الخميس، ٤ يونيو ٢٠٠٩

الساحر اوباما وعمده المصريين فى تل ابيب


ياه يا جدع الواحد فعلا حس بالراحه بس فعلا كنت محتاجلكم كلكم محدش يزعل بقى على التقصير معلش كان عندى امتحانات وكنت ايه مش بشوف بيتنا والله عموما اهو رجع ليكم حد عسول قوى امور قوى وفيا شبه كده من اوباما (ههههههههههههههههههههه) بضحك بس فى سرى افتح بقى الموضوع الاولانى ( اصلهم توينز ؟) الاول عن اوباما طبعا كلنا شوفناه وكلنا تابع الموضوع وشاف طيارته واف ازاى اتكلم وازاى عمل كل حاجه صح واتكلم فى كل شىء عان يوضح انه مثقف وهو فعلا كده بس محدش اخد باله ان الراجل ده جاى بيتكلم كده وحركاته وطريقته ودخوله لمسجد وهو خالع الحذاء ووووووووو ؟؟؟؟؟؟؟؟؟ ليه والف ليه اولا عشان يغير شكل الامريكان بمعنى ان بوش كان لما بيجى بيكون متعجرف ويتكلم من فوق وكان مفيش حد زيه جه اوباما غير كل ده عشان احساس الامريكان تغير بسسب او باخر ان الناس فهمت الامريكان صح الراجل ده جاى عشان يغير شكل المفهوم للناس او زى المثل بيقول ايه ؟ اضربك احس انك هتضربنى اطبطب عليك وصلت الموضوع التانى وده موضوع خطير جدا جدا استفزنى من يومين برنامج رولا بتاع قناه الحياه كانت بتتكلم عن المصريين الى متجوزيين اسرائيليات طبعا القانون بيقول انهم يسقط عنهم الجنسيه وبصراحه كمذيعه وطقم اعداد ناجح قدروا يوصلوا لعمده المصريين فى تل ابيب الراجل ده مستفز وبارد ولا كمان بشتم مصر وبيقول عننا اننا متخلفين طب ازاى عايز تثبت انك مصرى وبتشتم فى مصر وازاى هتقنعنى اننا فى سلام مع اسرائيل نعم انه سلام حكومات ليس شعوب فانا رافض وانت ؟؟؟؟؟؟؟؟؟؟؟؟؟؟ ليا حق اتخنق ولا لا ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ انا فرحان برجوعى ليكم يا احلى ناس

هناك ٤٦ تعليقًا:

kmt يقول...

السلام عليكم ورحمة الله وبركاته

سبحان الله بقالي فترة ادخل عندك وماكنش عارفه انك منزل بوست جديد
شفت

حمد الله ع السلامه
راجعة تاني بجد
تحياتي
الى اللقاء

Sweet Violet يقول...

ايه ده نزل امتى ده ؟؟؟

انا لما جيت المرة اللى فاتت شوفت البوست بتاع اللقاء بس

اكيد ده مش كان موجود صح ؟؟؟؟

أنا لسه مش قريت بس قولت اسأل

حجز تعليق

و راجعة تانى ^_^

بس بردو فى حق عرب P:

صوت من مصر يقول...

kmt
الله يسلمك ومش هستغنى عن التعليق

صوت من مصر يقول...

Sweet Violet
انتى مش قولتى تسالى عنى انتى قولتى تسالى عن حق العرب
بس عموما مفيش حق عرب ومستنى التعليق ايضا ):

الشعب لابد له من حكومه تشكمه يقول...

يادى الجزمه وسنينها ياجماعه دا لو دخل المسجد بالجزمه نباه احنا بلد تستاهل الضرب بالـ.... اقول ايه بس يعنى حد داخل مسجد متوقع من جنابه ايه يعنى..
انا باه اللى عجبنى اكتر مش انه قلع جزمته.ابسلوتلى نوووووو شفت حتة السلام عليكم اللى فى الاول وكام آيه قرآنيه كده استخدمهم, بيثبتنا:)وبعدين يرميلك كلمتين حلوين وهوب يحطلك ولكن,,وما ادراك من لكن.
واخيرا ارجع واقول اكتر حاجه لفتت نظرى لما فط سلالم الطياره مره واحده وهو ماشى ,شباب باه ربنا يوعدنا.

الشعب لابد له من حكومه تشكمه يقول...

اه نسيت اعلق على موضوع الجنسيه,انا بكره اسرائيل وبقولها لو اتسأل انشاالله اموت قتيل او خش المعتقل.
ولادهم معاهم الجنسيه الاسرائيليه عاوزه منهم ايه اكتر من كده..
وطالما البيه شايفنا متخلفين يباه يريت يرحمنا ويخليه مع المتحضرين ويفضل وسطيهم البلد مش ناقصه قاذورات.

kmt يقول...

السلام عليكم ورحمة الله وبركاته

انا جيت

عارف
لسه شايفه الاعاده بتاع الخطاب
لاني مش شوفته الصبح

عارف سرحت كذا مرة في ان احنا ليه مش عندنا رئيس من دا
نتجمع معاه حوالين فكرة واحده هيا الوطن
ريئس لكلامه تتهز كراسي ومناصب ودول
عارف
حسيت اني بحسد الامريكان على رئيسهم

اما الموضوع التاني
فمين اللي قال ع اللي يتزوج من الاسرائليات انه مصري
ولا عمره كان ولا هايكون

تحياتي
الى اللقاء

Sweet Violet يقول...
أزال المؤلف هذا التعليق.
Sweet Violet يقول...

انا الصراحة ماحصليش "احم الشرف " انى اشوف الخطاب كامل لانى كنت بجهز علشان انزل فقولت اعلى التليفزيون و اهو على الاقل افهم المضمون

بص اولا من الواضح جدااا انه كان زى مابيقولوا بيضرب و يلاقى فى نفس الوقت

مانكرش انه حد فاهم قووى هو بيعمل ايه مش زى اللى قبله علشان كده عرف كويس يبرمج حاجات كتير لصالحه

انا بدور على الخطاب كامل علشان اعرف جميع النقاط اللى اتكلم فيها .. لانى زى ماقولت ماسمعتش غير جزء .. و اعتقد ان الخطاب كله هيكون كده لانه بيقول الكلام فى الاول و بعدين عكسه فى الاخر .. و طبعا الاخر هو اللى هيتعمل بيه

موضوع بقى انه قلع الجزمة و قال كام آية قرآنية و بدأ بالسلام عليكم .. الصراحة ده شئ كان متوقع لانى زى ماقولت ده فعلا حد فاهم كويييييس و اتعلم من اخطاء اللى قبله

احتمال يكون لى راجعه فى الجزء ده لما اشوف الخطاب كامل ^_^

^^^^

الاستاذ بقى اللى بتقول انه بيشتم مصر و اننا متخلفين .. انت نفسك دلوقتى غلطت فى المصريين بانك تقول انه مصرى

ده خلاص باع الجنسية مع بعض الكماليات " اكيد بالنسبة ليه هتكون كده"

فاعتقد ان الواحد مايضيعش وقته اصلا و يسمع لامثاله ولا يكتب عنهم

^^^^

سيبك انت انا موافقه على الشاى بس انا مش بحبه .. ممكن نسكافيه بقى علشان انت كريم ^_^

بلاش فضايح يقول...

اولا ازيك واخبارك ايه فى الامتحانات؟

ثانيا اتمنى من الله ولا يكتر عليه ان أوباما دة يكون كويس
ويكون الاسلام اللى خرج منه أجداده مخلى قلبه رحيم على الناس
وانه يكون صادق ويكون هو دة اللى هيحل المشاكل وخصوصا انه متواضع فى كلامه ووعد بحل كل المشاكل بطريقة مختلفه عن بوش

ثالثا انا شوفت برنامج رولا وعندك حق الأخ اللى اسمه شكرى الشاذلى رئيس رابطة المصريين فى اسرائيل مش كويس خالص وطريقة كلامه مش كويسة بردو دة حتى يشبه الاسرائليين سبحان الله مش ناقصه غير الطاقية اللى بتبقى لازقه على دماغهم دى

هو بيتكلم عادى وبدون اى شعور بالتصرف اللى عمله هو واللى زيه

هما بيبرروا جوازهم من يهوديات بانهم حبوهم
بس انا شايفة ان هما اصلا من جواهم معندهمش ولاء للبلد لان محدش بيحب حد يهودى ولا اسرائيلى مهما حصل بالعكس دول بيعملولنا نوع من الاشمئزاز
حتى لو كانوا من عرب 48 زى مبيقولوا

تقبل مرورى

شمس النهار يقول...

ازيك
اما موضوع اوباما انا مافياش دماغ اتكلم فيه دلوقتي
بس هتكلم بعدين
اما موضوع المصريين اللي متجوزين اسرائيليات
فادول نوعين نوع متزوج من فلسطينيات من عرب 48 ودول معاهم الجنسيه الاسرائليه وهم اما مسيحيات او مسلمات والاصل معروف فلسطيني
او من اسرائيليات اب عن جد ودول يهوديات جنسيه ومعتقد طبعا
دول عايزين الحرق
وماينفعش نتكلم عليهم والا نضيع وقتنا عليهم كفايه انهم لن يحتفظوا بالجنسيه المصريه
بس خلاص

صوت من مصر يقول...

الشعب لابد له من حكومه تشكمه
بالنسبه لموضوع الجزمه غيره معملهاش
والنطه الراجل بيستعرض صحته قدام الريس بتاعنا الى هيموت لو كح ولا ايه

صوت من مصر يقول...

الشعب لابد له من حكومه تشكمه
مش هقولك غير انهم عايزيين يحتفظوا بجنسيتهم المصريه وهما يحملون جنسيات اسرائيليه ومعاهم اطفال اسرائليين ازاى يكون مصرى
اشكرك بشده

صوت من مصر يقول...

kmt
اوباما اصبح للامريكان الحلم وللعرب ايضا لكنه استاذ فى النصب حركات وطريق وكذا حاجه تثبت ده وهما فى الازمه العالميه هيحتاجولنا اكتر ولا ايه
وصح و1000000000 صح م مصريين
شكرا

صوت من مصر يقول...

Sweet Violet
م هرد الا لما تشوفى الخطاب كامل برضه
وطبعا لازم اكتب عن حد باع وطنه لوطن عدو نعم فيه سلام لكنه سلام حكومات وليست شعوب
ومفيش شاى ولا نسكافيه
ينفع واحد شاى على البورصه وشيشه خوخ موافقه

صوت من مصر يقول...

nona
تخيلى التواضع ده وراه ايه اكيد وراه حاجه وطبعا مصلحه اميركا العاليه واحنا وساختنا السفله
عموما انا مش هتكلم معاكى فى موضوع البرنامج انتى قولتى المفيد

صوت من مصر يقول...

شمس النهار
اظن ان فيه مصريين متجوزيين من فلسطينين عاديين ولا لازم يتمحكوا فى اسرائيل بالنسبه لبعض الشباب اصبحت الان طوق نجاه
ومستنى موضوع الشيخ باراك حسين اوباما

Kiara يقول...

بصراحه كان في منتهي الذكاء واللباقه قدر يعمل خطوات بوش معرفش يعملها بس ليه كل دا

************

حمد ال هلي السلااااااااااااااامه وانتشر وتوغل بقي

yoyo يقول...

صباحك سكر يا كيمو

حمد لله على السلامة
ويارب تكون الامتحانات عديت على الف خير يارب
ويارب دايما كدا منور مدونتك

عندك حق و الله لما قلت الساحر اوباما
فهو فعلا انسان ساحر وذكى جدا جدا لانه بيحاول تستقطب الناس له عشان يلغى الفكرة المتكونة عند العالم وخصوصا العرب عن امريكا و اعتقد انه ماشى بخطوات ثابتة فى طريقه
بس ياريت مش يكون مجرد كلام ووعود وبس

اما موضوع الجواز دا و الله سواء كانوا عرب فلسطين او حتى اسرائيليات اعتقد ان الابناء بيكون ولائها الاول و الاخير للبلد اللى اتربت فيها وعاشت فيه مهما كان

دمت اخى بالف خير
تحياتى
يويو

رحلتنا في الحياة يقول...

الف حمدلله على السلامة والف مبرووووك على انك خلصت الامتحانات هم وانزاح اكيييييييييد عقبال النتيجة ان شاء الله
بالنسبة لاوباما الراجل ده ذكى جدا ادى انطباع للناس انه الهيرو اللى جاى من امريكا علشان يحل كل مشاكلنا
بخصوص حلقة رولا انا مسمعتهاش اختى بتقولى عليها وعلى فكرة اصلا اصلا المصرى بجد والعربى بجد افتكر هيرفض فكرة التطبيع مع اسرائيل باى شكل من الاشكال مش يروح يجوز منهم بلا قرف على الصبح الخبر ده حرق دمى على فكرة

Foxology يقول...

حمد الله على السلامة يا محمد باشا وربنا يوفقك فى امتحاناتك ونتيجتك

اوباما فعلا انسان كويس وده الظاهر منه لكن اكتر حاجة عجبتنى فى كلامه هى الصراحة والوضوح والمنطقية مقالكش احلام وردية قالك لا انا رئيس امريكا واجى اصلح علاقاتنا بيكم علشان مصلحتنا

تحياتى وربنا يقدم اللى فيه الخير

Soul.o0o.Whisper يقول...

السلام عليكم و رحمة الله و بركاته

و احنا كمان فرحانين برجوعك لينا

و كفارة من الامتحانات


بالنسبة بئا لاوباما
فأى حد هيتخدع بيه و يصدق كلامه

والله ما يستاهل حد يبصله
و انا مقتنعة انه كان منظر بس


انما بئا بالنسبة لعمدة المصريين
فهو اصلا ماعدتش مصرى عشان يبئا عمدة المصريين

يعنى خسارة فيه المسمى اصلا



دمت بود

وحي القلم يقول...

السلام عليكم

وحشتنا تدويناتك ياريس ، بس لا أوباما

ولا غيره هم اللي هيغيره العالم الاسلامي

النصر هيجي من عندنا مش هنستورده من بره

تقبل مروري

romansy يقول...

الله عليك يا كيمو
راجع بقى دماغك عاليه قوى بعد الامتحانات
مااشى يا سيدى
مش عارف الصراحه يا كيمو
انا قلقان ليه
مش عارف هو فعلا اوباوما كده ولا سياسيه امريكيه جديده
بس بهنى امريكا على رئيس قدر يقنع 75 مليون مصرى
فى خطابه
وعارف الديانت الاخرى بتقول ايه

kmt يقول...

السلام عليكم ورحمة الله وبركاته

معاك ان كل الخطاب نوع من الدبلوماسيه والضحك ع الدقون لكن الفكرة مش في كونه صادق ولا كذاب لاني مش منتظرة اوباما يجي يشغلني ويشيل المجاري اللي بلدي وينضف الهواء ويشفي المرضي ويبني مدراس
الفكرة ان يكون لينا رئيس
بقوة التأثير ده
رئيس قائد يقود امة نحو هدف واحد
رئيس يكون لينا عقدة الخرز اللي تمنعه من الانفراط والتشتت

لكن اوباما مش هاينفع غير بلده وهوا ماشي على سياسه محدده مش هوا اللي يقدر يغيرها بمزاجه

اه
مش فهمت شكرا على ايه
هو صحيح جمايلي مغرقاك D:
:)بس شكرا على شو؟

تحياتي
الى اللقاء

صوت من مصر يقول...

كيــــــــــــارا
يا كوكو كل ده عشان تعديل صوره الغول الامريكى لدى العرب فى ظل الازمه العربيه
والى طبعا بتوع السعوديه والخليج م هتفرق معاهم
صح
منوره والله
وهتوغل

صوت من مصر يقول...

yoyo
نعم انه ساحر فقد اضاف كثير للامريكان وغير كل ده فهو واعى كثيرا للثقافات العربيه والاسلاميه
وبلنسبه لليهود عندك حق
بس المثل بيقول لو لم اكن مصريا لوددت ان اكون ؟؟؟؟؟؟؟
شكرا لسؤالك

صوت من مصر يقول...
أزال المؤلف هذا التعليق.
صوت من مصر يقول...

ايوشة
عجبتنى قوى بلا قرف دى
وموضوع اوباما اتكلمنا فيه كتير
وفكك من الاكتئاب بقى ماشى

صوت من مصر يقول...

Foxology
يا فوكس مش كل حد اتكلم هيبقى كويس
ممكن يكون حلانجى صح

صوت من مصر يقول...

Soul.o0o.Whisper
لسه كنت برد على فوكس قولتله كده اوباما حلنجى درجه اولى
وصح مينفعش يتقال عنه عمده ولا للمصريين
اشكرك وفعلا انا فرحت برجوعى وسط العيله

صوت من مصر يقول...

مصعب صلاح
ياريس روح ذاكر كويس انت ثانوى عام
وبجد انا كمان وحشنى التدوين
ووحشنى الكلام عن اوباما

صوت من مصر يقول...

romansy
الذكاء انن تحبب فيك الناس وليس العكس وهو ما يفعله يسرق بالعقل
رجعت عشانك انت اول واحد
انتى عارف انا عندى معزه ليك

صوت من مصر يقول...

kmt
اوباما فعلا لن يفيد الا بلده وعموما هو شخص فعلا يسمى بالساحر
اولا كلمه شكرا انا بحب اقولها كتير هى واسف معرفش ليه ( عدم ثقه ) بس بجد متزعليش منها لانها بدون معنى غير انى بشكرك على اهتمامك بيا

Unknown يقول...

يا عم حمد الله عالسلامة

طبعا انت خلاص عرفت رايي فى خطاب اوباما

عمدة المصريين ....هو ليه طيب محتفظ بلقب عمدة المصريين لما احنا متخلفين؟؟؟ ميروح فى داهية زى اللى راحو فى ستين سلامة بس من غير ميغلط فى اسياده يعنى..

منور يا كيمو..عملت ايه فى الامتحانات؟؟

امل يقول...

اهلا بعودتك
وشكرا على الزياره
وان شاء الله نهنى بالنجاح القريب
بالنسبه لاوباما انا مارتحتلوش نفس الثعلب اللى سابق ليه..بس باسلوب ( اللى تكسب بيه العب بيه)
وموضوع رولا..مايستاهلش الكلام عنه
نرجو التواجد الدائم

ريمان يقول...

حمد الله ع السلامه


وبقولك مفيش حاجه هتتغير


هو كده كده هيطبق سياسه امريكا


تحياتى

عمرو يقول...

الحمد لله على سلامتك و أرجو اٍن شاء الله تكون نتيجة الاٍمتحان مفرحه :)
بالنسبه لأوباما فمش عارف ليه بيفكرنى ببتوع فين السنيوره :)
أعتقد لو ماكنش بقى رئيس كان ممكن يكون ممثل ممتاز جدا ..
أتمنى أشوف لك بوستات كتيييير فى القريب و ترجع لنشاطك تانى ..
و تقبل تحياتى ..

mahasen saber يقول...

اه يا كيمو يا ربى تخيل بئه

انا كنت عندك وسيبتلك تعليق طويل عن الموضوع بس النت مبعتوش وانا افتكرت انه اتبعت ونسيت

شوف الزهايمر بئه
لا ليك حق تزعل منى بجد وتضربنى بالرصاص كمان

عتابك ليا على دماغى وفى قلبى من جوه
لانه عتاب محبه من اخ اصغر

هدوشك من هنا ورايح
استلم الصداع بئه

mahasen saber يقول...

اما بخصوص اوباما فهقول تانى يا كيمو.....

الراجل ليه جذور مسلمه فطبيعى يكون جواه شوية تقدير للجذور اليى جه منها

بس مننتظرش منه لا ابيض ولاا اسود الراجل بيخدم سياسة بلده وبينفذ ما يملى عليه من اللوبى الصهيونى المتمثل فى الكونجريس واليى اغلبيته صهاينه كما هو معروف

وبعدين لو نيته سليمه تجاهنا احنا فيها اهه ليه مش هنقول ينسحب من العراق اليى جاب اخرها النظام الامريكى خلاص لا بنقول اضعف الايمان ماافرجش عن العراقيين اليى فى مشرحة ابو غريب ليه

ماافرجش عنهم ليه
معاقلش المجرمين اليى انتهكوا ادميتهم ليه

مهو لو فيه نيه بئه من الاساس كان احترم مشاعرنا تجاه اخوانا فى العراق

احنا مننتظرش حاجه من اى رئيس اميريكى لانه عمره ما هيعمل لصالحنا حاجه
هو هيعمل على صالحنا كل البدع اليى تخليه طالحنا بدل صالحنا

صوت من مصر يقول...

enjy
بعد كل ده بتقولى منور يا كيمو
يا نوجا بجد انا عارف انى اتاخرت على الناس لكن
فعلا هو ليه يقول على نفسه مصرى
يلا ابقى افتحى الميل

صوت من مصر يقول...

ماما
طب ليه موضوع رولا ما يستهلش الكلام عليه
وانا واجب عندى انى ازور بلوج ماما الى دايما بتنزل بوستات متاخره
عايزيين نطمن على مصطفى

صوت من مصر يقول...

ريمان
خير الكلام ما قل ودل
بس بصراحه تسلم ايدك وعقلك
فهمتى بسرعه جدا

صوت من مصر يقول...

عمرو
فى نفس يوم زياره اوباما كنت بتفرج على برنامج مستضيف مروان حامد مخرج فيلم ابراهيم الابيض وعماره يعقوبيان قال نفس الكلام كان يصلح يكون ممثل جامد لانه يمتلك كاريزما حلوه
وشكرا لسؤالك عنى استاذى

صوت من مصر يقول...

mahasen saber
لو على الصداع هستحمله
بس انا واخد بالى ان هيبقى فى اجتماع قريب فى القاهره مش عندكم
مع ماما شمس اتمنى اشوف اختى الكبيره هناك

صوت من مصر يقول...

mahasen saber
مفيش حد هيبكى على حد يعنى اوباما ملوش دعوه بجذوروه ده بيحكم شعب وله وعليه واجبات
هو مش زى مبارك
صح