الخميس، ٧ مايو ٢٠٠٩

غريب على باب بلا معنى

قبل ما هبدا واتكلم الموضوع ده قديم جدا بس هى حاله انا عايشها ارجو منكم تفهمها بصدق

مش عارف اقول ( حد هيقولى ارغى ياعم الامور ) بس انا مش امور بجد انا حاسس دلوقتى ان ادنيا دى ملهاش قيمه خالص يعنى انا هعمل بعد سنه مثلا مش عارف هفضل زى مانا اكيد طبعا ايامى كلها واحده حتى حياتى واحده لدرجه انى خلاص حاسس انى قربت اشوف ربنا وساعتها هقف قامه واكون لا شىء لانى معملتش حاجه فى دنيتى لا حلوه ولا وحشه بالمعنى الاصح عايش كده وخلاص معرفش من امتى لكن من ايام كتير ايامى اللى جايه الله اعلم ممكن هيحصل فيها ايه بس معرفش ليه انا حاسس انى ممكن اعمل حاجه كويسه من داخلى لكن الناس ممكن متصدقش لانى مبسبتش او الجوهر غريب مش باين منه اى حاجه لكن احاول حتى ولو محاوله مانا حاولت كتير وفشلت فيها ايه لما اجحرب تانى مش يمكن ولا لا استنى يمكن الحظ مستنى لما اكون انا واقف مش بحاول صعبه جدا معادله اوحش ما فيها انى انا الى بمثلها بلا معنى بلا اى شىء يدون فى حياتى عايش كده وخلاص شىء غريب ؟

10/02/08
محمد كمال

هناك ٤٩ تعليقًا:

yoyo يقول...

صباحك سكر

احجز اول تعليق
ليا عودة
تحياتى
يويو

yoyo يقول...

عارف الاحساس دا بيكون صعب اوى
لما تحس انك خلاص مهما تعمل هى الحياة مش هتتغير هى كدا ساعتها بتوقف كل حياتك وكل احلامك بتنتهى حتى نظرتك فى الحياة بتختلف
يعنى عايش وخلاص
اهى ايام وهتعدى بحلوها او مرها مش فارقة معاك بقى
زى الريشة اللى فى مهب الريح حبة لفوق وحبة لتحت

بس دا صح مهما كانت الظروف و المشاكل لازم نحاول وحتى لو فشلنا يبقى كسبنا شرف المحاولة
يعنى نحاول نتغلب على يأسنا يمكن شمس الامل تشرق فى يوم على احلامنا

دا مش كان مجرد رغى لا دا انت عبرت عن فلسفة موجودة فى حياتنا
دمت بالف خير
تحياتى
يويو

mizohart2010 يقول...

الاحساس ده صعب بس سهل تتخلص منه غير حياتك
يعنى بالاش تخرج مع صحابك كل يوم لو بتحب السهر اعكس يومك خيلك طبيعى تنام بدرى و تصحى بدرى سافر اى مكان لو ليك قريب فى اى حتى فى مصر
اقعد مع الناس ئلى بتحبها بجد واحكلهم اكيد حترتاح لم تفضفض اتمنالك كل خير يا غالى
ميزو الاسكندرانى

romansy يقول...

لالالالالالالالالالالالالا
اومال بقى رسام ايه ارسم وطن
وغيره على الورق وقول ايه هيه احلامك الورديه
نتمناها
حتى لو مش اتحقتت بس كويس اننا نحلم ونغيرها فى حلمنا

حاسوباتيه يقول...

والله مش لوحدك عندك الاحساس ده كتير قوي عايشين وبس بس برضو اهو حاول مش عايزه احبطك بس نا بطلت احاول بس انت راجل ولازم تحاول مافيش حلول اخرى عندك

fnoonh يقول...

بتمر علينا احساسات زي الانت عايشها دي والله

اقولك حاول على قد ما تقدر تغير من نمط يومك اكسر روتين الحياة جدد ولو يوم واحد في الاسبوع
اقولك ايه رايك اقرا صفحة وحده بس من سورة يوسف النهرده وحده وبكره وحده وبعده مش هتاخد من وقتك كتير زيد في القراءة شوية شوية
اقولك مرة وانت سهران كده الساعة تلاته ونص بالظبط ((يعني قولت تلاته ونص عشان تفتكرها))قوم وقول والله لانا مصلي ركعة وتر لما
تركع وتقوم من الركوع ادعي ربنا بكل اللي تتمناه
والله هتلاقي صدرك اتشرح هتحس براحة
بعد كده ممكن ترسم حاجة ممكن تكتب اللي بتتمناه في ورقه صغنونة وتقعد تتخيل ازاي هتكون لو حققت كده اوكده

وفي الاخر حاول تتغلب على الانت فيه وربنا يعينك

تقبل خالص تحياتي

Unknown يقول...

السلام عليكم ورحمة
الله تعالى وبركاته
عارف لو مش قادر
تعمل اى حاجة بصحيح
كفاية تعامل الناس كويس
ترد على واحد بيسأل عن طريق
ما بتعليش صوتك فى حضور والديك
بتسمع كلامهم على قدر المستطاع
بتفهم عيل صغير مسألة او بتقرأ
له درس او بتوضح له درس مثلا
حاجات كتير صغيرة لكن مش بتضر
وكمان بتعمل لك حسنات ومش
ضرورى تكون فاتح عكا مثلا
لكن كفاية ترسم ابتسامة
على وش راجل عجوز او
طفل صغير .محمد انت
عندك كنز استغله
قبل ما يروح منك
ا ل ش ب ا ب!

دعاء العطار يقول...

"فإن مع العسر يسرا إن مع العسر يسرا "

مفيش حاجه اسمها مفيش املللل

او انى وقف فى مكانى مش بعمل حاجه

مادام عندك حللللللم يبقى لازم يكون عندك امل

ومادام عايش يبقى لازم تخلى بكره احلى

مهما كانت معوقاتك ومهما كانت ظرررروفك

فلازم توصل لحلمك

Foxology يقول...

مرحلة التوازن وانها مش فارقة

اممممم عارفها الحالة دى بس احب اقولك حاجة مهمة جداااا

اعمل اللى فيه مصلحة ليك ولأقرب الناس ليك وارضى ربنا هتلاقى نفسك راضى :)

تحياتى :)

رحلتنا في الحياة يقول...

تعرف مشكلتك ايه بتخاف تعمل اى حاجة فيها مصلحتك ده اساسى بجد الدنيا لسه قدامك ولسه العمر الطويل كله ان شاء الله قدامك اعمل اللى عليك اسعى ياعبد وانا اسعى معاك
مينفعش اسيب الحياة هى اللى تشكلنى وبعدين نلومها لازم نفوق شوية
ندور على الصح ونعمله ونحاول نبعد عن الشئ الخطا او الغير سليم
ربنا يفك كربك وترجع تانى دى حالات مؤقتة بتمر بيها كل الناس

عمرو يقول...

أكيد يا صديقى لكل واحد مننا واجب مكتوب له فى الحياه من قبل الله سبحانه و تعالى ..
و ممكن جدا تكون بتؤدى رسالتك المكتوبه عليك حتى بدون ما تشعر أو بدون تخطيط مسبق منك و يمكن يكون هذا الواجب اللى أنتى بتؤدبه فى نظرك تافهه و بدون أهميه و لكن فى جوهره يكون بالغ الخطوره و الأهميه ..
اٍحنا مش موجودين فى الحياه عبث يا صديقى .. موجودين لهدف و هدف سامى كمان ..
بلاش الاٍستسلام للاٍحباط حتى لو كان كل ما هو حولك يدعوك للاٍحباط و اليأس .. و اٍبدأ من جديد يا صديقى بمنظار آخر غير اللى أنت حاطه مش بس على عينيك و لكن على ذهنك كمان ..
و تأكد أن لك دور خطير جدا و مكان مهم جدا فى الحياه بس أبحث عنه و أكيد حتلاقيه ..
تقبل تحياتى و تقديرى ..

ريمان يقول...

لا لا

شىء مش غريب

مش عايزه اقولك ان كتير اوى كده وحاسين بكده

مش عارفه اقولك ايه

ربنا يروق بالك يا رب

ويسعدك بس حاول تغير شويه من نفسك ومن حياتك وحاول تكسر الروتين باى شكل

محاولة لكسر الصمت يقول...

سيدي إن كانت حياتك بلا معنى, فكنت أنت ذلك المعنى..
لا تصدق أنك لم تفعل شيئا بل فعلت -مهما كان بسيطا- وإن حاولت أكثر ستفعل أكثر..
الحياة لا تتوقف عند شيئ, فتلك اللحظة التي قد تشعر فيها بأنك لا شيئ , ربما تكون هي المخاض لذلك المعنى الذي تبحث عنه..
فقط ثق بربك, بنفسك وبأن الحياة بدونك سينقصها "شيئ ما"..

kmt يقول...

السلام عليكم ورحمة الله وبركاته

مش عارفه ارد عليك لاني تقريبا في نفس المود
ربنا يستر

تحياتي
الى اللقاء

صوت من مصر يقول...

yoyo
صباحك سكر زياده يارب

صوت من مصر يقول...

yoyo
اقولك ان الشمس صعب تطلعلى تانى لانها فقدت الامل فى انسان زى حالى
انا واحد من الناس دايما بقول وهقول الفشل مش بالصدفه لكنه قدر ومحتوم اما ناجح او فاشل
اشكرك

صوت من مصر يقول...

mizohart2010
يا ميزو والله لو بالخروج واللعب انا اكثر واحد بيهزر ويضحك ومش شايل هم
بس ده الى الناس بتقوله محدش عالم انا ايه وجوايا ايه
اشكرك لسؤالك

صوت من مصر يقول...

romansy
دى رومنسيه بالبطيخ وكنت كداب عشان كده مقدرتش ارسم وطن ولا قدرت حتى اجيب ورق وقلم

صوت من مصر يقول...

حاسوباتيه
لا فرق بين راجل وبنت او ست
مليش اى تعليق اخر
لن اتلم المتعوس على ...

صوت من مصر يقول...

fnoonh
عملت ده كتير ولكن بدون جدوى
وزى المثل بيقول هى خلصت
اشكر

صوت من مصر يقول...

norahaty
كنز الشباب فانتى خلاص
قالولى اسنتى القطر بتاعك سابنى وملحقتوش
انا عجوز فكريا للاسف
اشكرك كثيرا لكنى لست بشاب

صوت من مصر يقول...

dodoo
الى دايما رافعه روحى المعدنيه
للاسف يا دعاء ولا حتى كنتاكى عمل معايه اى حاجه
مع انى واكل واحد زنجر سوبريم

صوت من مصر يقول...

dodoo
نسيتت اقولك متزعليش منى يا زعلانه دايما

صوت من مصر يقول...

Foxology
فوكس للاسف انا وحيد ومليش قريب ولا بعيد
شكرا ليك
مع انكم اقرب الناس ليا

صوت من مصر يقول...

ايوشة
ايوش
والله انا عمرى ما خفت من حاجه اكتر منى انى اكون كده للاسف لانى مش جبان اصبحت هكذا
شكرا للدعاء ويتقبل منك

صوت من مصر يقول...

عمرو
استاذى
اتمنى ذالك لكنى لم الاحظ حتى او مفيش حد لاحظ انى مميز بشىء او سىء بالاخر
اشكرك

صوت من مصر يقول...

ريمان
للاسف انه عكس الروتين لكنى دائما اشل وليست بالصدفه
اشكرك كثيرا وعودا حميدا

صوت من مصر يقول...

محاولة لكسر الصمت
اتمنى منك انك تقولى انت ناجح فى شىء وانا لا اعرفه
يا دواير فعلا الدنيا دايره وراهه التانيه

صوت من مصر يقول...

kmt
كيميت
والله المود ده عند معظم المصريين
اتمنالك فك كربك يارب لانى اعانى منها بجد

شمس النهار يقول...

مش بحب اليأس
دوام الحال من المحال
مافيش حاجه بتفضل علي حالها
صدقني ربنا بيحب يختبر عبده
وانت وشطارتك
ياتطلع ممتاز ياتقدير الشعب
يا ماتنجحش

فرجه قريب
اخبار الامتحانات ايه

صوت من مصر يقول...

شمس النهار
مفيش حد بيحب اليأس لكنه واقع لابد الاعتراف بيه
وهبتدى امتحن عملى من بكره لسه
ادعيلى يا امى

Soul.o0o.Whisper يقول...

السلام عليكم و رحمة الله و بركاته

أولا عاوزة اقولك كفاية عليك احساسك
"معرفش ليه انا حاسس انى ممكن اعمل حاجه كويسه من داخلى "

صدقنى كل واحد فينا جواه الخير
و جواه حلم و طموح
صعب تحكم على طموحك بالفشل
لأنك انت لو انت اللى حكمت بكدا

هتفضل طول عمرك كدا
حتى لو مين قالك غير كدا

لازم تصدق نفسك أنك انسان كويس
لازم تخلى فى هدف عايش عشانه

صدقنى حياة بلا هدف
مش حياة اصلا

و يمكن عشان كلنا بنكون متخبطين فى المرحلة دى
لأننا متعودناش نعيش لهدف فى حياتنا

صدقنى دور جواك هتلاقى حاجات جميلة
دور فى ذكرياتك هتلاقى احلام كنت بتحلم بيها و نسيتها

و ارحم حدد لنفسك هدف
ولو بسيط
و اسعى فيه
و لما تحققه هنحس فعلا انك انجزت

و اتنقل من واحد للتانى
مش لازم يعنى تكون هتكسر الدنيا عشان تكون حققت ذاتك و اثبت نفسك

لالالا .. بحاجات صغيرة اوى
ممكن تلاقى نفسك


ربنا يوفقك يارب
و تنتهى الحالة دى

لانها حالة صعبة بجد


دمت بود

شمس النهار يقول...

ربنا معاك وهدعيلك قد ماربنا يقدرني

وان شاء الله بالنجاح
وبعد الامتحانات ان شاء الله حضر نفسك عشان تتطوع في 57357
وتساعد الناس دي علي ابتلأ ربنا ليهم
وبالمره تعرف قد ايه ربنا كرمك بالصحه
ركز انت بس في المذاكره ويحلها ربنا بكرمه علينا

محاولة لكسر الصمت يقول...

لست أنا من يقول..
فقط ابحث وستجد بالتأكيد..

رؤية يقول...

الحظ لا ياتى الا لمن يستحقه
طالما حاسس انك من جواك تقدر تقدم شىء يبقى اكيد هاتقدم شىء باذن الله
حاول وما تياسش
وبتبقى فترة وبتعدى وبعدها هاتحس انك بتنجز كتيير
بص نصيحتى اول ما تيجى فرصة انك تعمال اى شىء كويس
ما تكسلش ابدا لانها ممكن ما تتكررش

تحياتى لك

رحــــيـل يقول...

شوف يامحمد محدش عارف هى حياتنا هتخلص امتى واحساس الانتظار صعب جدا خصوصا لما يطول
كل اللى عليك انك تحاول وتحاول وتحاول انك تعمل شئ اى شئ المهم مش تياس ومش تبطل محاولة

صوت من مصر يقول...

Soul.o0o.Whisper
فعلا حاله صعبه وصعب انى الاقى الحاجه الصغيره لكن لقيت بصيص امل على ما اظن
ممكن ده جانى فى وقت محتاجه لكنى لم اخرج من المرحله قبل انتهاء العمل
شكرا للنصيحه

صوت من مصر يقول...

شمس النهار
ماما ياريت بجد وعارف ان الصحه نعمه لكن مش عارف قدر ولا لا لانى ممكن اشتغل واتمنى ده بجد لانى محتاج فلوس جدا ومحتاجها عشان احقق الى فى دماغى وهتعرفوه قريب باذن الله
شكرا

صوت من مصر يقول...

محاولة لكسر الصمت
للاسف حاولت ومش لاقى لانى عارف نفسى
وشكرا لكنى نت فاكرها مساعد من مش اكتر

صوت من مصر يقول...

رؤية
للاسف يا رؤيه ليست الاعمال ما اطلب بل اطلب تحقيق الذات وهو ما ابحث عنه

صوت من مصر يقول...

رحــــيـل
اظنك انتى كمان بتحاولى زى انا تمام اماره انك محاوله للبحث عنى
شكرا لمرورك

جريدة الصباح العربي يقول...

جروب جريدة الصباح العربي بيت المدّونين العرب
http://www.facebook.com/group.php?gid=78080770039

شمس النهار يقول...

ايه خبار الامتحانات
ماشيه والا ايه

طمني عليك

aidy يقول...

مش عارفة ليه نبرة التشاؤم اللى بشوفها فى كلامك دى

انا شايفة ان الانسان يقدر يكون نفسه لما يكون ليه هدف بيسعى ليه وفى المحاولة نفسها بيحس بإحساس جميل اوى انه بيسعى ناحية شئ هو عايزه وبيحاول يحققه


انا شايفة يا محمد انك ناقصلك اهم حاجة فى الحيااة هو سبب تعيش عشانه وهدف تحاول تحققه ساعتها هتشوف الدنيا بعين تانية

ركز فى امتحاناتك

mnoon يقول...

السلااااام عليكم

الحاله اللى إنت فيها دى
هى بدايه النجاح فى كل شئ

إستبشر خير إن شاء الله

kmt يقول...

السلام عليكم ورحمة الله وبركاته

ربنا يوفقك في امتحناتك
عايزين تقدير اوك

كويس ان غيرت الصورة D:

تحياتي
الى اللقاء

Unknown يقول...

السلام عليكم
مالك بس لا زم تتغلب على لحظات ياسك وتحلوها للحظات امل وطموح حتى وان فشلت فى تحقيق كل احلامك لابد وان تحاول من جديد

Nostor Azzuro يقول...

ربنا يروق بالك ياكيمو

DoNyA يقول...

ازاي تقول انك عايش كده وخلاص
ده مش حقيقي ولا يمكن يكون
لان كل واحد مننا له دور في الحياه
له هدف ربنا خلقه علشانه
انت مش حاسس بيه يمكن
لسه مش جه دورك جايز
لكن لازم يكون ليك
مش ممكن تكون انت سبب في حياه انسان تاني
او رزق لانسان
او مصدر بهجه لطفل او مريض
صدقني
لو عدت حساباتك من اول وجديد
هتلاقي كل لحظه بتعدي في عمرك ليها هدف
شوف النهارده كده
ساعدت كام حد
اتكلمت مع كام حد خففت عنه
زرت مرض
طبطبت علي طفل حسسته بامان او بحنيه
خخليت كام واحد يضحك من قلبه
دعيت لكام حد
وغير كده كتير وكتير ميعلمهاش غير ربنا
اللي خلقنا لاهداف لايعلمها الا هو
اضحك من قلبك
وهات ريشتك
علشان تكمل لوحة الوطن
مودتي