الثلاثاء، 19 مايو، 2009

ما بين الواقع ( دكان شحاته )


قبل ما ابتدى اتكلم لازم اقول كلمه واحده
انى بقول لكميت وماما شمس النهار وكل الى سال عنى
انا كويس وبخير لكنها كانت فتره
المهم انا من يومين كنت فى العرض الخاص بتاع فيلم دكان شحاته واتفرجت على الفيلم
الى هو بجد ما يسمى بالفيلم فى وسط التفاهات الموجوده من افلام ملهاش لازمه
الفيلم ابدع كل من شارك فيه من خالد يوسف الى بتاع اابوفيه فى اللوكيشن
اولا الفيلم ليس به اى مشاهد سافله او ينبق عليها معنى للكبار فقط
وفى نفس الوقت الفيلم يعرض مشاكل مصر كلها من ملايين المشاكل ويتطرق الى الحياه
فقد جسد محمود حميده الذى ابدع فى اكثر من مشهد دور الاب ( جمال عبد الناصر )
وايضا عمرو سعد ( الشعب ) هيفاء ( مصر ) والتى هى حب عمرو سعد الاول والاخير
وبالنظر الى الفيلم فسترى وجود اخويين احدهم من ادخل المعاهده مع اليهود وهو صبرى فواز ( انور السادات ) وهو اخ عمرو سعد الاكبر ولكنه فى عز قسوته يميل الى الرحمه وله وجهه نظر راس ماليه بحته وايضا ابدع وابدع محمد كريم فى دور الاخ الوسط ( مبارك ) وهو ما يسعى نحو نفسه فقط فقد تزوج من هيفاء عنوه ويظهر المخرج والسيناريست ناصر عبد الرحمن براعته فى انه يجعله يغتصب زوجته هيفاءوهى رافضه ومحبه لعمرو سعد او شحاته الفيلم فى النهايه يقتل محمد كريم ( مبارك ) عمرو سعد اخوه غير الشقيق ( الشعب )
وبعدها يوضح الفيلم انه فى عام 2013 ستكون هناك مشاكل اخرى فى مصر مثل البلطجه وايضا التطرف الدينى لن انسى مشهد فى الفيلم وهو مشهد موت محمود حميده فقد ابدع بشكل غير عادى
ايضا احمد سعد وهو المغنى الذى غنى لمصر طوال احداث الفيلم فقد اخرج فنه ليعلنه فى الضوء للناس اجمع
ومن جمل الاغانى تقول
مش باقى منى غير شويه ضى فى عنيا انا هديهملك وامشى بصبر فى الملكوت يمكن فى نورهم تلمحى خطوه تفرق معاكى بين الحياه والموت ..................... مش باقى منى غير شويه قوه فى ارادتى حسبى عليهم وانت بتخطى مش باقى منى غير شويه ضى فى عنيا انا مش عايزهم لو كنت يوم هالمحك وانتى بتوطى فى معركه مفهاش لاطيارات ولا جيش وانتى فى طابورالعيش بتبوسى ايد الزمن ينولك لقمه
من حقك المشروع مش باقى منى غير شهقه فى نفس مقطوع يا حلمنا الموجوع وانا صوتى مش مسموع من المرور ممنوع مستنى لما يمر موكب سلاطينك
ومش باقى منى غير شويه كفر فى شروقك
مش باقى منى غير شويه لحم فى كتافى بلاش يتبعتروا فى البحر ومش باقى منى غير شويه لحم فى كتافى بلاش يتحرقوا فى قطر الصعيد فى العيد خدى الى باقى من الامل فيهم وابنلى من غضمهم فى كل حاره مقام وزورينى مره وحيده لو كل الفيين عام الم الجراح يتلم
ومش باقى منى غير شويه دم متلوثين بالهم مريين وفيهم سم مقدرش اسقيكى مواجعهم وبرضه مقدرش ارميكى وابيعهم يمكن فى مره تطلبينى شهيد هحتاج يوميها الدم ......
ارجو رايكم والفرق بين عمر وسلمى و دكان شحاته
وبين تامر حسنى واحمد سعد ( مغنى الفيلم )



هناك 44 تعليقًا:

kmt يقول...

السلام عليكم ورحمة الله وبركاته

حمد الله ع السلامه
( وش احمر )
على اسا اني مكسوفه
هههههههههه
ربنا يبارك فيك يا كيمو
خد بالك من نفسك
وذاكر بدل السينمات D:

هارجع تاني اعلق ع البوست

تحياتي
الى اللقاء

شمس النهار يقول...

ماشيه معاك
وتقول اكتئاب
بس البوست جميل جدا
بجد وكلمات الاغنيه جميله وقويه
اهو كده البوستات مش تقول لي الموت والدفن
هو انت متقمص دور الحانوتي شويه بس زي بعضه ابننا هنرميك :)

صوت من مصر يقول...

kmt
ابويا قالى ان مفيش مصرى بيتكسف لانه مصرى مستيكى تقولى رايك فى البوست
والسينما هى احنا مش هزار
والمذاكره حاجه بكرهها
الله يباركلك

صوت من مصر يقول...

شمس النهار
للاسف لست حانوتى لكنى ميت ( اقصد كنت )
معلش بقى شويه كده وشويه كده
عموما مش هنكد على اهلى تانى بس الاهلى ياخد الدورى بكره
يلا يا امى مش هزعلكم بس ارمونى

Sweet Violet يقول...

و من الواضح انه فعلا فيلم واقعى ..شوقتنى اشوفه بس للأسف انا مش بدخل سينما )):

كلمات الاغنية جميلة جدااا بجد

اما بقى الفرق بين عمروسلمى و دكان شحاته

طبعا انا مش اتفرجت على الجزء التانى للفيلم لكن شوفت الاول و طبعا بعد كلامك عن دكان شحاته اكيد مافيش مقارنة تذكر اصلا .. لكن عامة تامر حسنى لايصلح انه يكون ممثل و كان يصلح انه يكون مغنى بس ده زمان الصراحة اما حاليا اعتقد انه يقعد فى بيتهم افضل من اللى بيوصلوا لينا من افلام و اغانى أقل مايقال فيها هابطة

اما أحمد سعد و تامر حسنى .. انا عامة بحب صوت أحمد سعد و اختياره للاغانى .. تامر كان زمان ممكن اقول بردو انه كان نفس المستوى بل أعلى لكن دلوقتى اعتقد بردو ان مافيش مقارنة تذكر

شمس النهار يقول...
أزال المؤلف هذا التعليق.
z!zOoOo يقول...

السلام عليكم

صوت ازيك يارب تكون بخير

طيب والله كويس إنك بتدخل سينما او تفك شويه

بس انا من عشاق محمود حميده بس انا اصلا لسه سامع عن الفيلم

علي فكره الكلمات الي بيغنيها احمد سعد
بتاعه مش باقي مني ديه بتاعه " جمال بخيت" وهي قصيده روعه بجد

بس شد حيلك الامتحانات علي الابواب

ربنا يوفقك

تحياتي

ريمان يقول...

يا اخويا


ماليش انا فى الافلام دى

Israa El-sakka يقول...
أزال المؤلف هذا التعليق.
Israa El-sakka يقول...

سلاام عليكم
إزيك يا كيمو؟
أنا متفرجتش على الفيلم بس خالد يوسف بيبدع أنا عتراضي على المشاهد الساخنة اللي بتتضمنها بعض أفلامه...عمر و سلمى ده فيلم لايت يعني مش علامة فارقة في تاريخ السينما المصرية يعني ...إن شاء الله لما اشوف الفيلم أبقى أقولك رأيي لكن كلمات الأغنية جامدة بجد نفسي نسمع أغاني كده بدل العبط اللي في التلفزيون ده ..نفسي تبقى مصر بلد الاوبرا و مكتبة الإسكندرية مش بتاعة مولتي :))
سسلااام

ايوشة يقول...

اه انت من كتر كلامك على الفيلم ده هتخلينى اغير مبادئ وادخله اول ما ينزل السينما :)
كويس ان يكون فى افلام ليها هدف وقصة فى وسط الهيافات دى كلها

aidy يقول...

انت فاضى تدخل سينما (( وش بيعيط))

يارب تكون الامتحانات حلوة

وتزاكر وفى الاجازة ابقى ادخل الافلام كلها

انا ولا شوفت الفيلم ده ولا عمر وسلمى ههههههههههههههه

ولا اى فيلم اساسا

فبصراحة مش عارفة اقولك رأيى بناء على ايه

انا حتى مشوفتش الاعلانات :(

بس من كلامك على فيلم دكان شحاتة هتخلينى افكر ادخله فى الاجازة

DoNyA يقول...

حمدله علي السلامه
وحشنا صوتك اللي فعلا جاي من جوا مصر

انا مشفتش الفيلم بصراحه
لكن من لقطاته حسيت انه هيطلع عمل راقي وهادف

yoyo يقول...

صباحك سكر

امممممممم
احسدك بقى يعنى
ناس بتدخل سينما ومضبطة حالها اهوا اللهم لا قر يا سيدى هههههههههه

ربنا يسعد اوقاتك يارب
ربنا يعينك على الامتحانات
انا بصراحة لا شفت الفيلم دا ولا دا بس انا دايما بيعجبنى فكرة خالد يوسف فى الاخراج وكمان كتابة ناصر ايما قريبة من الواقع اذا لم تكن الواقع نفسه

اوعدنا يارب بقى وندخل سينمات
دى هتبقى ليلة يا عمدة
ههههههههههههههههه

ربنا يوفقك فى الامتحانات
بطل بقى وذاااااااااااااااااااكر
تحياتى
يويو

عمرو يقول...

لما شاهدت تتر الفيلم خشيت أن يكون نسخه مكرره من فيلم حين ميسره و فيلم هى فوضى .. خاصة أن مشهد الجموع الغاضبين متكرر فى الأفلام الثلاثه ..
لكن كويس أنك أوضحت شىء عن مجمل أحداث الفيلم و لو أنى مش مؤيد أوى لفكرة الرمزيه و الاٍسقاطات اللى بتبقى مكشوفه للمشاهد و أكيد المخرج له أسبابه خاصة ما نعلمه جميعا عن تعسف الرقابه بأنواعها ..
الأغنيه طبعا رائعه و كلماتها عميقه و معبره عن واقع الحال لا شك فى هذا ..
شوقتنى أشوف الفيلم بجد :)
تقبل تحياتى و تقديرى ..

Foxology يقول...

اولا حمد الله ع السلامة

ثانيا الفيلم انا فعلا عارف القصة والأسقاطات اللى فيها لكن مع احترامى الشديد للقصة ورأى الناس انا مبحبش خالد يوسف من الأساس وبحس دايما انه بيقلد وبيخللى الأصطاف يقلد هو كمان مش عارف ليه

لكن اكيد هتفرج على الفيلم سواء نسخة على الكومبيوتر او حتى على التلفزيون لما يتعرض

تحياتى وشكرا على الوصف المجمل للفيلم :)

enjy يقول...

ازيك يا كيموز......
انا كمان كنت عايزة اشوف الفيلم دة بس ربنا يخليك انت خلاص حرقته هع هع هع

الفرق بين احمد سعد وتامر حسنى خليه فى سرك عشان الرقابة

صوت من مصر يقول...

Sweet Violet
فعلا عندك حق لكن انا حبيت اعرض مقارنه للثقافتين منها الواقعيه والتافهه ولقيت ان تامر ملك التفاهه فى مصر
كلامى صح

صوت من مصر يقول...

شمس النهار
ياريت بناء على طلب الجمهور تبقى البورصه نظرا للحاله الماليه للجميع ياريت تبقى البورصه او اى قهوه بلدى عشان الكاشات
وهاجى غصب عن عينى

صوت من مصر يقول...

z!zOoOo
ربنا يباركلك يا زيزو بس فعلا انا بمتحن
بس مش عيب انى اتفرج على حاجه بحبها وثانيا ده جزء من شغل اختى وانا بساعدها

صوت من مصر يقول...

ريمان
المره الى جايه مش هكتب غير عن الاطفال نظرا لعشقك الاول والاخير

صوت من مصر يقول...

Israa El-sakka
للاسف بايدينا نخلى مولتى جميله وبايدينا نغير التفاهه الى الجمال والثقافه
شكرا لكن خالد يوسف لا يعتمد المشاهد والايحائات الساخنه وليس كفيلم للمخرجه ايناس الدغيدى

صوت من مصر يقول...

ايوشة
ايوش اكتر حد اتكلمت معاه عن الفيلم
اتجننى بقى

صوت من مصر يقول...

aidy
انا مش بستنى اجازه ولا بفكر غير فى انى حر اعمل الى انا عاوزه حتى ولو فى وسط شغلى
لن ادخليه ( بعمل دعايه بقى وكده عايز فلوس من الشركه المنتجه )

صوت من مصر يقول...

DoNyA
مين هو الى فينه
طب انا موجود انتى بقالك شهر محدش عارف عنك حاجه

صوت من مصر يقول...

yoyo
يا ستى تحسدينى ليه اقرب سينما جنب البيت تروحى
انا بقى اخليكى تحسدينى
انا كنت فى العرض الخاص للفيلم
مش اى عرض بيعنى شوفت كل النجوم

صوت من مصر يقول...

عمرو
استاذ عمرو لازم يكون فيه اسقاطات لاننا فى مصر مش اميركا او فرنسا ده حتى فى افريقيا فى حريه ومفيش رقابه

صوت من مصر يقول...

Foxology
فوكس ممكن سؤال
هو بيقلد شاهين الممثلين بيقلدوا مين ؟؟؟؟؟

صوت من مصر يقول...

enjy
اهو الفيلم اعترضت الرقابه عليه هتعترض على كلامك صعب
وانا حرقته بالعكس

شمس النهار يقول...
أزال المؤلف هذا التعليق.
شمس النهار يقول...

الساعه اتنين ونص

كيــــــــــــارا يقول...

واضح انه فيلم تحفه

وواقعي ان شاء الله اقنع محمد اننا نروحه

بس باللي قولته دا عن الفيلم

والي بشوفه في اعلانات عمرو سلمي مش في وجه مقارنه خالث

Mo7ammed يقول...

حمدلله عالسلامة ياصحبى

وايه ده ياعم
العرض الخاص مرةواحدة
شكلك واصل ياعم ^_*

Soul.o0o.Whisper يقول...

السلام عليكم و رحمة الله و بركاته

أولا حمدلله على سلامتك من الحالة اللى كنت فيها

ثانيا بجد خلتنى أعيط من كلمات الاغنية
صعبة أوىىىىىىىىىىىىى

بس بجد صدقنى مهما الظلم طال
لازم الحق ييجى و يفرد سطوته

بس لازم يكون له ايد تدافع عنه
زى ما الظلم له الف ايد بتدافع عنه


رغم انى ماشفتش الفيلم و لا اعتقد انى هأشوفه

لكن بجد شكرا على وصفك و على كلمات الاغنية



دمت بود

fnan_geology يقول...

فينك يبنى مختفى على الله تكون بخير
بص يبنى يا حبيبى انا مبطتقش خالد يوسف ده ولو عمل فيلم جاب فيه ال باتشينو بذات نفسه مش هدخله برضه يعم هيا ناقصه

صوت من مصر يقول...

شمس النهار
وكان اللقاء

صوت من مصر يقول...

كيــــــــــــارا
الخالث دى بفهمها بسرعه جدا فى وجه المقارنه
بس فعلا مفيش وجه مقارنه

صوت من مصر يقول...

Mo7ammed
والله مش واصل بس للسف دى شبه شغل
وعقابلك كده تدخل الافلام كلها

صوت من مصر يقول...

Soul.o0o.Whisper
مع انى متاكد مليون المئه بس الفيلم بيحكى قضيه وطن احنا منه
ولا ايه
انا على ما اظن قدرت اوصلك الفيلم 1 %

صوت من مصر يقول...

fnan_geology
يابنى متحاولش تكون مختلف عن الناس خالد يوسف مخرج بينثل ارض الواقع ومش الخيال
ومش تفاهه
ومش افلام امريكانى من الى انت بتحبها
وعلى فكره عين شمس تحفه واتكلمنا قبل كده فى الموضوع ده
المهم اخيرا جيت عندى فى البلوج
ده فرح سبع ليالى
مبروك عليا انا

كيــــــــــــارا يقول...

نمت ولا لا

صوت من مصر يقول...

اه
انتوا قفشتونى عشان كنت مطبق
لا انا فايق وتمام
وعلى فكره ليك يوم يا ؟
طيب

من غير عنـــوان يقول...

الإبن العزيز
طبعا السينما مقياس نبض الشعب.. ولكن إحترام حدود المتلقي واجبه

أنا شوفت الفيلم
* لو عايز تشوف سينما شوف الأول صلاح أبوسيف.. وبعدين نتكلم
* لو عايز تحكم على فيلم ..أي فيلم.. إقرا القصة مكتوبة أولا عشان تعرف ياترى المخرج زودها ولا انتقص منها
* دكان شحاته كان فيه محمود حميده رائع كعادته
عمرو سعد الواعد
عمرو عبد الجليل الذي كرر دوره في حيت ميسرة لإستغلال النجاح
وأيضا غاده عبد الرازق كانت ممتازهبس بشوية مبالغه
ماكانش فيه ممثلين تانين باين
بل كان ينقصه زمره من المبدعين

إغنية الختام مش في نفس موود أغاني الفيلم

الموسيقى التصوريه( عاديه
ويمكن ضعيفة )

فيلم لا يقارن ب حين ميسرة ولا واحد صفر ولا آسف على الإزعاج ( مع فارق الموضوع الراقي )..
واللي أحلى وأحلى وأقوى وأشد هو فيلم البداية لصلاح أبوسيف
أو الأرض ليوسف شاهين

عشان تحكم كويس يا صوت مصر
شوف الكلاسكيات
حتى في الفن التشكيلي

ويوسف شاهين لم يدخل إلى الرمزية إلا بعد عشرات الأفلام.. وبيكاسو قال ما تصدقش فنان طلع بموجه جديده بدون المرور على الكلاسكيات

mero-moory يقول...

السلام عليكم و رحمة الله و بركاته

اللي فهمته سابقا من البوست السابق انك كنت تعبان يا محمد
الف لا بأس عليك وربنا معاك دايما يارب

ثانيا برغم اني لسه موش شفت الفيلم بس انا متوقعاه انه جامد بجد برغم اني موش بحب هيفا بس عشان انا بحترم خالد يوسف جدا وبحس انه بيدور في قاع الارض على كل اللي يمس الشعب بيحفر في الصخر عشان يقدم مشاكلنا ادامنا في الزمن ده والزمن اللي جاي
وبالنسبة للمطربين احمد سعد وتامر فمن رايي ان تامر بيخاطب قلوب وغرائز الشباب احمد بيكلم عقولنا وقلوبنا عشان نفهم ونحس ومن اول اغنية والبوم طلعه وانا بحترمه وبحبه جدا عشان بيقدر يختار كويس وصوته فيه قوة غريبة تتحس

اتمنى تكون دايما بخير وموشتكره المزاكرة وتركز وان شاء الله ربنا يوفقك

في رعاية الله