الأربعاء، ٢١ أكتوبر ٢٠٠٩

توكاااااااااااااااااااا 4


هو مين العبيط فينا
هو مين الاهبل فينا
الحكومه بتتعامل معانا على اساس كده
واحنا بنتعامل مع الحكومه على اساس كده
( ياعم اعمل عبيط ) فاكر جمله اعمل نفسك ميت
احنا اموات بس حقيقه مش محتاجين نعمل لنفسنا حاجه
توريث العرش العرش العرش مينفعش يبقى العريش بتاع العربيه الكاروووو اللى بيجروه حمار او بغل ( حصان لا وتؤ )
بجد الحاله خلاص وصلت والكيس فرقع الناس مش مستحمله اى كوارث اخرى فبلاش يا ريس ابنك مين ياعم ( ياخى توكاااااااااااا ) والمره دى تكون الرابعه خلى عندكم دم
شيخ الازهر يبايع نجل الرئيس
البابا شنوده يبايع نجل الرئيس
ناقص كمان الاقى امى فى البيت حطالى صورته فى الحمام عشان نفسى تتفتح وانا ب ؟؟؟؟؟؟؟؟؟؟؟
بجد كفايه 29 ذل كفايه 29 اهانه تقوم ايه كمان تدى العرش لابنك
ياعم ارحمنا بجد السكر بيغلى والبيبسى والكولا ده حتى البريل بقى غالى والحشيش بيرخص ياحول الله
البلد بقت فى حاله مريبه الحشيش بقى ارخص من وجبه العشا او الغدا
طبعا لسه على لحم دماغه انما بطنه فاضيه دايما
دايما جعانين وبنصبر دايما شايفين الزباله وبنصبر
انت بقى شايف ايه
اظن انك عامل رجيم عشان البدله تبقى شيك عليك
لا بجد العمليه بوخت على الاخر ده بقت رسمى فهمى بروسلى
انا هنتخب نفسى لانى مش هلاقى راجل فى البلد دى يدخل الانتخابات
لو فى راجل حد يقولى ( ولا حد يقولى حمله لا للتوريث حمله هايله وجميله بصراحه )
رايحين يقولوه انهم رافضين الانتخابات لانهم عارفين مين هيفوز وطبعا هيبقى جيمى
طب ليه ارفضها ليه محاولش انتخبوا واحد منكم
البلد عايزه رادل بصحيح رادل زى صلاح الدين الابندوى
الله يمسيك بالخير يا غباوه
احنا فعلا مش ميتين لما نصحى من الكابوس حد يقولى اصحى معاكم
توكااااااااااااااااااااااااااااااااااااااااااااااااااااااااااااااااا

هناك ٤٠ تعليقًا:

الشعب لابد له من حكومه تشكمه يقول...

بقولك ايه صحيح انا سمعت كلمه يا اخى توكاااا دى وعمرى مفهمت معناها ايه؟
هى معناها ايه؟ مره سالت حد قالها ادامى بس سكت ومقاليش:(

ثانيا بطلوا افترا وظلم باه 29 سنه ايه يا اخى دول 28 سنه بسسس:)

وبعدين انتو تاعبين نفسكو فى كلام ملوش لازمه والله,اه متبصليش كده اصل النهايه متوقعه ومايحكمشى؟ طب لييييييييييه ميحكمشى:))

فين باه الرادل اللى بتقول عليه لا بجد اطرحلى اسم رادل واحد واياااااااااااااااك ثم ايااااااااااااك تقولى زويل او دكتور غنيم او البرادعى علشان كده هزعل منك وهعرف انك بتقول كلام وبسسسس.عاوزه رادل واحد وبجد وينفع اه وصحيح ياريت ميكونش فى السبعينات البلد مش ناقصه شيخوخه:( هتقولى عمر سليمان هقولك عنده 75 سنه يعنى هياخدنا على الاخره مش هنلحق نعيش:(
اه نسيت اوعىىىىىىىى تقولى ايمن نور برضه هخاصمك:)
فكر ورد عليا

Unknown يقول...

ياكيمو
هم مش محتاجين
يأخدوا رأينا
الصناديق جاهزة
والمبايعة موجودة
وأهم حــــاجة بقى
البلد بلدهم وأحنا ضيوف (:
دامش كلامى!لكن تصرفتهم بتقول كدهـ

حلم بيعافر يقول...

ياايها النوام قوموا
ردوا على الموت التحية

مدحت محمد يقول...

على فكرة انا لست ضد جمال مبارك

كشخصية
ولكن ضد ان يكون رئيس قادم

خوفا من تحويل مصر الى ملكية

Hanan Elshafey يقول...

لا ماهو اصل البعب بيخوف

سجود يقول...

اللي هما عايزينوه هيمشي غصب عننا احنا خلاص ماعدتش لينا راي كفايه اننا نتفرج عليهم ده في حد ذاته قمه الديمقراطيه
هههههههههههه
ربنا علي الظالم

fnoonh يقول...

اه ه ه

والله لو عملنا الليلي وعايز حمادة يجيب جيمي هيجيبه غصب عن اللي جابو -----

يلا ربنا يعينا

عازماك على جاتوه وتورتة تروق بيهم عن نفسك انسى الدنيا والحكومة ياابني واتمتع بالدنيا وسيبك من الهموم دي

تقبل خالص تحياتي

romansy يقول...

الحكايه مش حكايه بلد الحكايه حكايه شعب اخرس
احنا بس محتاجين شويه وقت كام مليون سنه مش مشكله
عارف لو البلد دى مفيهاش مشاكل يااه كانت تبقى بلد فله بس المشاكل ورانا ورانا
يا كيمووووو

دعاء العطار يقول...

لما الحشيش يبقى اغلى من الاكل يبقى فعلااااااا ياعينى عليكوا ياشباب مصر

بجد حاجه مستفزززززززززززززه جدااااااا بس للاسف مفيش حد عايز يتحرك والكل بيقول اهى عيشه وخلاص

ربنا يصبرناااااااااا

غير معرف يقول...

كيمو عليا العيش والحلاوه ميغلوش عليك توكل انت على الله بس

حزينه يقول...

اومال انت عايز مين يبقى الريس
رشحلى حد كدة
حتلف الدايرة بينا
وبردة حيبقى جمال
مش علشان حلو ولا وحش
بس فاهم

donya يقول...

اول زياره للمدونه

ووجدتها بركانية الطبع


*تحياتي

donya يقول...

سؤال طق في دماغي مبايعة ايه هي دي مش للملوك والا انا فهمي غلط

امل يقول...

يا كيمو
كلنا بنسئل السؤال ده
مين هايكون مكان جمال

مين فى بلدنا ممكن يقف ويقول انا لها انا لها
اذا كان كل الحكومه عواجيز
واذا كا واحد بس فكر يقف ضد التيار
اودعوه السجن
وطلعوا فيه القطط الفاطسه
طيب تفتكر انت ممكن ترشح نفسك
طيب مين يعرفك ؟
ومين هاينتخبك ؟
وقيس بقى على الكل هذا السؤال
علشان كدا قمة الديمقراطيه انهم يرشحوا واحد الكل عارفه وعارفين اصله وفصله
وان شالله الشعب يروح فى 60 داهيه
المهم هما يوصلوا للى عايزينه
لانهم عارفين كل حاجه
لكن احنا الشعب الجاهل الذى لا يفهم ولا بيقدر مصلحته

صوت من مصر يقول...

الشعب لابد له من حكومه تشكمه
بصى هو فعلا المفروض انه يسكت وانا هعمل زيه
وال82 هيبقوا 29 اكيد
عارفه فى جمله رمه بتتقال تلاقى واحده ست رايحه ردت بطلقائيه واضحه ( ميحكمش ) احنا برضه بنقولها وعمر سليمان مين
يا بنتى ده عميل اولا ثانيا هنلاقى مصر كلها وانا اولهم جوه المعتقلات
افتكرى ايام صلاح نصر
ايمن نور ارفضه
ممكن كرومبو

صوت من مصر يقول...

norahaty
طب ليه نسكت

صوت من مصر يقول...

حلم بيعافر
ولا بعد مليون سنه

صوت من مصر يقول...

مدحت محمد
هى لسه مش ملكيه يا مدحت
بلاش نضحك على روحنا

صوت من مصر يقول...

حنان الشافعي
اللى يخاف من العفريت يطلعله
وانا مش بخاف

صوت من مصر يقول...

سجود
ارفض الديمقراطيه الزائفه

صوت من مصر يقول...

fnoonh
جاتوه وتورته وفى ناس مش لاقيه عيش حاف ابقى معنديش دم
بجد لازم اتكلم

صوت من مصر يقول...

romansy
ايه رايك نسيبنا من المشاكل ونرسم وطن

صوت من مصر يقول...

dodoo
انتى عندك امل ان الحشيش يبقى رخيص
تبقى حكومه متحكمش

صوت من مصر يقول...

7annen
حنين
رومنسيتك هايله بجد بس قولنا مش عايز عيش وحلاوه
شاى وسجاير
وورقه وقلم
وياريت مناديل وكمان علاج عشان الجيوب الانفيه وكونجستال بتاع البرد

صوت من مصر يقول...

حزينه
وماله كرومبو

صوت من مصر يقول...

donya
نورتى فى اول زياره والبركان من الكبت اظن ان بقالى 23 سنه بعانى من فوبيا اسمها حكومه

صوت من مصر يقول...

donya
لا فهمك صح
بس هنا فى الملكيه بنعمل كده برضه اصل العريش بتاع الحصان اقصد العرش بتاع ابوهم

صوت من مصر يقول...

ماما
للاسف لما يكون 80 % مش لاقى ياكل نبقى شعب اهبل وعبيط ومش عارف مصلحته
اظن ده كلامك ومش موافقك نهائى

الشعب لابد له من حكومه تشكمه يقول...

شوفت باه ان مفيش عندك بديل ودا قمة نجاجهم:))
بتعصر فى دماغك على حد ومفيش بذمتك مش دا نجاح برضه.

امل يقول...

ايه يا كيمو
ايه اللى مش موافق عليه فى كلامى
هو انا قلت حاجه غير الواقع المر اللى احنا عايشينه

ولو مش عاجبك كلامى وعايز تعمل تغيير
قوم انت والشباب كلهم واعملوا ثوره وورينا هاتوصل لايه
يابنى احنا مش محكومين بانجليز ولا امريكان
احنا محكومين بعصابه مفتريه
واذا كنت مش مصدق جرب
وابقى كلمنى بعد المعتقل قدرت تعمل ايه؟
انا مش بعملك احباط
ولكنى انا نفسى محبطه
ولا فاكرنى راضيه عن اللى بيحصل ده!!!
انا نفسى فى واحد من الشعب حاسس بالشعب واحد عايز يرفع امته
مش واحد قاعد يستمتع هو اللى حواليه باللهف اللى بيلهفوه


وضحلى وجهة نظرك بالله عليك

العلم نور يقول...

قال توريث قال ,, على مين يابه نحن معانا رب كريم قادر على كل شيء .. دا مين هلفوت العرب إللي جاي ينصب نفسه وينصب علينا.

محاولة لكسر الصمت يقول...

مؤخرا..صارت كلماتك تستفز داخلي أفكارا كثيرة, افكارة لكثرتها وتداخلها أعجز عن الكتابة عنها..

ولكن ربما اقترح عليك اقتراحا..فلتعد إلى حديقة الحيوانات وابحث عن تلك المرأة صاحبة الودع وإسألها: هو جمال مبارك هيمسك بعد ابوه!!!!!!!!!!!!؟

وإن أجابتك بنعم فرجاء لا تخبرني بذلك..

تحياتي...

لو عرفوه هيحبوه يقول...

السلام عليكم ورحمه الله وبركاته

اسال الله ان يوفقك لكل ما يحبه ويرضاه

نتمنى زيارتكم لنا فى حمله لو عرفوه هيحبوه للتعرف على حياه النبى صلى الله عليه وسلم

kmt يقول...

السلام عليكم ورحمة الله بركاته

صوت من مصر
اللي جواك جوا كل واحد فينا
اضم صوتي لصوت دواير.

تحياتي
الى اللقاء

صوت من مصر يقول...

الشعب لابد له من حكومه تشكمه
فى مثل بيقولك الحلو مدفون فى التراب
يا بنتى والله هنلاقى بس نتعب ونتكلم ولا نسكت وناخد على قفانا

صوت من مصر يقول...

ماما
اظن ان كلامك كلو صح بس للاسف الثوره مش هتحصل فى ظل تضارب اراء
وفى ظل ان الناس بتقول دول احسن من غيرهم
طب نجرب غيرهم وبعدين نتكلم ولا ايه

صوت من مصر يقول...

الشجرة الأم
اظن انى معاك فى كلامك بس قول للناس ده

صوت من مصر يقول...

محاولة لكسر الصمت
الصمت يدل على العجز وانتى هنا عشان تكسرى الصمت وانا هنا برضه عشان ابقى صوت من مصر
اظن انى لازم اتكلم ولو كلامى بيخليكى تفكرى يبقى انا بنجح فى اللى انا عاوزه
واظن العرافه قالتلى كلام كتير مجبتش السيره دى ولو قالتها كنت هعرف انها من محسبويين الحكومه

صوت من مصر يقول...

لو عرفوه هيحبوه
ربنا يسهل

صوت من مصر يقول...

kmt
يبقى اقرى رد دواير
صح ولا انا غلطان