الأحد، ٩ مارس ٢٠٠٨

ربنا معاكم فى الكرامه


الحياه حلوه جدا انا قولت الجو بيفكرنى باشياء كتير افتكرت من يومين ان اوزل بنت اتعرفت عليها كان فى نفس التوقيت كانت اكبر منى وانا كنت لسه فى 2 اعدادى انا عارف ان فى ناس هتضحك بس كان مش زنبى هى الى كانت بتمشى معايه بس كانت موزه بصراحه

المهم انا جاى احكى عن شىء اسمه الكرامه مين فينا عنده كرامه او حاجه زيها مفيش فضلت ادور ملقتش حد نهائى ليه دور كده على الناس هتلاقى اننا الايام دى فرن العيش يعتبر فى شارعنا تخيلوا انى بشوف عربيه سرقه الدقيق يوميا وكرامتى متخدونيش عشان اتكلم والناس ماشيه عادى احمد عز ربنا كرمه بقرشين سيادته عمل بحكمه قارون ان المال وحده لا يكفى فقرر ان يمتلك السلطه وقعد عملها خيار وكوسه حد مصرى هنا يقدر يقولى كرامته فين او هو ساكت ليه على الظلم بجد احنا اصبحنا شعب نخاف منختشيش وبصراحه الحكومه ربنا يكرمها مدعمه الحشيش عشان الناس تنسى النص صباع بقى ب 40 جنيه بس يعنى اقول ايه اربعين جنيه دلوقتى متجبش كيلو لحمه يبقى الحشيش اوفر ربنا يخليلنا الحكومه وطبعا انا احب اشكر جدو على الى عنده خروف وجنينه مليانه نجيله بجد انا حاسس انى البلد بقت كلها فيها انطباع البلاهه يعنى كل واحد بيقولك وانا مالى انا عندى عيال بجد ربنا يخليلك عيالكوتقدر تخليهم كده ماشين جنب الحيط مستنين الحيط يقع عليهم

بالنسبه للصوره اهداء لفرنسا هانم عشان تعرفى ان الجنيه ليه قيمته ؟

هناك ١٤ تعليقًا:

د/اجدع بنوته يقول...

مش بحسها كرامه

ع قد مبحسها نخوووه

اصل مش حاجه تجرح كرامتك لما يسرقوا عربية الدقيق

بس حاجه تدل ان مفيش نخوه

مفيش دم حامى

مفيش شجاعه مفيش غيره ع مصلحة البلد

مفيش ومن راى منكم منكرا فليغيره

ع راى دكتور عندنا

شكلهم بيحطولنا مخدرات طويلة الاجل ف الميه

لووووول

None يقول...

مشوار صغير لحد سينا
الساحل الشمالى

ترجع بالحشيش وعليه كمان حشيش هديه

الحشيش قرب يبقى ببلاش
والناس مش واخده بالها

هيا كرامتنا دى اللى موديانا ورا


بجد احنا شعب بيحب يطاطى

بس دى ثقافه
واكيد فى يوم هتتغير

وربك يسهلها

وسلااااام

الـسـيـدة نـون يقول...

اممممممممممممممممممممممممم
انا بجيلك دايما وبزورك واشوف انت كاتب ايه
لكن كل مرة مش بلاقى تعليق مناسب
والنهاردة برضه مش لاقية تعليق مناسب
سلام
اختك خيخة

walaa يقول...

فعلا والله الناس بقيت عندها صمت غييير عادى
واللى يغظك يبقى راجل كبيير ويقولك واحنا هنعمل ايه يعنى
لالالالا
هنعمل كتييير قوى بس ميين يتحرك ويحركنا معاه
تحياتى ولاء

موناليزا يقول...

الموضوع مش كرامة على قد ماهو فتور ولان الروتين لديه قدرة خارقة انه ينسيك انت كنت جاى تشتكى من ايه اصلا فاكيد الناس بتقول مش طالبة حد يزهقنى كفاية اللى انا فيه

AHMED SAMIR يقول...

الكرامة ضاعت زي ماحاجات كتير قوي جميلة ضاعت وبتضيع
تحياتي

صاحب المضيفة يقول...

جيت على الوجيعة يا حماده

ربنا يعيننا ونعرف نرجع كرامتنا المفقودة كل دقيقة دي



تحياتي يا كبير

صوت من مصر يقول...

د اجدع بنوته
كلامك صح بس كلمه كرامه ليها اكتر من معنى وفى نظرى هى مش بالكلمه ؟
وانا بحب الميه جدا ؟
;;;;;;;;;;;;;;;;;;;;;;
فنان جولوجى
يا وات يا مصطفى الكلام ده لمين اوعى تفكر تلعب معايه ؟
;;;;;;;;;;;;;;;;;;;;;;
بنت خيخه
نوران بجد يكفينى دخولك ده فى حد ذاته شرف عظيم ودى مدونتك زى ما هى مدونتى ؟
;;;;;;;;;;;;;;;;;;;;;;;;;
ولاء
انا مستعد اتحرك على اساس انى مجنون زى ما الناس بتقول بس مفيش حد هيمشى ورايا ؟
;;;;;;;;;;;;;;;;;;;;
موناليزا
بجد انا لازم اشكى ولا هسيب حالى كده ؟
;;;;;;;;;;;;;;;;;;;;;;;
احمد سمير
لسه فى امل لاتفقده ؟
;;;;;;;;;;;;;;;;;;;;;
صاحب المضيفه
بلاش كلمه حماده والنبى وبعدين نفسى اقولك حاجه من زمان انا بقيت اقعد على قهوه اسمها المضيفه
لو مش صحبى مكنتش قولتها ؟

صريح أوي يقول...

ربنا معاهم
أكيد النصر للشرفاء بس احنا نساعدهم
كده ولالالالاايه

قلوب بتغنى يقول...

صباحو يا محمد
اخبارك وحشتنى
يااااااااراجل نص صباع الحشيش بقى ب40 جنيه
وده يعمل كام سجاره وكام سمسون يا جدع
لالالا
ده يظهر مصر اتغيرت صحيح
ده كان الربع بيعمل اربع سجاير وسمسونين
يظهر انى مش عايشه فى البلد دى
كنت بتتكلم عن ايه تانى
اه
حاجه اسمها الكرامه
هى ايه دى موجود منها فمصر صحيح
اشطات

سنووايت يقول...

الشعب المصري عنده صبر وقوة تحمل يؤمن بأنه مسير وليس مخير يعني مستنين رياح التغيير تهب علينا من فوق او من تحت علشان تحركنا ..
توقعاتي ان الرياح في طريقها وانها قربت اوي بس لازم الشعب يستوي علي الاخر بس ربنا يستر والرياح توصل قبل ما يتحرق

رفقة عمر يقول...

ممكن سؤال برئ
حضرتك عرفت سعر الحشيش منين
:)

Desert cat يقول...

المشكلة اننا اتعودنا على وجود قائد
محدش يقدر يتحرك من نفسه
كل واحد يقولك اشمعنا انا انا عايز اربى عيالى
ما الكل عايش فى نفس ظروفى وساكت هو انا اللى هعدل الكون
مع انه لو اتكلم لما ينظلم اللى ظلمه هيخاف بعد كدا
لو اتكلم لما موظف يعطله مصلحته علشان يدفع رشوة ... الموظف ده مش هيعمل كدا تانى
محتاجين القائد بس هو فين
اييييييييييه
الله يرحمك يا مصطفى يا ابو كامل

صوت من مصر يقول...

صريح قوى
هو الدعاء لمين ؟
;;;;;;;;;;;;;;;;;;;;;
قلوب بتغنى
لا يا بنتى نص الصباع بيعمل حوالى 5 خوابير وسجارتين حلوين ؟
والكرامه دى سمعت انها اتلغت من السوق ؟
;;;;;;;;;;;;;;;;;;;;;
سنو وايت
ارد واقولك ايه انت عندك امل جدا اكيد ولا ايه ؟
بامنه كده يارب زى مانتى ما قولتى ظ
;;;;;;;;;;;;;;;;;;;;;;;
رفقه عمر
بجد سؤال حلو جدا
بس الحشيش سعره معروف يعنى القرش بيعمل حوالى 70 جنيه بس طبعا الصباع احسن لانه بيبقى بخيره
وطبعا مفيش حد مصرى ميعرفش سعره ؟
;;;;;;;;;;;;;;;;;;;;;;;;
قطه الصحراء
بجد اتمنى ان مصر يكون ليها قائد حقيقى بس فعلا ليه سؤال بعد حسنى مبارك يتخلى عن الحكم وده لو حصل يعنى مين الى هيحكم مصر غير ابنه يعنى وطنى ولا اخوان ولا ولا ولا مين ؟
بجد نفسى اعرف