...

عم دهب مكنش في بطوط عم دهب كان في ميكي
بطوط دا ابن اخوه الكحيان ابن عم محظوظ المحظوظ واللي مصمم يخطب زيزي اللي كان بطوط بيحبها
ههههههههههههههههههههههههه(هو انا بضحك ليه ؟؟؟)

Haytham Alsayes يقول...

اولا انا اول مرة ادخل مدونتك
ثانيا عجبتي اوى
ثالثا خللي بالك من محاسيب عمو دهب _______
رابعا تقبل مرورى وزرني في مدونتى
خامسا شكرا ليك
سادسا لا مفيش سادسا

mahasen saber يقول...

ياابنى يا عزيزى قلنا امشى تحت الحيط
تحت ايه الحيط

P A S H A يقول...

هههههههههه
معلم يا كيمو والله

ازيك يا مان أخبارك إيخ يا شقيق ؟؟
يا رب تكون بخير

البوست لذيذ .. بس أنا كنت باحب سوبر بندق أكتر وكمان سوسو ولولو وتوتو والساحرة سونيا وعصابة القناع وطبعاً أحب جيمي دهب .. وعارف إنك كمان بتموت في دباديبه :))

اسمح لي أوقع بغير معرف عشان لو اتقبض عليك آجي أضمنك :))
سلام

صوت من مصر يقول...

7annen
هو مش مات خالص
ربنا معايا لانى بدافع عن الحق
اتمنى نكون كلنا زى انا بس صعب

صوت من مصر يقول...

العيسوى الصغير
لو نزل ابقى قابلنى

صوت من مصر يقول...

Just waiting
بتضحك لانك مش مصدق اللى اتكتب تقريبا او اتكتب ازاى

صوت من مصر يقول...

Haytham Alsayes
اولا نورتنى
ثانيا
مش بخاف
ثالثا
شكرا

صوت من مصر يقول...

mahasen saber
ههههههههه
انسى انا بدافع عن حقى وحقك وحق بيرو
ولا عاوزانى اكون صامت

صوت من مصر يقول...

P A S H A
باشا نورتنى نورتنى نورتنى
بس هتضمنى ليه وانت لو ضمنتى هخرج
ياعم سونيا الساحرة دى راعية الامومه فى البلد بتاعتها
هههههههههه
نورتنى كتير وانت اللى معلم كبير

غير معرف يقول...

طبعا أنتا عارفنى مش بقل أدبى بس بصراحة جامدة فتح بطن (وهشتكنا وبشتكنا ياريس دا أنتا زعيم والنعمة مهييس )
وخدة وليس * توطى وتيس * وعلى الشعب تغنى وتميس

من المخلص أليك السفير (سلامونى)

لسه بدوّر يقول...

المدونة ليها ودان :D

كلام زي الفل

وربنا يسترها

Tears يقول...

عم دهب بتاع بطوط كان دمه خفيف انما ده دمه بارد تلج ده لو سلمنا ان عنده دم اصلا او ضمير

عم دهب فى بطوط كان طبيعي انما ده طاغيه فاسد و عامل زى فريد شوقى فى فيلم بداية و نهاية لما كان صوت وحش اوى و شغال مطرب و كل ما حد يعترض يضربه و يكمل غنى برضة

اول مرة اجى مدونتك و عجبتنى التدوينه...شاطر...انشر الوعى عشان الشباب يبطل السلبية اللى خلته قاعد على القهاوى بلا حاضر او مستقبل

Rania يقول...

حلو الحكاية يا محمد
:)

صوت من مصر يقول...

غير معرف
ردك وصل لك

صوت من مصر يقول...

لسه بدوّر
مهما كانت الودان
انا بدافع عن الحق
نورتنى كتير

صوت من مصر يقول...

Tears
مش عارف اقول ايه
بس شكرا لكلامك كتير
بس برضه انا بقعد على القهوة
واتعلمت فيها كتير
وفعلا صوته وحش

صوت من مصر يقول...

Rania
انتى شايفاها حكاية يا رانيا
ههههههههه

إمرأه من ثلج يقول...

أنا كنت زمان بحب اتفرج علي عم دهب و مغامراته مع بطوط لكن عم دهب ده طول عمري بكرهه أصله دمه تقيييييل و زي اللزقة الأمريـــــــكاني لما بتلزق في حاجة عمرها ما بتطلع منها الا بعد طلوع الروح
أشكرك عل مرورك بمدونتي و اتمني دوام التواصل
وسعيدة بمروري هنا و اتحياتي لقلمك
فاطمة

(green eyes) يقول...

:)
المفروض عم دهب دا نعمله تمثال :)

عايش... ولكن !!!! يقول...

هههههه
هو فعلا كان لا مؤخذه كان بيضرب ـــــــــــــــــ :)))))))
ربنا يترها عليك وعلينا :))))))))

دعاء العطار يقول...

ده كللللللله يطلع من ورا عمو دهب

الا مين بقى عمو دهب ؟

ههههههههههههههههههههههههههههه

ربنا يستر عليناااااااا

صوت من مصر يقول...

إمرأه من ثلج
لامؤخذه صينى مش امريكانى

صوت من مصر يقول...

(green eyes)
والله لو اتعمله لاطرطر عليه

صوت من مصر يقول...

عايش... ولكن !!!!
لسه موجود شكرا ...

صوت من مصر يقول...

دعاء العطار
مش عارفة هو مين ؟
نورتنى