السبت، 2 مايو، 2009

كان يوم اسود يا ما جيت


كل سنه وانتى طيبه يا لوزه
كل سنه وانت خنقنا
كل سنه وانت مجوعنا
كل سنه وانت مخلينا بقرون
كل سنه وانت مسكتنا
كل سنه وانت عايش لسه
كل سنه وانا محبط
كل سنه وانت بتاكلنا انت وابنك
كل سنه وانت بيروقراطى مستفز
كان يوم اسود يوم ما اتولدت
كانه كراثه هيروشيمه بس فى مصر
4/5/1928
يعنى 81 سنه ليه يعنى انت خللت
والله ربنا دايما بياخد الكويس
اليوم ده عيد ميلاد جرحى انا
ياعم والله الدنيا مش حلوه كده عشان تمسك فيها بايدك وسنان ولا الكرسى
بجد الله يكون فى عون كل مصرى من سنه 28 لحد 2009 يعنى 81 سنه
يعنى 81 شمعه مضلمين علينا الكون
فى الاخر اقولك كلمه ربنا يفتكرك يااااااااااااارب
حسبى الله ونعم الوكيل
كان يوم اسود

هناك 39 تعليقًا:

romansy يقول...

انا
مش اول

تعليق


سلام عليكم

romansy يقول...

عيد ميلاد سعيد

شمس النهار يقول...

في ايه ياابني ايه ده كله

ليه كده

انت ناوي علي ايه :)

صوت من مصر يقول...

romansy
اكيد الاول

صوت من مصر يقول...

romansy
وانت طيب يلا خير عقبال 1000000 سنه

صوت من مصر يقول...
أزال المؤلف هذا التعليق.
صوت من مصر يقول...

شمس النهار
للاسف يا ماما انا مغلطتش وميطلعش منى الغلط انا بقول حقيقه وللاسف قانونيا انا ماشى صح
وناوى على ايه
ناوى على خراب مالطه معرفش بس انا اتخنقت زى اى شاب فى البلد دى ولا ايه

Soul.o0o.Whisper يقول...

السلام عليكم و رحمة الله و بركاته

أولا : كل سنة و أنت طيب
و كل سنة و لوزة طيبة

بس أنا عاوزة أقولك شئ
العبرة مش بالشخص صدقنى
العبرة بالسياسة اللى ماشية
و كمان بنفوس الناس


يعنى شوف احنا بنعمل فى بعض ايه
بغض النظر عن اللى الحكومة بتعمله فينا
و أنت تعرف إننا نفسنا بئينا وحشين
و عشان كدا ربنا محكم علينا حد وحش


ربنا ييسر الامور من عنده
بس حاول شوف الحيز اللى ممكن تتصرف يه
و كمان الناس اللى بتتعامل معاها عاملها زى ما تحب انهم يعاملوك

صدقنى ساعتها هتبئا عملت اللى عليك
ولو كل واحد عمل اللى عليه
ماكنش دا يبئا وضعنا




دمت بود

مصعب صلاح يقول...

كل سنة وهو طيب
دا أنا سمعت إشاعة انه بيفطر يتجوز
أصله زهق من سوزي
ربنا معاه وابعتله حبوب ف....
بلاش احنا فاهمين
تقبل مروري

رؤية يقول...

ش
ك
ل
ك
ن
ا
و
ى
ت
ر
و
ح
و
ر
ا
ا
ل
ش
م
س

كل سنة وانت طيب

تحياتى

كيــــــــــــارا يقول...

ناوي علي اييييييييييييييييه

اغنيه وبوست ؟؟؟؟؟

hager za3bal يقول...

كل سنه وانت مخلينا بقرون
كل سنه وانت مسكتنا
كل سنه وانت عايش لسه
كل سنه وانا محبط


هههههههههههههههه

والله العظيم البوست دمه زي العسل :))

يلا كلنا هنروح في داهيه سوا
هههههههه


تحياتي

kmt يقول...

السلام عليكم ورحمة الله وبركاته

كيمو
D:
المفروض الواحد يعلق ع البوست ده بس
يكون ( غير معروف )

الواحد مش اد البهدلهD:

خلي بالك على نفسك

D:
تحياتي
الى اللقاء

محاولة لكسر الصمت يقول...

أتعلم ! أتساءل كثيرا..وماذا إذا رحل!
هل سيتغير الحال؟
هل المشكلة فيه وحده؟
ربما بدأت ببدايته..لكنها أبدا لن تنتهي بنهايته..

صوت من مصر يقول...

Soul.o0o.Whisper
تعليقك عجبنى جدا بس عجبنى اكتر حاجه ابويا قالهالى ان لو المسئول الاول غلط يبقى كل البنيه التحتيه غلط ممكن التغيير مفيد

صوت من مصر يقول...

مصعب صلاح
على رايك صحته بومب ومحتاج فيجا

صوت من مصر يقول...

رؤية
على اساس ان صلاح نظى موجود فى مصر لسه
ياريت الشمس تطلع فى مصر

صوت من مصر يقول...

كيــــــــــــارا
ناويه على خير
ولو الاغنيه هتبقى
هما بياكلوا حمام وفراخ واحنا الفول دوخنا وداخ
لكن انتى معاكى فلوس تاكلى فول

صوت من مصر يقول...

hager za3bal
هاجر بجد اشكرك على الثقه دى بس لو اتحبست ولو لوحدى هكون وصلتلهم وعرفوا انى صح وهما غلط بمعنى انهم لازم يقيدوا اى حاجه ليها صوت
شكرا

صوت من مصر يقول...

kmt
اخلى بالى على نفسى
وندخل باسم غير معروف
ليه لو كده نبقى احنا غلطنه بس لا احنا صح
فكرى فيها تانى

صوت من مصر يقول...

محاولة لكسر الصمت
نظرا لان كلامك صح
بس على الاقل احس بتغيير مش ملل وملل اسؤ

mahasen saber يقول...

يخرب عقلك

انتا ناوى تشتغل مسجون سياسى ولاا ايه

mahasen saber يقول...

على فكره الدعوه اليى بعتهالى بتاعة مدونة صور من مصر من اول ما بعتها وهيا مبتفتحش معايا
وكل ما افتكر ااقولك عزة نفسى تمنعنى ههههههههههههه بنسى طبعا بس قلت اهزر

كيمو متبعتش حاجه عينك فيها تانى

Foxology يقول...

ليه يا عم كل ده ؟؟؟؟

عموما حاول تبقى ايجابى :)

بص للنص المليان

تحياتى :)

ابو المفاصل الواصل يقول...

لا توجد ايام سوداء
ولكن النظرة اليها
غير النضارة
تحياتى

ريمان يقول...

ههههههههههههههههه

هههههههههههههههههه

هههههههههههههههههههههههههههههه

ههههههههههههههههههههههه

هههههههههههههههههههههههه

كل سنه وهو خانقنا

فوبيا - سايكولاند يقول...

محمد كمال
عيد ميلاد سعيد مبارك

فوبيا - سايكولاند يقول...

كيمو

لو رحت فى داهيه انا معاك كلنا معاك

yoyo يقول...

فى الاول انا مش بحب العيش و الحلاوة
فياريت يبقى عيش و جنبة

ماشى و الله مش هاحقد ولا حاجة ربنا يديه طولة العمر والصحة وكل سنة وهو بخير
بس مش المفروض يكون فى تغيير بقى اعتقد دى سنة الحياة
ولا خلاص اللى نعرفه احسن من اللى مش نعرفه؟؟
ولا العيب مش فى فرد والعيب فى النظام يا كوركات على راى الاخ برايز ؟؟

تحياتى
يويو

صوت من مصر يقول...

mahasen saber
تصدقى على الافل هلاقى عدس وعيش وووو وهنام تير كالعاده
لكنى صوتى هيفضل صااحى

صوت من مصر يقول...

mahasen saber
انا تهت ودماغى راحت مشوار تانى المهم انى فهمت انك م محتاجه الدعوه الى انا عنيه فيها

صوت من مصر يقول...

Foxology
ياعم الكبايه مفيهاش ولا نقطه ميه ......................................

صوت من مصر يقول...

ابو المفاصل الواصل
ياعمونا للاسف العيب مش فى الزمن ولا فى الفرد بعينه زى مالناس بتقول العيب فى ايه العيب فى منظومه كامله

صوت من مصر يقول...

ريمان
معايه يعنى ولا لوحدى

صوت من مصر يقول...

فوبيا - سايكولاند
كل سنه وهو طيب مش انا

صوت من مصر يقول...

فوبيا - سايكولاند
لو كلكم معايا تبقى ليله فل علينا كلنا ولا ايه

صوت من مصر يقول...

yoyo
يويو الجبنه تحبيها اسطنبولى ولا ايه رومى
متخافيش انا قايل للناس تجيبلى عيش وكفته


للاسف احنا كده منخافش بس بنعترف من اول قلم

hamada يقول...

جروب جريدة الصباح العربي بيت المدونين العرب
http://www.facebook.com/group.php?gid=78080770039

dodoo يقول...

كلللل سنه واحنا مطحونين

كلللل سنه واحنا قرفانين

كللل سنه وانا وانت هنروحفى ستين داهيه ان شاء الله

بس ابقى وصى حد يجيبلنا عيش وحلاوه