الجمعة، 24 يونيو، 2011

انا والطمطمايه

مش هتغير .. انا هو ده ... بحب اللى احبه اكره اللى اكره حالتى تكون ازاى عامله ايه شايف ايه وليه ومين وكام وبكام ودخلى ايه مش عارف بس ده انا مش حد تانى ايوه انا ايون هكون انا ومش هكون حد تانى غير انا .. اه انا مش متدين بس ربنا عالم بحالى وافعالى واللى هيحصلى واللى اصلا جرالى واللى مكتوب ليا فى مستقبل مجهول مش معلوم والمعلوم منه مظلوم بين جناح الامنيات من اللى فات من عمر مات وهموت معاه مع كل دقه بين ضلوعى بين خوفى وجهل فى عيونى وفى عيون الناس ليا بس ده انا مش حد تانى ومش خايف ومش جعان ولا هرضى انى اكون تعبان ولا مزنوق بين حروف الحياه اللى هى ... كنت اتمنى تبقى فرعونيه باصلها بجمالها بعقلها بدنيا مش دنيا لا عشتها ولا هعيش قبلها ولا شفت حتى دنيا تانى زيها ... اكتشفت انى مخلوق فضائى للمره المليون ونزل على كوكب غريب عشان يلم تراب الدنيا فى عقله اللى شايفه كبير مع انه صغير ... دخان فى سجارته اللى بتخنقه قبل النوم ولكن حالم شايف الكون من غير ترامدول افضل .. للاسف زمن مات وزمن عاش وهو لسه فى النص بين الاتنين محتار يموت يفضل قرر انه يفضل فى النص عشان يتحول لطمطمايه مفعوصه .... يصرخ ينده يرد عليه عقله التايه ويقوله ............................. انت بتحلم يا حلولو ... ولكن انه انا ؟؟؟؟ بغض النظر عن الامنيات وعن سيجاره وحضاره وجنون ومكسب وخساره بس نفسه فى كبايه عصير بطيخ باللوز والفسدق ..........
مش فاهم تقريبا انا كتبت ليه " بس حيره "

هناك 7 تعليقات:

Foxology يقول...

اكتشفت انى مخلوق فضائى للمره المليون ونزل على كوكب غريب عشان يلم تراب الدنيا فى عقله اللى شايفه كبير مع انه صغير

هى دى يا كيمو وأظن انها سبب تعذيبنا كلنا مش انت لوحدك

تسلم ايدك يا كيمو

كريمة سندي يقول...

أنا في اعتقادي إننا عالم افتراضي مش مخلوقين فضائيين ههههههههه

جميلة أوي أفكارك تحياتي

Thailand Travel. يقول...

Just want to say your article is as amazing.

محمد عمر يقول...

السلام عليكم الطائر الحزين

وجع البنفسج يقول...

انت مش فاهم ولا انا فاهمةولا حد فاهم حاجة ..

عموما حبيت اقولك كل عام وانت بخير .. وان شاء الله تفهم ..

قلب ارهقته الاحلام يقول...

هو كل ال انا فاهماه ان فيه طمطمايه مفعوصه ف النص بس مش عارفه ايه ذنبها :)
كل سنة وانت طيب

قمم تميز يقول...

شركة المثالية للتنظيف بالدمام
شركة المثالية لمكافحة الحشرات بالدمام
شركة المثالية للتنظيف بالخبر
شركة المثالية لمكافحة الحشرات بالخبر
شركة المثالية للتنظيف بالجبيل
شركة المثالية لمكافحة الحشرات بالجبيل
شركة المثالية للتنظيف بالقطيف
شركة المثالية لمكافحة الحشرات بالقطيف