الأربعاء، 7 يوليو 2010

اللى من رفض كلماتى


البوست ده للناس اللى كرهتنى والناس اللى كرهت طريقتى فى الكتابه
اولا انا لا افقه شىء عن الكتابه
ثانيا انا من مطنقة " بيئه " شعبية
ثالثا انا برضه مش امل دنقل او نزار قبانى عشان تستنوا منى اشعار او كلام حلو ومعسول
وعشان الفاظى فانا قليل الادب
ثالثا انا مش مجبر انك تقرالى ومتدخلش عندى
انا حد فاشل
تقرالى ليه
انا همجى تقرالى ليه
انا بيئة تقرالى ليه
للاسف انا حد عايش مع الناس اللى تحت
مش طالب فى طب او هندسه او صيدلة
اكيد الحياة مش وردى
بجد بجد
اللى مش عاجبه كلامة
ياريت يقرى لنزار قبانى افضل له على الاقل
هيحس بطعم الحب
او يسمع مصطفى كامل
وهيقوله عن جراحه والامه وحبيبته والعبط ده
ومن الاخر
طظ طظ طظ

هناك 36 تعليقًا:

richardCatheart يقول...

اول تعليق

احتلالالالالالالالالالالالالالالال

richardCatheart يقول...

والتانى مجانا

اشطاااااااااااااااات

richardCatheart يقول...

حقى معلقت البوست اللي فات الحق بقى هنا

richardCatheart يقول...

ياسيدنا انت مش فى فضائيه

انت فى بيتك البلوجات بتتفتح لمزاج صاحبها وبتعبر عن طرقته ووجه نظره فى الدنيا

انت حر تتكلم بالطريقه اللى تعجبك
واللى مايعجبوش حقه مايجيش

richardCatheart يقول...
أزال المؤلف هذا التعليق.
فتاه من الصعيد يقول...

هههههههههه

بقا طب وهندسه فوق ... يا راجل امال الايه يو سي ايه بس ؟؟؟

عموما انت كلامك مؤدب عن مدونين كتير ... وجريء بس موش قليل الادب

وفي النهايه دي مدونتك

تحياتي

Haytham Alsayes يقول...

ياعم اكتب اللي علي مزاجك
هو الكلام عليه جمرك
هههههههه
براحتك خالص
كل واحد ليه اسلوبه
واللي مش عاجبه ميقراش

قريت البوست اللي فات
بجد مسخرة
هههههههههه

تحياتي

جايدا العزيزي يقول...

صوت من مصر


جميله اووووى الفكرة


بس ما قولتش اى حاجه عنها


بتقبلها ولا رفضها


انا ايضا من منطقه شعبيه


ومن قبل كنت من سكان مصر الجديدة



وتعليمى دبلوم


لكن ده ما يمنعش انى اعلم نفسى


اطور اتقدم


كل بلد وكل شعب له سلبيات وايجبيات


واتفهم موقفك من طرح السلبيات


ولكن يحق لنا ان نطرح ايجابياتنا


بكل فخر واعتزار وكبرياء


ربما يولد فينا نزار



انت عايز تحصر تفكرنا فى السلبيات وبس



وده فى حد ذاته غلط


زورنى


فانا مصريه وافتخر


وحين اكتب عن سلبيات بلدى بقول يا عينى عليكى يامصر


وحين اعتز بها


اظهرها فى ابهى ثوب


اقرأ لنزار واكتب بقلمى الاشعار


احلم واحاول تحقيق احلامى



مصريه صامدة لا تعرف المستحيل



احترم الفقير والصغير



تحياتى

مي يقول...

كل واحد حر فى كتاباته دى صفحة شخصية انت مش بتنوه فى اول كتاباتك انك بتهتم بنوع معين هتكتب فيه
يعنى انت حررررررررررررررر واللى مش عاجبه فى ايده الريموت يجيب قناة طظ
سلام ياكيموز ومتزعلش نفسك

صوت من مصر يقول...

richardCatheart
دى مدونة ضد الاحتلال

صوت من مصر يقول...

richardCatheart
لا مش قشطات
تقيلة على المعده القشطة ممكن حاجة مرة مش فيها اى نوع من انواع اللبن

صوت من مصر يقول...

richardCatheart
كنتى ادخلى وقوليلى عيب يا كيمو دى قلة ادب

صوت من مصر يقول...

richardCatheart
اظن ان حضرتك اختصرتى لكن الناس عوزانى اكون مؤدب وانا مش كده خالص

صوت من مصر يقول...

فتاه من الصعيد
انتى قولتى مؤدب انا بقول قليل الادب ومش عاجبهم برضه
بجد زهقت
الايه يو سى دول .....................

صوت من مصر يقول...

Haytham Alsayes
تقصد بالمسخرة قلة ادب ولا
عموما نرتنى بجد يا هيثم يا كبير

صوت من مصر يقول...

جايدا العزيزي
فكرة ايه اللى حلوة وووو
ومين قالك
وبعدين انا احل مشاكلى بعدين افكر اتطور مش افكر اتطور وانا كلى مشاكل كده هبقى عامل زى الحكومة فعلا
واظن انى لما بقول الحقيقه ببقى قليل الادب
موافق انى اكون صريح قليل الادب دوما
اجعلى صمودك لاجل الوطن وليس لاجل نزار

صوت من مصر يقول...

مي
ريموت ماوس كله واحد ولا ايه يا يويو
عموما انا اختنقت على راى حسين صديقى لما قالى اختنقت لانى فاشل

احاسيس آيوشه يقول...

الحمدلله عقلت اخيرا :)
انت قولتها اللى مش عاجبه اللى بتكتبه ميدخلش مدونتك
دى مدونتك مش مدونتهم

الشـــــوكه النــاعمه يقول...

اولا السلام عليك
ثانيا بقا
انا عاوزه اقولك على حاجه
الانسان مش عيب يكون من منطقه شعبيه
ومش عيب خالص انوا مايكونش طب ولا هندسه
بص احنا اللى بنرتقى بنفسنا
احنا بتعلم نفسنا
يعنى انا مثلا درست دراسه مهمه دجدا
درست ياسيدى فى الجامعه الامريكيه
درست اتصالات وشفرات
ودراستى كانت مش تبع التعليم العالى ولا الكلام ده كله
كنت مدعومه من الخارجيه وجهه امنيه تانيه لسبب ما
تقدر تقولى انا ايه دلوقت عادى فى البيت
بس انا بقا علمت نفسى حاجات
لا اتعلمتها فى المدارس والجامعات
ولا سمعت اهلى بيحكوا عنها
انت المعلم الاول والاوحد كمان لنفسك
ما فيش حاجه اسمها اللى مش عاجبه مش يدخل
فى حاجه اسمها حريه رأى
وجهه النظر والرأى المقابل لها
انتا لازم تحترم وجهات النظر وبالعكس تستفاد منها ها تلاقى فيها فايده كبيره ليك
اللى ينقد تقعد معاه على طاوله النقاش ويا تقنعه ويا يقنعك
بص اعذرهم فى ناس اتربت وعمرها ما سمعت فى بيوتها ادنى الالف
فا لازم نحترم تقلباتنا
واختلافاتنا
اسفه لو طولت عليك
انا يا سيدى واحده من الناس ممكن ادخل بكل سهوله انقضك
وتقولى طظ برضوا ها دخل تانى عشان بؤمن بالحوار
فاهمنى انتا حد عقله كبير
بس كلنا محتجين نرتقى ونتعلم اكتر ونعمل تجديد لروحنا
كون بخير

richardCatheart يقول...

هههههههههههههههه
وادخل اقولك عيب ياكيمو دى قله ادب ليه
هو احنا فى حضانه مش من حقنا ربى بعض
انما من حقنا نتناقش فى المضمون لو مختلفين فيه
لو الاسلوب مش عاجب حد وقرا يمشى
مش يسيب الراس اللى هى الموضوع بتاع البوست ويمسك فى الرجلين

فكك واكتب براحتك دا بيتك واللى يحب يزورك يزورك
ثم انا كمان من انصار اللسان الطويل
بينفع فى الوقت المناسب ههههههههههه
وايه علاقه الشتيمه واللسان الطويل بقله الادب
الناس عندها حاجات غريبه بترطها ببعض
ممكن يبقى واحد اخلاقه زفت وطين وقبلنا كده ناس ومابتشتمش خااااااااااالث
ايه الربط الغريب دا
خلاص بلاش اشطااااااااااات فراوله
بس اغسلها كويس

محمود(باحث عن حب) يقول...

هذه
مملكتك
فافعل
بها
ما تشاء
مونه
جميله
بتعبر
اللى
جوايا
فعلا
هضيفك
عندى
استأذنك

dr.lecter يقول...

ايه ياعم اللي انت بتقوله ده
انت حر طبعا في اللي تكتبه محدش يقدر يفرض عليك حاجه
هو الناس هتتحكم في الي بنقوله واللي بنحبه؟

kmt يقول...

السلام عليكم ورحمة الله وبركاته

ياااااااااااااه دا انت شايل ومعبي جوا قلبك اوي

يابني فكك انا مثلا قرأت البوست الي فات بس مش حبيت اعلق

اللي مش يعجبك نفض له لكن ماتكونش غير اللي انت عايز تكونه
ودي ابسط حقوقك الحق استغلها قبل مايخدوها وتتأمم زي معظم حقوق الشعب المصري

تحياتي
الى لقاء
:)

мαησηα يقول...

يا ربى انت بجد زعلت ولا ايه ؟؟

يا ابنى اكيد مايقصدوش والله واكيد

انت فاهم انهم كلهم بيحبوا يقرأولك

مش علشان بوست تم التعليق ع شوية

كلام فيه تزعل يااستاااااذ

هو احنا كلنا هنا مش اخوات ولا ايه ؟؟

ومحدش رفض كلماتك يا محمد والله هى كل

الحكاية انهم بيقولولك ممكن تخفف من

حدة اللفظ بس

وبجد انت حد كويس وبتكتب حلو اوى والله

وانا بقرألك دايمااا

مايبقاش قلبك رمادى بقه يا محمد

وماتزعلش من اخواتك

كيــــــــــــارا يقول...

مالك ياابنى في ايه بس ياكيمو

انا لسه راجعه ومش فاهمه اي حاجه؟؟

ساسو يقول...

هي دي دنيتك ملكك مش ملك حد
اعمل فيها اللي انت عايزه
ومفيش حد ليه كلمه عليك
وانت بالعكس مدونتك جميله جدا
وكلماتك جميله
يالا يا كينج اكتب وقول كل اللي اللي تعوزه
وميهمكش حد


مدونتك رقيقه بجد والله
واكون سعيده لو نورت مدونتي

صوت من مصر يقول...

احاسيس آيوشه
ايوشه ليكى وحشه والله بس عاوز اقولك اللى يبلغك يقولك انا بنتقدك وتقبل نقدى والفاظك صعبة علينا اقوله ايه

صوت من مصر يقول...

الشـــــوكه النــاعمه
احترم كلامك بجد
بس اللى ساب الكومنت سابه لانه مش بيقرى الموضوع كويس وفهمه غلط وبرضه مش ذنبى انا بتكلم كده
وبالعكس بعرف اكتب باحترام جدا واحسن منهم بس انا برضه مش كاتب وبرضه مش مؤدب ولكن افهم لغه التحاور جيدا

صوت من مصر يقول...

richardCatheart
ومشكلتى فعلا انا صريح ذياده عن اللزوم
وبسبب ده بكون زى ما بكون مع الناس وبصراحه وما بعدها صراحه
انا مستعد للتناقش مع اى شخص
وقلة الادب ده سمة من سمات البنى ادم

صوت من مصر يقول...

محمود(باحث عن حب)
شكرا يا محمود وده لانى صريح ببجاحه

صوت من مصر يقول...

dr.lecter
تخيل انت بقى يا عمونا يحصل كده

صوت من مصر يقول...

kmt
انا اصلا مليش حق
ده حق المدونة
ثانيا انتى عندك شك ان الخوف خلاص بقى يملكنى
ولا عندك شك تانى انى عاوز اكتب زى زمان
انسى خلاص

صوت من مصر يقول...

мαησηα
فى فرق بين اخ وحد رخم بجد يا منونه لكن انا قليل الادب ومقتنع بده وبعد ما سيبتكم الكلام زاد وزاد

صوت من مصر يقول...

كيــــــــــــارا
الناس معترضه على اخر بوست انا كتبته لانه قليل الادب يا كيارة
ومش فاهمين ان دى طبيعتى

صوت من مصر يقول...

ساسو
اولا رقيقه ازاى وبمعنى ايه
دى من اسفل المدونات ثانيا شكرا لكلامك
وبجد اه ملكى وهى اللى بتملكنى
شكرا

мαησηα يقول...

ع فكرة والله ماحد فتح الموضوع ف غيابك

ولا حد اتكلم نص كلمة عنك

وانت عارف ومتاكد ان كل اللى قاعدين مافيهموش حتة انهم يجيبوا سيرة حد وهو غايب

ده اللى حصل وكلنا اتكلمنا بعد كده ف حاجات شخصية جدااااااااااا تخصنا احنا

اما بقه لو من الناس اللى روحت معاك وضايقوك فبجد

كده انا حسيت ان الموضوع كبر من غير لزمة لده كله

كلنا بنتكلم ونقول اللى احنا عايزينه ف مدوناتنا

لان اصلا احنا عاملينها علشان محدش يتحكم ف حريتنا وكلامنا

فمعرفش هما ضايقوك ليه واحنا كنا اصلا بطلنا كلام ف الموضوع