الخميس، ١٥ أكتوبر ٢٠٠٩

مقارنه بسيطه جدا


متبكيش ولا تدمع لان دموع بالنسبه للبعض ................. نقط والبعض الاخر دماء من الاخر امبارح كنت بلعب لعبه حلو انى اشوف القديم فى المدون هنا كان ايه وكانت ميولى ايه من نتين على الاقل او سنه واتغيرت ولا لسه زى ما هى افتكرت بوست اسمه يا اخى توكا 3 و كان بوست سافل وقذر اول واخر حاجه كنت وقح فيها او ظهرت على حقيقتى تقريبا قولت لفظ لكن لقيت التعليقات موافقانى عليه ولقيت بنوته كان اسمها شيماء قلوب بتغنى قالتلى ياه انا كنت مستنياك تقولها ولو مقولتهاش انت كنت انا قولتها شيماء كانت ناصريه اشتراكيه زى حالى انا وده اللى اكتر المدونين متعرفوش عنى انى ليا انتماء تفكيرى يعنى الاشتراكيه هى فكرى وللناس اللى بنتفهم غلط دايما او ؟؟؟ الاشتراكيه دى فكرى مش دينى ثانيا انا مش بحب الاخوان اه وليا اسباب كتير جدا وبحب ايمن نور لكن مثلى الاعلى هو ناصر او عبد الناصر ا فى عصر فيما بعد الثوره حصل ماسى عظمى واه حصلت النكسه فى عهده لكن الراجل نفس وذاته مفيش حد من الشعب كان بيكرهه وده قالهولى والدى الله يرحمه ان عبد الناصر كان محبوب لدرجه لا تتوقع ممكن نعمل مقارنه بين ناصر وحسنى صغيره كده على الماشى
ناصر بنى السد العالى وبحيره ناصر ولهم فوائد عديده
حسنى بنى كبارى كبارى كبارى والدائرى والمحور عشان الطرق تبقى عامله زى التعابين ودايما زحمه
ناصر امم قناه السويس ده اهم قرار مصرى
حسنى باع البلد كلها ده اهم حازوق مصرى
ناصر عمل فى المحله سلسله مصانع غزل ونسيج وخلافه من المصانع الاخرى
حسنى العمال عمله اضراب وكان اكبر اضراب شهدته مصر منذ 30 سنه
ناصر كان فى زمانه فى معتقلات وكانت معروفه ومنها فيلم الكرنك وفيلم البرىء وخلافه
حسنى البلد كلها اعتقلت بخلاف انتمائتها السياسيه اخوانى ليبرالى وفدى اشتراكى بتاع فول شيخ جامع وخلافه
ناصر حبب فيه خلقه
حسنى كره فى خلقه
ناصر حارب بجد وكان جندى ويستحق لقب البيكباشى
حسنى صاحب الخابور الجوى كان البرنس ماسك نبله بيصتاد عصافير لوحده فى الحرب ولا كان فيها جنود ولا حتى اى شخص غيره صاحب الانجاز بقى
جمال لما مات زعل عليه كل الناس
حسنى ده لو مات ( ومش هيحصل ) هوزع شربات وكانز تفاح وبيره وبيرل واللى مدمن ليه عنده خابور حشيش هديه من عمو حسنى
ياربى عرفتوه الفرق
نصيحه بقى لنفسى مش عاوز اقرى لنفسى كلام زمان لانه بيسخنى على الراجل ده قوى
وكالعاده
الراجل ده ابو الست اللى رضعت ابو الهول

هناك ٣٣ تعليقًا:

الشعب لابد له من حكومه تشكمه يقول...

روستوخ روستوخ يازكى ياروستوخ:)
اييييييييييييه ده كان عندك بوستات فيها الفاظ وحشه:( كويس انى مشوفتهاش اصلى عندى موقف من اى مدونه الفاظها مش حلوه:(
بالنسبه للفروق متفقه معاك بس مختلفه معاك فى حاجه واحده وهى موضوع الكبارى,انا شايفه انه ميزه مش عيب على فكره.
ويكفى ناصر فخرا التعلييييييييييييييييم,انه خلى الشعب كله يتعلم مجانى بعد مكان مقصور على البهوات والبشاوات.يكفيه فخراالتعليم والسد العالى...

وثانا انت حر فى توجهاتك وارائك بس بتحب ايمن نور ياراااااااااااااجل:)

الشعب لابد له من حكومه تشكمه يقول...

احم احم فيرست كومنت ومينفعش اسيب الاولانى وحيد ليخاف:)

yoyo يقول...

صباحك سكر يا كيمو

طيب الحق احجز التعليق التانى
اقرا وارجع لك بسرعة

yoyo يقول...

و الله يا كيمو المقارنة عمرها ماهتكون عادلة ابدا
ازاى تقارن و اطراف المقارنة مش على نفس المستوى
الله يرحمه ناصر صحيح انا مش عشت عصر الاجل دا الا انى بحبه بجد وبحترمه جدا
يكفى حب الشعب له حتى الان سواء الله عصره او حتى على الاقل وسمع عنه زى اغلبنا دلوقتى
كفاية ان الفرد فى عصره كان انسان قادر يعيش و يلاقى قوت يومه
مش دلوقتى رغيف العيش بقى عامل ازمة
وكيلو اللحمة عاوز مزانية

وبعدين خابور حشيش طيب قول سيجارة بنى ولا حتى مشمشى ههههههههه

دا رايك وانت حر فيه مش حد يقدر يمنعك تحب او تكره اى انسان على وجه الارض مهما كان
لاننا من الاخر احرار حتى لو كانوا عاوزانا مجرد عبيد برده هنفضل احرار

تحياتى
يويو

صوت من مصر يقول...

محاولة لكسر الصمت
على فكره انا شتمت بلفظ يدل على كلمه اعتراض وده كان لازم لانى كان ممكن افرقع كنت كل مره بقولها مش مقصوده لكن فى البوست ده بالذات قصدت انى اكتبها علنيه لانى بجد كنت هفرقع
الكبارى ليها ميزات ليهم هما وبس افتكرى جمله موكب سلاطينك
وناصر بالنسبه للتعليم عمل شىء خلانى وخلاكى متعلمه
وحبى لايمن نور لانه راجل وقال للغلط لا معملش زى عبد القوى

صوت من مصر يقول...

الشعب لابد له من حكومه تشكمه
فيرست ولا فيرس ولو سيبتى الاولانى وحيد مش هيخاف لانه فى صوت من مصر
لا للخوف فعندما تخاف لا مكان لك بين البشر

صوت من مصر يقول...

yoyo
صباحك فل ده الثالث

صوت من مصر يقول...

yoyo
اولا المقارنه لازن اعملها عشان نفوق
وكلامك عن عبد الناصر ومعه كلامى لا يكفى لان الرجال كثيرون نعم لكن الابطال على عدد صوابع الايد
وخابور حشيش يعنى زى سجارتين بنى تمام
بس مقصود بالجمله شىء افهميه انتى
وانا حر يا يويو
بس انا هنا عشان اكتب مش هنا عشان اهيس وانا اقول للناس اللى بتدخل عندى وبحترمها نفر نفر انا مين ده مش عيب

الشعب لابد له من حكومه تشكمه يقول...

سبق وقلنا كل واحد حر فى توجهاته وارائه:)
لكن بامارة ايه ان ايمن نور قال للغلط لأ؟:)
يكفى ايمن نور ,يكفيه بس ان امريكا كانت بتضغط علشان يخرج من السجن,يكفيه ان كوندوليزا رايس وقفت واتكلمت عنه,يكفيه ان جميله اسماعيل راحت قابلت بوش علشانه.
دا على اساس ان امريكا راعية الحريه والديموقراطيه وبتدافع عن المظلومين؟دا على اساس ان بوش ميستحملش الظلم؟
المصرى اللى على حق ميستنجدش ويدخل دوله اجنبيه فى شؤن بلده حتى لو كان مظلوم,ولامانه انه مؤمنه انه اتظلم.


حتى لو ايمن نور كويس(ودا فرض جدلى)يكفيه انه خسر كتير جدا بتدخل امريكا علشان وذهاب جميله لبوش.دى كفيله اوىىىىىىىىىىىى.ولعلمك باه ايمن نور من المنصوره ومن سوء حظى انى اتكعبلت فى ابن خالته فى شغلى(متجوز امريكانيه بالمناسبه)ودا قعد يتكلم وانا ماسكه لسانى بالعافيه,لحد مقدرتش ودخلت معاه فى نقاش ولانى مختلفه معاه سمعت زبد ,اسمع الكلام اللى بيقوله وانت تقول فينك ياجيمى هنتخبك والله.

Soul.o0o.Whisper يقول...

صباح الخير يا كيمو

و بلاش نرفزة ع الصبح ....


بصراحة ماليش نفس اتكلم :)

انا قلت اصبح عليك بس ، و بلاش أفكرك بالكلام عشان ماتسخنش ع الراجل


ياللا سلام بئا

غير معرف يقول...

انا هقولك اشوف وشك بخيييييييييير

جهز شنطه هدومك بقى وانا هحصلك بالعيش والحلاوه

ايوشة يقول...

انا عن نفسى مش بحب فكرة الاحزاب ولا الانتماء السياسى لاى حزب ناصرى واشتركى واخوانى والكلام ده هو اللى قسم المجتمع المصرى لاحزاب مش عارفة تتفاهم وكل واحد فاكر نفسه الصح وانه حامى حمى المصريين
انا اللى اعرفه انت مصرى يبقى من حقك تتدافع عن بلدك من حقك تعبر عن حبك ليها
اما الفرق بين حسنى مبارك وجمال عبد الناصر مينفعش لان مفيش وجهه مقارنة بالنسبة للجيل القديم شايفين مفيش غير جمال عبد الناصر وبس
وفى الجيل لجديد مش شايف غير الهم من حسنى مبارك ومش لاقى قدامه غير انه يتغنى على امجاد راحت هو نفسه مش عاشها
كل حاكم وليه مساؤه وليه مميزاته وجمال عبد الناصر كان ليه عيوبه بردو
يمكن احنا شايفين عيوب حسنى مبارك كبيرة وكتير لاننا عاشين فى عصره وكنا هنحس بنفس الاحساس فى عصر جمال عبد الناصر





من الاخر البلد دى مظلومة كل ما تمر السنين بتسجن على ايد حكام اسوء من اللى قبله

وردشان smilyrose يقول...

ازيك يا عم محمد

جرى ايه يا عم كيمو

راجع مكتئب ليه

انت اتعديت منى ولا ايه

على فكرة كل يوم بنطور نفسنا عن الاول

لاننا بنكتسب خبرة من كل شئ بيعدى

علينا ولعلمك فيه حاجات كتبتها

منذ زمن كثيرا ما اجد من يكلمنى عنها

رغم انى كنت بحس انها مش بنفس الجودة

اللى كنت اتمناها

المهم ممكن تقرى لينا يا سيدى

واحنا هنقرالك

ههههههه

دعاء العطار يقول...

ازيك يامحمد

البوست جميل جدااااااا

وانا كمان زيك بحب جمال عبد الناصر وبحترمه جدا

بحب فيه عزته وكرامته وبحب حبه لمصر وخوفه عليها ومش بس مصر لاء الدول العربيه كلها

واكيييييييد المقارنه نتيجتها محسومه ومعروف مين الخسران ومين الكسبان فيها

صوت من مصر يقول...

الشعب لابد له من حكومه تشكمه
عارف انه ممكن حتى يكون خاين وسبق وقولنا كل واحد حر فى افكاره لكن طلع راجل ووقف فى وش المدفع اللى كلنا بنخاف منه
مش عيب انه يستنجد بسلطه خارجه فى ظل نظام قامع
نورتى

صوت من مصر يقول...

Soul.o0o.Whisper
صباحك فل
اكيد مغولوله

صوت من مصر يقول...

7annen
مش عاوز اكل عايز سجاير بس
للاسف مش بخاف

صوت من مصر يقول...

ايوشة
انا زيك يا ايوش
بس للاسف بقول ده فكرى مش انتمائى لحزبه والعجرفه الكاذبه
واظن ان بعد مليون سنه يبقى حد يتف على قبرى لو شاف حاجه حلوه من مبارك

صوت من مصر يقول...

smilyrose
على فكره انا هنا منشىء فايرس الاكتئاب
مش انتى
نورتينى بجد

صوت من مصر يقول...

dodoo
دودو انتى اصلا نفس الدماغ مش محتاجه تفسير منك

mimi يقول...

كيمو
أشتاتا أشتوت يا عفريت
مش محتاجين مقارنة علشان نعرف حال البلد ايه..

الحال باين علي وشوش الناس في الشارع

( لو العشاق زادوا اتنين ... يبقي أنا فرد مؤثر في المجتمع .. )

فشكووول يقول...

السلام عليكم ورحمة الله وبركاته
ازيك يا كيمو

يا كيمو ياحبيبى انا عايشت فترة حكم عبد الناصر

اسمح لى اختلف معك قليلا

عبد الناصر فعل ما ذكرته فى البوست

لكن اتعرف اننا نعانى من هزيمة 67 حتى الان

يا كيمو يا حبيبى عبد الناصر هو من ارسى طريقة الحكم التى نحكم بها حتى الان
حتى الحزن الوطنى هو نفسه الاتحاد الاشتراكى سابقا والاتحاد القومى اسبق وما هو موجود من احزاب وشوية حركات معارضه وشوية مظاهرات واضرابات الا هى مبانى ديكوريه لا تسمن ولا تغنى من جوع

بس لو عملنا مقارنه بين ناصر وبين اللى بعده وكلهم فى الهم شرق

نلاقى ناصر بالرغم من ديكتاتوريته واستبداده الا انه كان حاكما وطنيا يحب وطنه ويحب بلده .. مش زى جماعه مش طايقين يسمعوا سيرة البلد المهببه دى

من وجهة نظرى واوعى تشتم ولا تقول كلمات مش حلوه يعنى ... آهه انا بحذرك والا اطلع جرى وما حدش يلحقنى ..آه

من وجهة نظرى بقى ان لا استطيع المقارنة بين زفت وطين وهباب .. كلهم زى الزفت

خلاص بقى انا فريره قبل ما تشتم او تقول حاجه

fnoonh يقول...

يااااااااااااه
والله ياابني ربنا يسترها وحد من الحكومة يشوف البوست ده مش هقولك هيجرالك ايه اسيبك انت تتخيل

عموما انا للاسف مش عارفه ايه هيا الاحزاب دي ومش عارفه ايه هيا الاشتراكيه والناصريه والحجات دي ومش عارفه الاخوان صح ولا غلط ولا ايه الصراحة الواحد ماشي في الدنيا بستر ربنا

اللي اعرفه اني عمري ماحبيت رئيس دوله

تقبل خالص تحياتي

فنونة

صفــــاء يقول...

شيماء اختى ؟
على فكرة بتسلم عليك

غير معرف يقول...

هههههههههههه

ابو الست اللي رضعت ابو الهول :))))

والله انت عسل !

صوت من مصر يقول...

mimi
دى بقى اغنيه فى وشوش الناس حكايات ومقارانات
للاسف هتكونى عضو مؤثر بدرجه غير عاديه
ميمى نورتى

صوت من مصر يقول...

فشكووول
عمو كل واحد وله وجهه نظره

صوت من مصر يقول...

fnoonh
تصدقى مش بخاف

صوت من مصر يقول...

صفــــــاء
قوليلها مبروك على الخطوبه ده اخر خبر عرفته
وبجد هى حد محترم محترم جدا جدا
ومناضله للوطن
ودايما بدخل عندها مش بلاقى حاجه

صوت من مصر يقول...

Hager Za3bal
هى اللى عسل مامته اقصد عشان جابتلنا نحل اخضر فى اصفر

النسر المهاجر يقول...

صوت من مصر

بتوحشنى كتاباتك جدا وأما عن الإضافة فأنا مبيصلنيش رسايل إضافة او حتى موافقه وبخصوص البوست فحاول تستخبى اليومين دول بدل ميمسكوك ويخلوك تقول فى التليفزيون نحن نعيش عصر الحرية
هههههههههههههههه

أنا عندى مكان المخابرات متوصلكش فيه
قصر الرياسة أكيد فاهمنى.....؟!

fnoonh يقول...

لتكون زعلت انا والله مش قصدي حاجة

غير معرف يقول...

hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs