الأحد، ١٤ فبراير ٢٠١٠

فهمت الدرس منك يا ريس


فى شم النسيم بنرسم على البيض
فى عيد الحب بنرسم على بعض
فى عيد الاضحى بنرسم على الخرفان
فى عيد الفطر بنفطر على الحشيش
فى عيد ميلاد مبارك مش بنلاقى نرسم او نفطر
فى عيد الامه نشعر بالجوع
فى عيد الوطن اشعر بالخوف
فى عيد ميلادى اشعر بانطفاء الانوار امام عينى
لا اتحدث عن الحب كثيرا واظن ان البعض اشتكى منى ولكن هذا انا فقدت الحب فى حب الوطن فانا لا اعرض قلبى للبيع مثل يورى مرقدى حين قال " برسم البيع " ولكن انا اتطرق للاهم هو حب الوطن الوطن الذى اصبح مثل اى شىء عند وقوع كارثه فى الاسنكدرية منذ عدة ايام ووقوع احدى البيوت وفى اتصال هاتفى فى برنامج 90 دقيقه قالت احدى السكان " انا كرهت مصر لو هروح اسرائيل هلاقى معاملة افضل " بصراحة ليها حق ولكن العيب مش فينا العيب فى اهمال الحكومه اهمالنا فى اننا نصدر صوت ضجيج امام عجرفه كل ما يسمى بمسؤل امام كل شىء يخص مبارك واعوانه " اقصد على بابا والأربعين حرامى " تعرفنى يا ريس جيدا فانا المواطن الذى لا يملك سوى جلباب به مليون رقعه ورقعه من افعالك فهل تنتظر منى الاحتفال بعيد الحب ....................................................
فهمت الدرس منك يا ريس
نحن عراه امام قانونك

هناك ٢٩ تعليقًا:

هي وظروفها يقول...

يااااااااااااااااه

يا محمد انت جيت علي جرح 75555500
مواطن وباقي ال 80 مليون حاشيته

عيد حب ايه والظلم والفقر والذل راكب علينا ومدلدل رجليه

مبارك الاب ومبارك الابن ربنا يكرمهم كرهونا في نفسنا وفي بلدنا ونسونا حلمنا

في بلد قانون الطواريء هو اللي حاكمها هنستني ايه

في بلد الرجل المناسب ((بكسر الميم))
في المكان المناسب
في بلد القهر والفقر
في بلد الخنقه والظلم
في بلد مش لاقي شغل ولا لقمه ولا هدمه ولا سكن

الناس تحبه ليه
تعشقه ليه
تفضله ليه

الوطن هو الام والام حنينه بتلم عيالها
انما رجال الحزب الوثني قدروا يقتلوا الام
وجوزو الاب واشتروا وباعوا سفن اب

مصر مرات ابونا
مصر خيرها ليهم
مصر صعبانه عليا قوي يا محمد اتاخدت غدر

حسبي الله ونعم الوكيل

مي يقول...

تسلم ايديك ما احنا مش هنضحك على بعض مصر هى الحكومة والحكومة سرقتنا واغتصبت مصر اللى المفروض بتاعتنا بس هنعمل ايه مسير الحق يبان
على امل
الصورة معبرة اوى دى تلات ارباع مصر بقت كده وياريتهم لاقيين الاكل

شكرا لك وتحياتى

Mahmoud Ahmed يقول...

على راي واحد كان بيعملنا حاجه امبارح و لسه مخلصنها الساعه 3 فجرا .

(( ابو علاء عايز كده ، نزعل ابو علاء ، طب نستحمل ابو علاء عشان خاطر علاء :) ، ولا علاء الى بيجري ورا كل ماتش ملوش خاطر عندنا ؟؟؟ ))

...

ده بخلاف ان عيد الحب حرااام ^_^

غير معرف يقول...

حب الوطن المبتلى :(

اتمنى ان نحتفل بعيد حب الوطن السعيد في يوم من الايام

تحياتي

بنت قلبى يقول...

مصر

بحلم أن اللي يحكـم مصـــر
يبقـــى بعقلـــليه محمد عـلى الاقتـــصاديــــه
وشخصـــيه جمـال عبدالنـاصر الصارمـه
وذكــــــاء أنور الساداات القوي

بحلم بالتغيير

من الحومه والشعب معا
الحكومه تضع قوانين فى مصلحة الشعب
والشعب يتبع هذه القوانين

الحكومه يكون قلبها على الناس الغلابه

ميكنش فيه اغنياء قوى ولا فقراء قوى

نتبع فى القوانين الشريعه الاسلاميه

فيه حاجات كتير لازم تتغير

الكل بيتمتع بحقوقه فى البلد ، واما بيغلط بيتعاقب وياخد جزاؤه
ميكونش فيه كوسه ومحسوبيـه وناس تقف فى طوابير وناس تقعد مستريحه ويجيلها الحاجه لحد عندها

غير معرف يقول...

انا نفسى اعرف انت بتجيب التفاؤل الفظيع دا منين

محاولة لكسر الصمت يقول...

أتعلم!!ـ
أنت أكثر شخص في هذا العالم أثبت لي أن البراعة الأدبية قد تكون نقمة لا نعمة, كلما يمر الوقت يزداد أسلوبك الأدبي جمالا ويزداد ما يقطر منه حزنا...


ولكن يبدو أن حالة اللاشعور قد انتهت وعاد الاكتئاب....
"نقول مبروك!!!!!!!؟"

صوت من مصر يقول...

هي وظروفها
عارف يا جارى يا اخويا الكبير يا عم وليد زى ما بحب اقولك
انت قولتلى انك هتتحبس معايا عشان التعليق هى فعلا الصحبة حلوة
بس انت كنت بتقولها من وره قلبك انت مش بتخاف من غدر الظالم لانك عارف انك مظلوم
وعاوز اقولك شىء مهم جدا
انت اخويا اللى انا مشفتوش الا لما كبرت

صوت من مصر يقول...

مي
مى تشكرينى وانتى تقولين مسير الحق يظهر
فلما لا نظهره احنا بايدنا
اظن ده صوتى ومنبرى تجاه الحق
نورتينى جدا

صوت من مصر يقول...

سبايدرمان spiderman
اولا سيبك من حلال وحرام فانت لست بفقيه ولا انا
ثانياَ
ابو علاء ام علاء كله محصل بعضه

صوت من مصر يقول...

فتاه من الصعيد
من الممكن ان احتفل
صعب

صوت من مصر يقول...

بنت قلبى
حلمك فى مدينة افلاطونيه
لكن انا حلمى بالتغير لنرى مدى الفروق
فهناك الخير والشر
نورتينى برسمك لوطنك

صوت من مصر يقول...

7annen
تعليقك عندى بيقول
انت مش بتحب لانك مهتم بالسياسه
والسياسه هى ايه
هى مصر
الوطن
البلد
لما بدافع عن حقك اكةن غلطان ومكتئب ومودى النازل
لو كده
ابقى انا """ كيمو """""

صوت من مصر يقول...

محاولة لكسر الصمت
مش عارف
وازاى لكن
ما اكتبه ليس فى الادب شىء فانا مجرد مدون ادون حكايه تسمى بانا وحبى للوطن الذى ابحث عنه فى كل مكان وكل زمن امر بيه
وحزنى والاحزان التى تفطر منى فهى نتاج الحب الزائد الذى امتلكه
ولكن عندما اكون مكتئب يكون هناك سبب
اوله "" الظلم """ الذى نتعرض له يوميا من بطش الحكومه
ثانيا من تفاهات الخلق على ارض المحروسه وعدم المبالاه التى اراها يوميا
تعليقك فى مدونتى يمثل ليه شىء لا استطيع وصفه
منذ ان جائنى التعليق وانا ابحث عن رد له حتى اننى كنت ساكتب لا يوجد تعليق على عالتعليق ده
وعموما
اتمنى عودتك فى كتابه " كلمة " ودواير التى اتمنى رجعوها

Mahmoud Ahmed يقول...

ازاي بس اسيبني من انه حلال و لا حرام
و بعدين مش انا الى قلت الفتوي دي
كل الشيوخ و العلماء قالوا كده
في حته في العالم
لو دخلت عندي هتلاقي فتوي من كبار الشيوخ
و متنساش الحديث الشريف
قال رسول الله -صلى الله عليه وعلى آله وسلم-: من تشبه بقوم فهو منهم

غير معرف يقول...

لاسف اللى قلته هوا الحقيقه
بس هتتغير طول ما لسه فينا عقل بيفكر وقلب بيحب البلد دى اكيد فيه يوم هنقدر نعمل التغيير دا بايدينا
رغم كل شىء مازال عندى بعض الامل
رغم اكتئابى من مصر رغم معاتبتى لمصر رغم خوفى من مصر
لكنة مازلت احلم بها مصر التى اتمناها
تحياتى يا فندم
بلوجك جميل جدا

دعاء العطار يقول...

بداية الموضوع تحففففففه

اسلوبك فيها حلو اووووووى

وخليتنى اضحك كتير على " وفى عيد الحب بنرسم على بعض "

عندك حق يامحمد فى كلامك

والناس هتجيب الانتماء منين وهما حاسين ان بلدهم مش بلدهم وهما حاسين ان كل حق ليهم فى البلد ده مهضوووم

::::::::::::::

بوست مميز يامحمد

dina يقول...

فى شم النسيم بنرسم على البيض
فى عيد الحب بنرسم على بعض
فى عيد الاضحى بنرسم على الخرفان
فى عيد الفطر بنفطر على الحشيش
فى عيد ميلاد مبارك مش بنلاقى نرسم او نفطر
فى عيد الامه نشعر بالجوع
فى عيد الوطن اشعر بالخوف
فى عيد ميلادى اشعر بانطفاء الانوار امام عينى

عحبتنى دى أوى
قليل لما بلاقى حد ينطبق عليه قول منير(يا مصر و انتى الحقيقة و انتى اغترابى و شقايا....دا انتى الجراح الرهيبة و انتى اللى عندك دوايا)...قليل اللى بيوصل بحب الوطن لمرحلة عشق يسكنهم فعلا....قليل اللى مصر عشقه الأعظم...و قليل اللى بيقدر يسامحها رغم كل اللى بيشوفه منها
بس صدقنى العيب مش بس فى مبارك و حكومته العيب فى كل واحد بيشوف غلط و مش بيحاول يغيره و فى كل واحد بيرمى الاصلاح على اى حد تانى و فى كل واحد مش بيبدأ بنفسه مهما كان دا صعب

صوت من مصر يقول...

سبايدرمان spiderman
ارجوك
لا جدال فى مدونتى حول الدين
فانا مسلم ولكن تلك المدونه لا تنتمى الى اى دين

صوت من مصر يقول...

رحله البحث
شكرا لتعليقك ولكن
اين نحن

صوت من مصر يقول...

دعاء العطار
دعاء نفسى تدخلى تقوليلى ده فى حاجه غلط

صوت من مصر يقول...

dina
عشان نتكلم مين اللى غلطان مش هنخلص
ثانيا وده مهم
اللى قالوه منير يمثلنى بنسبة 1 % ولو فهى بلدى واحبها

ستيتة يقول...

كيمو
مساء الفل
انت سيبت عندي تعليق انا مش فاهماه خالص
فيديو لأيه بالضبط؟
ياريت تفهمني قبل ما انشر تعليق مش فاهماه
كمان انت عارف ان عندي اشراف
يعني كأنك باعت لي ميل شخصي بالضبط

تحياتي
وانا كمان فهمت الدرس
وان كان فهمك او فهمي لدروس ابو علاء اللي معلمة على قفانا
لن تنفعنا بشيء
احتمال بس تضرنا

Unknown يقول...

ايه ياابنى
ما الحكومة دى فى الاخر مننا انت الوالد كان او مازال بيشتغل فى الحكومة وبما ذلك فهو مسئول المشكلة الحقيقة مش الموظفين نفسهم ولا المسئولين لانهم من الشعب ويبعانوا نفس المشاكل من مصالح تانية

المشكلة فى الروتين والمركزية فى الطريقة اللى المصالح كلها ماشية بيها عقبال ما قرار يطلع يكون مات اللى مات والف بلوي ........

z!zOoOo يقول...

ماهو حب الوطن اتحول جوانا للعنه

مش قادرين نكرهها

ومش لاقيين الي يساعدنا إننا نحبها

بس هرجع واقولك إن الغلط مش كله علي الحكومه

الناس برضه مش عايزه تتغير

وهختم بكلام ربنا

بسم الله الرحمن الرحيم

" إن الله لا يغير ما بقوم حتي يغيروا ما بأنفسهم "

صدق الله العظيم

لو إحنا إتغيرنا هنصلح اوضاع كتير

وغصب عن الكل الي حوالينا هيتغير

تحياتي

صوت من مصر يقول...

ستيته حسب الله الحمش
اظن يا دكتوره ان ده حقيقه درس صعب فى استعيابه لكننا شطار قوى
هبعتلك الرد

صوت من مصر يقول...

العيسوى الصغير يقول...

بص ياريس
الروتين منين
المركزيه منين
المصالح الرشاوى
قولى

صوت من مصر يقول...

z!zOoOo
شعب مصر عموما لا يثور وده منذ بدء التاريخ
اظن اننا صعب نفهم كلامى وكلامك

أحمد سعيد يقول...

كيف نفرح والوطن يبكي ؟

كيف نعرف معنى الحب..

والظلم من حولنا في كل مكان .


تسلم يا محمد

جميلة بساطتك في التعبير .


أخوك دائماً..نيجــر .