الثلاثاء، 28 أبريل، 2009

من عصفوره لخنزير يا قلبى احزن


اقول ايه ابدا ازاى اتكلم عن ايه للاسف انت لو شايف انك صح قول لو غلط يبقى اسكت ومسمعش صوتك
حد سمع عن انفلونزا الطيور يبقى سمع عن انفلونزا الخنازير
متقوليش مفيش خنازير فى مصر
هقولك انت كداب ده حتى وانت نازل من على المحور ريحتهم مغرقه الدنياااااااااااااااااااااااااااااااااااا ( يع يع يع )
وفى القليوبيه بتتربى وفين تانى قول وسمعنى ؟؟؟؟؟؟؟؟
المهم ان المرض ده قاتل وملوش علاج المشكله فين طيب حد يقولى ؟
استنى هقولك انا
الحكومه كالعاده بتقولك ايه نحن قد لا نقرر اعدام الخنازير نظرا لان التكلفه ستكون مربكه للاقتصاد المصرى
حد عارف الخسائر مقدره بكام لو اتعدمت الخنازير
نص مليار جنيه اى بمعنى نفس تكلفه زواج هيفاء بالارقام المعلونه يعنى ابو هشيمه كان محدش عارفه طب احمد عز ميعملش حركه جدعنه ولا جمال مبارك يصالح الشعب بده
يا جماعه اخوكم ولع من طيور لخنازير بكره لو قالوااااااااااااااا كلاب والله هنمزت كلنا ده مصر فيها 70 مليون كلب الحكومه مش واخده بالهم منها
منهم له



هناك 43 تعليقًا:

enjy يقول...

مخلصناش من انفلونزا العصافير جانا انفلونزا الخنازير

احنا نستاهل اكيد

romansy يقول...

مش عارفين
عصافير وجنازير
كل يوم مرض جديد
احنا وحشين كده
نستاهل اكتر من كده
ربنا معانا
ويسترها علينا

dodoo يقول...

على فكره يامحمد

انا من الناس اللى مكنتش اعرف لحد امبارح ان فيه فعلا خنازير فى مصر

كان فى دماغى انها محرمه علينا كمسلمين

طب ليه هنربيها

وبعدين عرفت بموضوع انفلونزا الخنازير

وان مصر بتربيها كدخل اقتصادى

وعلى رايك فيها ايه لو واحد زى احمد عز او جمال مبارك او او او

حاولوا يعملوا حاجه كويسه مره

للاسف احنا قاعدين ننادى ولاااااا مجيب

" اللهم لا تجازنا بما فعل السفهاء منا "

mero-moory يقول...

السلام عليكم ورحمة الله وبركاته

اسيك يا محمد يارب تكون بخير

ياااااه موضوع الخنازير ده عارفاه من زمان والواحد قرف منهم بس مصر موش رافضه عشان خسارة ولا عشان تكلفة وكلام فاضي هو خايفين يقولوا ان الخنازير دي وباء وارف عشان الاقباط وموش يتقال علينا بلد متخلفة او انها ضد الديانات رغم ان الخنازير محرمة جدااااااااااا لانها تعيش على الزبالة واثبت علميا ان لحمها يسبب السرطان

جمال مبارك ولا احمد عز صعب يعملوا حركة جدعنه زي دي وفي نفس الوقت قرفانين بس يا حلاوتهم وهو عاملين موش فاهمين وعايشين على حساب الشعب

رحمتك يارب

في رعاية الله

محاولة لكسر الصمت يقول...

هقولك انت كداب ده حتى وانت نازل من على المحور..
ــــــــــــــــــــــــــــــــــــــ
الآن أدركت سر تلك الرائحة المرعبة التي تكتم الأنفاس كلما مررنا على المحور..
أما عن ال 70 مليون الذين تتحدث عنهم, فإن كان من "أولئك" لله, فليس لهؤلاء سوى الله...
تحياتي..
ملحوظة (صورة التدوينة مبدعة)..

yoyo يقول...

لطفك بعبيدك يارب
سبحان الله لسه انفلونزا الطيو مش انتهت بلا على العكس فى انتشار يظهر ماهو اسؤأ
المشكلة ان البلد فيها كمية كبيرة جدا ما يقرب من حوالى 853 حظيرة للتربية ووسط الناس مش منعزلين يعنى
كنت سمعت ان فى قرار جمهورى خاص بنقل مزارع الخنازير الى صحراء 15 مايو فى محافظة حلوان بس حتى الان القرار دا مش اتنفذ

الناس اللى فى ايديهم الحل والربط كالعادة مش بيتحركوا واحنا اللى بنشيل الليلة زى ما بيقولوا لان التجارة دى بتجيب لهم ملايين فمش مهم اتنين تلاتة او حتى 100 من الشعب

تسلم ايدك و يسلم صوتك دايما فى الحق
تحياتى
يويو

nona يقول...

مصر يبئا فيها خنازير ليه اصلا
دة حتى عيب
لان احنا بلد اسلامية المفروض ميدخلهاش الحاجات المحرمة دى

حسبى الله ونعم الوكيل
اهى هتولع بيهم واحنا معاهم

ربنا لا تؤاخذنا بما فعل السفهاء منا

fnoonh يقول...

والله كنت بتكلم مع ماما النهرده في الموضوع ده ولما قالتلي ان الخنازير فعلا بتتربى في مصر وان النصارى بياكلوها وبتتربى مع البقر والخراف وكده انا اتصدمت
ما كنتش متوقعه كده ابدا
كل شوية يطلع مرض جديد وده من غضب ربنا علينا كل ما زادت ذنوبنا زادت الامراض علينا عشان تذكرنا باننا في غفلة
موضوعك مهم فعلا
تقبل تحياتي

ايوشة يقول...

لا اطمن يابنى الحكومة مش بتتحرك قفى المواقف دى هى الاسهل عليها الانفلونزا الخنازير دى تيجى الناس تموت تتدفع تعويض لكل واحد مات بتاع خمس تلاف لكن تقولها تعدم الخنازير
هى صحيح الخنازير دى بيهببوا بيها ايه ايه القرف ده

حاسوباتيه يقول...

والله عندك حق مش عارفه هنروح فين يعني ننتحر بقى ونخلص استخفر الله مايعدموها دي لو دخلت والله ما هنعرف نصدها ولا هنعرف نعمل حاجه زي انفلونزا الطيور كده ودي هتكون اسؤ بمراحل حسبي الله ونعم الوكيل في دي حكومه وده ريس

صوت من مصر يقول...

enjy
فعلا يا انجى نستاهل اكتر
بس ليه الغلابه ؟؟؟؟؟؟؟؟؟؟؟؟؟؟؟؟؟؟
الله اعلم بعبيده

صوت من مصر يقول...

romansy
ربنا هيسترها بس ساعتها الحكومه تكون اخدت الحل
الرومانسيه بالبطيخ
رمنسيتى انا

صوت من مصر يقول...

dodoo
يا دودو احنا فعلا مسلمين بس بنعيش مع الاقباط ولا ايه وعلى فكره بتدخل دخل قومى الى احنا مش بنشوفه

صوت من مصر يقول...

mero-moory
ميرو اقولك حاجه هما الناس دى بتفرق معاهم فلوس
نورتينى
بس الخنازير موضوه ملوش حل

صوت من مصر يقول...

محاولة لكسر الصمت
للاسف كلامك صح بس هى هى وانت نازل او وانت طالع الاهم انها الاقرب لميدان لبنان
وثانيا الصوره مش عبقريه لانى واخدها من على جوجل

صوت من مصر يقول...

yoyo
بجد قولتى المفيد يموت 100 مش هتفرق احنا اسمنا بشر
تسلم ايدك الى كتبت ده

صوت من مصر يقول...

nona
مصر دوله اسلاميه حوالى 20 % من سنها اقباط يعنى مش غلط يعنى برضه بنصدرها منها بنستفيد يا نونه نحن دوله

صوت من مصر يقول...

fnoonh
اقول ايه مش لاقى تعليق
بس منورانى بجد

صوت من مصر يقول...

ايوشة
للاسف يا ايوش لو فيها تعويض انا ممكن اموت بس امى يبقى معاها 5 الالاف جنيه
نورتينى بجد

صوت من مصر يقول...

حاسوباتيه
كل ما تدخلى عندى مش بتقولى غير حسبى الله ونعم الوكيل
وغالبا فى الحكومه
مش عارف اقولك ايه ؟؟؟؟؟؟؟؟؟؟

Soul.o0o.Whisper يقول...

السلام عليكم و رحمة الله و بركاته


بجد عندك حق

ساعة الطيور يقضوا على كل الطيور اللى فى مصر
اللى هيا مش هتعمل ربكة فى الاقتصاد
هيهيهيهيهيهي


انما الخنازير هى اللى هتعمل ربكة
فمش هيقدروا يتخلصوا منها

عشان بس تعرفوا ان الحكومة بتعمل على مصلحتنا

و بعدين لازم تعرف ان فى حاجة اسمها الموازنة

يعنى تقضى على الخنازير و تخسر نص مليار
و لا تقضى على البنى آدمين و تفضى البلد؟؟؟


طبعا الموازنة مش محتاجة كلام

مش كدا و لا ايييييييييييييه






بجد حسبى الله و نعم الوكيل

مصعب صلاح يقول...

السلام عليكم
إجابة سؤال كثرة الامراض ده قاله سيدنا أبوبكر في خطبته " ولا تشيع الفاحشة في قوم قط إلا عمهم الله بالبلاء "
يعني دي مشكلة فينا
تقبل مروري

شمس النهار يقول...

اعتقد ان المرض هنا ممكن السيطره عليه بسهوله
غير الطيور اللي كانت طايره في كل حته
ان شاء الله خير
بس ابو شومه ده احلا كلمه قريتها عنه عند ضد الحكومه قال عليه دفه 9مليون عشان يبوس الواوا:)

Foxology يقول...

عادى

هانت اوى

تحياتى :)

خمسة فضفضة يقول...

السلام عليكم رحمة الله وبركاته

والله بقت حاجه تقرف

حسبنا الله ونعم الوكيل في كل واحد بايع ضميره ومش هامه الناس ولا اللي ممكن يحصل لو انتشر الوباء ده

dodda يقول...

يعنى لما اعدموا الفراخ والدنيا ولعت وكل حاجه غليت والمربيين اتخرب بيتهم كان مفيش مشكله؟؟؟؟

هى حاجه تقرف اكتر لما تعرف ان العالم كله خايف من مصر بالذات
لانها الوحيده اللى مفيهاش اى ضوايط فى تربيه الخنازير اللى بره بيأكلوهم اعلاف زى الابقار اما هنا كلنا عارفين بيأكلوهم ايه....

والاعدام مش مكلف اوى ولا حاجه بس اللى بيربةا فراخ غلابه وسكتوا
اما اللى بيربوا خنازير حيعملوا فتنه طائفيه ويقولوا اضطهاد!!!

هم منهم له
واحنا ملناش غيره

ماما يقول...

ربنا لا تؤاخذنا بما فعل السفهاء منا

يابنى من حارب الله حاربه
واحنا فى بلد ..مابيدوروش الا على ارضاء كل ذو قوه..فحاربهم الله وهو القوى المتين
ربنا يستر يابنى والله علينا وعليهم
ولسه كمان شارع الهرم(شارع الفن)
حسبى الله ونعم الوكيل
وكمان عايز جمال مبارك ولا عز ولا ولا زلا يعمل خدمه لنفسه وللشعب
انت بتحلم بسابع المستحيلات
لنا الله
وقال الرسول صلى الله عليه وسلم
عليكم بانفسكم..لا يضركم من ضل اذا اهتديتم

norahaty يقول...

للاسف الحكومة مش حتهتم
ولا حتعدم الخنازيرخالص
مش علشان التكلفة:تؤ تؤ
لا(لان الناس المهمين)مش بيشتغلوا
فى الخنازير المستوردة المجمدة
زى ما بيشتغلوا فى الفراخ
المجمدة المستوردة .بالعكس
يمكن يفرحوا بيها لانها
حتخلص على كام واحد
من الشعب المشاغب
ده وترتاح منهم !

كيكى يقول...

أيييييييييييييييييييييه
دنيااااااااااااااااااااا
بكرة هيبقى فى انفلونزا الصراصير
عوووووووو

صفــــــاء يقول...

لا متخافش مش هتموت بأنفلونزا الخنازير
ولا أنفلونزا الطيور
متقلقش
احنا بلد الأمن والأمان ومعندناش الحاجات دى
والدوله قالت الوضع بخير
أسكت بقى خلينا نعرف ننام

صوت من مصر يقول...

Soul.o0o.Whisper
كلامك كلوه على دماغى من اول الموازنه لحد حسبى الله ونعم الوكيل الى حسيت بيهم بجد
والله بجد فعلا احنا مش من مصر

صوت من مصر يقول...

مصعب صلاح
تسمحلى اقولك ان الاغلبيه غلابه وفقرا هيعملوا الفحشاء ازاى وفين وهما ممعهومش فلوس ياكلوا والى بياكل معندوش وقت عشان الشغل ياعم صلى على النبى وافتكر ان 99% من المصريين فقراااااا

صوت من مصر يقول...

شمس النهار
يا ماما هقولك على حاجه انتى صح بس الحكومه تنفذ كلامك اولا
ثانيا لو بوسه الواوه ب 9 مليون تبقى البوسه بتاعه الافلام بكام ؟؟؟؟؟؟؟؟؟؟؟؟؟
الله يكون فى عون ابو هشيمه

صوت من مصر يقول...

Foxology
لو هانت بجد اتمناها من قلبى لكن كان يوم مهبب يوم ما حضرلنا

صوت من مصر يقول...

خمسة فضفضة
انا هسمى البلوج هنا ( حسبى الله ونعم الوكيل ) من تر ما الناس بتحسبن عندى

صوت من مصر يقول...

dodda
والله انا اعرف م الخنازير لوحدها الى بتاكل زباله كمان الخرفان
وانشاؤ الله هصورهم
اشكرك

صوت من مصر يقول...

ماما
سابع المستحيلات انى اقف ساكت
لكن انا بقولها بنوع من السخريه
لانى عارف انهم مش فارقه معاهم
دى ناس غيرنا
اشكرك ماما

صوت من مصر يقول...

norahaty
مش قولت انا كلمه بكره هيجى وباء الفلونزا الكلاب الى هما ايه ؟؟؟؟؟؟؟؟؟؟
الشعب
اشكرك

صوت من مصر يقول...

كيكى
والله لو جت فى مصر تخيلى مصر كلها تموت مفيش لاكتر منهااااااا
بس مقرفه موووووووووووت
كيكى بتهزر شكلها كده

صوت من مصر يقول...

صفــــــاء
يا صفاء لو عايزه تنامى وتسكتى وانا اسكت يبقى لازم نبقى انا وانت اتنين هما عز وسويرس
ههههههههههههههههههه
وبعدين متزعقيش

Bola 7elmi يقول...

نقول السلام الاول ..
سلام عليكووووووووو

دي اول زياره ليا عندكوووووووووو



مصر فيها 70 مليون كلب .. << واخد بالك انت ؟!!

يا سيدي قووووول يارب
يعني ممتناش من عصافير .. يبقى هنموت من خنازير .. ممتناش من خنازير
يبقى هنموت من الـ 70 مليون كلب هنموت هنموت

وخلي بالك من انفلونزا الخنافس p:

بس انت قول يارب ..

منهم له :)


عجبتني الصوره

Bola 7elmi يقول...
أزال المؤلف هذا التعليق.
Bola 7elmi يقول...

نقول السلام الاول ..
سلام عليكووووووووو

دي اول زياره ليا عندكوووووووووو



مصر فيها 70 مليون كلب .. << واخد بالك انت ؟!!

يا سيدي قووووول يارب
يعني ممتناش من عصافير .. يبقى هنموت من خنازير .. ممتناش من خنازير
يبقى هنموت من الـ 70 مليون كلب هنموت هنموت

بس انت قول يارب ..

منهم له :)


عجبتني الصوره