الاثنين، ٢٥ مايو ٢٠٠٩

وقد كان اللقاء ..........


من غير كلام كان يوم يتحكى عنه فى كل كتاب ولا حتى كتاب كليله ودمنه يتكتب فيه كل الكلام انا اخر واحد وصلت ؟؟؟؟؟؟؟؟؟ متقولش فين ....... اقولك انا كنت بقابل امى ( شمس النهار ) واختى ( كياره ) واختى ( ضد التيار ) وكمان مين الولد الشقى اخويا ( الازهرى ) المهم روحنا وها قد كان اللقاء كنت هنام منهم لولا شويه قهوه من غير سكر ( محدش اخد باله خالص ) فوقونى من انى كنت هنام منهم . المهم يا اخونا احكيلكم وقبل ما هحكيلكم هقول حاجه صغنونه ازاى تروح تقابل حد متعرفوش شكليا ولا معاك رقم تليفونه ؟ المهم طلعت اول ما دخلت لمحت امى شمس النهار وحسيت انها هى بجد معرفش ليه مع انها الى بيشوفها يقول عنها 25 سنه بس ربنا يخليها لينا يارب المهم بالهمسى باللمس بالاهات والنظرات عرفنا بعض او فهمت انها انا وانى ................... انا لخبطت واتلخبطت المهم فهمت انهم هما دول ودخلت وقعدت من غير ما اسلم على حد خالث ....... لا سلمت على الازهرى لانه ولد ومينفعش وكان شكلى فظيع جدا تخيل نفسك طالع من الهرم ونازل على مدينه نصر هتروح شكل عامل ازاى المهم انا فعلا روحتلهم وعرفت قد ايه فعلا هى شمس النهار وهى مدونه فعلا تسمى ببيت العيله ( بيت المدونين .... صفحه الشات ههههه) وعرفت كياره اللمضه بس هاديه جدا وعرفت ضد ومعرفش ليه كنت خايف منها حسيت انها ممكن تضربنى بسرعه وعرفت كمان شخص غير عادى وهو اخويا الازهرى الى عرفت اسمه ؟؟؟؟؟؟؟؟؟؟؟؟؟؟ وعرفت من امى شمس النهار انها فعلا متضايقه منى كتير بسبب انى كسلان ونشط فى نفس ذات الوقت وكمان عرفت انهم كلهم على درايه كامله بالثقافه وعرفت انى اقنعتهم بانهم يدخلو الفيلم بس نسيت حاجه وهو عيد ميلاد احلى شموسه فى الدنيا والى افتكره اخويا ازهرى وكياره كانت هاديه جدا ومش سهل انك تحلل الشخصيه دى بسرعه لانها كانت تايها فى بلد من ملكوت اخر وضد التيار كانت ايه سريعه الغضب افتكرت كلمه وانت يا استاذ بتقول الكلام وبتجرى لي مش بنفهم منك حاجه ؟ كانها بتقولى انا هقتلك بس عموما انا ارتحت نفسيا لانى شوفت ناس لسه جوه قلوبها طيبه وحب لوطنها وفى الاخر شكرا ليكم كلكم

هناك ٥٦ تعليقًا:

kmt يقول...

السلام عليكم ورحمة الله وبركاته

كيمو
بجد الله عليكم
مش عارفه اقول حاجه غير ان فعلا اكيد لسه في خير وحب
وترابط حتى لو كنا مش شافين بعض وحتى لو كنا مافيش بينا غير سطور تحمل بعض الكلمات
بس في الاخر الكلمات دي هيا احنا الحقيقية

ربنا يوفقك وتعدي الامتحانات على خير

تحياتي
الى اللقاء

Sweet Violet يقول...

"وضد التيار كانت ايه سريعه الغضب افتكرت كلمه وانت يا استاذ بتقول الكلام وبتجرى لي مش بنفهم منك حاجه ؟ كانها بتقولى انا هقتلك"

هههههههههههههههههههههههههههههههههه

ربنا مايجيب القتل بينا ياكيمو (ممكن تعوير ماشى ^_^ )

و كمان كان لازم طبعاااااااا اكون كده .. الله مش ضد التيار (افتراضى و واقعي)
يعنى لازم و لابد التهديد و التوليع نيهاهاهاهاهاهاهاهاهاها

لا بجد بقى ياكيمو انت حد جميل من جوه و فعلا سعيدة انى اتعرفت عليك

بس بردو بطل ترمى التعليقات و تجرى ^_*

ربنا يوفقك و يارب تحقق كل احلامك

(:

شمس النهار يقول...

شكرا علي الكلام الجميل
انا فعلا اول ماانت طلعت من السلم ضحكتلك عشان عرفتك

وبعدين فعلا لاحظت انك شربت القهوه من غير سكر
بس في كتير من اصحابي بيشربوها كده
اللي خالاني اعتقد كده لما لاحظت انك بتشربها من غير اي تعبير علي وجهك
فااطمنت انك بتشربها كده ومتعود عليها
بس طلعت ممثل كبيييييييييييير

معلش المره الجايه هحطلك فيها سكر المره دي والمره الجايه

وبعدين انت فعلا شخصيه لطيفه
وحسيتك طيب وجدع ومتهور ويعدين مش كفايه اللي عملته فيك والا ها

انا بأحبكم كلكم حساكم زي ولادي
ولسه بدري علي عيد ميلادي
ده اخر يونيه لسه بدري علي الخمسيييييييييييين
ربنا يخليكم ليه ويبارك فيكم
اخبار الامتحانات ايه
حلقت شعرك والا لسه؟؟؟؟؟؟؟؟؟؟؟؟؟؟:(

VÖltaa يقول...

هح

يابختك ياعم
يابختتتتتتك

يابختتتتتتتتتتتتتتتك


(مش بقر على فكرة ^_^)

Unknown يقول...

احنا بنشكرهم بجد انهم
قدروا يخرجوك من الحالة
بتاعة المرة الى فاتت
الف حمد وشكر ويارب
دايما متجمعين فى
الخير والصداقة
الصادقة من
غير اغراض
ولا مصالح

صوت من مصر يقول...

kmt
عارفه كان نفسى تكونى من الناس الى قبلتهم بجد لانك حد مهم جدا ولازم يتقدر ونشوف اللهو الخفى
وفين التعليق على البوست الى فات والى دايما انتى حاجزه اول تعليق
اشكرك بجد زوشكرا لكلماتك

صوت من مصر يقول...

Sweet Violet
مش هبل ارمى تعليقات واجرى لانى مش بقول غير الى فهمته وعلى فكره مش بقتنع غير بنفسى معرف ليه
وبطلى ضرب
انا اتهريت
شكرا بجد
انتى بنوته جدعه جدا فيكى اصلا المصريين كلهم
دعوتك ليا حاجه حلوه جدا

صوت من مصر يقول...

شمس النهار
على فكره مفيش شكر من ام لابنها
وعلى فكره انا بشرب القهوه والشاى واى حاجه سكر قليل
ومش هحلق شعرى وهفضل متهور
وكمان انا فعلا بمثل من زمان على الناس كلها موهوب الفطيره

صوت من مصر يقول...

Mo7ammed
الى فهمته انك م بتقرا كلامى
يبقى مش لازمنى تعليقك بجد
واشكرك لانك بتعلق وده عتاب مش اكتر

صوت من مصر يقول...

norahaty
والله مقدرش اقول غير كلمه واحده ان الحاله خرجت منها قبلها لكن هما اخرجونى من توابعها

شمس النهار يقول...

مش هاتحلق شعرك!!!!!!!!!!!!!!!

ماشي
مش انا قلت لك اني ام مستبده وشريره
طيب
تخلص الامتحانات ونشوف
احنا كنا هنحلق بس
لا
دلوقتي بقا زيروووووووووو

kmt يقول...

السلام عليكم ورحمة الله وبركاته

مافيش بين الاخوات شكر
بس والله اعذرني
مضغوطه جدا
كلها
اسبوعين ودماغي تروق ياعم
وتلاقيني على طول عند

تحياتي
الى اللقاء

صوت من مصر يقول...

شمس النهار
لا انا كنت اخر مره حلقت فيها من شهر 12 يعنى بقالى 6 شهور بربى فيه احلقه وكمان زيرو ده استبداد بجد
وبجد هتشوفى شكل غير الى شوفتيه وبعدين فين الحريات وفين بتوع حقوق الانسان

صوت من مصر يقول...

kmt
لما الدى تروق نبقى نتكلم فى الموضوع ده
شكلك زى حالى بتمتحنى
ادعيلك بأيه مش عارف

شمس النهار يقول...

حقوق الانسان والحريات
اه
لامابعترفش بالكلام ده انا خالص

خاليك مع الله
انا مستبده :)

وعلي فكره انا واثقه انك فعلا هتكون حاجه كبيره جدا
بس ركزززززززززز
في حاجه واحده من الحاجات الجميله اللي قلتها لي

صوت من مصر يقول...

شمس النهار
كلمه واثقه دى بتخلينى ممكن احارب فى الصخر عشان احقق اى حاجه تثبت انى انا
بس انا على راى عبد الباسط انا موش عارفنى
بس انا اخدت قرارى فى حاجه واحده هعملها ولا اى كلام لازم احققها عشان وعشانى وبجد كده خلتينى فى موقف لا احسد عليه يا امى
ومش هحلق وبشرب القهوه من غير سكر ومش بمثل الا لو حبيت امثل

Kiara يقول...

وعرفت كياره اللمضه بس هاديه جدا

**************

لمضه ازاااااااي هو انا اتلامضت خالث يامظلومه ياني عاااااااااااااااااااااااا

-------------

وكياره كانت هاديه جدا ومش سهل انك تحلل الشخصيه دى بسرعه لانها كانت تايها فى بلد من ملكوت اخر

************

احم احم موش تايه بس كان بالي في حاجاه تانيه وموش سهل ليه تحللني انا سهل خالث فكر بس في ردود الافعال وهتحللني عشان تعرفوا بس ان ليا عالم خاص عايشه فيه :)

*************

ميرسي لكلامك بجد ياكيمو

وصدقني انت حد كويس اوي وطيب اوي وجدع اوي اوي كمان بس يعيبك عدم التخطيط السليم بس هنظبطوووووووووووك يعني هنظبطووووووووووووووك
موش انا كرومبو عاااااااااااااااااا

*************

كان يوم حلو اوي ربنا يوفقك في الامتحانات
وتنجح باذن الله وتتفوق كمان

romansy يقول...

يا بختك يا كيمو
شوفت ناس جميله
شمس والازهرى وكيارا وضد
اكيد الدنيا فيه خير يا كيمو والحمد لله انك شوفت بنفسك

صوت من مصر يقول...

كيــــــــــــارا
يا كرمبو هقولك حاجه بجد انتى صعب يحلل شخصيتك وانتى فى دماغك موضوع معين وعموما تشرفت بمعرفه حد كويس جدا جدا
وبعدين محدش هيظبطنى انا هظبط نفسى
ودماغى حببها كده ومش هحلق
ودعوتك هايله
وانا لو طيب وجدع وجدع وجدع
انتى مليون بنت بلد

صوت من مصر يقول...

romansy
يا رومانسى بجد اتقال كلام فى حققك من الناس دى كبير قوى الناس دى كلها بتحبك بجد وبتقول انك الاب الشرعى للمدونين الرومنسيين

Kiara يقول...

ربنا يخليك يارب ياكيمو

بس برده احلقهااااااااااااا

صوت من مصر يقول...

كيــــــــــــارا
ربنا يخليكى يا كياره بس ينفع اقولك لازم تربى شنب او لازم تكةنى مع حد مش بتحبيه
انا هسرحه خلاص والله وهتشوفنى المره الى جايه مختلف

رحلتنا في الحياة يقول...

ازيك يامجنون :) انت يابنى الفيلم ده اكل دماغك خالص حتى فى اللقاء بتقنعهم بيه
ربنا يديم الود بين كل المدونين يارب وكيارا ماشاء الله بجد ربنا يكرمها انسانة قلبها طيب جدااااااا وضد دى بقى طيب طبعا بس تحس ايه كلها شقاوة وعفرتة

yoyo يقول...

صباحك سكر يا كيمو

يارب دايما متجمعين على الف خير يارب
لسه الدنيا فيها ناس جميلة وجوا قلوبها طيبة
شىء جميل انك تتعرف وتتكلم مع ناس بالاخلاف و الثقافة دى

ربنا يوفقك يارب

وبعدين مش تخاف مش فى ضرب ولا اى حاجة
دا الموضوع بسيط خالص
هههههههههههههه

تحياتى
يويو

Soul.o0o.Whisper يقول...

عاااااااااااااااااا

كان نفسى أكون معاكم

بس تعبت قبلها بيومين و كنت نايمة فى السرير

عاااااااااااااااا

بجد زعلانة أوىىىىىىىىىىىىى




بس إن شاء الله تتعوض




تحياتى

صوت من مصر يقول...

ايوشة
طب حاجه حسيت انها فيها فكر كويس لما اقول للناس عنها ابقى غلطت
وعموما مجنون مجنون

صوت من مصر يقول...

yoyo
ازاى الموضوع بسيط ده فيها حلاقه شعر وكمان بلاجماع بس تخيلى بقى انى مش هحلق وعموما ياريتك كنتى معانا

صوت من مصر يقول...

Soul.o0o.Whisper
مفيهاش غير الف سلامه

رحــــيـل يقول...

على فكره فعلا الواحد عرف من التدوين ناس جميله جدا بعيد بقى عن المصالح والنفاق والحاجات اللى بتكون بره فى الدنيا الناس هنا بتعرف بعض من غير اسباب بيجمع بينا حب وبس

جميل جدا انك قابلتهم وكنت سعيد بده
ربنا يوفقك دايما

وحي القلم يقول...

السلام عليكم
يابختك ياعم انا نفسي اقابل مدونين كتير بس الظروف كانت بتمنع ، حلو أوي وصقك للمدونين هم دول المدونين
تقبل مروري

aidy يقول...

ايه اللقاءات الحلوة دى

يا بختكوا

انا نفسى اشوف بجد شمس النهار

وعايزين نعملها عيد ميلاد

بجد عجبنى البوست ده يا محمد عشان مفيهوش تشاؤم

عقبال بقيت البوستات

wafaa يقول...

كل ده حصل وانا مش هنا !!!

رؤية يقول...

جميل ان يتواصل الناس وان يتحابوا
اسعدكم الله دووما
وجمعكم فى خير

تحياتى

moory-mero يقول...

السلام عليكم و رحمة الله و بركاته

اسيك يا محمد عامل ايه
سوري غصب عني تقصيري والله
بس كيتي بتطمني على المدونين وقالتلي ياسيدي انكم اتقابلتوا وكان لقاء جميل
يلا ربنا يسعدك ويحبب فيك خلقه يارب

وربنا يوفقك بامتحاناتك امين يارب العالمين

في رعاية الله

صوت من مصر يقول...

رحــــيـل
التدوين من الاشياء التى ليس بها اى ملل لدى والتى فرحت جدا فى اول مقابله لناس معرفش عنهم اى شىء لكنى عرفتهم وعرفت انهم ناس طيبه موت

صوت من مصر يقول...

مصعب صلاح
كان نفسى انك تكون منهم
وانت من الاخر بتحسدنى

صوت من مصر يقول...

aidy
البوست الى قبله فعلا مفهوش تشائم وعلى فكره هو ده تصميم اراده للمصريين
وكمان احب اقولك شمس النهار هيتعملها مهرجان تدوينى

صوت من مصر يقول...

wafaa
مش هقول غير الفن كده هياخدك منا

صوت من مصر يقول...

غير معروف
شكرا

صوت من مصر يقول...

رؤية
طيب وانتى كنتى فين
عموما نتمنى اننا نشوفك

صوت من مصر يقول...

mero-moory
طب خلى كيتى تتطمنى عنك كفايه وجودك معانا انتى مدونه رائعه

moory-mero يقول...

السلام عليكم ورحمة الله وبركاته

رائعه مرة واحده ربنا يكرمك يا محمد يارب طول عمرك ذوق والله
اطمن انا الحمد لله نشكر ربنا بس قلقت من اللي قريته يارب انت اللي تكون بخير
شد حيلك بالامتحانات وبدعيلك والله وربنا معاك

وروق كده بقى وارجع لبوستاتك الساحره والجرأه والعفوية اللي بحبها

وميرسي لسؤالك ربنا يجازيك كل خير يارب
في رعاية الله

ابو المفاصل الواصل يقول...

فى بلاد الجهل والتخلف عارض كافة القيادات والرموز
سواء بالحق او بالباطل وهتلاقى نفسك فوق ما تعــــــوز
مبجل ومكرم وقائد شعبى وكل الشعبية هتحــــــــــــــوز
فقمة المرمطة انك تعارض للمعارضة وهذا شغل الاراجوز
وللاسف ده المطلوب بالمظبوط انك تكون تضرب بالجوز
او تأيد للتأييد ناس وش تأ بيد ولم يزيدوا على العبيــــــــد
عبيد سلطة اونطة وعبيد التخلف والجهل القبيح والشديد
وما عليك الا حفظ بعض الكلمات مثل الكمات ترددها ترديد
وتلاقى نفسك منهارة فى زمن الحضارةومقصوف الرقبة والايد
وتكمل الصورة يا قمورة بتحميل غلطك على غيرك وهتلاقى التأييد
من اناس بفكر النسناس لا عقل ولا فهم ولا احساس بالتحديد

rovy يقول...

السلام عليكم
ما شاء الله عليكم
بارب دايما متجمعين فى الخير
ان شاء الله ربنا يريد و اقدر اتجمع معاكم و لو مره واحده .. حقيقى فيه ناس كثير نفسى اشوفها ..
ان شاء الله ربنا ييسر و نتقابل

دمت بكل الخير

ارق تحياتى

ياسر مدني ...دينامو الإخوان يقول...

انتظروا عوده ياسر مدتي للتدوين
القاكم بعد الامتحانات
وقصه ترك التدوين والعودة ليه

ياسر مدني
دينامو الاخوان

بلاش فضايح يقول...

ازيك يا محمد
اخبارك ايه
معلش بقالى كتير مبجايش بسبب الامتحانات

جميل اوى انك تقابل ناس حبتهم من بعيد ومن غير متشوفهم
وبعدين تشوفهم على الحقيقة وتتعرف عليهم بجد

وبعدين دول مش اى ناس

تقبل مرورى

kmt يقول...

السلام عليكم ورحمة الله وبركاته

ياب تكون الامتحنات كويسه

عايزين تقدير زي المرة اللي فاتت

خلي بالك على نفسك

تحياتي
الى اللقاء

فشكووول يقول...

ازيك يا كيمو
يارب ينجحك يا كيمو ويخلى مخك يشعشع وتعرف تذاكر كويس
مبروك اللقاء مع الحاجه شمس النهار وكيارا والواس (اللى اسمه فيه حرف (س) اللى هو الازهرى العسل واظنها كانت مقابله طيبه
وتحياتى

صوت من مصر يقول...

mero-moory
مش هقولك غير كتير من الناس كارهه الجراءه بس والله انا كده بكره الغلط
بس فعلا انتى مدونه رائعه
وفينك

صوت من مصر يقول...

ابو المفاصل الواصل
شكرا

صوت من مصر يقول...

rovy
فعلا انا كمان محتاج انى اشوف كل مدون
على الاقل التفاهم يكون اكثر
اشكرك

صوت من مصر يقول...

اسر مدني ...دينامو
اغزرنى
هنا مش مجله ولا صفحه اعلانات اولا
ثانيا لست محب للاخوان

صوت من مصر يقول...

بلاش فضايح
فعلا دول مش ناس
شكرا ويارب بالنجاح

صوت من مصر يقول...

kmt
اعتقد صعب التقدير
وعموما انا خلصت
مبروك عشان رجعت للناس الى بحبها

صوت من مصر يقول...

فشكووول

(اللى اسمه فيه حرف (س) اللى هو الازهرى العسل واظنها كانت مقابله طيبه
مفهمتش منها حاجه
وشكرا على الدعوه

Sweet Violet يقول...

كيمو .. باين من تعليقك ان فى تعليق غير ده

انت متأكد انه اتبعت ؟؟؟

لان كتير اشتكو ان التعليقات بتعلق معاهم و مش بتتبعت

و كمان ايه الكلام ده و انا مش هنشر ليه يااستاذ انت ؟؟؟

و انت عارف كويس انى حتى لو مختلفة معاك بنشر و ارد و اقولك .. صح؟؟

امال انا بقولك ليه انك مش بترجع تانى ؟؟



بجد انت بتهرج

و عموما شكرا .. وليه حق عرب على فكرة ):