الخميس، ١٦ أبريل ٢٠٠٩

رحله وظابط


احساس بالثقه ينتابنى فى تلك الايام لا اعلم جائنى من مين ولا ازاى ولا هو عباره عن ايه طبعا انا فى موضوع كده حصل معايا الايام الى فاتت وفشل حسيت انى عمرى ما هسيب قيود حولى لكن احكلكم بقى على موقف حصل امبارح صحابى الانتيم امبارح جمعنا بعض ونزلنا على فايد بقى وبتاع والميه الى كانت ساقعه وكنت هموت منها بس برضه نزلت الميا ومطلعتش المهم وانا راجع من الرحله كنت فى الف مسكن لقيت ظابط واتنبن امناء الله يبارلكهم ماسكين ولد والشتيمه من نوع يا ابن تيت وكده الولد مغلطش وقال كلمه واحده ياباشا هو انت تعرف امى عشان تغلط فيها الله اعلم بالى حصل لولد فى سنى للاسف مشيت وعملت فيها جبان لانى كنت تعبان من الرحله وسمعت الظابط ( افندى ) بيقول للامناء خدوه وقعد يزعق للناس كلها امشواااااااااااااااااااا لكنى كنت متابع حاجه ان فى اتنين امناء مهتهم هى حاجه واحده عدم تسجيل فيديو لا شخص من الواقفين كانوا عاملين زى النضورجيه بتوع المخدرات يعنى الحكومه بقت تشغل نضورجى عشان ميتصوروش الايام دى للاسف برضه الموبايل كان فاصل شحن المهم حد قالى انا جبت الثقه دى منين
الى موجود عندى على الفيس توك يا كغمبو هيشوف بقيت الصور

هناك ٦٠ تعليقًا:

شمس النهار يقول...

طيب كويس انك حاسس بالثقه اليومين دول
بس ليه ماتحسش بالثقه علي طول ايه اللي يمنع
انت لوبصيت لنفسك وشفت ربنا مديك ايه مش عند غيرك هتحس بالثقه
لو ايقنت ان كل قراراتك انت اللي بتخدها لوحدك ماحدش بيقهرك علي حاجه هتحس بالثقه علي طول
لو حسيت بنعمت انك لوعايز مثلا تنام هتنام تخرج هتخرج وفي غيرك مايقدرش يعمل كده هتحس بالثقه
عارف ليه
عشان انت في نعمه كبيره عشان انت عندك ثقه في ربنا
وثقتك في نفسك من ثقتك في ربنا
ومطرح ماترسي الناقه دق لها
خليها علي الله هتلاقي الثقه موجوده
وبعدين تعالي هنا انت ليه مااتناقشتش مع المدونين في بوست الحب عندي
انت بطبعك معترض خلاص موافق علي كل كلمه ماعندكش ملحوظه علي حاجه تكتبها
ملاحظه ان الشباب احجم عن المناقشه ولم يتصدي سوي كيار وذو الوجه المبتسم
وموني شويه وهربت
اللي فضلوا يتناقشوا الكبار فين انتم ياشباب

محاولة لكسر الصمت يقول...

هنيئا لك الثقة..
ولكن عفوا لم افهم, لم الثقة, لا أرى في المشهد ما يستدعي ذلك,
أما عن الناضورجية, فهم في "كل مكان"..
تحياتي..

fnoonh يقول...

جميلة جدا ثقة الانسان في نفسه

اما عن حكومة مصر فحدث ولا حرج

ربنا يبيدهم كلهم يارب

تحياتي

بلاش فضايح يقول...

أولا حمدالله على سلامتك من رحلة فايد
وثانيا حمدالله على سلامتك من رحلة الظابط وأمناء الشرطة

ومبروك عليك الثقة
وعقبالنا جميعا يارب نبئا زيك

وربنا ينتقم من الظلمة

romansy يقول...

يا سيدى على الناس اللى بتتفسح وتشوف الدنيا
ماشى يا سيدى براحتك
سيبك بقى وخد الثقه فى نفسك مهما شوفت
النضورجيه فى كل مكان يا كيمو
متقلقش

ريمان يقول...

جميل اوى الاحساس بالثقه

ربنا يديم عليك الاحساس ده

وابقى اشحن موبايلك بعد كده كويس عشان تبقى تصور لو حاجه زى دى حصلت

kmt يقول...

السلام عليكم ورحمة الله وبركاته

كيمو
كيفك

بس اسمح لي اقول
عروستى
عروستي
عروستي

لاني مش فهمت حاجه

تحياتي
الى اللقاء

Kiara يقول...

مبروك الرحله

**********

اما بالنسبه للموقف بتاع الظابط

فلسه كنت متكلمه فيه النهارده في الشغل بس عن حاجه تانيه

وحي القلم يقول...

البلد دي فيها حكومة
ولاعزاء للشعب

فشكووول يقول...

والله ده حال بلدنا قصدى بلدهم واللى مش عاجبه يسيبها ويغرق فى بحور الدنيا على فكره ده مش كلامى ده كلامه
صعلوك

صوت من مصر يقول...

شمس النهار
مش هقول نسيت ولا هقول اى حاجه بس والله مشغول معلقتش عند حد الاسبوع الى فات كله ويعنى انا انا بطبعى معترض انا عامل كده زى بتوع مجلس الشعب كلهم موافقين وواحد بس معترض وفى الاخر الراجل الاهبل ابو نضاره يقول ايه موافقه
باذن الله ناوى اكون معاكم

صوت من مصر يقول...

محاولة لكسر الصمت
المشهد ليس له اى هلاقه بالثقه انا بحاول اوصل المود بتاعى بس
عموما شرفتينى كالعاده وفعلا الناضورجيا فى كل مكان

صوت من مصر يقول...

fnoonh
شكرا بس لو الحكومه اتهدت هنتكلام على ايه

صوت من مصر يقول...

nona
الله يسلم بالنسبه للثقه سهله جدا بجد بجد
اعملى نفسك واثقه من نفسك

صوت من مصر يقول...

romansy
يا رومنسى قولت لنفسى اكون زى بقيت الناس مش لازم اخرج واشوف الناس اصلا
عموما انا مش دافع فلوس والله اخوك مفلس مانت عارف
شكرا ليك

صوت من مصر يقول...

ريمان
بقول كنت فى فايد على شط وميا وكده هجيب كهرباء منين
اقولك ايه انتى بقى بس فعلا لو مشحون هصور وانتم عارفين كيمو
شكرا ليكى ويارب يزيدك ثقه

صوت من مصر يقول...

kemet
نعم ازاى ليه ؟
انتى مفروض تبقى فاهمه
الموضوع انى كنت فى رحله ولقيت ظابط رخم زى الباقى طبعا وحكيت ده

صوت من مصر يقول...

كيــــــــــــارا
الله يبارك فيكى وهنزل بوست فى صوت من مصر قريب لقيت صور انا مش فيها كياره
شكرا

صوت من مصر يقول...

مصعب صلاح
على ما اظن انها تتقال كده
حاميها حراميها
كلمه امى ؟؟؟؟؟؟؟؟؟؟
نورتنى

صوت من مصر يقول...

فشكووول
صعلوك نورنى موووووووووووت بجد بس ليه حال بلدنا ميتغيرش

dina يقول...

كويس اوى....يا رب دايما واثق...على فكرة عجبتنى اوى الجملة اللى مكتوبة فى اول المدونة...ناولنى فرشة ارسم وطن..و اديتنى ثقة اننا نقدر نعمل كدا فعلا مهما كانت العيوب و السلبيات اللى موجودة....احنا اللى بنعمل حياتنا و وطنا و لسا فى امل

رؤية يقول...

فى الف مسكن..!
طيب..
الله يطمنك...


تحياتى

kmt يقول...

السلام عليكم ورحمة الله وبركاته

عروستي
كانت عن هو ايه العلاقه بين الثقه والقصة اللي اتحكت

يا بني من زمان وانا بقولك خد فواصل بين الجمل
يعني الحمد لله انا عني ثقه في نفسي اليوكين دول _ انتر _ وابدأ جملة جديه نقوم نفهم ان الموضوعين منفصلين
اما لو ليهم علاقه ببعض
يبقى
عروستي
:D

تحياتي
الى اللقاء

kmt يقول...

على فكرة اياك تضحك على اخطاء الكي بورد
دي بتحصل من احن الكي بوردات

سلام

دعاء العطار يقول...

لووووووووووولوووووولى

أخيييييراً وصلك الاحساس بالثقه

ياااااااارب دايماً الاحساس ده يفضل عندك

وياريت كنت عرفت السبب

عشان تخليه دايما موجود فى حياتك

ويكون ده سبب فى دوام الاحساس بالثقه

بس انا حاسه ان ممكن يكون احساسك بالثقه ده

نابع من الرحله اللى روحتها

ممكن تكون اداتك احساس بالحيويه والنشاط فحسيت بسعاده

عامة اياً كان السبب فكفايه اوى انك حاسس بكده

:::::::::::::::::::::

اما بالنسبه للظابط فدول ملوا البلد

وما باليد حيله

فهذه مصر ياعزيزى

Unknown يقول...

بصحيح جايب الثقة دى منين؟
موقف زى اللى حكيت عنه ده يفقد
اى انسان الثقة فى اى حاجة واى حد؟
منين تضمن(بعد الف الشر)انك او انا مثلا ما نتعرض لموقف مثل هذا لمجرد
ان منظرى او نظرتى لحضرة الضابط
ماعجبتهوش؟!ربنا يستر علينا:(

aidy يقول...

ربنا يديم عليك الثقة دي

بس الثقة دى اشمعنى جت فى الموقف ده بالذات .........؟

yoyo يقول...

ايوه يا سيدى على الناس اللى بتخرج تعمل رحلات و بحر بقى هىء هىء هىء يا حسرة عليا ههههههههههههه

بس سؤال يعنى من الموقف دا كله فين الثقة اين لك بالثقة فى جو فقد الانسان فيه ابسط حقوقه هى ادميته كمواطن بسيط حر خلق مكرما وليس لكى يهان ويلعن بلا ادنى سبب سوى انه بشر بسيط بعيدا عن السلطة ونفاذها الفاسدة
وان كان عندك ثقة فاحسدك يا عزيزى

تحياتى
يويو

Unknown يقول...

ربنا يسعد ايامك كلها يا كيمو

الولد اللى اتسحل دة فى زيه كتير عادى والناضورجية كمان منتشرين جامد

Soul.o0o.Whisper يقول...

السلام عليكم و رحمة الله

أولا مبروك عليك الرحلة

ثانيا أعتقد إن مفيش علاقة بين المشهد
و بين شعورك

لكن الشعور دا كويس
حاول تحافظ عليه

و ربنا يحمينا جميعا من شر الـ ...


اللهم آآآآآآآآآآآميييييييييييين



دمت بود

صوت من مصر يقول...

dina
الامل موجود فينا يا دينا ليه مندور عليه وهو قريب ولا لازم نقول ان الخيط ضعيف

صوت من مصر يقول...

رؤية
على اساس انك منين ؟؟؟؟؟؟؟؟؟؟؟؟؟؟
مدوخوناش بقى

صوت من مصر يقول...

kemet
للاسف كلامك صح انا الى غبى
وااااااااااااااااااااااااااااء

صوت من مصر يقول...

kemet
بجد ضحكت ومن قلبى كمان

صوت من مصر يقول...

dodoo
اول حد شاف صور الرحله كلها
ههههههههههههههههههههههههههههه
يا بختك

صوت من مصر يقول...

norahaty
للاسف الرحله كانت هلكانى
كان نفسى اصور ليكم الموقف بس فعلا دودو قالت فى تعليقها الثقه جاتلى منين

صوت من مصر يقول...

aidy
ليس للثقه اى علاقه بالموقف
بجد نورتينى كتيررررررر وبجد مدونتك اكثر من رائعه ولها اسلوب خاص

صوت من مصر يقول...

yoyo
اهو ده الحسد بعينه من اول التعليق لاخره حسد
بس تانى هقول لا علاقه بالثقه والموقف الزباله ده
انا بحكى يوم

صوت من مصر يقول...

enjy
دايما يا انجى بحب اقرا تعليقك اكتر من مره لانه بحسسنى انى فى ناس زى حالى تمام
احب اقولكم الى معرفنى على بلاك تيما هو انجى هههههههههههههههه
ناولنى فرشه هرسم ؟؟؟؟؟؟؟؟؟؟؟

صوت من مصر يقول...

Soul.o0o.Whisper
والله هحافظ عليها لانى زهقت من الاكتئاب الى بقى صديق دائم وتقيل عليا بصراحه
عموما البنى ادم الى فهم البوست وفهم ان مفيش اى علاقه هو انتى
اشكرك بشده

WhItE HeArT يقول...

ايه الثقه دي

ربنا يستر عليك

Hanan Elshafey يقول...

الحمد لله عالثقه ويارب تدوم
ام بقي الرحله يارب رحله سعيده
الظابط والامناء
مفيش فايده
حسبنا الله ونعم الوكيل

ودي

Rania Lelah يقول...

اعتقد البوست منقسك لجزئين جزء الثقه فى نفسك و جزء الشرطة اعتقد
عامه الثقه بتكون جميله اوى انك مش مجبر على حاجة و انك بتتصرف من مخك
جميل
تحياتى

Unknown يقول...

ازيك يا جميل عامل ايه
انا اسف على التأخير

وحشتنى قولت اجى امسى عليك
:D

محمد الجرايحى يقول...

أدام الله عليك نعمة الثقة
وتمسك بها جيداً لأنها أصبحت عملة نادرة

أما موضوع الضابط ده أصبح عادى جداً
البلد كلها أصبحت تحت أقدامهم......

وحي القلم يقول...

السلام عليكم
ف البداية شكرا لمتابعة حضرتك لمدونتي
بس ليا رد على التعليق
ألا تعلم ان سيدنا عمر بن الخطاب قال :
" حاسبوا أنفسكم قبل أن تحاسبوا ، وزنوا أعمالكم قبل أن توزن عليكم "
يعني الواحد لازم كل فترة يحاسب نفسه
وأنا وجدت طريقة الحوار دي أفضل وسيلة
شكرا للمتابعة
تقبل مروري

Tamer Nabil Moussa يقول...

الثقة جميلة ومطلوبة

لو كل ظابط احترم الانسان اللى قدامة هو كمان هيحترمة

لكن الظابط اللى يشتم وقليل الادب دة ياريت يحط فى دماغة انة كما تدين تدان

وانت او اخواك او اختك هتحط فى موقف اصعب من دة

تحياتى

أختكم فى الله يقول...

اهم حاجة الثقة

ربنا يصلح احوالنا

حزيــــــــــــــــــن يقول...

حمدا لله عل ىالسلامه
لكن لو مكنتش راجع تعبان من الرحله كنت هتعمل ايه ؟ :)

تحياتى
دى اول زياره عندك

Gannah يقول...

ازيك يا محمد؟؟
عامل ايه؟؟
كويس جداا انك حاسس بالثقة فى نفسك ..اثبت على كده
الشرطة فى بلدنا مشكلة ملهاش حل غير اننا كلنا نعرف حقنا علشان محدش فينا ينضرب على قفاه ( الكتاب اللى صادروه علشان محدش يعرف حقه)
تحياتى

صوت من مصر يقول...

WhItE HeArT
الثقه انعدمت للاسف

صوت من مصر يقول...

حنان الشافعي
الله يباركلى احلى كلمتين
مفسش فايده
حسبى الله ونعم الوكيل

صوت من مصر يقول...

Rania
فعلا يارانيا
بس الثقه تجاه انى كنت فرحان على ما اظن

صوت من مصر يقول...

اصحى يا مصر : اسلام ديو
انت الى ليك وحشه بس فينك انت من زمااااااااان

صوت من مصر يقول...

محمد الجرايحى
البلد بقت بتاعت ظباط صحيح
ولا ايه
شكرا ودمت

صوت من مصر يقول...

مصعب صلاح
مفيش اى تعليق لكلامك بس بجد مدونتك تستحق المتابعه وكلامك صحيح

صوت من مصر يقول...

Tamer Nabil
للاسف يا تيمو انا اتحطيت فى موقف زى ده بس اخدت حقى
تابع القديم

صوت من مصر يقول...

أختكم فى الله
ربنا يصلح كلامنا كلنا
وايامنا

صوت من مصر يقول...

حزيــــــــــــــــــن
فى اول زياره نورتنى بجد بس فعلا كنت تعبان لو مش تعبان كنت صورتلكم ووريتلكم المنظر

صوت من مصر يقول...

Gannah
يا دكتوره كان الكتاب اتوزع على البلد كلها مجانا للاسف حكومه زباله