الأحد، ١٦ مارس ٢٠٠٨

انتهى العالم يا امى


بجد عمرى ما جبت هديه عيد ام لامى لكن فى تلك الايام كنت قد اقرر ان اعطيها هديه لكن منين فالحال ليس معى فقط بل مع كل مواطن على ارض المحروسه بهذا المعنى اود ان اقول ان هديه عيد الام فى تلك السنه ستكون رغيف عيش وستكون هديه فى منتهى الجمال وستسعد بها كل ام مصريه تحيا على تلك الارض الخمريه اللون وياه بالدنيا اذ جئت اليها بكيلو سكر ستكون هناك من يوزع الشربات فرحا بالهديه القيمه التى منذ سنوات لاتقدر بشىء لكنها فى تلك السنه تقدر بالذهب الاحمر عيار 45 سترى فرحه على وجه الوالده لم تراه من قبل والخيار الثالث زجاجه زيت من زيت التموين الذى يجلب الامراض لكن فى ظروفنا هذه فانها ليست بهديه عاديه انما هى كانك سرقت اليها احدى الاهرامات وجئت بها اليها وسترى الدموع تنهار اليها من شده السعاده وبامنه هحسدك انا شخصيا على هذا بجد سامحينى يا امى فانا لاملك فى هذه الدنيا سوى عطفك على عيد امى هذه السنه ليس بالسعيد ككل عام فانظر الى حاله الركود العام المسيطر على الدوله فى الوقت ذاته ترى كميه الكليبات ومشاهد البورنو موجوده على كل تلفاز وداخل كل منزل وياه على سيطره القدر على الموضوع فى حد ذاته سترى انك ليس لك حق فى الحياه فقد لا اقدر ان اقول غير كلمه واحده


انتهى العالم

هناك ٤٢ تعليقًا:

قلوب بتغنى يقول...

صباحو يا محمد
اخباراتك
شوف يا سيدى انا كمان مش متعوده اجيب لامى اى حاجه
لظروف اقتصاديه بحته
بس عارف انك بالبوست ده بتكشف عن حزن الالاف ده ان مكنش ملايين الامهات والاطفال الى مفتقدين لطعم نقطة الميه النضيفه مش بس اللحظات الحلوه
القهر والجوع نسانا لحظات ومش بقول ايام ولا ساعات بس لحظات حلوه
اى عيد تحتفل به الام وابنائها اذا كانت عاجزه عن توفير لقمة عيش تسد بيها جوعهم
وكيف يشعر القلب اذا كانت المعده تعوى
اشطات

صاحب المضيفة يقول...

صباحو عيد يا عم محمد

دول يبقوا شوية هدايا انما ايه بقى

حاجه كده ولا هدايا دودي الفايد لديانا



ربنا يسعدك ويقدرك تجيب لست الحبايب كل حاجه حلوة



سلام يا صاحبي

HeBa يقول...

محمد

كل سنة وكل أم مصرية بخير

أنا شايفة أنك تلحق تجيب ازازة الزيت السنة دي لأن السنة الجاية الموضوع ده هيبقى صعب أوي

ويمكن ما تعرفش تجيب لوالدتك غير رغيف عيش زي ما قلت

تحياتي

Unknown يقول...

هاقولك اية

اللة يرحمك يا جدتى

كانت الستات ستات

سمنة بلدى

وحاجة عال العال

بسمه عبدالباسط يقول...

يا سيدى ريح نفسك وما تجيبش حاجة قول لها كل سنه وانتى طيبة وخلاص

تحياتى لكى

صوت من مصر يقول...

قلوب دى نظريه صعبه مش عليه لوحدى دى على جيل كامل
.................................
صاحب المضيفه
يا صديقى انسى الايام الحلوه
..............................
هبه
معيش اجيب لها ازازه الزيت تخيلى
............................
واحد مش فاهم حاجه
ياعم الست ستات راحت عليها وبقت ب 22 جنيه هتجيبها هديه
.....................
بوسبوس
بس مش حرام يا بوسبوس

سارة درويش يقول...

عارف يا محمد انا كنت بجيب لماما هدية كل سنة هدية عبيطة خالص ، بس ماما كانت بتفرح بيها اوى ، ولما كبرت وحالتى الاقتصادية اتقندلت خالص .. بقيت اعمل لماما اى هدية بايدى .. كارت اى حاجة .. وكل سنة ماما كانت تقولى انا مش عايزة الهدية دى انا عايزاكى تنجحى

والحمد لله السنة دى جبت لمام هديتها 2 امتياز و 3 جيد وواحدة مقبول ..

سمراء يقول...

اعتقد أن كل ام في مصرنا العزيزة هي تحتاج الى اشعارها بالاهتمام والحب والمساندة فهي تكبدت الكثير من المتاعب الاقتصادية والانسانية كونها امراة لاسعاد ابنائها
بالمناسبة انا كمان مش هقدر اجيب لها هدية لنفس الاسباب الاقتصادية بعد ان مررت على طبيب الاسنان وكذلك اضطررت لتصليح السيارة في هذا الشهر
سأحاول ان ارسم بسمة على شفتيها في هذا اليوم عندما اشعرها اني اقدر معاناتها من اجلى
كل عام وكل ام بخير وسلام وسعادة
وتبقي لنا دعواتها بأزالة الغمة التي نمر بها
سمراء

صوت من مصر يقول...

ساروره
ايه الافتره ده دى هديه جامده جدا يا بنتى عموما الف مبروك
;;;;;;;;;;;;;;;;;;;;;;;;;
سمراء
بجد من غير حسد عربيه ؟
انتى ايه جايه تغظينى ولا ايه

مدحت محمد يقول...

انا والله مش عارف اجبلها هدية
برضه
بس انا دايما بيبقى الهدية خمار
الموضوع اللى انت اتكلمت عنه بجد يسد النفس
اوى
وميحسسش بأى عيد
وبجد فعلا
انا حاسس انى دى كلها علامات يوم قيامة
تحياتى

Desert cat يقول...

مش للدرجة دى يا محمد
يعنى متقدرش حتى تجيب لها وردة تديها لها
احنا حالنا زى الزفت والحمد لله
بس اعتقد هى مش مستنية مننا غير انها تشوفنا كويسين على الاقل قدامها
انت يوم عيد الام الصبح تروح تجيب لها وردة او اى حاجه وتبوس ايديها وتقولها كل سنة وانتى احن قلب فى العالم يا ست الحبايب
كل سنة ومامتك ومامتى وكل الامهات بالف خير

د/اجدع بنوته يقول...

انا قولتلها ماما

تحبى اجبلك ايه ف عيد الام

قالتلى معاكى كام

قلتلها 23 جنيه

حطى بيهم صفيحة بنزين مره للعربيه

ههههههههههههههههههههههههههه

ودمتم

سنووايت يقول...

:(
مش عارفة اقول ايه
هو ما انتهاش بس هو بينتهي واحنا بننتهي معاه

صوت من مصر يقول...

مدحت محمد
بجد تعيش وتجيب لست الحبايب هديه تليق بماقمها لكن فى الظروف دى صعب على ما اظن
;;;;;;;;;;;;;;;;;;;;;;;
قطه الصحراء
للاسف انى امى مش بتاعت ورد ولا مشاعر لانها ست مصريه جدا ست بيت يعنى من بتوع زمان فعلا ؟
;;;;;;;;;;;;;;;;;;;;;;;;;
د اجدع بنوته
بجد يا بختك عندك عربيه بس برضه عندك مشكله مع البنزين الله يكون فى عونك ومامتك بصراحه واعيه للمساله ؟
;;;;;;;;;;;;;;;;;;;;;;;
سنو وايت
بجد ده احساسى انا كمان لكن مسير يجى يوم ويتعدل حالها

فرنسا هانم يقول...

وياااااااااااه لو عملت حركه جدعنه بربع كيلو عدس
ياااااااااااااسلام
عدس
اكل الاغنياء
كل عام وكل ام بخير

صحفية روشة يقول...

كلمتين انما فى العضل تمام
موضوع تمام
واعتقد اننا ممكن نوصل للمرحلة دى
تبقى ازازة الزيت من غلو الدهب

dina يقول...

ايوة زى ما قلت كدا رغيف العيش اهم و احلى هدية ممكن تجيبها لحد...دا انت لو بتحب واحد روح هاتلها رغيف عيش و كلمتيين حلويين حتتجوزوا على طول

سمعت انت عن الراجل اللى بلغ البوليس عشان "اتسرق" منه باتنيين جنية عيش

الله يصبرك يا امى يا مصر عاللى عامليين فيكى كدا..اما نشوف حيجيبولها ايه فى عيد الام؟

walaa يقول...

كل سنه وكل ام طيبه فعلا حال البلد والغلاء اللى الناس فيه بقت حاجه صعبه جدا
فعلا احلى هديه لكل ام ان انها تعيش حياه كريمه ويتوفر العيش الناس بقت بتحارب كل يوم الصبح علشان خاطر العيش
واحلى هديه فعلا اللى هى تشوف عليها احسن ناس
وبيقدروا قيمتها فى الحياه
ولاء

موناليزا يقول...

مش هعلق على فكرة فى جو السجاير والدخان اللى مغرق المدونة كده هنتخنق
خلى اللى بيشرب سجاير او حشيش يطفيهم عشان نتكلم فى جو صحى
بس قبل مامشى عايزة اقوللك حاجة يلا واهو كله بثوابه لو بطلت سجاير اكيد هتوفر وهتعرف تجيب على الاقل كيس مكرونة وممكن كمان تجيب عيش فينو

كلمتى يقول...

السلام عليكم
دى اول مره ازور فيها مدونتك
بس بجد جميله
اما بمناسبة عيد ست الحبايب
فاانا بعمل بنصيحة اغنيتها المشهوره
( اجيب منين عمر يكفى والاقى فين اغلى هديه )
فكده كده مش تقدر توفى جمايلها
ولا هتلاقى الهديه المناسبه
فخدها من قاصرها وعبرلها بحبك ليها
واعملها فى اليوم ده حاجه بتحبها
وكفايه انك تحسسها انك مقدر اللى عملته عشانك
تحياتى

alshared يقول...

أنتا صح
بس تخيل معايا لو الهديه أننا ننزل الاسعار ونعمل وقفه زي بتاعة سنه 77

تخيل لو الاقتصاد المصري بقي بيخدم المصريين مش بيخدم ولادال.. أسف يا محمد

طيب

تخيل لو هدية عيد الام أنك تأخد والدتك وتروحوا تصلوا في القدس وترجعوا

تخيل لو مفيش حدود وكان الكوبري اللي الريس رفضه اتعمل مش كنت أخدتها ورحتوا تزوروا قبر النبي

تخيل
وتخيل
وتخيل
أحنا ممكن نعمل ايه وأيه اللي معطلنا

تخيل ان هديتك لأمك هيا الجنه


تحياتي يا محمد

doda يقول...

طبعا قبل اى حاجة

كل سنة ومامتى طيبة وامهات العالم كلهم طيبين

وبعدين العالم انتهى فعلا انا احيانا كتير بحس من اللى بيحصل حوالينا وفى العالم كمان ان العالم انتهى والقيامة هتقوم قريب
بس للاسف لسة محمد المهدى مظهرش والا المسيخ الدجال ظهر وكمان لسة الحضارات ما اتدمرتش
بس انا بعتقد انهاا فى بداية التدمير اهوة
الدنيا معادش فيها خير

بس بقا مش لما تدخل على مامتك بكيلو سكر والا ازازة زيت والا رغيف عيش تبقى هدية ام يعنى
والا هتزغرت من الفرحة والا حاجة


انا اعتقد انها هتقولك


يا حبيبى يا ابنى
هههههههههههههه

ربنا يستر ويحفظ مصر
والله الواحد خايف
بس هنعمل اية بقا

صوت من مصر يقول...

فرنسا هانم
بجد ساعتها امى هترع بالزعروته وكده هتفضحنا والجيرا يتلموا علينا عشان العدس
;;;;;;;;;;;;;;;;;;;;;;
صحفيه روشه
بجد اشاده قويه منك لكن لانغفر حق موضوعك الهايل ثوره الجياع
;;;;;;;;;;;;;;;;;;;;;;;;;
dina
بجد انا لو ماشى واتسرق منى رغيف مش هعمل محضر انا هولع فى الشارع من اوله لاخره بصراحه ده رغيف عيش ؟
;;;;;;;;;;;;;;;;;;;;;;;
ولاء
مش عارف اقولك ايه بس انازى اى مواطن مصرى صالح سورى قصدى فاشل عشان الحكومه متزعلش امى برضه ام مصريه بحته مبتكلش بالكلام
;l;;;;;;;;;;;;;;;;;;;;;
مونليزا
بجد هقولك على حاجه كل انسان حر فى نفسه مش عشان عمرو خالد قال ان السجاير هتضمر صحتى خلاص هسمع كلامه طول عمرنا بنسمع الكلام ده بس دى حياتنا ومش بنضر حد عموما متخفيش المدونه مكيفه وعامل فيها ركن خاص لغير المدخنين ؟
;;;;;;;;;;;;;;;;;;;
كلمتى
بجد شكرا لزيارتك بس زى ما قولت ان امى ست مصريه بحته فلازم تقولى فين الهديه مع انها عارفه الظروف وبرضه مبتكلش بالكلام
;;;;;;;;;;;;;;;;;;;;
الشارد
صح كلامك فعلا جوه المضمون بس عموما ياريت اقدر بس مش لوحدى لو الناس كلها بتقرا البلوج ساعتها اقدر اقول انى ممكن اعمل مظاهره وهيكون ورايا الشارد وكل المدونين ؟
ولا ايه
;;;;;;;;;;;;;;;;;;;;;
doda
مش عارف ارد واقول ايه بس انا عمرى طبعا ما هدخل على امى بازازه زيت او حتى ربع كيلو سكر لكن الظروف بتضر انك تعمل كده

قلوب بتغنى يقول...

صباحو يا محمد
عامل ايه
عارف انت لازم تدينى الميل علشان اعرف اسال عليك
صباحو عسل

همس الاحباب يقول...

كل سنة وكل امهاتنا بصحة وخير وسعادة
مش مهم الهدية المهم انها تحس بحبك وبرك بيها
ده اغلى هدية عندها لاننا لو تكلمنا على الهدايا بغض النظر عن الحالة الاقتصادية عمرك ما تجيب هدية تؤدى حق الام عليك ولو بكنوز العالم كله
كفايه تقولها كل سنة وانتى طيبة يا مى
تحياتى خالد

محاولة لكسر الصمت يقول...

ياااااه..ألف شكر يا صوت من مصر...والله كنت محتارة أجيب ايه هدية..بس انت حليتهالي

صوت من مصر يقول...

قلوب
صباح الخير
عموما انا كتبتلك الميل بتاعى عندك فى التعليق ارجو بعد اخذه خذفه والنبى عشان المعاكسات وكده
ههههههههههههههههههههه
;;;;;;;;;;;;;;;;;;;;;
همس الاحباب
بص ياعم خالد انا هقولك زى ما قولت لكل الناس الموضوع ده مش عشان عيد ام لانى مجبش هديه فعلا لكن لو بصيت هتلاقى الموضوع فى حد ذاته عن ارتفاع الاسعار
;;;;;;;;;;;;;;;;;;;;;;;;;;;;
دواير
اخترتى ولا ايه دول تلت اصناف اوعى تحتارى
على فكره اسمى محمد كمال
؟

عبده الرايق يقول...

انا مع ازازه الزيت
وهى هديه صفراء
زى الدهب الاصفر
الى الامام يامان

مصر اللى مشفتهاش يقول...

يعنى هو لما حضرتك تجيبلها ازازة زيت هتعمل بيها أكل ليها لوحدها..!!
ولا رغيف العيش هتاكله وانت تتفرج عليها..!!
ما اكيد هتأكلك معاها وكده هيكون هدية ليك مش ليها..:)
عامة أفضل السنة ديه تستكفى بإنك تقولها كل سنة وانتى أحلى ام فى الدنيا.. وان شاء الله السنة الجاية تشوفى ابنك أغنى الاغنياء ويجيبلك بدل الرغيف فرن..

رحــــيـل يقول...

طيب تفتكر السنه الجايه الوضع هيكون ازاى؟

نفس اللى احنا عليه الوقتى؟ ولا هيتغير

والهديه السنه الجايه هتكون ايه؟

انا اعتقد انه لو ظل الوضع زى ماحنا هيلغوا جميع الاعياد خالص تماشيا مع الظروف

تحياتى

حنة يقول...

طبعا انت مش محتاج اقول لك انت بتتلكك يا محمد
ممكن تجيب لماما موبايل واحنا برضه في عصر ثورة الاتصالات
او دش ، واحنا في عصر الفضائيات وهي بتحب بانوراما دراما هتسيب علامة في بيتك
لكن لو ماجبتش هدية ... هتسيب علامة ف وشك
lol

موناليزا يقول...

معذرة ولكن مادخل عمرو خالد بتعليقى؟

صوت من مصر يقول...

عبده الرايق
اكيد تعليقك رايق زيك يا جميل
;;;;;;;;;;;;;;;;;;;
مصر الى مشوفتهاش
ياعمنا هو انتا هتبصلى فى الازازه والرغيف ولا ايه ياعم امى مش بتطبخ احنا عايشين دليفرى من عند سيد تلوث
;;;;;;;;;;;;;;;;;;;;;;;;
رحيل
السنه الى جايه
هيكون عيد الام يوم 1/1 يعنى عشان منللحقش حتى نحوش والهديه هتكون هواء فى كيس فاضى ؟
ومعناها شويه حريه
;;;;;;;;;;;;;;;;;;;;;;;;;;;
حنه
ياستى ماما معاها موبايل الله يرحمه كان بتاعى وربنا يباركلنا فى جوز حضرتك احمد نصر الى اهدانى الموبايل التحفه الى معايه وتانى حاجه لو على الدش خلى ماما تقعد معانا وانا هشغلها وصله الدش على قناه بانوراما الدراما 24 ساعه اوك
وماما مش بتزعل انى مش بجيب هديه
;;;;;;;;;;;;;;;;;;;;;;;;;;;
موناليزا
على ما اظن ان عمرو خالد هو صاحب حمله حياه بلا تدخين ولا ايه

كاميليا بهاء الدين يقول...

لكن فى تلك الايام كنت قد اقرر ان اعطيها هديه لكن منين فالحال ليس معى فقط بل مع كل مواطن على ارض المحروسه بهذا المعنى اود ان اقول ان هديه عيد الام فى تلك السنه ستكون رغيف عيش
........

وش حزين اوى
على حال مصر

ربنا يسعدك ويحقق آمالك
وتجيب لوالدتك هدية حلوة اوي
تذكرة لزيارة بيت الله
وآداء فريضة الحح معها
إن شاء الله

يارب

كاميليا

ابو العربى يقول...

بس كده خطر عليك وطبعا ماما مش هترضى تعرض حياتك للخطر مجرد الحصول على رغيف عيش خطر جداا

تحياتى ودى مش نهايه العالم دى نهايه حاجه اسمها نظام فاشل وبدايه ثوره

محاولة لكسر الصمت يقول...

ولا حيرة ولا حاجة يا أخ محمد...لا عيش ولا زيت أنا اتخذت قراراي...كل سنة وانتي طيبة يا ست الكل .بوسة صغنطوطة...وتمام التمام....يعني مش مكلفة..ولا ايه؟؟

Heart Beat يقول...

عزيزي

كل عيد ام و انت طيب

اي ام مصرية هاتفرح بالهدايا اللي انت قلت عليها دي لانها بقت صعبة اوي انها تلاقيها

بقت فعلا تنفع هدايا نهادي بيها بعض ... تعرف زمان في الارياف كنت اعرف انهم بيهادوا بعض بزجاجة الزيت او شوية رز او صابون او بيض او دقيق

يعني الزمن بيرجع بينا لورا لاكتر من خمسين سنة يمكن

ربنا يستر من اللي جاي

صوت من مصر يقول...

كامليا
من بوقك لباب السما
بس انتى مش حاسه انى لازم اكون حزين
;;;;;;;;;;;;;;;;;;;;;;;;;;;;;;;;;;;;;;;;;
ضد الظلم
على فكره ابو العربى من المدونات الى دخلتها وعموما انت لسه عندك امل ان الناس دى هتسيب حكم البلد
;;;;;;;;;;;;;;;;;;;;;;;;
دواير
هقولك على حاجه الفقر ملازمنه جدا بجد والله حتى البوسه بقت صعبه
;;;;;;;;;;;;;;;;;;;;;;;
Heart Beat
شكرا لتواجدك بس فعلا فى الفلاحين لغايه الان بيتعملوا باهداء الاقارب فراخ وزيت وسكر ومش عيب احنا هننسى اصلنا ولا ايه

Unknown يقول...

الهدية مش لازم تكون شئ ملموس بالذات مع شخص قريب من القلب و النفس زى الأم بالعكس كل لما كان الشخص قريب من ك كاتر كل ما همه حبك ليه اكتر

كل سنة و انت طيب

------------------------

أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء

oceaneyes يقول...

يا محمد مش مهم ابدا هاتجيبلها ايه

عارف انت لو رحت اترميت فى حضنها وقلتلها بحبك يا ماما ..دى هاتبقى احلى واغلى هدية ممكن تقدمهالها

عارف كدة ولا لا !!؟


عموما ربنا يخليلك الوالدة يارب ويخليك ليها



تحياتى

:)

امواج يقول...

معاك فى كلامك
بس اعتقد لو على الام فورده من ابنها ممكن تسعدها
الورده مش غليه
ومش هتكلف كتير حتى لو قطفتها من شره


مدونتك جميله

Rania Lelah يقول...

كل سنه و كل ام بخير يا رب
و بالنسبة للهدية فزى ما قالت هبه
الحق اتصرف السنه دى
اة اكيد انا اتاخرت و اكيد انت اتصرفت
:))


مودتى