الأربعاء، 10 فبراير، 2010

كيمو بيخطرف يا جدعان


بعيداَ عن امراضى فهل من الممكن ان اتحدث عن الشارع ؟
نعم سؤال صعب
فشوارعنا بهم مليون حدوته وحدوته
اتطرق الان الى كتابه روايه عن يوميات صديقى فى كشك العيش وكلامه معى حول ذلك
اتطرق الان الى معرفة من هى " الموزه " اللى هو عرفها عن طريق كشك عيش وتروسيكل وقفص
هل كشك العيش واجه الأزمه بوضوح
هل كشك العيش منع الغش الحكومى والتجارى وكل شىء ؟
لا أظن
احاول الابتعاد عن كل جديد
حتى عندما جائنى هاتف يقول لى " بحبك " بصوت رقيق جداَ قعدت اضحك ضحك هستيرى
وقولت جملة أحلى " اما مش للحب ولا الحب لى لانى افضل أشياء أخرى "
ومحدش يقولى انت مجنون لان ده حقيقه
كتبت جزء خامس من المترو يمكن كمان 2564789 سنه اكون خلصتها
محمد غاليا عايز اشكره بجد لان هو اللى شجعنى انى اكمل بعد 7 شهور بدون كتابه .
حالتى الان
مودى غريب عجيب مريب سخيف ممل
حاسس وكأنى بلعب قمار ومعيش فلوس العب بيها
أغنيتى
الشارع لمين " ماجده الرومى " فيلم عودة الابن الضال
برخم على مين
البقال اللى تحت البيت " تقريباَ بشرب الحاجه الساقعه وامشى ومن غير فلوس لانى بجيبله اغانى مش موجوده عند حد "
بعمل ايه فى وقت فراغى
اطارد الفيس بوك برخامتى عليه
برسم
لا والف لا وخايف ارسم
انحت زى زمان
لسه هنزل اشترى طين ده ايه القرف ده
اظن كده حراس الشوارع مستنين عشان يقفلوا الباب ويرشوا ميه قدام الباب
تصبحون على أمس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كيمو بيخطرف يا جدعان

هناك 21 تعليقًا:

سبايدرمان spiderman يقول...

ههههههههه
شكلها خطرفه فعلا
....
ربنا معاك يا جميل
و كمل بقي الخطرفه
اتفضل يا جميل
اهاء خاص مني لك
http://islamblog-spiderman.blogspot.com/2010/02/blog-post_11.html

عايش... ولكن !!!! يقول...

ايه ده يا كيمو
البوست ده عايز يتقرى 3 او 4 مرات علشان يتفهم
انت شكلك كانت دماغك عاليه اوى وانت بتكتب :)

فتاه من الصعيد يقول...

لا دي فضفضه موش تخاريف :)

تحياتي

wafaa يقول...

انت بس تاكل كويس وتاخد مسكن وخافض حرارة وتنام
وان شاء الله هتصحا زى الفل

هي وظروفها يقول...

ايه يا كيمو

شكلك مخنوق ايه ياعم

ارسم ولون وانحت وهرج واضحك وبكره تروق وتحلي وتلاقي الموزه اللي اول ما تشوفها تخطفك كلك علي بعضك
وهتيجي تقولي برده

ربنا يوفقك
فكها يا عم الحياه حلوه وانت من الناس الحلوه الذيذه اللي عرفتهم

Just waiting يقول...

مش عارفه بس حسيت في البوست بتاعك حيرة وتوهان وخنقه زي ماتكون صرخة بتحاول تخرج وفكرتني بجمله بحبها من كتاب لا تحزن
الى كل يأس ضاع منك الامل
وتمزق منك الحلم وغرقت الاماني في بحار المستحيل لن تعود لك البسمه الا بعد ان تكون كالشمس تشرق كل يوم بأمل جديد تغيب وتعود بأمر ربها وليست كالشمعه التي اذا ذابت فلن تعود
فكك من الدنيا والي فيها مش هتستفاد حاجه لما تعيش مضايق ومخنوق الدنيا اصلا ماتستهلش

romansy يقول...

الله يباركله المنوفى محمد غاليا اللى خلاك تكتب تانى وبعدين يا عم رخم براحتك على البقال ورخم براحتك علينا عادى اجمل حاجه انك تبطل تفكير لحظات واعمل ريستارت كده وفوق جايز تنحت اجمل رسمه فى الدنيا
يا كيمو احنا عايشين ولا نتكيف مع الجو اللى حوالينا

star in the sky يقول...

البوست مش مرتب او مكتوب عادى

بس فى فكرة حلوة
سيب كل حاجة واقعد متعملش ولا حاجة خليك حر وانسى كل حاجة

ومتاخدش فى بالك ايه اسوا حاجة ممكن تحصل ولا حاجة لان مفيش حاجة اسمها اسؤا حاجة

كله بيعدى وبيروح وبيتنسى

حـــلـــم كــــان يقول...

كان عندك حق لما قولت كيمو بيخطرف

بس حسيت فى التوبيك انت ضايع من نفسك

محتار مختار حاجه كده

kmt يقول...

السلام عليكم ورحمة الله وبركاته

يااااااااااه
من زمااااان اوي مش دخلت المدونة عندي ولا قرأت لحد
بس بجد وحشتني المدونات كلها بوجد واحشتني مواضيعك يا كيمو جداااا

تحياتي

kmt يقول...

السلام عليكم ورحمة الله وبركاته

يااااااااااه
من زمااااان اوي مش دخلت المدونة عندي ولا قرأت لحد
بس بجد وحشتني المدونات كلها بوجد واحشتني مواضيعك يا كيمو جداااا

تحياتي

صوت من مصر يقول...

سبايدرمان spiderman
شكرا على الاهداء
ولكن الشكر اكثر لك

صوت من مصر يقول...

عايش... ولكن !!!!
صح
شكرا بجد ونورتنى كتير كتير

صوت من مصر يقول...

فتاه من الصعيد
شكرا
يفهمنى القليل من البشر

صوت من مصر يقول...

wafaa
ده احنا حتى اخوات ينفع كده

صوت من مصر يقول...

هي وظروفها
معلم والله معلم
بس انا هقولك اول واحد لو حصل
لو محصلش تعزمنى على كبايه قهوة مانو
موافق

صوت من مصر يقول...

Just waiting
لا اجد رد لتعليقك
شكرا

صوت من مصر يقول...

romansy
بطلت ارسم
بطلت احلم حتى

صوت من مصر يقول...

star in the sky
لو رتبت الكلام فانا اكون كاذب

صوت من مصر يقول...

حـــلـــم كــــان
بالعكس مش بخطرف

صوت من مصر يقول...

kmt
انا زعلان
وهقولك
المدونات وحشها كلامك