الخميس، ٢ أبريل ٢٠٠٩

تـــــــــــــــــــــــــــاج


جالى تاج من ايوشه صاحبه بلوج احاسيس ايوشه
التاج لذيذ بصراحه
اهو اشوفه واحله بس محدش يتريق عليا كالعاده
....................................................................................
اسمك ؟
محمد كمال على
المشهور بيه وسط اصحابك ؟

كيمو
سنك ؟
مش فاكر بس بيقولوا 23 سنه وكام شهر كده
بس عجوز تفكيريا
مجال دراستك ؟
الى انا بكلمك منه الحاسب الالى
اسم مدونتك ؟
صوت من مصر ودى الاساسيه
وصور من مصر بالاشتراك مع ناس محترمه جدا
صورتك الرمزيه فى البلوج بتعبر عن ايه ؟
اى حاجه وخلاص والاهم انها صورتى يعنى بتعبر عن لاشىء
هل فكرت فى اغلاق مدونتك ؟ والسبب
بصراحه لا معرفش ليه والسبب انى مقفلتهاش ولا قررت
ايه رد فعلك لوحد قل ادبه فى تعليق ؟
معرفش بس غاليا هشيل التعليق من البلوج
والراجل يقل ادبه
عموما انا لقيت النهارده حد معلق عندى قولت اشوفه لقيته بلوج قبيح شيلت التعليق هو تعليق بالانجلش وموجود عند ناس كتير
اسؤ مدونه ؟
لسه متكلم عنها
هيحصل ايه للميل بعد ما تموت ؟
الميل هيموت مع ان الباسوورد اهبل
اديت الباس وورد لحد قبل كده ؟
لا بس اختى اخدت منى باسوورد الفيس بوك وغيرته بعدها
السفر بالنسبالك ايه ؟
مش هقول متعه بس زهقت منه يعنى 4 سنين القاهره اسوان
المود بتاعك ايه ؟
فى قبر ونايم على الارض وساند دماغى على حجر
بتفكرنى بجمل كتير
بتعمل ايه فى وقت فراغك ؟
بعمل فراغ اعم انا حياتى اصلا فرااااااااااااااااااااااااااااااااااااااااااااااااغ
الاكله المفضله ؟
المش
الصفات الى اخدتها من والدك ؟
شرب سجاير عصبيه شاى سكر خفيف مش بسكت عن الحق ولو بعمرى مش ببيع صاحبى ابدا
الصفات الى اخدتها من والدتك ؟
والله انا فاكر انها حاجه واحده وهى النووووووووووووووووم
اكتر ست حاجات بتكرههم ؟
اسرائيل
والافلام الهبله المدفوع فيها فلوس فى الارض
بذر الجوافه
القطط بانواعها
الخوف
الذل
اكتر ست حاجات بتحبهم ؟
ربنا وابوى وامى والعيله كالعاده
صحابى
السجاير
قهوه مانو بن كتير على قهوه بلدى بلدى يعنى
النوووووووووووم
واسمع اغانى منير
شخصيتك نوعها ايه ؟
معرفش هى ملخبطه يعنى مجنون طيب شرير وقح سافل ووووووو بس الاهم انى بحب مصر عشان كده خيالى
لماذا دخلت عالم التدوين ؟
كان نفسى اكتب بعد ما سبت الصحافه فكتبت
اجمل جمله قيلت فى وصف مدونتك ؟
انا فاكر اتنين الاولى مش فاكر من مين تعليق بيقولى انت اكتر حد شوفته بيحب مصر
والتانى لشمس النهار وبيقول ياصوت مصر بالمعنى
احلى بوست كتبته ؟ ضه اللينك واذكر لماذا ؟
بوست اسمه تلك القاهره بجد حبيت البوست ده جدا وفعلا حسيت انى بكتبه من قلبى من غير خوف من غير هموم من غير اكتئاب كالعاده
افضل مدونه قريتها ؟
كتير مع انى افتقدت مدونه دواير مع ان تم افتتاح بلوج تانى لصاحبتها بعنوان محاوله لكسر الصمت
افضل بوست قريته ؟
مش فاكر بس هما كتير قوى والبلوجات كلها حلوه والله
الشغل بالنسبه لك ايه ؟
احلف بايه انى عمرى ما اشتغلت الى انا بحبه واشتغلت 1000000 شغلانه وبفشل
الانترنت بالنسبالك ايه ؟
العالم الاخر
تمرر التاج لمين ؟
لناس كتير بس الى هيجاوب عليه عشان منساش حد


هناك ٦٩ تعليقًا:

رحلتنا في الحياة يقول...

هههههههههههه ايه ده بس يابنى فى ايه انا مكنتش اعرف ان التاج هيعمل فيك كده بس بجد التاج ضحكنى موووووووووووت
وايه بس الصراحة القاتلة فيه ده بس
اللى اخدته من والدك السجاير والشاى ومن والدتك النووووووم :)
وايه مودك ده وايه شخصيتك دى لالا بجد انت تستحق وسام الصراحة انت الوحيد اللى حصل التاج ده بصراحة شديدة جداااااا

رحلتنا في الحياة يقول...

طبعااااااااا الف شكر على قبولك التاج وحله وتعرفنا بيك بصورة اكبر واقرب

رحلتنا في الحياة يقول...

وصحيح التعليق اللى بتقول عليه ده تقريبا كان عندى فى المدونة وربنا يهدى :(

صوت من مصر يقول...

ايوشة
ايوشه الكدب ملوش رجلين يعنى لازم اكون صريح والوسام هو انى اكون معاكم وقبلها انى اكون مصرى
تاجكك ولازم اجوبه بصراحه متناهيا

صوت من مصر يقول...

ايوشة
لا شكر على واجب فى الكراسه يا ابله
عيب الكلام ده

دعاء العطار يقول...

اجاباتك كالعاده يامحمد صريحه

بس اكتر اجابه عجبتنى وصف المدونه

فعلا وصفين احلى من بعض وفعلا بيعبروا عن مدونتك

وعلى فكره قريت بوست تلك القاهره

جميييييييييل جداااااااااا

ليك حق يكون بوستك المفضل

صوت من مصر يقول...

ايوشة
ناس معفنه صحيح
انا كنت عايز اكتب عن الموضوع ده منه ناخد حسنات ومنه نحذر الناس
وللعلم اكتشفت انه حد من المغرب او شمال افريقيا
يلا شكرا على التاج

صوت من مصر يقول...

dodoo
يا دودو عارفه المثل بتاع واكلين شاربين نايمين سارقين مع بعض
والله بتفكرينى بيه
بس ازاى مقريتيش تلك القاهره قبل كده
عموما انتى هتبقى صريحه بس كلى مش
سلام

رؤية يقول...

اجاياتك تلقائية يا كيمو
بس ياريت تبطل سجاير

تحياتى

عمرو يقول...

أحب الصراحه حتى لو كانت صادمه أحيانا :)
بس واضح أنك شخصيه بتحب قول الحق حتى لو على رقبتك و ده شىء أنا بأحييك عليه ..
بارك الله فيك و متواصل معك اٍن شاء الله ..

وردشان smilyrose يقول...

يالله ربنا يكفينا شر التيجان


اللى بتيجى على غفلة


بس عارف لها لزمة عرفتنا بيك


بس مش ايه يابنى هو اغلمش حلو مع

شوية جرجير ووخيارة وياريت بتاوتين

معاهم بس الاملاح خلى بالك

وبطل شرب سجاير هههههههههه


وربنا يعينك على حب مصر

وبطل نوووووووووووم كتيرررررررررررر


اختك


smilyrose

وردشان

روح الحب الصادق

شمس النهار يقول...

عارف يامحمد اجاباتك كلها كنت متوقعه اغلبها انا فعلا بحس انك شاب مصري صميم بتمثل الجيل كلها
شويه حزين شويه سعيد شويه غاضب شويه مش فاهم شويه فاهم حاجات كده متلغبطه في قلب بعض بس يغلب علي تناولها خفة الدم
اما موضوع الشغل انت لسه لحد دلوقتي مش لاقي الحاجه اللي بتحبها عشان تشتغلها ماتجرب تقدم في حاجه تبقا مذيع
وبعدين انا عندي مشكله
انا بحب التصوير جدا بس انا لما بصور بصور حاجات جميله وطبعا الحاجات دي في مصر
بس انا ملاحظه انكم حاطين صور مش علي نفس المنهج هينفع اضيفها في بوست والا كده اكون خرجت عن خط المدونه
افدني عشان عايزه انزل صور من الحلوه اللي عندي

ريمان يقول...

ههههههههههههههههه


عارف انا بضحك ليه؟

هقولك
اصل انا لسه مجاوبه ع التاج ده الوقتى وكاتبه من الحاجات اللى بكرها الجوافه

وانت كاتب بذر الجوافه

هههههههههه

الجوافه والله اتبهدلت معانا كده

عارف مره كنت نايمه وحلمت بالجوافه قومت من النوم اعيط

عااااااااااااا

بس بقولك ايه

لازم بقى تبطل سجاير

بجد خلى عندك عزيمه بقه

Kiara يقول...

اجاباتك جميله بجد

**************

ميرسي علي المسج

اما بالنسبه للرجوع فكل يوم بيعدي بحس ان قراري صح في اني اقفل المدونه

DoNyA يقول...

الاسئله والاجابات
كانوا حلوين اوي

تسلم اللي سألت ويسلم اللي جاوب

Unknown يقول...

كيمووووووو
حلوة الاجابات والتاج دة اصلا لذيذ عاجبنى انا شخصيا وانت والله حد ظريف وطيب وتستاهل حاجات كتير حلوة
ربنا معاك يا كيموز

صوت من مصر يقول...

رؤية
يا رؤيه شكرا جدا جدا
بس ممكن اقولك كلمه السجاير موضوع مفروغ منه
شكرا لنصيحتك

صوت من مصر يقول...

عمرو
استاذ عمرو بجد انا انسان صريح لكن ذلك لا ينفى ان تاتى على احدى القائق اكون فيها كاذب
لكن لماذا اكذب وانا فى بيتى وبين اهلى
تحياتى ليك بجد

صوت من مصر يقول...

smilyrose
املاح من المش على العكس انا مش بحب البتاو
ممكن شويه مش مع خياره مع طحينه مع فطيره وعيش ياعم
ربنا يعننى على حب مصر ياااااااااااااااارب
يااااااااااااااارب

شكرا

صوت من مصر يقول...

شمس النهار
اقولك ايه يا استاه فعلا انا شاب مصرى زى اى شاب انا فعلا محتاج ابقى مصرى بالاسم
وبالنسبه للشغل
مذيع بتكسفينى
انا الدغ فى السيييييين يعنى فضيحه سامح وغغاء فاكراهم يعنى لما احب اشتغل هشتغل اصلى انا مليونير انتى عارفه بقى
البلوج محتاج انك تنزلى صور انتى مصوراها يعنى عدستنا هى دى بجد البلوج
مستنى موضوعك نزلى اى صوره تحبيها تكونى مصوراها

صوت من مصر يقول...

ريمان
للاسف الحاجه الوحشه وحشه فعلا بس يابنتى اجاباتك تحفه مووووووووووووووووت
تسلميلى يارب ويارب ينفخ فى صورتك كمان وكمان شكرا موت ياريمان

صوت من مصر يقول...

كيــــــــــــارا
المسج دى حقيقه مننا كلنا محتاجيين نشوف كتابات كياره تانى يا ترجعى يا هنرجعك بالزوق او العافيه بجد صعب بلوجمن غير كياره

صوت من مصر يقول...

DoNyA
بصى بقى الاجابات عندكل واحد فينا هتلاقى لازم ولابد فيها تشابه
تسلملى زى ما تسلم ايوشه برضه

صوت من مصر يقول...

enjy
يا نوجا انتى الى عليكى الدور لازمتجاوبى التاجده يا نوجا بجد
وشكرا بس مفيش حد طيب دوما

محاولة لكسر الصمت يقول...

أحببت التعليق على شيئين..
أولا....أحييك كثيرا وأغبطك أنك لم تفكر يوما في إغلاق مدونتك وأتمنى الا تفعل..
ثانيا....قرأت تدوينتك (تلك القاهرة) لأول مرة..حقا رائعة..
.......وشكرا على رأيك في مدونتي ولو أني أراه كثير علي..
تحياتي.........

حاسوباتيه يقول...

تاج جميل وردودك مجنونه قوي

Foxology يقول...

التاج جميل جدا بس انا مش هجاوب :))

تحياتى :)

حزينه يقول...

ههههههه
ردودك حلوة اوى
بس اكيد اتعلمت من مامتك حاجات اكتر من كدة
وبردة لازم تشتغل وتفشل علشان تنجح

حزينه اوى

Rania Lelah يقول...

جميله اوى اجابتك يا محمد
ربنا يوفقك ان شاء الله

حلو وى موضوع ناولنى فرشه هرسم وطن
و كمان ارسم قلوبنا احنا جوة الوطن

فشكووول يقول...

ازيك يا كيمو
انت عصبى ليه
وليه بتشرب سجاير(مع ان انا باشرب سجاير)
كرهك لاسرائيل طبيعى زينا كلنا
بس تاج جميل وانت ولد جميل
ضحكت كتير لما قلت انا وقتى كله فراغ
تحياتى

Kiara يقول...

وانا رجعت تااااااااااني مش عارفه بجد اقولك ايه

كل سنه وانت من ربك قريب

mahasen saber يقول...

يا ابو تاج جنان انتا

اخبارك ايه يا رب تكون فى افضل حال كما هو واضح من التاج
بس دايما فاقد الامل بس فى بلدنا ده الطبيعى

mahasen saber يقول...

شكرا على الدعوه اليى بخصوص مدونة صور من مصر

اول ما اعرف ااقبلها هقبلها علطول ههههههههههههه متستغربش
هذا انا

لا بجد شاكره جدا اهتمامك وانا طبيعى من هواياتى التصوير فهشارك معاك اكيد يا صوت قصدى يا محمد

شمس النهار يقول...

في ايه ياكيمو عبد الوهاب كان الدغ شويه ونص المذيعين لدغ في حروف الهجاء كلها والحمد لله وبعدين مابقاش في حد الدغ دلوقتي كله بيتعالج وبسرعه ده بيكون دلع في الصغر والطفل استسهل وكملها كده
دكاترة التخاطب مابقاش في اكتر منهم
عموما انا شايفه ان ليك حضور مذيع ومذيع ناجح كمان
ان شاء الله هنعمل بوست من الصور اللي انا مصوراها

Soul.o0o.Whisper يقول...

السلام عليكم و رحمة الله

أولا بأعتذر لك بجد عن تأخيرى
ياريت مش تزعل


أجاباتك بسيطة و مباشرة
و بتنم فعلا عن انسان جميل

ياريت بس مش نفكر باحلامنا و طموحاتنا بس
نفكر كمان فى حدود الواقع
عشان نقدر نعيش

بس مش معناه نتنازل عن أمالنا


تحياتى ليك

صوت من مصر يقول...

محاولة لكسر الصمت
مش عارف اقولك ايه بس فعلا تدوينه تلك القاهره كانت الافضل بالنسبه لى لانى كتبت عن شىء احبه دون التعلق بقيود النقد
احييك لتعليقك جدا

صوت من مصر يقول...

حاسوباتيه
شكرا ليكى حاسوبتيه يا نفسى تجاوبى انتى على التاج

صوت من مصر يقول...

Foxology
طب تمام
مش هتجاوب ليه يا فوكس باشا ؟
شكرا

صوت من مصر يقول...

حزينه
للاسف ولدتى كانت فعلا هاديه جدا وووو حاجات كتير بس اتعلمت منها ده وبس النوم
شكرا ا حزينه جدا

صوت من مصر يقول...

Rania
يا رانيا حسيت ان الفرشه جفت من الالوان ملهاش غير لون واحد هو الاسود وبس
ده مش اكتئاب ده ياس
ربنا معانا كلنا

صوت من مصر يقول...

fashkool
اولا انا مكدبتش لما قولت وقتى كله فراغ
وثانيا اخيرا لقيت حد زى حالاتى بيدخن
وياعمو انا عصبى من الى انا فيه
شكرا ليك ليك جدا يا عمو

صوت من مصر يقول...

كيــــــــــــارا
كياره حمد لله على السلامه والله البلوج ده منور بوجودك كتير بس عارفه مينفعش تغلقى عالم مولان تانى بجد
ارجوك لا تدفعى نفسك لاوهام الياس مثلى

صوت من مصر يقول...

mahasen saber
طبيعى جدا جدا لانى مصرى انى افقد الامل
وفينك بقالنا فتره محدش شايفلك كلمهولا بوست

صوت من مصر يقول...

mahasen saber
البلوج ينمى مواهب كثيره جدا وارجو ان يكون التميز سما نمتاز بها جميعا
تسلم ايدك كتير لو شاركتى معانا
وللعلم ممكن تنادينى بمحمد او صوت او كيمو كما تريدين انا موجود

صوت من مصر يقول...

شمس النهار
طب مش هتكلم عن حاجه بس هقولك كلمه ممكن لو عندك شغالنه مذيع هشتغلها حتى لو مذيع فى برامج التريكس بس هو مش مودى
بجد فاهم كلامك بس كمان شكلى زى ما انتم شوفتوا فى صورى
اعوذ بالله ؟؟؟؟؟؟؟؟
يلا مستنى منك كام صوره عشان مصر

صوت من مصر يقول...

Soul.o0o.Whisper
حته التاخير مش مهمه بقدر ما تواجد هنا او فى اى مكان
الاهم اننا لا نفقد الامل والاهم اكتر انى بنتقض نفسى دائما وعكس عكاس
الله يكون فى عون الى بيحاول يفهمنى
انا فعلا على ارض الواقع

صوت من مصر يقول...

انت تسال والكمبيوتر يجيب
انا هعمل جزء فى المدونه كده وهسميه لوحه الجامعه اكتبه فيه اعلانتكم براحتكم

Hanan Elshafey يقول...

اجاباتك جميله يا محمد وصريحه جدا
بس ليه بقي بتكره القطط
ازعل انا بقي كده
دول طيبين وحلوين وخاينين وبيخربشوا كمان
هههههههههههههه
اصلي كنت بحبهم لحد ما واحده حبيتها خانتني ومشيت مع حد غيري
ههههههههههههه
ايه الهبل ده
معلش
المهم اجاباتك جدا جميله وسعيد بالتعرف عليك اكتر

تحياتي

بحب الصراحة والوضوح أوي يا جدعان يقول...

السلام عليكم و رحمة الله وبركاته
حلوه اوي الاسئلة والاجوبة دي
بجد انا مبسوطه اوي عشان دخلت اقرا حد بيجاوب على اسئلة من نفسه ومع نفسه حلوه بجد وعجبتني الاجابات بتاعتك اوي ومبسوطة اني لقيت المدونه بالصدفه عشان اقرا حاجات جميلة اوي

وحقيقي حاسه انك صريح في كل كلامك بشكل حلو

معلش بقى ممكن اتابع مدونتك اصل لسه جديده

mahasen saber يقول...

مالك زعلان ليه كده على موضوع المذيع ده
اسمع كلام شموسه وبعدين خد كل الامور ببساطه لان الحياه لا تحتمل اكثر من ذللك
ودمتم

صوت من مصر يقول...

حنان الشافعي
عشان تعرفى ان القطط خاينين اهى يا حنان
سابتك وراحت تمشى مع حد تانى تخيلى بقى الخاينه
كمان عينهم بتخوف وشعرهم معفن وتحسى انه اصلا اس الفساد فى البلد كمان عمرك شوفتى كلب يقعد يرخم عليكى من نفسه كده وخلاص
لا القطط بترخم بقى
انا رديت برخامه قوى وكرهت الناس فى محاضره كره القطط الى انا قولتها
شكرا يا حنان

صوت من مصر يقول...

بحب الصراحة والوضوح
مبروك البلوج
وياريت نشوف مدونه جديده تنورلنا من تانى المكان بتاعنا

صوت من مصر يقول...

mahasen saber
انا معترضتش على شموسه
بس ازاى اشتغل
ومنين هجيب الواسطه
وانتى عارفه مصر هنكدب على بعض ليه
وبجد شكرا ليكى وبحييكى على سؤالك عنى ؟

صفــــاء يقول...

حلو التاج يا كيمو
بس عصبى أوى حتى فى ردودك
وكلنا عارفين قد أيه بتحب مصر
بس مصر معدش فيها أمل
.

شمس النهار يقول...

اخيرا عملت بوست في المدونه وحطيت صور يارب تعجبكم انا اللي مصوراها
وصدقني انت من غير اي واسطه تاخد اللي ربنا كاتبه لك انت وسطتك ربنا و ربنابيسهلها مع العبد الجدع

فاطمة يقول...

بصراحه انا معجبه جدا بصراحتك لانك انسان صادق مع نفسك قبل ماتكون صادق ادام الناس تحياتى وتقبل مرورى

صوت من مصر يقول...

صفـــــاء
صفاء للاسف اقولك ايه
انا عصبى اه بتعصب كتير اه
بحب مصر اه
بس حاطط امل قربت انسى كلمه امل وابقى زيك كده ؟

صوت من مصر يقول...

شمس النهار
مبروك
اقولك ايه مش محتاج واسطه بس لو عندك شغل ابقى قولليلى عليه
ههههههههههههه

صوت من مصر يقول...

فاطمة
طومه اقولك ايه غير ان الصراحه راحه يعنى هكدب ليه
لو كدبت على نفسى ابقى اوهم نفسى ؟
شكرا لمرورك

aidy يقول...

ايه الاجابات الحلوة دى

انا قولت مش هورط حد فى التاج كل ما ادخل مدونة الاقيهم بيجاوبوا عليه هههههههههه


ربنا يحققلك احلامك وتشتغل وتنجح بقي

تحياتى ,,

صوت من مصر يقول...

aidy
مش عارف اقولك ايه
فعلا التاج ده عند كل المدونين
تسلم ايدك على التعليق

دعاء مواجهات يقول...

اللى جذبنى ف كرمك حتة انك اشتغلت مليون شغلانة وعمرك ما حبيت حاجة فيهم عارف لية لانك عمرك ما حاولت تحبهم .... او هكذا اعتقد


تحياااتى ليك

بيس

دعاء مواجهات يقول...

نسيت اقولك

ان كلمة ناولنى فرشة هرسم وطن

دى جامدة بشكل مش عادى بجد

هكتب عليها قصيدة ..
انت كنت صحفى فين ..؟؟ يازميل ..

صوت من مصر يقول...

دعاء مواجهات
على ما اعتقد يا دعاء هقولك كلمه حلوه المثل بيقول اعمل ما تحب كى تحب ما تعمل
مفهمتوش قوى
بس انا فاهم انى لازم اعمل حاجه انا بحبها
مع انى كرهت نفسى للاسف

صوت من مصر يقول...

دعاء مواجهات
ناولنى فرشه هرسم وطن
ناولنى قماش ابيض حزين يمكن شراع يمكن كفن
للاسف بلاك تيما ابدعوا فيها
وانا كنت شغال صحفى فاشل مع انها شغلانه العيله اجمع ؟
تحياتى ليكى بجد

mahasen saber يقول...

هو ليه كل المدونيين مشتركين فى نفس الحب الغريب للقهوه ام بن تقيل

يعنى كلنا نتبع مزاج واحد يا صوت ولاا ايه

سجود يقول...

هههههههه
حلو فكرة التاج بجد بتعرفنا علي المدونين
بس الصراحه زااااااايده وانا بجد اعدت اضحك كتير
جزاكم الله خير

فشكووول يقول...

الله يحظك يا محمد يا كمال
انت يا بنى عايز تاخد المدونه لحسابك
يا عم التعليقات مفتوحه لحد مليون تعليق
بس التعليق الواحد بعد المليون تغرم 25 قرش

انا حذرتك والحسابه ح تحسب والعداد حيعد
تحياتى

مهرة سالم يقول...

السلام عليكم..
إزيك يا كيمو...
بجد تلك القاهره من أجمل ماقرأت لك...
.......
والإجابات لو كانت من غير إسمك وفي مدونه تانيه ..ومنشوره بالجريده..
علــــى طول حقول ده كلام كيمو...
...
دمت بخير